Mourinho në Manchester United pas pensonimit të Ferguson?

Raporte nga Anglia vazhdojnë të pohojnë se trajneri i Interit Jose Mourinho do ta zëvëndësoj Sir Alex Fergusonin në postin e trajnerit te Manchester United.
The Daily Mail raporton se tekniku portugez do të rikthehet në Premier League që ta drejtojë Manchester Unitedin kur Sir Alex Ferguson të deklarojë pensionimin. Mourinho shpeshherë është thënë të jetë pasuesi ideal i Ferguson te United.
Fergie kishte thënë se ai do të jetë në krye të detyrës derisa ta mbaj shëndeti, por The Daily Mail thotë se ai do të vendos të largohet sezonin e ardhshëm.
Ferguson është i ngarkuar me punë te Manchester United prej vitit 1986, duke fituar 12 tituj të Premier Ligës, 5 kupa FA, dhe dy UEFA Champions League.
Mourinho, një ish menagjer i Chelseat, solli tek të blutë e Londrës titullin e parë të Premier Ligës pas 50 vitesh gjatë qëndrimit të tij nga viti 2004 deri në vitin 2007. Në arritjet e tij përfshihen dhe një titull në UEFA Champions League me Porton, dhe një titull i Series A me Interin.
Bossi Nerazzur kishte relacione të acaruara me mediat në Apenine kur tha se ai ndjehet i huaj në Itali, duke prodhuar spekulime për një rikthim të tij të mundshëm në Premier Ligën Angleze.

Lexo më shumë

Del Piero: Do të rikthehemi duke filluar nga e shtuna

Ikona e Zonjës së Vjetër, Alessandro Del Piero, beson se skuadra e tij do të reagojë në mënyrën më të mirë për të tejkaluar momentin e keq, pikërisht të shtunën mbrëma në ‘derby d'Italia’ kundër Interit.
“Juve-Inter? Është një javë e vështirë për ne, nuk kemi pse ta fshehim, sepse duhet të ndeshemi me Interin dhe pastaj në Ligën e Kampionëve (kundër Bayern Munichut)”. “Duhet të dalim nga ky moment i vështirë në përputhshmëri me punën e madhe dhe me përparimet”. “Ka pasur momente të këqija për të gjithë te Juventusi. Më i keqi ishte para disa vitesh (Calciopoli), arritëm ta tejkalonim atë, dhe mund ta tejkalojmë edhe këtë”. “Është përgjegjësi e të gjithëve, edhe e lojtarëve, sepse ne jemi ata që dalim në fushë. Ne duhet të reagojmë. Kemi folur për këtë gjë dhe dëshirojmë të dalim nga ky moment delikat, duke shpresuar që nga e shtuna”, ka thënë Del Piero për Sky Sport Italia, duke shtuar se ende shpreson që të luajë në Kampionatin Botëror me Italinë.

Lexo më shumë

Moratti: Balotelli nuk është në shitje

Presidenti i Interit, Massimo Moratti, ka reaguar për të thënë se sulmuesi Mario Ballotelli nuk është në shitje, duke mohuar kështu spekulimet që e lidhin atë me Arsenalin.
“Balotelli nuk është në shitje dhe as që do të jetë”, ka thënë Moratti për La Repubblica. Presidenti zikaltër është i njoftuar me mosmarrëveshjet ndërmjet lojtarit dhe trajnerit Jose Mouronho, mirëpo ai është i bindur se bisedimet ndërmjet tyre do të japin rezultat pozitiv për të përmirësuar raportet.

Lexo më shumë

Cannavaro fton Nestan dhe Tottin në përfaqësuese

Mbrojtësi Juventusit dhe Italisë, Fabio Cannavaro, ka ftuar simbolin romak, Francesco Totti, dhe mbrojtësin e Milanit, Alessandro Nesta, që të mendojnë edhe njëherë për t’iu bashkëngjitur përfaqësueses së Italisë në Kampionatin Botëror 2010.
“Gjithmonë flasim me Francescon dhe Alessandron. Kemi pasur fatin të përjetojmë së bashku atë që ndodhi në Berlin, prandaj kemi një lidhje të fortë”. “Të dy janë lojtarë të rëndësishëm, mirëpo varet nga zgjedhja e tyre. Mendoj se edhe Lippi ka të drejtë të marrë vendimet e tij. Ndërsa sa na përket neve lojtarëve, ne dëshirojmë që ata të kthehen”, u ka thënë Cannavaro gazetarëve.

