Federata Ndërkombëtare për Histori dhe Statistika të Futbollit, IFFHS, me qendër në Këln, ka publikuar renditjen e klubeve më të mira në botë për muajin janar.
Sipas kësaj renditjeje, vendin e parë e mbanë kampioni botëror në fuqi, Mançester Junajted, me 292 pikë, me 20 pikë më shumë se sa skuadra e vendit të dytë, Bajern Munih. Ndërkohë pozita e tretë i takon skuadrës spanjolle, Barcelona me 268 pikë. Nga klubet joevropiane skuadra më e suksesshme është ajo argjentinase, Boka Juniors, e cila zë pozitën e 5-të.

Renditja e IFFHS-s për muajin janar:
1.Mançester UTD 292 pikë
2.Bayern Munih 272
3.Barcelona 268
4.Liverpul 267
5.Boka Juniors 262
6.Çelzi 245
7.Estudiantes 230
8.Sao Paulo 223
9.Roma 222

Sulmuesi rus Andrei Arshavin raportohet se mё nё fund ka arritur tё nënshkruajё kontratё me topçinjtë e Londrёs, bёn tё ditur agjencia e lajmeve AFP.
Rusi, i cili do tё mbajё numrin 13, ka nënshkruar kontratё katërvjeçare me Arsenalin, e cila do ta mbajё atё nё Londёr deri nё vitin 2012, pёr njё shumё qё raportohet tё jetё rreth 12 milionё funte. Kjo shumё ёshtё dukshëm mё e vogël se ajo prej 20 milionё euro, sa besohet tё ketë kërkuar Zenit nga klubi anglez. Mё herët gjatё ditës nga Emirates erdhën informacione se negociatat kishin dёshtuar, por duket se marrëveshja ёshtё arritur nё minutat e fundit tё afatit kalimtar.

Anёsori portugez i Interit, Ricardo Quaresma, ka kaluar sot nё radhёt e Chelseat nё formё huazimi, pak para mbylljes sё afatit kalimtar dimëror.
Quaresma nuk arriti tё shkëlqejё me nerazurёt pas transferimit gjatё verёs sё kaluar, dhe Interi vendosi ta huazojё atё pёr tё rikthyer formёn e duhur. Portugezi ditё mё parё u la edhe jashtë pёrbёrjes sё 25 futbollistёve tё Interit qё do tё kenё tё drejtё tё luajnë nё Ligёn e Kampionёve. Njё opsion tjetër i Interit ishte qё ai tё shkëmbehet me Jermaine Jenas dhe tё kalojё nё Totenham, por nuk u arrit deri tek njё marrëveshje e tillё. Supozohet se Chelsea ka mundësi tё blejё portugezin nё fund tё sezonit, pёr njё shumё prej 15 milionё eurosh.

Trajneri i Manchester United, Sir Alex Ferguson, ёshtё ‘shpallur’ si ikona mё e madhe e kampionit tё Premierligёs, Manchester United.
Skocezi i ka mposhtur dy yjet e klubit, Eric Cantona dhe Roy Keane nё klasifikimin zyrtar tё revistës sё Djajve tё Kuq, “Inside United”. Klasifikimi ka pёrfshirё periudhën qё kur ёshtё krijuar Premierliga, nё vitin 1992, deri mё sot. Gjatё kësaj periudhe, nёn drejtimin e Ferguson, United ka fituar 10 tituj nё Angli si dhe Ligёn e Kampionёve sezonin e kaluar, ndërsa pёr momentin ekipi kryeson Premierligёn.

Everton ka arritur marrëveshje me Manchester Cityn pёr tё marrё shërbimet e sulmuesit brazilian Jo, si huazim deri nё fund tё sezonit.
21-vjeçari arriti nё City gjatё verёs sё kaluar nga CSKA Moska, pёr njё shumё prej 18 milionё eurosh. Megjithatё, Jo nuk arriti tё lёrё gjurmё nё Angli dhe ishte startues vetëm nё gjashtё ndeshje nё ligё, ndërsa tri golat e fundit pёr Cityn i shёnoi nё shtator. Trajneri i Evertonit, David Moise, kërkonte njё sulmues pёr tё njё periudhё tё shkurtër pёr shkak tё gjendjes sё vështirё financiare dhe pёr shkak tё lëndimeve nё klub dhe duket se Jo mund tё jetё zgjidhja e duhur.

