Dzeko vazhdon kontratën me Wolfsburgun

Sulmuesi i Wolfsburgut, Edin Dzeko, ka vazhduar kontratën me kampionin e Gjermanisë deri në vitin 2013.
Ky është një lajm i keq për Milanin që përkundër refuzimit të ofertës, shpresonte se do të mund të siguronte shërbimet e boshnjakut gjatë këtij afati kalimtar. Kështu Rossonerëve u mbeten dy opsione për sulmin: Luis Fabiano dhe Klaas-Jan Huntelaar. “Jam i lumtur që gjithçka është përmbyllur para fillimit të Kampionatit. Tash mund të përqendrohem te skuadra. Mezi po pres të filloj të luaj në Budesliga dhe në Ligën e Kampionëve”, ka thënë Dzeko për Repubblica.it.

Lexo më shumë

Chelsea barazon me fat kundër Readingut

Forma e mirë parasezonale e Chelseat është penguar nga Reading, skuadër e cila i ka ndalur Blutë me barazim.
Ndeshja miqësore e zhvilluar në Madejski Stadium ndërmjet Readingut dhe Chelseat ka përfunduar me rezultat 2-2. Skuadra nikoqire krijoi avantazh të dyfishtë në pjesën e parë, me golat e Jimmy Kebe (38’) dhe Scott Davies (45’). Chelsea u kthye në lojë në fund të takimit (89’) kur Salomon Kalou ngushtoi epërsinë në 2-1. Lojtari fatal i kësaj ndeshjeje ishte Alex Pearce, i cili në minutat shtesë të takimit ia mohoi fitoren skuadrës së tij duke shënuar në portën e vet.

Lexo më shumë

Arshavin shkëlqen kundër Atleticos

Arsenali ka shënuar fitore kundër Atletico Madridit në ndeshjen e zhvilluar të shtunën mbrëma në kuadër të Emirates Cup.
Protagonisti i takimit ishte mesfushori ofanziv Andrei Arshavin, i cili ishte njeriu kryesor i fitores së Arsenalit. Të tre golat u shënuan brenda tre minutash ndërkohë që takimi po përfundonte. Arshavin shënoi golin e parë në minutën e 86-të, ndërsa një minutë më pas, Pacheco barazoi rezultatin. Me golin e tij të dytë në këtë ndeshje (89’), mesfushori rus Andrei Arshavin ua siguroi fitoren Topçinjve. Kështu Arsenali ka pesë pikë (tri për fitoren dhe dy për golat), ndërsa Atletico Madridi ka siguruar një pikë për golin e shënuar.

Lexo më shumë

E pakënaqshme oferta e Chelseat për Pirlon

Edhe pse Milani vazhdimisht ka mohuar se Andrea Pirlo është në shitje, zëvendëspresidenti Adriano Galliani në mënyrë indirekte ka pranuar se lojtari është në shitje, porse Rossonerët kërkojnë ofertën duhur për të lejuar largimin e tij.
Nuk është fshehtësi që trajneri i Chelseat, Carlo Ancelotti, kërkon shërbimet e mesfushorit italian, mirëpo oferta e bërë nga Blutë duket se nuk i kënaq kërkesat e Milanit. “Oferta prej tetë milionë eurosh plus Claudio Pizarron është e pakënaqshme, ndërsa me këto kushte Pirlo është i pashitshëm”, ka thënë Galliani për “Sky Sport 24”.

Lexo më shumë

Berlusconi: Nuk do ta shes Milanin

Presidenti i Milanit, Silvio Berlusconi, ka mohuar spekulimet se klubi i tij do t’u shitet disa biznesmenëve izraelitë.
“Këto janë vetëm thashetheme, nuk ka asgjë të vërtetë në to”, ka thënë Berlusconi në një intervistë me Ansa.it.Presidenti i Rossonerëve, ka thënë se ai nuk di asgjë në lidhje me mundësinë e transferimit të Andrea Pirlos te Chelsea, dhe po ashtu është shprehur i painformuar për interesimin e Milanit për sulmuesin e Real Madridit, Klaas-Jan Huntelaar.

