Zyrtare: Benzema nënshkruan me Real Madridin

Vetëm disa orë pasi mohoi se kishte arritur marrëveshje me Real Madridit, për të hequr dorë nga shërbimet e sulmuesit Karim Benzema, Olimpique Lyon del me një deklaratë krejt ndryshe, duke konfirmuar se marrëveshja në fakt është arritur.
Në deklaratën e fundit të lëshuar në faqen zyrtare të klubit, thuhet se sulmuesi do t’i kushtojë Realit 35 milionë euro për fillim, e cila në varësi të paraqitjeve të lojtarit do të mund të shkojë deri në 41 milionë. “Disa ditë më herët, Karim Benzema e kishte informuar presidentin Jean Michel Aulas se ai dëshironte t’i bashkohet Real Madridit, që ka qenë gjithmonë klubi i dytë i preferuar pas Lyonit. Por kjo ndodhi më herët se që është pritur”, thuhet në deklaratë. “Olimpique Lyon ka pranuar vendimin e Benzema dhe negocioi për kushtet e transferimit, të cilat i kanë kënaqur të dyja palët”, shtohet më tej. Benzema është përforcimi i katërt i Realit këtë sezon, pasi te klubi mbretëror tashmë kanë arritur dy ish-futbollistët më të mirë në botë, mesfushorët Kaka dhe Cristiano Ronaldo, si dhe mbrojtësi Raul Albiol.

Lexo më shumë

Zyrtare: Materazzi vazhdon kontratën me Interin

Mbrojtësi i Interit, Marco Materazzi, ka nënshkruar kontratë të re me klubin italian, e cila do ta mbajë atë në Giuseppe Meazza edhe për tre sezone të tjera.
“Inter dhe Marco Materazzi bëjnë të ditur se me anë të pajtimit të dyanshëm është arritur marrëveshje për vazhdimin e kontratës e cila do ta lidhë lojtarin në klub deri më 30 qershor 2012”, thuhet në deklaratën zyrtare të Interit 35-vjeçari i është bashkuar nerazurëve në vitin 2001 nga Perugia dhe ka kontribuar në katër titujt e fundit të kampionit në Serie A, megjithëse sezonin e fundit ai bëri vetëm 15 paraqitje në të gjitha garat nën drejtimin e Jose Mourinho. Mbi të gjitha, ai ka bërë 245 paraqitje për Interin, duke shënuar 20 gola, ndërsa po ashtu ishte shtyllë kyçe e triumfit të Italisë në Kupën Botërore 2006.

Lexo më shumë

Wimbledon: Murray në gjysmëfinale

Andry Murray ka shënuar fitore në tre sete ndaj spanjollit Juan Carlos Ferrero (7-5, 6-3, 6-2), për të siguruar vend në gjysmëfinalen e Wimbledonit për të parën herë.
Britaniku shkëlqeu në ndeshjen çerekfinale, duke pasur pak vështirësi vetëm në setin e parë, dhe duke dominuar plotësisht në dy setet e radhës. Murray është britaniku i parë që arrin në gjysmëfinale të turneut Wimbledon, që nga viti 2002, kur deri në këtë shkallë kishte arritur edhe Tim Henman. Skocezi do të luftojë për një vend në finale me fituesin e takimin në mes të amerikanit Andy Roddick dhe australianit Lleyton Hewitt. Gjysmëfinalja tjetër e meshkujve në Wimbledon do të jetë ajo mes Roger Federer dhe Tommy Haas.