Sulmuesi i Liverpoolit, Robbie Keane, është në rrugë për t’u rikthyer tek ish-klubi i tij Tottenham gjatë ditës së sotme.
Daily Mail shkruan se Tottenhami ka ofruar 15 milionë funte për Keane, të cilën Liverpooli e ka pranuar dhe pritet që sulmuesi irlandez të nënshkruajë sot për ish-klubin e tij.Vetëm gjashtë muaj pas transferimin në kahen e kundërt, për 20.3 milionë euro, sulmuesi u la jashtë ekipit të Liverpoolit në fitoren e djeshme 2-0 ndaj Chelseat në Anfield. Nëse transferon Keane-n, Tottenhami do të fitojë 5.3 milionë funte nga ky rikthim.

Sulmuesi brazilian, Adriano, thotë se ai është shumë falënderues për trajnerin e Interit, Jose Mourinho, për përkrahjen e tij.
“Ne kurrë nuk kemi pasur kundërthënie. Kemi biseduar dhe i kam pranuar gabimet e mia. Ai e ka kuptuar dhe më ka shpëtuar karrierën time”, ka thënë Adriano“Ne kemi një raport të shkëlqyeshëm pasi ai është një trajner i madh dhe i trajton të gjithë baras. Ai vërtetë është ‘Special’,”, ka shtuar braziliani.

Agjenti i Andrei Arshavin, Dennis Lacher, ka pohuar se negociatat me Arsenalin janë ndërprerë dhe futbollisti nuk do ta veshë fanellën e topçinjve.
Tifozët e Arsenalit gjatë gjithë afatit kalimtar shpresuan se më në fund do të kishte një përforcim serioz të ekipit, megjithatë kjo sërish nuk ka ndodhur.Arshavin mbrëmë ka udhëtuar në negociata përfundimtare me Arsenalin, por nuk ka gjetur gjuhë të përbashkët me drejtuesit e klubit.Besohet se drejtuesit e Arsenalit nuk i kanë pranuar kërkesat personale të Arshavin, pas të cilës ka dështuar edhe transferimi. Edhe vetë agjenti i Arshavin, Dennis Lachter, e ka pohuar për Times se negociatat kanë dështuar.

Liverpool raportohet se është duke bërë plane për të transferuar sulmuesin e Real Madridit, Javier Saviola.
Siç shkruan Daily Mail, të kuqtë do të tentojnë ta marrin sulmuesin argjentinas si huazim deri në fund të sezonit, para se ky afat transferimi të mbyllet sot.Saviola tashmë ka refuzuar një ofertë për të kaluar në Premierligë, saktësisht tek Portsmouth.

Menaxheri i Liverpooli, Rafa Benitez, është ndarë i kënaqur me paraqitjen e lojtarëve të tij, pas fitores së djeshme ndaj Chelseat.
Të kuqtë iu rikthyem fitoreve me dy gola të Fernando Torres, të cilët ishin edhe golat e parë të tij këtë sezon në Anfield.“Jam vërtet i kënaqur me lojtarët pasi e merituam fitoren. Kur luajtëm 11 kundër 11 ishim ekipi më i mirë dhe pastaj ata mbetën me 10 lojtarë, ne kishim më shumë kontroll dhe më shumë raste”, ka thënë Benietz për Liverpoolfc.tv.“Ne morëm atë që merituam. Ishim më të mirë se ata. Mendoj se ishte e rëndësishme për ekipin dhe po ashtu për Fernandon të shënojë. Ishte një fitore vendimtare, por çdo ndeshje është si kjo. Jemi në një pozitë të mirë dhe ka shumë për të bërë”, ka shtuar trajneri spanjoll.