Lexo më shumë

Diego: Do të kthehem së shpejti

Mesfushori i Juventusit, Diego, u ka thënë tifozëve bardhezi që të mos shqetësohet për të, sepse ai do të kthehet shumë shpejtë në fushë.
Transferi i sivjetmë i Zonjës së Vjetër u detyrua të mungonte në gjysmëfinale të Kupës së Paqes, pasi që kishte lodhje muskulore- një gjendje e cila nuk konsiderohet jo serioze nga stafi mjekësor i Juves. “Jam i pikëlluar për atë që më ndodhi. Kisha shumë dëshirë të luaja kundër Real Madridit, mirëpo nuk munda të bëj asgjë në këtë drejtim”. “Do të pushoj një kohë që të rikuperohem plotësisht. Do të kthehem shumë shpejt”, ka thënë braziliani për “Tuttosport”.

Lexo më shumë

Interi në kërkim të Van Der Vaart

Kampioni i Italisë po vazhdon ta forcojë skuadrën, për të kënaqur kërkesat taktike të trajnerit Jose Mourinho.
Sipas Calciomercato.it, mesfushori i Real Madridit, Rafael Van Der Vaart, është njëri nga shënjestrat për ta plotësuar mesfushën e skuadrës ziakaltër. Nerazzurët planifikojnë ta transferojnë Van Der Vaartin në formë huazimi, me mundësinë për ta blerë atë në fund të sezonit.

Lexo më shumë

Arshavin: Liverpooli kundërshtar më i rrezikshëm se United

Mesfushori ofanziv i Arsenalit, Andrei Arshavin, ka dhënë pikëpamjet e tij në lidhje me rivalët nga Liga Premier.
“Asnjëra nga skuadrat nuk ka qenë kundërshtar i lehtë. Shumëçka varet nga kahu i lojës. P.sh. Fulhami ka qenë një kundërshtar i vështirë për t’u mposhtur dhe nuk ka qenë aspak lehtë të luhet kundër tyre, pasi që lojtarët ishin shumë të organizuar, të disiplinuar dhe vazhdimisht e mbyllnin lojën”. “Mirëpo nëse flasim për Manchester Unitedin dhe Liverpoolin, kundër Liverpoolit ka qenë shumë më vështirë të luhet”, ka deklaruar mesfushori rus.

Lexo më shumë

De Rossi: Nuk largohem nga Roma

Daniele De Rossi ka shprehur edhe njëherë dashurinë për Romën duke thënë se nuk do t’i bashkëngjitet skuadrës më të interesuar për të- Arsenal.
“The Independent” të premten njoftoi se Topçinjtë janë të gatshëm t’i ofrojnë Romës 35 milionë euro për mesfushorin italian. “Arsenali? Nuk kam dëgjuar asgjë. Roma më ka thënë se nuk jam në shitje. Krejt çka dua është të qëndroj këtu”. “Kuptohet, gjërat do të ishin ndryshe nëse Roma dëshiron të më shesë, mirëpo skuadra gjithmonë ka dashur të më mbajë”, u ka thënë De Rossi gazetarëve.

Lexo më shumë

Del Piero: Juve është skuadër më e mirë se Reali

Legjenda e Juventusit, Alessandro Del Piero, thotë se skuadra e tij është më e mirë se Real Madridi duke llogaritur fitoren e të premtes mbrëma në kuadër të Peace Cup.
Zonja e Vjetër i mposhti Los Blancos me rezultat prej 2-1, ndërsa në të dy golat e Bianconerëve ishte asistues ikona bardhezi. Kjo ishte fitorja e tretë e Juventusit kundër Real Madridit brenda një viti duke llogaritur dy fitoret në kuadër të Ligës së Kampionëve. “Gjithmonë ka emocione të cilat të kënaqin dhe kurrë nuk mësohesh me to. Luajtëm shumë mirë dhe ishim të organizuar dhe kompakt, duke lënë përshtypjen se ne jemi skuadër më e mirë (se Reali)”. “Këto janë fitore të rëndësishme të cilat shtojnë motivimin. Ne kemi dëshmuar se mund të luajmë sërish në nivelet më të larta të futbollit dhe kundër çdo skuadre”, ka thënë Del Piero. Të dielën, Juventusi përballet me Aston Villan në finalen e Peace Cup në Estadio Olimpico në Seville.