Lexo më shumë

Irlanda nuk do të jetë përfaqësuesja e 33-të në Botëror

FIFA ka refuzuar kërkesën e Federatës Irlandeze të Futbollit që ta përfshijë Irlandën si përfaqësuesen e 33-të në finalet e Kampionatit Botëror, Afrika e Jugut 2010.
Irlanda u eliminua nga Franca pas një goli të shënuar nga William Gallas në vazhdimeve, mirëpo më herët Thierry Henry e kishte prekur topin me dorë para se të asistonte te golashënuesi. Federata Irlandeze e Futbollit nuk pajtohet me faktin që goli është pranuar, ndërsa ka kërkuar që FIFA ta shlyejë ‘borxhin’ ndaj Irlandës duke e përfshirë atë si përfaqësuesen e 33-të. Mirëpo, Sekretari i përgjithshëm i FIFA-s, Jerome Valcke, thotë se diçka e tillë është e pamundur, sepse do ta ndryshonte tërësisht strukturën aktuale, me ç’rast 32 përfaqësuese garojnë në tetë grupe nga katër. Sipas Sky Sports, Valcke ka thënë se kjo do të hapte dyert për përfaqësueset tjera, të cilat po ashtu kanë arsye për t’u ankuar.

Lexo më shumë

Protestojnë tifozët e Juventusit

Tifozët e Juventusit kanë humbur durimin me klubin e tyre- ata kanë filluar protestën ndaj formës së dobët të Bianconerëve.
La Repubblica njofton se një grup i vogël tifozësh janë paraqitur mëngjesin e sotëm në fushën stërvitore në Vinovo, teksa mbanin parulla kundër skuadrës. “Flisni për Scudetto, ndërsa luani pa nder në fushë”, “Respektoni më shumë tifozët”- ishin disa nga mesazhet e shkruara. Ndërkohë, të martën trajneri Ciro Ferrara dhe drejtori sportiv Alessio Secco kanë mbajtur një takim me lojtarët për të diskutuar në lidhje me paraqitjet negative që kanë vënë në dyshim shpresat për Scudetto apo Ligën e Kampionëve.

Lexo më shumë

Messi: Është nder të fitoj Topin e Artë

Sulmuesi i Barcelonës, Lionel Messi, është i ngazëllyer që është emëruar futbollisti evropian i vitit.
Messi është nderuar me çmimin Topi i Artë në orët e hershme të mëngjesit të sotëm, duke mposhtur të dytin të renditur, yllin e Real Madrid, Cristiano Ronaldo.“Është nder i madh të zgjidhem Futbollisti i Vitit, por po ashtu të jem edhe i pari argjentinas në histori që fiton këtë trofe”, ka thënë Messi.“Sinqerisht, e dija se isha në mesin e favoritëve, pasi Barcelona pati një sukses të madh në vitin 2009, kur fituam gjithçka. Por nuk prita një dallim kaq të madh (240 pikë)”.“Topi i Artë është diçka shumë i rëndësishëm për mua. Të gjithë fituesit ishin lojtarë të mëdhenj. Dhe disa emra të mëdhenj kurrë nuk e kanë fituar”, ka shtuar Messi.

Lexo më shumë

Eto'o: Do të shënoj kundër Juventusit

Sulmuesi i Interit, Samuel Eto'o, është i bindur se ai do të shënojë kundër Juventusit këtë vikend.
Kamerunasi ka dështuar të gjejë rrjetën së fundi, duke shënuar vetëm gjashtë gola për nerazurët që kur i është bashkuar klubit nga Barcelona gjatë verës.“Këtë herë kam luajtur me injeksion, por jam shumë më mirë dhe jam i lumtur për këtë sukses në një ndeshje të vështirë kundër Fiorentinës. Tre pikët janë të merituara dhe na lejuan neve të krijojmë tetë pikë ndaj Juventusit, të cilët ende janë të fuqishëm”, ka thënë Eto’o.“Në Torino shpresojmë se do të kemi një ndeshje të bukur dhe futbollin që do të jetë fitues. Duhet të qëndrojmë për tokë, por tash jemi më të qetë. Inter ka lojtarë të shkëlqyeshëm dhe ne mund të mposhtim gjithkënd. Shpresoj se të shënoj të shtunën”, ka shtuar kamerunasi.