Lexo më shumë

Drenthe afër kalimit në Fiorentina

Mesfushori i Real Madridit, Roysten Drenthe, është afër kalimit në Fiorentina, transferim që pritet të ndodhë gjatë kësaj fundjave.
Reali i Madridit ka bërë një numër nënshkrimesh këtë verë me Kaka, Cristiano Ronaldo dhe Raul Albiol që iu bashkuan klubit, dhe do të jetë e pashmangshme që nga ekipi të largohen disa lojtarë. Roysten Drenthe sigurisht se do të jetë njëri prej lojtarëve që do të largohen. Drejtori sportiv i Violas, Pantaleo Corvino, ka caktuar të bëjë një udhëtim në Madrid gjatë vikendit me qëllim që të arrijë marrëveshje me anësorin. Juan Vargas duket se është në rrugë për të kaluar në Fenerbahce dhe klubi italian beson se Drenthe do të jetë një zëvendësim i shkëlqyeshëm për të. Ish-lojtari i Feyenoordit ka zhvilluar vetëm pesë ndeshje si fillestar në La Liga në sezonin e fundit, dhe është në kërkim të një ekipi tjetër që do t’i ofrojë hapësirë të rregullt në formacionin startues.

Lexo më shumë

Roma

Roma, është një klub italian profesional të futbollit nga Roma. E themeluar me 1927, Roma Serie A e kanë fituar tri herë, e para në 1941-42 pastaj përsëri në 1982-83 dhe 2000-01. Si dhe nëntë herë kan fituar Coppa Italia ku mbajne rekordin aktual me trofe te fituar;

Ndryshuar së fundi: 27 Korrik 2009

Lexo më shumë

Chelsea

Chelsea Football Club ndryshe të njohur si "Blutë" ose paraprakisht si "Pensionerët" është klub futbollistik profesionist i me qendër në Londër. I themeluar në vitin 1905, ata luajnë në Premier League dhe në pjesën më të mirë të historisë së tyre kanë qenë në majat e futbollit anglez. Chelsea ka qenë kampion i Anglisë plot tre herë, ketër herë ka fituar FA Cup, League Cup katër herë dhe UEFA Cup dy herë.

Ndryshuar së fundi: 27 Korrik 2009

Lexo më shumë

Juventus

Juventus Football Club (latinisht iuventus që do të thot rini në shqip), gjithashtu njohur edhe si Juventus Turin (ose Juventus Torino), Juventus F.C., Juventus, ose thjesht Juve, është një klub futbollistik italian me seli në Torino. Klubi u themelua më 1 nëntor të vitit 1897 nga një grup të rinjsh mes moshës 14 dhe 17 vjeçare . Klubi momentalisht zhvillon ndeshjet në Seri A liga e parë e Italisë. Juventusi ka fituar zyrtarisht 51 trofe, më shumë se cili do klub tjetër italian, 40 në Itali që është gjithashtu një rekord dhe 11 në Evropë dhe botë që është rekordi i dytë më i mirë i cilit do klub italian dhe klubi i katërt më i mirë në botë.

Ndryshuar së fundi: 27 Korrik 2009

Lexo më shumë

Inter Milan

Football Club Internazionale Milano është klub futbollistik italian me seli në Milano, Lombardi, që zhvillon ndeshjet në ligën e parë të Italisë ose Seria A. Klubi u themelua më 9 mars të vitit 1908. Në Itali klubi është i njohur si Inter ose Internazionale. Interi është një nga klubet më të suksesëshme në historinë e futbollit italian duke fituar 15 herë Scudetti kampionatin, 5 herë Coppa Italia (kupën e Italisë) dhe 3 herë Super Kupën Italiane. Interi gjithashtu ka fituar 2 herë Kupën Evropiane (Ligën e Kampionëve)), 3 herë UEFA Kupën dhe 2 herë titullin Kampion Botërorë. Gjithashtu Interi është ekipi i vetëm në Itali i cili asnjëherë nuk ka lëshuar ligën e parë (Seria A me 85 sezone të kompletuar.

Ndryshuar së fundi: 27 Korrik 2009

Lexo më shumë

Liverpool

Klubi Futbollistik Liverpool F.C. është nga qyteti i Liverpoolit në pjesën veri-perëndimore të Anglisë. Stadiumi i tyre quhet Anfiled po tani janë duke kërkuar të marrin leje për ndërtimin e një stadiumi të ri 200 metra më larg. Liverpooli ka fituar tetëmbëdhjetë tituj të Divizionit të Parë, shtatë FA Kupa, shtatë Kupa të Ligës, pesë Kupa Evropiane, dhe tri kupa UEFA. Liverpooli është gjithashtu anëtar i grupit G-14 që drejton klubet Evropiane të futbollit.

