Ronaldo: Reali do të jetë skuadra më e mirë e vitit 2010

Lojtari më i shtrenjtë në historinë e futbollit, Cristiano Ronaldo, ka zbuluar qëllimet e skuadrës së tij Real Madrid për vitin 2010: të jetë skuadra më e mirë në botë!
“Real Madridi do të jetë ekipi më i mirë i vitit 2010. Duhet ta kemi energjinë dhe motivimin për të fituar gjithçka që na del përpara” “Tifozët dhe lojtarët po ëndërrojnë Ligën e Kampionëve. Këtë vit finalja mbahet në Santiago Bernabeu dhe është një mundësi e madhe për ne”, ka thënë portugezi.

Lexo më shumë

Benitez: Kupa FA e rëndësishme për Liverpoolin

Duke qene se Liverpooli është eliminuar nga Liga e Kampionëve dhe ka gjasa minimale për ta fituar Ligën Premier, trajneri Rafael Benitez dëshiron ta fitojë Kupën FA.
“Gjithmonë ka qenë e rëndësishme, por kur je jashtë Ligës së Kampionëve, njerëzit mendojnë për trofe dhe Kupa Fa është shumë, shumë e rëndësishme për ne”. “Duam të vazhdojmë tutje, duam të arrijmë sa më shumë që mundemi. Duhet të analizojmë dhe të mendojmë se çfarë të bëjmë, dhe kemi edhe një seancë stërvitore. Do të shohim si janë lojtarët, por ndoshta nuk do të ndryshojmë shumë”. “E dimë se luajmë kundër Tottenhamit tetë ditë më vonë, prandaj do të kemi kohë. Ne mund ta eliminojmë një skuadër të fortë”, ka thënë spanjolli për Daily Mail.

Lexo më shumë

Kaka kthehet në trajnime

Mesfushori i Real Madridit, Ricardo Kaka, është kthyer në trajnime pas një muaji për shkak të një lëndimi në ijë.

Ueb-faqja zyratre e Real Madridit tha se ylli i tyre, Kaka, është paraqitur në trajnimet e së enjtes dhe duket se është rikuperuar.

Kaka nuk ka luajtur që nga humbja me rezultat 0-1 e Realit nga Barcelona në Ligën e Spanjës më 29 nëntor 2009.

Liga e Spanjës vazhdon këtë fundjavë pas pushimit dimëror, që zgjati dy javë dhe Real Madridi do të përballet me Osasunën të dielën. Klubi nuk ka treguar nëse Kaka do të luajë në atë ndeshje apo jo. /sportisot/

Lexo më shumë

Gramozi vs Real Madrid LIVE

Ndeshja ndërmjet Gramozit dhe Real Madridit ka përfunduar me fitoren e ngushtë të Realit, 2-1.

Për më shumë, klikoni këtu.

Lexo më shumë

Ronaldo, Lojtari i dekadës

Legjenda braziliane Ronaldo, është shpallur lojtari i dhjetëvjetëshit të fundit, sipas një sondazhi të bërë nga faqja e futbollit Goal.com.
Sipas votave të lexuesve të kësaj faqeje, Ronaldo është ndjekur nga legjenda franceze Zinedine Zidane, me një diferencë të ngushtë. ‘Fenomeni’ (43.63%) dhe Zizu (36.05%), së bashku kanë grumbulluar 79.68 % të votave të përgjithshme, ndërsa pas tyre janë renditur Lionel Messi (5.88%), Sami Hyypia (5.14%) dhe Gianluigi Buffon (4.88%).

Lexo më shumë

Mancini: Më sillni Maiconin dhe Ibrahimovicin

Trajneri i ri i Manchester Cityt, Roberto Mancini, dëshiron që t’i ketë në skuadër dy ish lojtarët e tij, Dougllas Maicon (Inter) dhe Zlatan Ibrahimovic (Barcelona).
“Nëse City përfundon në top-katërsh, do të kërkojmë lojtarë të nivelit më të lartë. Do të më pëlqente Maicon”. “Me Ibran gjithmonë kemi pasur një raport besnikërie. Ai është (një lojtar) i klasit botëror. Cili menaxher në botë nuk do ta dëshironte Ibrahimovicin?”, ka thënë Mancini për francorossi.com.

Lexo më shumë

Urime Viti i Ri 2010

Stafi i SportiSot, ju uron Gëzuar Vitin e Ri 2010, dhe shpreson se ky vit do të jetë edhe më i lumtur dhe më suksesshëm se viti që e kaluam.
-Gjatë vitit 2009, SportiSot ishte faqja e cila ju informoi me ngjarjet kryesore nga bota e sportit shqiptar dhe ndërkombëtar në kategori të ndryshme, duke filluar nga sporti më i popullarizuar në botë, Futbolli, dhe me kategori të ndryshme siq janë: Basketbolli, Formula 1, Tenisi, Boksi, Atletika, Hendbolli, Motoçiklizmi, Shahu, Air Race, Hokeji mbi akull, Karateja, Mundja, Noti, Peshëngritja dhe Xhudoja. Në vitin 2009, SportiSot punoi pa u ndalur duke postuar kështu 5532 artikuj sportiv vetëm për vizitorët kësaj faqeje.

-Pavarësisht sukseseve që arriti në vitin 2009, SportiSot kërkon të arrijë suksese edhe më të mëdha këtë vit, duke postuar edhe më shumë lajme si nga sporti shqiptar, ashtu edhe ai ndërkombëtar.

Lexo më shumë