Lexo më shumë

Eriksson dëshiron Ligën e Kampionëve me Notts County

Sven-Goran Eriksson ka thënë se ai planifikon të fitojë Ligën e Kampionëve me klubin e League 2 të Anglisë, Notts County.
Suedezi, i cili është drejtor sportiv në këtë klub, nuk do të jetë plotësisht i kënaqur vetëm me arritje në Ligën Premier.“Kur të jemi në Ligën Premier, ëndërr do të jetë të luajmë në Ligën e Kampionëve, dhe pastaj ta fitojmë atë. Thjesht e tillë është natyra njerëzore. Sigurisht është lehtë të ulesh dhe të flasësh për këtë, por është shumë vështirë ta arrish atë”, ka thënë Eriksson për Daily Mirror.

Lexo më shumë

NBA: Mavericks triumfojnë ndaj 76ers

Dirk Nowitzki ka shënuar 28 pikë dhe Jason Terry shënoi pikët e fitores kur kishin mbetur edhe 1.4 sekonda, për të ndihmuar Dallas Mavericks të mposhtë Philadelphia 76ers me rezultat 104-102.
Jason Kidd shënoi pikët më të larta të sezonit, 22, si dhe kontribuoi me 11 asistime derisa Mavericks u rikthyen nga 17 pikë disavantazh para se të shënojnë fitoren në çastet e fundit të takimit.76ers, të cilët humbën ndeshjen e shtatë radhazi, më herët gjatë ditës së djeshme u takuan me ish-lojtarin e tyre, Allen Iverson, i cili hoqi dorë nga fusha e basketbollit, për të biseduar rreth mundësisë së rikthimit të tij.

Lexo më shumë

Messi fiton Topin e Artë

Ylli i Barcelonës, Lionel Messi, është fituesi i çmimit prestigjioz të këtij viti, Topi i Artë, që ndahet nga revista franceze France Football.
22-vjeçari bëhet fituesi i parë i këtij çmimi nga Argjentina, duke lënë prapa fituesin e vitit të kaluar, Cristiano Ronaldo, me një rekord prej 240 pikësh diferencë.Juria e përbërë prej 96 anëtarëve, gazetarë të sportit nga e gjithë bota, i kanë dhënë Messi 473 pikë nga 480 të mundshmet, që është po thuajse një vendim unanim.Fitorja vjen pas një viti të shkëlqyeshëm të argjentinasit. Ai ndihmoi Barcelonën të fitojë Ligën e Kampionëve duke shënuar nëntë gola, përfshirë një të finales kundër Manchester United,. Messi shënoi edhe gjashtë gola në Kupën e Mbretit dhe 23 në La Liga, gara të cilat po ashtu i fitoi Barcelona.Ronaldo, ekipi i ri i të cilit u mposht nga Barcelona në Clasico gjatë të dielës, mblodhi 233 pikë në pozitën e dytë. Dy pozitat tjera po ashtu pushtohen nga lojtarë të Barcelonës, Xavi me 170 pikë dhe Andres Iniesta me 149. Samuel Eto'o, i cili u largua nga Barcelona gjatë verës, ka kompletuar top pesëshin.

Lexo më shumë

Gago dëshiron të largohet nga Reali

Mesfushori argjentinas Fernando Gago nuk është i kënaqur në Real Madrid dhe dëshiron të largohet në afatin kalimtar të janarit.
Argjentinasi është i pakënaqur me mosaktivizimin e tij këtë sezon dhe i ka thënë agjentit të tij t’ua bëjë këtë të ditur drejtuesve të klubit.Gago nuk është marrë parasysh as për ndeshjen e të dielës kundër Barcelonës dhe tash është i gatshëm të largohet që në janar. Milani dhe Fiorentina janë dy prej ekipeve italiane të interesuara në mesfushorin.

Lexo më shumë

Spalletti dëshiron Pavlyuchenkon në Zenit

Klubi rus Zenit St Petersburg thuhet se dëshiron të angazhojë sulmuesin e Tottenhamit, Roman Pavlyuchenko.
Zenit pritet të emërtojë Luciano Spallettin si trajner të ri të ekipit, dhe italiani dëshiron Pavlychenko të jetë nënshkrimi i ri i tij, bën të ditur Daily Mail.Pavlyuchenko, i cili dëshiron të rikthehet në Rusi, vlerësohet rreth 15 milionë funte nga Tottenham, por Zenit ngurron të paguajë ndonjë shumë më të madhe se 10 milionë. Për rusin i interesuar është edhe ish-klubi i Spallettit, Roma.