Ndryshuar së fundi: 27 Korrik 2009

Lexo më shumë

Arsenal

Arsenal F.C. (Arsenal Football Club) është klub futbolli anglez me seli në veri të Londrës. Arsenal konsiderohet si një nga klubet më të suksesshme të Anglisë, Arsenali u krijua, në fillim si një klub futbolli amator, nga një grup punonjësish në ish uzinën e armatimeve në Woolwich, Londër. Aktualisht, klubi është vendosur në stadiumin e ri, Emirates Stadium, në Holloway të Londrës Veriore, me kapacitet prej 60 432 ulëseve.

Ndryshuar së fundi: 27 Korrik 2009

Lexo më shumë

Wimbledon: Federer në gjysmëfinale, Djokovic eliminohet

Numri dy i botës në tenis, Roger Federer, ka shënuar fitore në tre sete ndaj kroatit Ivo Karlovic (6-3, 7-5, 7-6), për të siguruar vend në gjysmëfinale të turneut Wimbledon.
Zvicerani pati më të lehtë setin e parë, ndërsa u përball me ca vështirësi në dy setet e radhës. Për kampionin e pesëfishtë të Wimbledonit, kjo ishte gjysmëfinalja e 21-të radhazi në Grand Slam. Federer në ndeshjen gjysmëfinale do të takohet me Tommy Haas, pasi gjermani eliminoi nga gara serbin e katërt në botë, Novak Djokovic në katër sete (7-5, 7-6, 4-6, 6-3).

Lexo më shumë

Ballack: Blutë janë të etur për sukses

Mesfushori gjerman Michael Ballack, thotë se futbollistët e Chelseat janë të etur për sukses dhe se në sezonin e ardhshëm do të përpiqen ta rikthejnë titullin e Premier League dhe të triumfojnë edhe në Ligën e Kampionëve.
Menaxheri i ri i Chelseat, Carlo Ancelotti, sot edhe zyrtarisht i filloi përgatitjet me futbollistët e Chelseat. Në një intervistë për televizionin e klubit, Ballack thotë se blutë do ta fillojnë sezonin e ri të etur për sukses. “Duhet të përqendrohemi sërish në të. Jemi të etur për ta rikthyer titullin. Po ashtu kemi synime të larta edhe në Evropë, pasi kjo është ajo që të gjithë ne dëshirojmë ta realizojmë. Chelsae është ekip i madh me lojtarë të mëdhenj të cilët luajnë edhe në kombëtaret e tyre dhe të gjithë dëshirojnë ta fitojnë Ligën e Kampionëve”, ka thënë gjermani.

Lexo më shumë

Lucio mund të largohet nga Bayerni

Mbrojtësi i Bayern Munichut, Lucio, pranon se është e mundur që këtë verë ai të largohet nga klubi i Bundesligës.
31-vjeçari thuhet se nuk është pjesë e planeve të trajnerit të ri Louis van Gaal, dhe së fundi edhe vetë braziliani thotë se mund të largohet nëse nuk është i nevojshëm në Allianz Arena. “Kur i dëgjova tregimet se Bayern Munich nuk llogarit në shërbimet e mia, isha shumë i dëshpëruar. Gjithçka që u tha për të ardhmen time në Bayern e përballova me vështirësi”, ka thënë Lucio. “Mendoj se transferimi do të ishte zgjidhja më e mirë për mua, që sërish të gjej qetësi”, ka shtuar braziliani.

