Mesfusha shqiptare në krizë

Dy mesfushorët e Kombëtares shqiptare, Ervin Skela dhe Altin Lala, janë të dyshimtë për ndeshjen kualifikuese kundër Danimarkës, njofton "Top Channel".
Skela ka zhvilluar stërvitje individuale për shkak të një lëndimi të lehtë, ndërsa edhe kapiteni Lala është dëmtuar dhe është në dyshim që të zbresë në fushë në takimin e të mërkurës mbrëma. Duke pasur parasysh edhe mungesën e Lorik Canës, mesfusha e Përfaqësueses kuqezi do të jetë reparti më problematik, kur kihet parasysh se trajneri Arie Haan preferon të luajë me vetëm një sulmues dhe pesë mesfushorë.

Lexo më shumë

Laporta: Valdes është portieri më i mirë në botë

Presidenti i Barcelonës, Joan Laporta, ka bërë një deklaratë tepër ambicioze duke e quajtur Victor Valdesin "portieri më i mirë në botë".
“Valdes është portieri më i mirë në botë dhe ai do të marrë atë pagë që e meriton. Unë mendoj se ai dëshiron të vazhdojë të luajë për Barcelonën dhe ne do të jemi të sinqertë kur do ta caktojmë pagën të cilën e meriton dhe mendoj se do të arrijmë një marrëveshje”, është cituar Laporta nga “Marca”. Për më shumë Laporta ka shprehur dëshirën e tij që ta sjellë në Camp Nou yllin e Arsenalit, Cesc Fabregas. “Do të më pëlqente shumë që Fabregas ta vesh fanellën e Barcelonës, megjithatë i mbetet trajnerit që të vendosë nëse i duhet një lojtar si ai apo jo”, ka shtuar presidenti i Blaugranëve.

Lexo më shumë

Vetëm Berisha në sulm

Trajneri i Përfaqësueses shqiptare, Arie Haan do të luajë ndaj Danimarkës, me të njëjtën skemë si edhe ndaj Hungarisë në Tiranë, njofton "Sporti Shqiptar".
Do të jetë vetëm një sulmues i vetëm, Besart Berisha, në vijën e parë të formacionit kuqezi, që do të ndihmohet nga Skela, organizator dhe goditës i portës nga pas, nga vija e gjashtëmbëdhjetëmetërshit, ndërkohë që nga krahët, krosimet dhe depërtimet drejt qendrës së mbrojtjes daneze do të jenë në këmbët e Gilman Likes dhe të Klodian Duros. Në mesfushë shtohet Ervin Bulku, që së bashku me Lalën do të kenë si qëllim prishjen e manovrës sulmuese të vendasve që në startin e tyre. Kësisoj, del “jashtë loje” Hamdi Salihi, që luajti si titullar të shtunën e kaluar në “Qemal Stafa”. Mbrojtja do të përbëhet sërish me katër lojtarë, ku vendin e Canës, së pezulluar për arsye kartonësh, në qendër të prapavijës kuqezi, krah Currit, do ta zërë Armend Dallku. Ky i fundit e ka kërkuar vetë këtë pozicion, me premtimin se aty jep më të mirën. Nga krahët, në të djathtë, do vijojë të luajë Elvin Beqiri, ndërsa në të majtë, Ansi Agolli. Porta e kombëtares shqiptare do t’i besohet sërish Isli Hidit. Grupi duket i gatshëm dhe pa probleme për këtë ndeshje, me përjashtim të një dëmtimi që ka pësuar Ervin Skela. Vlonjati kuqezi është stërvitur vecmas dy ditët e fundit, por do të jetë gati për sfidën me danezët.

Lexo më shumë

Ancelotti: Do ta respektoj kontratën

Trajneri i Milanit, Carlo Ancelotti, u ka dhënë fund spekulimeve për një largim të mundshëm nga San Siro, duke pohuar se do t’i mbetet besnik skuadrës kuqezi.
Kohëve të fundit spekulohet se Ancelotti bën pjesë në planet e Real Madridit për sezonin e ri, mirëpo ish-trajneri i Juventusit ka mohuar largimin nga Milani. “Unë kam një marrëveshje deri në vitin 2010 dhe do ta respektoj atë”. “Qëllimi ynë është që të kualifikohemi në Ligën e Kampionëve dhe të kemi një sezon shumë më të mirë se ky që po shkon”, ka thënë Ancelotti për “Sky Sport Italia”.

