Beckham i zhgënjyer me humbjen e Anglisë

Mesfushori anglez David Beckham është shprehur i zhgënjyer pas humbjes prej 2-0 që pësoi Përfaqësuesja e tij në përballjen e të mërkurës mbrëma përballë kampionëve të Evropës, Spanjës.
“Ata vazhdimisht shkaktonin presion dhe vazhdimisht e kontrollonin topin. Lojtarët e tyre po ashtu pasojnë mirë”. “Ata shënuan dy gola të bukur. Goli i parë pati një përfundim të mirë, ndërsa i dyti erdhi nga gjuajtja e lirë, dhe mbi të gjitha mendoj se merituan. Sido që të jetë ne duhet të vazhdojmë tutje”. “Jemi të zhgënjyer që humbëm, megjithatë vazhdoj të jem i nderuar që përfaqësoj Anglinë”, ka thënë mesfushori i Milanit për ITV.