Lexo më shumë

Gallas: Mendoj vetëm për Arsenalin

William Gallas thotë se e ardhmja e tij është në Arsenal, duke hedhur poshtë kështu spekulimet të cilat e lidhin atë me një largim drejt Interit.
Mbrojtësi francez kishte një sezon të vështirë në Arsenal, për shkak të sjelljes jo të pëlqyeshme dhe e humbi edhe shiritin e kapitenit. Mediat e lidhën Gallas me një largim nag Arsenali, ndërsa ai është përmendur edhe si një nga dëshirat e trajnerit të Interit, Jose Mourinho, me të cilin kishte punuar në Chelsea. “Unë jam në Arsenal, kam edhe një vit nga marrëveshja ime, andaj jam futbollist i këtij klubi. Nuk kemi biseduar për vazhdimin e marrëveshjes, por jam i qetë dhe shoh pozitivisht kah sezoni i ardhshëm me Arsenalin”, ka thënë francezi.

Lexo më shumë

Marca: Benzema futbollisti i ri i Realit

Sportivja spanjolle, e afërt me udhëheqjen e Real Madridit, ka publikuar se sulmuesi Karim Benzema është përforcimi i radhës i klubit mbretëror.
Gazeta, e cila më herët e paralajmëroi ardhjen e Kaka dhe Cristiano Ronaldos në Real Madrid, por edhe David Villas, që megjithatë nuk u realizua, ka shkruar sot se klubi spanjoll ka arritur marrëveshje me Lyonin për të transferuar Karim Benzeman në Santiago Bernabeu. Florentino Perez dhe Jorge Valdano paralajmëruan se shumë shpejt në Real Madrid do të arrijë edhe një emër i madh dhe Marca thotë se ky është pikërisht Karim Benzema, pasi Lyoni ka pranuar ofertën prej 35 milionë funtesh nga ‘mbretërit’. Ende nuk ka asgjë zyrtare nga asnjëra palë, por sipas kësaj gazete sportive, pritet që kjo të ndodhë deri nesër.

Lexo më shumë

Bayerni do ta shesë Riberyn për para të mjaftueshme

Ish-trajneri i Bayern Munichut, Ottmar Hitzfeld, beson se Franck Ribery mund të largohet nga skuadra bavareze për një shumë prej 70-80 milionë euro.
Edhe pse gjiganti gjerman mohon se do ta shesë superyllin francez, Hitzfeld është i bindur se francezi mund të largohet nëse paguhet kjo shumë parash. “Bayerni është një skuadër, e cila i bën llogaritjet e veta në qetësi. Nëse një skuadër është në gjendje të paguajë një shumë ndërmjet 70 dhe 80 milionë euro, atëherë Bayerni do të obligohet të reagojë pozitivisht”, eshtë cituar Hitzfeld nga “Bild”.

Lexo më shumë

Wenger: Dua të ndërtoj një ekip me stil të veçantë

Arsene Wenger thotë se ai kishte refuzuar ofertën e Real Madridit për të vazhduar me Arsenalin, me të vetmin qëllim të ndërtojë një ekip me stil të veçantë të lojës.
Emri i Wenger u lidh me një kalim në Real Madrid, por menaxheri i Arsenalit vendosi ta refuzojë ofertën e mbretërve dhe të mbetet në Emirates. “Atë që dëshiron ta bëjë Reali do ta quaja spektakël, të bëjë një ekip spektakolar. Mendoj se kur synohet të krijohet një ekip dhe përbërje ka edhe dimensione të tjetra të cilat duhet të merren parasysh, dhe kjo është mënyra ime e mendimit”, ka thënë Wenger “Dua të krijoj sukses duke ndërtuar një ekip me stil, me lojë të vetën, të veçantë për klubin, me lojtarë të rinj. Këtë e kam zgjedhur në karrierën time dhe për këtë arsye vazhdoj me Arsenalin”.

Lexo më shumë

Cannavaro në dyshim për ardhjen e Diarras

Përkundër dëshirës që ka për transferimin e mesfushorit të Real Madridit, Mahamadou Diarra, te Juventusi, mbrojtësi bardhezi, Fabio Cannavaro, thotë se është skeptik për mundësinë e kalimit të lojtarit të Malit.
Që nga rikthimi te Zonja e Vjetër, mbrojtësi veteran ka insistuar që Juve do ta transferojë Diarran, mirëpo ai është në dyshim nëse Bianconerët do të arrijnë të sigurojnë shërbimet e mesfushorit. “Ai është një mik i imi, mirëpo unë nuk mund të bëj asgjë në tregun e transferimeve”, është shprehur Cannavaro për “Sky”.