Lexo më shumë

Pirlo një nënshkrim larg Chelseat

Andrea Pirlo është vetëm një nënshkrim larg transferimit te Chelsea, pasi që tashmë ka arritur marrëveshje për ekipin nga Liga Premier.
Gazeta milaneze “Il Giornale” njofton se mesfushori italian do të nënshkruajë kontratë katërvjeçare me Blutë, ndërsa Roman Abramovich do t’i paguajë Milanit një shifër prej 18-20 milionë eurosh për blerjen e lojtarit. Pirlo do të fitojë diçka më shumë se gjashtë milionë euro për sezon, ndërsa së shpejti pritet edhe konfirmimi zyrtar i ribashkimit të tij me trajnerin Carlo Ancelotti.

Lexo më shumë

Milito: Unë dhe Eto’o do të shënojmë shumë gola

Sulmuesi i transferuar sivjet tek Interi, Diego Milito, është i gatshëm të shënojë shumë gola krahas sulmuesit tjetër Samuel Eto’o, i cili po ashtu u transferua te zikaltrit këtë afat kalimtar.
“Jam vërtet i lumtur dhe gjëja më e rëndësishme është se e kuptojmë partneritetin me bashkëlojtarët”. “Kam raporte të mira me Eto’o. Ai është shumë i mirë në ndryshimin e lojës në sulm. Ne e ende kemi nevojë të përshtatemi që të jemi në gjendje të japim më të mirën që mundemi”. “Stërvitjet e përditshme do të përmirësojnë bashkëpunimin tonë dhe jam i sigurt se do të jemi të mrekullueshëm së bashku”, ka thënë Milito për “La Gazzetta Dello Sport”.

Lexo më shumë

Makelele pro- kthimit të Vieiras tek Arsenal

Mesfushori i Paris Saint-Germain, Claude Makelele, mbështet rikthimin e bashkëkombësit të tij Patrick Vieira tek Arsenali.
Qëndrimit të Vieiras tek Interi duket se po i vjen fundi, ndërsa spekulimet e fundit e lidhin atë me një rikthim sensacional te Topçinjtë. “Patrick është ende një lojtar i mirë. Ai është ende një lojtar i madh. Dhe mendoj se ai është ende njëri nga mesfushorët më të mëdhenj në votë”. “Ai është një mesfushor i mirë. Mendoj se ka mundësi të shkojë tek arsenali. Ai është sikurse unë dhe Steven Gerrard. Ai do të bënte një punë të mirë, besoj”, është shprehur Makelele.

Lexo më shumë

Higuain mund të luajë për Francën

Sulmuesi i Real Madridit, Gonzalo Higuain, ka deklaruar se nëse injorohet vazhdimisht nga trajneri i përfaqësueses së Argjentinës, Diego Maradona, ai mund ta veshë fanellën e përfaqësueses së Francës.
“Unë angazhohem shumë çdo ditë dhe pres të ftohem nga Maradona. Dëshiroj të luaj në Kampionatin Botëror 2010, prandaj nuk dëshiroj ta humb shpresën”. “Ka spekulime se nuk më tërheqin Albicelestët, mirëpo ato janë të pavërteta. Është njëra nga ëndrrat e mia (të luaj për Argjentinën)”, ka thënë argjentinasi për revistën franceze “So Foot”. Mirëpo, edhe pse ka dëshirë të madhe ta vesh fanellën e Argjentinës, Higuan, i cili është i lindur në Brest të Francës, nuk e ka hedhur poshtë mundësinë që mund të luajë edhe për trekolorët. “Është e jashtëzakonshme që (trajneri i Francës, Raymond) Domenech interesohet për mua, sidomos kur kihet parasysh se përfaqësuesja e Francës është një superfuqi botërore. Dhe aty është edhe lojtari i madh, Karim Benzema. Kështu që asnjëherë nuk i dihet”, ka përfunduar intervistën e tij Higuain.