Lexo më shumë

Ibrahimovic: Kthejani Scudettot Juventusit

Sulmuesi i Interit, Zlatan Ibrahimovic, kërkon nga autoritetet italiane që t’ia kthejnë Juventusit titujt të cilët iu morën si pasojë e skandalit Calciopoli.
Zonjës së Vjetër iu morën dy tituj kampionë të Italisë, si pasojë e skandalit të kurdisjes së ndeshjeve në vitin 2006. Ibrahimovic u largua nga Juventusi menjëherë pas dënimit që morën Bianconerët duke u zhvendosur në Serie B, megjithatë përkundër se luan për rivalët më të mëdhenj të Juves, suedezi pohon se Zonja e Vjetër i ka merituar ato dy Scudetto. “Buffoni ka të drejtë që kërkon kthimin e Scudettove dhe të njëjtën gjë do ta bëj edhe unë”. “Edhe pse luaj për Interin, me të drejtë them se ato Scudetto më takojnë mua dhe Juventusit. Ne kemi sakrifikuar shumë për t’i fituar ato. Nuk më intereson për gjërat tjera që ndodhën e as për Calciopolin, Juventusi i ka merituar ato trofe”, ka thënë Ibracadabra për revistën “GQ”.

Lexo më shumë

Iaquinta dhe Pepe nga minuta e parë

Menaxheri i përfaqësueses së Italisë, Marcello Lippi, i ka ndryshuar gjërat për ndeshjen e radhës kualifikuese për Kampionatin Botëror 2010 kundër Irlandës, e cila do të zhvillohet të mërkurën mbrëma në Bari.
Edhe pse Azzurët janë stërvitur me dyer të mbyllura dhe jashtë syrit të medias, Ansa.it njofton se trajneri italian ka bërë disa ndryshime në seancën e fundit stërvitore me qëllim që të krijojë huti te kundërshtari. I njëjti burim pohon se Simone Pepe dhe Vincenzo Iaquinta do të jenë startues, ndërsa do të mbështeten ose nga Giuseppe Rossi ose nga Giampaolo Pazzini. Një tjetër dyshim është nëse do të luajë Matteo Brighi në vend të Angelo Palombos.

Lexo më shumë

Katër skuadra angleze kërkojnë Trezeguet

Edhe pse presidenti i Juventusit, Giovanni Cobolli Gigli, ka thënë se Bianconerët nuk janë kontaktuar nga Chelsea në për sulmuesin David Trezeguet, agjenti i francezit Antonio Caliendo ka deklaruar se e ardhmja e klientit të tij mund të jetë Kampionati anglez.
“‘Shkurorëzimi’ do t’u përshtatej të dyja palëve. David aktualisht është i përqendruar në garën për Scudetto, pasi që dëshiron që Juventusi ta arrijë Interin dhe nuk është duke menduar për asgjë tjetër”. “Megjithatë, Chelsea dhe tri skuadra tjera angleze janë të interesuara për shërbimet e tij dhe unë nuk mund të mohoj që atij do t’i pëlqente transferimi në Angli. Atij i pëlqen Liga Premier dhe do të mund ta dëshmonte veten edhe atje”. “Ne do të bisedojmë me drejtuesit e Juventusit, me të cilët kemi një raport shumë të mirë. Ata janë të njoftuar me situatën, megjithatë edhe ata aktualisht janë të përqendruar në garën për Scudetto. Ndërsa në fund të sezonit do të flasim edhe për këtë gjë”, ka thënë agjenti i Trezegol për “Tuttosport”.

Lexo më shumë

Ancelotti: Liverpooli kundërshtari më i vështirë në Evropë

Menaxheri i Milanit, Carlo Ancelotti, beson se Liverpooli është kundërshtari më i vështirë në Evropë.
Të kuqtë në vitin 2005 arritën të riktheheshin nga disavantazhi 3-0 për të barazuar në 3-3 ndaj Milanit, dhe për të fituar finalen e Ligës së Kampionëve në penalti.Këtë sezon Liverpooli shkatërroi Real Madridin për tu kualifikuar në çerekfinale të garës më të famshme evropiane, ku do të përballet me Chelsean.“Liverpooli është kundërshtari më i vështirë në Evropë. Benitez është një trajner i madh. Ai ka një mbrojtje shumë mirë të organizuar dhe një kundërsulm perfekt. Gjithmonë jeni në rrezik kur luani kundër tyre. United janë të fuqishëm por ata ju lejojnë të luani. Liverpooli jo”, ka thënë Ancelotti.