Lexo më shumë

Mancini në krye të listës së Portsmouthit

Roberto Mancini mund të angazhohet si trajner i Portsmouthit, njofton "The Daily Express".
Që nga shkarkimi tek Interi, Mancini nuk e ushtron më profesionin e trajnerit, ndërsa gazeta britanike shkruan se ‘Pompey’ e konsideron atë si favoritin kryesor për ta zëvendësuar trajnerin Paul Hart. Megjithatë duhet të presim që të zyrtarizohet blerja e Portsmouthit nga Sulaiman Al Fahim, dhe pastaj do të ndryshojnë gjërat.

Lexo më shumë

Vidic: Kam refuzuar Realin, Milanin dhe Barcën

Mbrojtësi i Manchester Unitedit, Nemanja Vidic, ka njoftuar se ka refuzuar ofertat e Barcelonës, Milanit dhe Real Madridit që të qëndrojë me Djajtë e Kuq.
“Jam i kënaqur me skuadrën dhe ambiciet e klubit për sezonin e ardhshëm”. “Kam pasur oferta nga Milani, Barcelona dhe Real Madridi, dhe unë isha shumë i sinqertë- ia tregova të gjitha këto oferta trajnerit tim Sir Alex dhe ai reagoi shumë shpejtë”, është shprehur serbi. Pas këtyre ofertave, Ferguson vendosi t’ia rritte pagën Vidicit, nga 20.000 funte në 70.000 funte në javë.

Lexo më shumë

Kontaktoni

Kontaktoni administratorin e këtij blogu në: darddani@gmail.com

Lexo më shumë

Të mërkurën ose të enjten një tjetër transfer i Realit

Pas ceremonisë prezantuese të superyllit brazilian Ricardo Kaka, në Santiago Bernabeu, presidenti i Real Madridit, Florentino Perez, ka thënë se transferimi i radhës i Mbretërve do të ndodhë brenda 24 ose 48 orëve.
“Transferimi i ri do të ndodhë ose sot (të mërkurën) ose nesër (të enjten). Mirëpo nuk do të them se kush do të vijë, derisa të kompletohet marrëveshja. I pyetur nëse do ta transferojë David Villan ose Diego Forlanin, Perez u përgjigj: “Po më vini në pozitë të palakmueshme. Më pëlqejnë të dy lojtarët. Mirëpo Valencia dëshiron ta mbajë Villan, ndërsa Atletico dëshiron që Forlan të mbetet. Dhe meqenëse është kështu, atëherë ne nuk do të jemi në gjendje ta transferojmë asnjërin nga ata”.

Lexo më shumë

Arsenali vazhdon ta kërkojë Lorik Canën

E ardhmja e kapitenit të Marseille, Lorik Cana, mbetet e papërcaktuar, ndërsa spekulimet vazhdojnë që Arsenali është i interesuar për shërbimet e mesfushorit shqiptar.
Trajneri i Topçinjve, Arsene Wenger, dëshiron të transferojë një mesfushor defanziv, ndërsa “The Daily Express” njofton se francezi e ka kthyer vëmendjen kah Lorik Cana. “Dera mbetet e hapur për largim, edhe pse kam edhe tre vite në kontratën time. Do të flas me familjen dhe përfaqësuesit e mi. Dhe gjithçka do të varet nga ajo çfarë dëshiroj të bëj”. “Nga destinacionet e mundshme, Anglia dhe Gjermani janë dy ligat që më joshin më së shumti”, është shprehur kosovari. Edhe Evertoni dhe Tottenhami janë të interesuar për shërbimet e Canës, ndërsa oferta e vetme zyrtare është bërë nga Hamburgu, që ka ofruar pesë milionë euro për shërbimet e mesfushorit të Përfaqësueses kuqezi.