Ekipi i Premierligës, Tottenhami, ka bërë një hap përpara për të marrë shërbimet e sulmuesit të Interit, Mario Balotelli.
Siç shkruan Daily Mail, Spurs në 24 orët e fundit kanë bërë kërkesë tek Interi rreth mundësisë për huazuar italianin deri në fund të sezonit.Trajneri Jose Mourinho ditë më parë kishte thënë se nuk dëshiron ta lejojë largimin e Balotellit, por edhe se ky i fundit ka nevojë për më shumë përvojë me qëllim që ta shohë veten në formacionin startues të nerazurëve.

Mesfushori italian, Andrea Pirlo, është i ngazëllyer pas fitores së mbrëmshme të Milanit ndaj Lazios.
“Ne jemi ende në garë, pavarësisht barazimit të së mërkurës. Duam ta arrijmë Interin me çdo çmim dhe e treguam këtë me paraqitjen e sotme”, ka thënë Pirlo pas përfundimit të ndeshjes.“Ne filluam pjesën e dytë me të njëjtin vrull dhe dëshiruam golin e dytë shpejt, dhe gjithçka shkoi mirë”, ka shtuar mesfushori italian.

LeBron James ka shënuar 33 pikë në ndeshjen të cilën Cleveland Cavaliers e fitoi me rezultat 90-80 në udhëtim ndaj rivalit të Divizionit të Qendrës, Detroit Pistons.
Mo Williams shënoi 22 pikë për Cleveland (37 fitore, 9 humbje), që kishte katër humbje radhazi në Detroit. Allen Iverson udhëhoqi për vendasit me 22 pikë, derisa Richard Hamilton shënoi 16 pikë. Humbja ishte e katërta në radhë në shtëpi për Detoit Pistons, e para në tetë vitet e fundit. Detroit tash ka 25 fitore dhe 21 humbje këtë sezon.

Mesfushori kosovar, Valon Behrami, i cili aktivizohet në Premierligë tek West Ham United, ia ka atribuuar rikthimin pozitiv të formës së ekipit trajnerit Gianfranco Zola.
“Të gjithë po luftojmë së bashku për t’u përmirësuar çdo ditë, dhe ky është sekreti ynë”, ka thënë Behrami, i cili aktivizohet për kombëtaren e Zvicrës.“Kur kemi humbur katër ndeshje radhazi, menaxheri ishte gjithmonë pozitiv, duke qeshur me ekipin, andaj kur shkonim në stërvitje kënaqeshim duke punuar edhe më shumë. Kjo ju bën edhe më të fortë dhe tash vetëm duhet të vazhdojmë të përmirësohemi”, ka shtuar Behrami.

Përfaqësuesja e Francës në hendboll është kampione e re e botës. Në përballjen finale në palestrën sportive në Zagreb, Franca mundi Kroacinë me rezultat 24-19.
Për Kroacinë kjo ishte disfata e parë në Botërorin e hendbollit, ndërsa me këtë fitore, francezët u hakmorën për disfatën në fazën e dytë, në grupe. Mbrojtja e fortë e Francës ishte vendosëse në këtë përballje, pasi kroatët më shumë se 10 minuta, në pjesën e dytë, nuk arritën të shënojnë gol. Gigu me 10 gola u dallua te përfaqësuesja e Francës, ndërsa te vendasit më i spikatur ishte Çupiç me 6 gola. Në përballjen për pozitën e tretë Polonia mundi Danimarkën me rezultat 31-23. Maqedoni ditë më parë, në paraqitjen e saj të dytë në Botërorin e hendbollit, me fitore ndaj Koresë së Jugut, u ndal në pozitën e 11-të.

Milan shenon fitore te thelle ne ndeshjen me Lazion. Tre gola te shenuar nga Alexandre Pato ne minuten e 42, Massimo Ambrosini 48' dhe Kaka ne minuten 83' vendosen rezultatin perfundimtare te ndeshjes. Ja golat ...
Milan tash mbledh 44 pikё, gjashtё mё pak se Interi dhe njё mё shumё se Juventusi, qё pas humbjes sё djeshme ndaj Cagliarit, zbret nё pozitën e tretё. Milani tani rradhitet i dyti ne tabele.