Lexo më shumë

Ronaldo shënon edhe golin e pestë për Corinthians

Sulmuesi brazilian Ronaldo vazhdon të shkëlqejë pas rikthimit të tij, duke shënuar edhe golin e pestë në kampionatin brazilian pas vetëm shtatë ndeshjeve.
Ish-ylli i Milanit shënoi golin e dytë në fitoren e mbrëmshme me rezultat 3-0 të Corinthians ndaj Ituano. Ky ishte goli i pestë i sulmuesit brazilian në shtatë ndeshje me klubin e tij të ri.Fenomeni vazhdon të dëshmojë se nuk e ka humbur instinktin golashënues, por edhe vetë ka pranuar se duhet të punojë edhe shumë për ta përmirësuar gatishmërinë fizike të tij.“Jam shumë i lodhur. Tash kam nevojë të pushoj”, ka thënë Ronaldo, i cili është aktivizuar në të katër ndeshjet e fundit të Corinthians.

Lexo më shumë

Shearer menaxheri i ri i Newccastlet

Ish-kapiteni i kombëtares angleze Alan Shearer pritet që sot të caktohet si menaxheri i ri i Newcastle United, të cilin ekip do ta menaxhojë për pjesën e mbetur të sezonit.
Siç kanë raportuar Sky Sports News dhe BBC, Shearer, 38-vjeçar, i cili ka punuar si ekspert televiziv në BBC, do të marrë detyrën e trajnerit të Newcastlet nga ushtruesi i saj Chris Hughton, i cili pasoi ish-menaxherin Joe Kinnear. Një burim ka thënë për Reuters se Shearer do të mbajë një konferencë shtypi gjatë të enjtes dhe se klubi nuk do të bëjë komente të tjera. Newcastle aktualisht është në pozitën e tretë nga fundi në Premierligë dhe rrezikon të eliminohet nga kjo ligë që kur ishte futur në garën më të mirë të futbollit në Angli, në vitin 1993. Klubi tashmë ka pasur tre menaxherë këtë sezon. Kevin Keegan u shkarkua në shtator, kur Hughton u kujdes për ekipin për tre javë. Kinnear më pastaj u caktua menaxher dhe drejtoi ekipin që nga shtatori deri në shkurt, kur u dërgua në spital për shkak të problemeve me zemër. Shearerit i ishte ofruar pozita e trajnerit edhe më herët, kur Keegan mori drejtimin e klubit në fillim të vitit 2008, por ai e kishte hedhur poshtë. Shearer luajti për Newcastlen nga viti 1996 deri në vitin 2006, kur shënoi 206 gola brenda 404 ndeshje, që është rekord i klubit. Ai kishte shënuar 30 gola në 63 paraqitje për kombëtaren angleze, para se të hiqte dorë nga futbolli ndërkombëtar në vitin 2000.

Lexo më shumë

NBA: James udhëheq në fitoren e Cavaliers

LeBron James ka shënuar 25 pikë për të udhëhequr ekipin e tij Cleveland Cavaliers drejt fitores së 13-të me radhë, duke mposhtur Detroit Pistons me rezultat 79-73.
Cavaliers, që luajtën si mysafirë, e ngrejë në 61 numrin e fitoreve këtë sezon. Lideri i Konferencës Lidore në ndeshjet të shtëpi ka vetëm një humbje, kundrejt 36 fitoreve. Përveç 25 pikëve, James kontribuoi edhe me 12 kërcime, tre asistime dhe tre vjedhje. Richard Hamilton me 13 pikë dhe Allen Iverson me 11, ishin të vetmit lojtarë të Detroitit të cilët arritën pikë dyshifrore. Rasheed Wallace ndihmoi me nënë pikë dhe nëntë kërcime në ndeshjen e parë rikthyese, pasi kishte munguar 11 ndeshje të tjera.