Lexo më shumë

Kaka: Reali më josh në të gjitha mënyrat

Transferi i ri i Real Madridit, Ricardo Kaka, është paraqitur në konferencën e parë për shtyp, pasi u prezantua të martën mbrëma me fanellën e Los Blancos me numrin 8.
“Dita e sotme për mua ishte e jashtëzakonshme, e paharrueshme- jo vetëm për mua por për jetët e shumë njerëzve, ishte një ditë historike për mua”.

“Kam zgjedhur Madridin sepse më tërheq në të gjitha format. Kur bisedoj me kolegët e mi nga kombëtarja, ata gjithmonë më flasin për Real Madridin. “Prandaj nga këto informata të grumbulluara, vendosa që nëse një ditë largohem nga Milani, atëherë do të luaja për Real Madridin. Dhe sot kjo është realizuar”, ka thënë braziliani.

Lexo më shumë

United transferon Valencian

Manchester Unitedi ka siguruar shërbimet e 23- vjeçarit Antonio Valencia nga Wigan Athletic.
Valenca ka nënshkruar kontratë katër vjeçare me Djajtë e Kuq, ndërsa çmimi i këtij transferimi nuk është bërë i njohur. “Antonio është një lojtar të cilin e kemi admiruar qe një kohë të gjatë. Jam i sigurt se shpejtësia dhe teknika e tij do t’i kontribuojnë shumë skuadrës tonë”, është shprehur trajneri i United, Sir Alex Ferguson.

Lexo më shumë

Milan

Milan është klub profesionist futbolli, që ndodhet në Milano, Itali. Është një ndër klubet më të suksesshme të Italisë, duke fituar 18 tituj të Serie A, 5 tituj të Kupës së Italisë, 5 tituj të Super Kupës së Italisë, 7 tituj të UEFA Champions League, 2 tituj të Kupës së UEFA-s, 5 Super Kupa të UEFA-s, dhe 3 Kupa Interkontinentale.Stadiumi në të cilin zhvillon ndeshjet Milani quhet "San Siro" dhe ka kapacitet prej 80.074 ulësesh.

Ndryshuar së fundi: 21 Maj 2011

Lexo më shumë

Barcelona

Barcelona është një klub profesionist futbolli, që ndodhet në Barcelonë, Spanjë. Është klubi i dytë më i suksesshëm në futbollin spanjoll dhe ka fituar 21 tituj të La Liga-s, një rekord prej 25 Kupa të Spanjës, 9 Super Kupa të Spanjës, 3 tituj të UEFA Champions League dhe 4 tituj të Kupës së UEFA-s.Stadiumi në të cilin zhvillon ndeshjet Barcelona quhet Camp Nou me një kapacitet prej 99.354 ulësesh.

Nryshuar së fundi: 21 Maj 2011

Lexo më shumë

Manchester United

Manchester United është në klub profesionist futbolli, që ndodhet në Manchester, Angli. Është klubi më i suksesshëm në futbollin anglez, duke fituar 19 tituj të Premier League, një rekord prej 11 Kupa FA, 4 Kupa të Ligës, 2 tituj të kampionit të botës, 3 UEFA Champions League dhe 1 Kupë të UEFA-s.Stadiumi në të cilin zhvillon ndeshjet Manchester United quhet "Old Trafford" me një kapacitet prej 75.957 ulësesh.

Ndryshuar së fundi: 27 Korrik 2009

Lexo më shumë

Real Madrid

Real Madrid është klub profesionist i futbollit që ndodhet në Madrid, Spanjë. Është klubi më i suksesshëm në futbollin spanjoll dhe është votuar nga FIFA si klubi më i suksesshëm i futbollit i shekullit XX, duke fituar një rekord prej 31 tituj të La Liga-s, 18 Kupa të Spanjës "Copa del Rey", 8 Super Kupa të Spanjës, një rekord prej 9 tituj të UEFA Champions League, 2 kupa të UEFA-s, 1 Super Kupë të UEFA-s, dhe 3 Kupa Interkontinentale.Stadiumi në të cilin Real Madridi zhvillon ndeshjet quhet "Santiago Bernabeu" me një kapacitet prej 80.354 ulësesh.

