Me një fitore prej 2:1 nga ndeshja e parë, Barça e filloi ndeshjen e relaksuar, ndërsa tifozët e saj është dashur të presin deri në pjesën e dytë për të parë golat – dy të shënuar nga Lionel Messi (50’, 68’ – pen.) dhe golin e tretë të shënuar nga Bojan Krkic (72).

Barcelona kështu është barazuar me Real Madridin, sa i përket titujve të fituar të Super-kupës së Spanjës. Barça dhe Madrilienët kanë nga 8 tituj të Super-kupës, e cila ka filluar të luhet që nga viti 1982.

Përforcimi i ri Barcelonës Zlatan Ibrahimovic, kundër Athletic Bilbao luajti ndeshjen e dytë në fanellën e blaugranëve, mirëpo përkundër faktit se luajti deri në minutën e 70, kur u zëvendësua nga Krkic, as kësaj radhe nuk u shënua në listën e golashënuesve.

Biankonerët kaluan në epërsi pas vetëm 11 minutash lojë, kur një harkim i përkryer i Diegos gjeti kokën e Vincenco Iaquntas, i cili dërgoi topin në këndin e sipërm të majtë të portierit mysafir Stefano Sorrentino.

Pavarësisht rasteve të tjera, goli doli të ishte vendimtar për Juventusin dhe tre pikët e para në sezonin e ri.

Për Chievon deri në minutën e 70-të u aktivizua edhe sulmuesi shqiptar Erjon Bogdani, i cili megjithatë nuk arriti të ndihmojë ekipin për ndonjë rezultat më pozitiv.

Me rezultat minimal ka fituar edhe Lazio në fushë të vet ndaj Atalantas. Golin e vetëm të ndeshjes e shënoi sulmuesi italian Tomasso Rocchi pas 22 minutash lojë.