Lexo më shumë

Liverpooli mund ta transferojë Villan

Pas shitjes së Xabi Alonsos, Liverpooli do të tentojë transferimin e sulmuesit të Valencias, David Villa.
Alonso ka kërkuar largimin drejt gjigantit spanjoll Real Madrid, derisa sipas spekulimeve të fundit, transferimi mund të ndodhë gjatë kësaj jave. “The Sun” shkruan se me paratë e grumbulluara, trajneri Rafael Benitez do të bëjë një ofertë për Villan, i cili kërkohet thuajse nga të gjitha skuadrat e mëdha evropiane. Los Che ka refuzuar ofertat Barcelonës dhe Real Madridit për spanjollin, mirëpo Benitez beson se mund ta joshë Villan drejt Anfield.

Lexo më shumë

Zyrtare: Martins i bashkëngjitet Wolfsburgut

Obafemi Martins është transferuar nga Newcastle United te kampioni i Gjermanisë, Wolfsburg.
Në faqen zyrtare të ekipit gjerman është konfirmuar se sulmuesi ka nënshkruar kontratë katërvjeçare, ndërsa Newcastle do të fitojë 9 milionë funte nga shitja e lojtarit. Trajneri i Wolfsburgut, Armin Veh, është shprehur shumë i kënaqur me këtë transferim dhe mendon se ky është pikërisht lojtari që i nevojitet skuadrës së tij, që tashmë ka në sulm Grafiten dhe Edin Dzekon, me mundësinë për të shfrytëzuar dy ose tre sulmues në ndeshje.

Lexo më shumë

Zyrtare: Julio Cruz lojtar i Lazios

Ashtu si edhe paralajmëruam, sulmuesi argjentinas Julio Cruz ka nënshkruar me skuadrën italiane Lazio.
Skuadra kryeqytetase ka konfirmuar se veterani argjentinas ka nënshkruar për Biancocelestët. Në faqen zyrtare të Lazios dhe në tuttomercatoweb, shkruan se Cruz ka nënshkruar kontratë njëvjeçare me ekipin nga kryeqyteti i Italisë për vlerën prej 1.6 milionë euro, dhe me mundësinë për ta vazhduar edhe një vit kontratën.

Lexo më shumë

Zyrtare: Heinze nënshkruan për Marseille

Real Madridi ka konfirmuar në faqen zyrtare se Gabriel Heinze ka kompletuar transferimin e tij te Olympique Marseille.
“Real Madridi dhe Marseille kanë arritur marrëveshje për transferimin e Gabriel Ivan Heinzes te klubi francez”, shkruan në deklaratën e shkurtër të Mbretërve. 31-vjeçari dot nënshkruajë kontratë trevjeçare me Marseille, ndërsa çmimi i transferimit deri më tani mbetet i panjohur.

Lexo më shumë

Juventus 2-1 Real Madrid

Juventusi ka arritur të mposhtë Real Madridin me rezultat, 2-1, në kuadër të gjysmëfinales së Peace Cup.
Ish-lojtari i Real Madridit, Fabio Cannavaro, shënoi golin e parë të ndeshjes që në minutën e tretë, pas një gabimi të portierit të Realit, Jerzy Dudek.
Pjesa e parë u mbyll me rezultat të barabartë, 1-1, pasi përforcimi i ri i Real Madridit, Cristiano Ronaldo shënoi golin e barazimit nga pika e bardhë, 4 minuta para përfundimit të pjesës së parë ('41).
Juventusi arriti që ta rikthejë epërsinë 4 minuta pas fillimit të pjesës së dytë me anë të H. Salihamidzic, dhe ky ishte edhe goli vendimtar i ndeshjes, i cili i siguroi Juventusit kualifikimin për në finale të Peace Cup, ku do të takohet me Aston Villan e cila mposhti Porton me rezultat 2-1.

Lexo më shumë