Ndryshuar së fundi: 21 Maj 2011

Lexo më shumë

Kaka u prezantua në "Santiago Bernabeu"

Ylli brazilian, Kaka është prezantuar sonte në mbrëmje (30.06.2009) si futbollist i ri i Realit. Promovimi i tij është bërë në stadiumin "Santiago Bernabeu", ku kanë marrë pjesë afër 50.000 njerëz. Njëri nga futbollistët më atraktiv në botë, në "klubin mbretëror" do ta bartë numrin 8.
"Jam shumë i lumtur që do të luajë në këtë klub, historia e të cilit nuk mund të krahasohet me asnjë klub tjetër në botë. Shpresoj se edhe emri im do të mbetet i shkruar në historinë e Realit dhe do ta ndihmoj këtë klub për të fituar shumë trofe", ka theksuar Kaka, i cili kaloi te Reali nga Milani për 65 milionë euro.

Lexo më shumë

Torres: Paratë nuk janë problem në Liverpool

Sulmuesi i Liverpoolit, Fernando Torres, pranon se mungesa e financave do të thotë se të kuqtë nuk do të mund të nënshkruajnë me yje si bashkë-kombasi i tij David Villa, por kjo nuk do ta ndalojë klubin për të fituar trofe.
“Nuk e di situatën financiare në Liverpool, por e di se nuk kemi të njëjtat para që kanë Manchester United ose Chelsea”, ka thënë Torres. “Ne po luftojmë me më pak para secilin sezon. Ky nuk është problem për ne, ne jemi ekip i fuqishëm dhe do të fitojmë trofe me ose pa para. Gjëja më e rëndësishme është se ne po i afrohemi titullit”. “Ka qenë ca shqetësuese për mua të kaloi tre vite pa trofe në Liverpool, kjo është shumë. Por, në sezonin e ardhshëm që vjen, jam i sigurt se do të fitojmë”, ka shtuar spanjolli.

Lexo më shumë

Tevez: Do ta fitonim LK po të kisha luajtur unë

Sulmuesi argjentinas Carlos Tevez ka akuzuar trajnerin e Manchester United, Sir Alex Ferguson, për shkak se kishte shpërdorur rastin të fitojë Ligën e Kampionëve, duke e lënë atë jashtë formacionit fillestar.
“Nuk mund të argumentoni me Alex Ferguson. Ai është si një president i Anglisë. Është e pamundur, gjithmonë humbisni me të”, ka thënë Tevez për Daily Mirror. “Por ai bëri gabim kur më la mua në stol. Kjo ka qenë e vetmja finale të cilën ekipi e ka humbur, që kur unë kam qenë pjesë e Manchester United”, ka shtuar argjentinasi.

Lexo më shumë

Kaka: Gjithmonë do të jem fans i Milanit

Superylli brazilian Kaka, i cili Santiago Bernabeu do të prezantohet edhe zyrtarisht si lojtar i Real Madridit, ka thënë se ai gjithmonë do të jetë fans i ish-klubit të tij.
Braziliani ishte përforcimi i parë më i madh i verës i gjigantit spanjoll dhe i kushtoi këtij klubi plot 67 milionë euro, që shkuan në drejtim të Milanit. “I falënderoj të gjithë fansat e Milanit. Ata janë gjithmonë në zemrën time. Milani është pjesë e historisë time dhe unë jam pjesë e historisë së Milanit. Ne gjithmonë do ta kemi këtë raport”, ka thënë Kaka në një intervistë të fundit. “Falënderoj të gjithë që më kanë dërguar mesazhe përkrahëse. Gjithmonë do të jem fans i rosonerëve”, ka shtuar më tej braziliani. Kaka së fundi triumfoi në Kupën e Konfederatave me kombëtaren e Brazilit dhe u shpall lojtari më i mirë i këtij turneu nga votat e gazetarëve.

Lexo më shumë