Lexo më shumë

Hiddink: Ndihmova Wengerin të nënshkruajë me Arshavin

Menaxheri i Chelseat, Guus Hiddink, ka zbuluar se ai kishte luajtur një rol kyç në transferimin e Andrey Arshavin tek Arsenali.
Në janar, ai bindi tajerin e topçinjve Arsene Wenger se Arshavin do të jetë sukses në Premierligë, dhe francezi transferoi rusin për 15 milionë funte nga Zenit St Petersburg. “Unë dhe Wenger jemi njohur nga takimet e mëhershme, kur Arsenali ka luajtur kundër ekipit tim PSV në Ligën e Kampionëve. Dhe ai më kontaktoi për të më pyetur më shumë për Andrey si person”, ka thënë Hiddink për Daily Mail. “Wenger dëshironte të dinte opinionin tim, nëse Arshavin do të përshtatej me strukturën e re. Sigurisht që ishte vendimi i Wenger, por unë mbase kam ndihmuar që ai të marrë vendimin”, ka shtuar holandezi.

Lexo më shumë

Babel: Premierliga më e mira në botë

Anësori i Liverpoolit, Ryan Babel, thotë se fakti që katër ekipe angleze janë në çerekfinale të Ligës së Kampionëve, dëshmon se Premierliga është më gara më e mirë në botë.
“Kjo tregon se Premierliga është liga më emirë në botë dhe mbase ka qenë për disa vite me radhë. Kjo është një gjë pozitive për nivelin e lojës në Angli. Besoj se do të jetë edhe më e mirë në të ardhmen”, ka thënë Babel. “Fakti që mposhtëm Real Madridin në shtëpi dhe në udhëtim, siç bëmë, e mbështet këtë. Njerëzit flasin për Madridin si klubi më i madh me lojtarët më të mirë dhe që luajnë futbollin më të mirë, por ne treguam se jemi shumë më të mirë sa ata”. “Kjo është arsyeja pse mendoj se Premierliga është liga më e mirë në botë”, ka shtuar holandezi.

Lexo më shumë

Saha dëshiron ta dërgojë Evertonin në Ligën e Kampionëve

Sulmuesi i Evertonit, Louis Saha, dëshiron ta dërgojë klubin e tij në Ligën e Kampionëve këtë sezon, edhe pse thotë se kjo do të jetë vështirë pa lojtarët kryesorë.
“Secili ka një rol kyç për të luajtur në pjesën e mbetur të sezonit dhe unë shpresoj se mund ta jap përvojën time dhe disa gola për ekipin. Secili lojtar ka përgjegjësi ta ruajë formën e mirë të ekipit”, ka thënë Saha. “Do të jetë vështirë për ne të arrijmë një vend për në Ligën e Kampionëve, pasi kemi humbur disa lojtarë. Kur humbni lojtari si Arteta, Yakubu dhe Anichebe, kjo e bën të vështirë synimin, pasi ata janë lojtarë të rëndësishëm”, ka shtuar më tej sulmuesi.

Lexo më shumë

Iniesta shpreson të pensionohet në Camp Nou

Mesfushori kreativ i Barcelonës, Andres Iniesta, ka deklaruar të martën se shpreson ta kalojë gjithë karrierën futbollistike te Blaugranët.
“Nuk mund t’i ndaloj ata që flasin për mua dhe për të ardhmen time, mirëpo dëshiroj t’i kujtoj të gjithë se unë kam një kontratë me Barcelonën deri në vitin 2014, dhe me Zotin përpara do të pensionohem këtu. Kjo është dëshira ime. Të gjithë qëndrojnë atje ku dëshirojnë të jenë dhe unë dëshiroj të mbetem këtu”, është shprehur spanjolli. Iniesta nuk mundi të luajë për Spanjën në ndeshjen kundër Turqisë të dielën për shkak të lëndimit, dhe po ashtu nuk do të mund të luajë të mërkurën, sërish kundër Turqisë, por shpreson të luajë në fundjavë kundër Valladolidit me Barcelonën.

Lexo më shumë

Barcelona interesohet për Petr Cech

Mediat spanjolle përcjellin lajmin se Barcelona është duke u interesuar për portierin e Chelseat, Petr Cech.
Portieri aktual i Barcelonës, Victor Valdes, vazhdimisht është duke u kritikuar se nuk është në nivelin e ekipit katalunas. Valdes ende nuk e ka vazhduar kontratën me klubin spanjoll, ndërsa informatat e fundit thonë se Barcelona është duke u interesuar për Cech. Barcelona ishte interesuar për portierin çek edhe në vitin 2007, por aso kohe ai deklaroi se ishte i lumtur në Stamford Bridge. Edhe pse gjasat janë të pakta që Chelsea ta lejojë largimin e portierit, nëse kjo ndodh Abramovich do të mund të fitonte një shumë të madhe të parave nga shitja e 26-vjeçarit.

Lexo më shumë