Lexo më shumë

United përgatitet të vazhdojë marrëveshjen me Giggs

Kampioni në fuqi i Ligës Premier, Manchester United, raportohet se është duke përgatitur marrëveshje të re për mesfushorin Ryan Giggs.
Sipas Daily Mail, Giggs, i cili mbushi 36 vjet gjatë vikendit kur shënoi edhe golin e 100-të në karrierë në Ligë nuk e ka në plan ende të heqë dorë nga loja aktive.Giggs do të jetë pa kontratë në fund të sezonit, por atij i është ofruar vazhdimi njëvjeçar i kontratës nga drejtuesit e klubit anglez, edhe pse Sir Alex Ferguson tha se ai do të luajë së paku edhe për dy vite të tjera.

Lexo më shumë

Redknapp: Titulli ka përfunduar për Arsenalin

Trajneri i Tottenhamit, Harry Redknapp, thotë se shpresat për titull për Arsenalin tashmë kanë përfunduar pas humbjes ndaj Chelseat.
Me një të tretën e sezonit tashmë të kaluar, Spurs janë në pozitën e tretë menjëherë prapa Chelseat dhe Manchester United, dhe Redknapp mendon se gara për titull do të jetë pikërisht në mes dy ekipeve lidere.“Nuk mendoj se ne kemi mësuar diçka nga vikendi. Kam thënë edhe javë më parë se Chelsea dhe Manchester United do të luftojnë për kampionat”, ka thënë Redknapp.“Nuk mund të mendoj Arsenalin duke e fituar kampionatin, e patë se sa i fuqishëm është Chelsea, ata kanë gjithçka, dhe kurrë nuk mund ta eliminoni United. Kam folur me Alex dy javë më parë dhe ai po ashtu ka menduar kështu”.“Për ne të arrijmë në Ligën e Kampionëve do të jetë një arritje e madhe. Evertoni e bëri këtë një vit. Pse jo? Sigurisht se kjo mund të ndodhë, Villa dhe Manchester City po ashtu mund t’ia dalin këtë vit. Ka mundësi, por do të jetë shumë vështirë. Kemi shanse të mira”, ka shtuar anglezi.

Lexo më shumë

Totti: Kam nënshkruar kontratën e re

Ikona e Romës, Francesco Totti, gjatë ceremonisë së lansimit të faqes së tij të internetit, www.francescototti.com, ka deklaruar se ka nënshkruar kontratë të re me Romën.
“Tashmë është nënshkruar”, citohet Totti nga Romanews.eu, i cili ka shtuar se tashmë vetëm duhet t’u dërgohet drejtuesve të Ligës italiane të futbollit për ta konfirmuar. 33-vjeçari nuk ka dhënë detaje të tjera në lidhje me kohëzgjatjen apo pagën që do të marrë me kontratën e re, porse ka folur për derbin lokal kundër Lazios, duke e përshkruar si një derbi tradicionalisht të zjarrtë.

Lexo më shumë

Valdes: La Liga më e mira në botë

Portieri i Barcelonës, Victor Valdes, është shprehur i kënaqur me fitoren minimale të Barcelonës kundër Real Madridit në derbin e të dielës mbrëma duke thënë se kjo përballje dëshmoi se Kampionati spanjoll është më i miri në botë.
“Jemi të kënaqur me mënyrën si shkoi loja... Pritëm një Real Madrid të guximshëm, i cili do të vinte të luajë një lojë të mirë në kundërsulme, sepse ka lojtarë të mirë për ta bërë këtë gjë”, citohet Valdes nga AS. Duke llogaritur numrin e lojtarëve nga La Liga që konkurrojnë për Topin e Artë (gjashtë nga dhjetë) dhe duke u bazuar në ‘el Clasico’, portieri spanjoll thotë se Liga e Spanjës është “liga më e mirë në botë dhe kjo është arsyeja pse lojtarët më të mirë dëshirojnë të luajnë këtu”.

Lexo më shumë