Drogba i gatshëm për Unitedin

Didier Drogba do të jetë në gjendje gatishmërie për të filluar nga minuta e parë në sfidën vendimtare të këtij sezoni në Premier Ligë kundër Manchester Unitedit në Old Trafford.
“Drogba kishte ca probleme të vogla në fillim të javës, dhe ai ishte dy javë jashtë aksionit për shkak të një goditjeje në gjurin e tij, mirëpo ai është stërvitur mjaft mirë. Nuk kemi probleme me lëndime me lojtarët tjerë. U stërvitëm mjaft mirë këtë javë. Ekipi është i gatshëm”.
“Besimi në lojën tonë është gjëja kryesore nëse dëshirojmë të fitojmë kundër Manchester Unitedit. Ne duam të tregojmë lojën tonë”, deklaroi Ancelotti.

Lexo më shumë

Benzema nuk kalon te Milani

Sipas komenteve të fundit të agjentit të tij, sulmuesi i Real Madridit, Karim Benzema, nuk do t’i bashkohet Milanit gjatë afatit kalimtar veror.
Mediat spanjolle kishin hedhur idenë e largimit të Benzemas në drejtim të Milanit pas dështimit në Bernabeu, por është agjenti Karim Djaziri që i hedh poshtë të gjitha spekulimet.
“Benzema do të qëndrojë te Reali sepse është shumë i lumtur në Spanjë. Milani? Nuk kam dëgjuar nga askush. Dhe për çdo rast, unë them se ai do të qëndrojë në Madrid sepse është i lumtur këtu”, tha Benzema.

Lexo më shumë

Moratti nuk frikësohet nga largimi i Mourinhos

Presidenti i Interit, Massimo Moratti, ka hedhur poshtë spekulimet e fundit se menaxheri Jose Mourinho dëshiron ta lë klubin për t’u rikthyer në Angli.
Mourinho shkaktoi polemika me komentet e tij të fundit, kur pohoi se atij nuk i pëlqen aspak futbolli italian.
“A kam frikë se do ta humbas Mourinhon? Jo. Ai ka kontratë të mirë me ne dhe nuk i frikësohem nostalgjisë së tij për futbollin anglez”.
“Ai ka thënë se atij i mungon Anglia që nga dita e parë kur erdhi këtu, por ai ka edhe dy vite kontratë me Interin”, ka thënë Moratti.

Lexo më shumë

Del Piero: Italia ka potencial për ta fituar KB 2010

Kapiteni i Juventusit, Alessandro Del Piero, ka thënë se Italia mund ta fitojë Kampionatin Botëror 2010, por ka nënvizuar vështirësitë e përsëritjes së suksesit të vitit 2006.
“Italia fituese përsëri? Është e vështirë. (Lojtarët) do të duhej të ishin perfekt gjatë një muaji e gjysmë. Por Italia ka potencialin për ta bërë atë”.
“Thirrja në kombëtare është pasojë e asaj se si luan në kampionat. Unë fokusohem në ekipin tim. Shpresoj që Lippi të bëjë zgjedhjet e duhura dhe shpresoj se unë do të jem pjesë e kombëtares”, ka thënë Del Piero.

Lexo më shumë

Marcelo: Nuk më intereson Barcelona

Anësori i majtë i Real Madridit, Marcelo, ka thënë se ai nuk e ka shikuar ndeshjen e të mërkurës ndërmjet Arsenalit dhe Barcelonës në Ligën e Kampionëve.
“Nuk e kam shikuar Barcelonën dje. Nuk e di si luajtën ata dhe nuk më intereson. Ajo çfarë më intereson tani është ndeshja e radhës kundër Racing Santanderit”, tha braziliani.
Duke folur për gjendjen e Ricardo Kaka, bashkëkombësi i tij tha se nuk është në dijeni nëse ish-ylli i Milanit do të jetë në fushë për derbin ‘el Clasico’.

Lexo më shumë

Balotelli kërkon falje

Sulmuesi i Interit, Mario Balotelli, i ka kërkuar falje klubit për tensionet e fundit me trajnerin Jose Mourinho.
Këto komente të Balotellit vijnë pas bisedimeve të mbajtura gjatë ditës së sotme në Appiano Gentile. Balotelli premton kështu një rikthim të shpejtë në fushë për ta vënë vetën në binare.
“Më vjen keq për situatën që është krijuar kohëve të fundit. Unë jam ai që po vuaj sepse e dua futbollin dhe dua të luaj. Unë do të pres i qetë derisa të ketë nevojë ekipi im. Nuk dua të mendoj më për të kaluarën, por të shikoj të ardhmen dhe qëllimet tona në mënyrë që unë të jem gati. Mario Balotelli”, thotë një komunikatë e lëshuar nga lojtari në faqen zyrtare të Interit.

Lexo më shumë

Rooney nuk lëndohet rëndë

Manchester Unitedi ka konfirmuar se Wayne Rooney nuk ka thyer nyjën, por ka dëmtuar ligamentet, duke bërë që lëndimi të duket më i lehtë se në shikim të parë kur ishte njoftuar për mungesë një mujore të sulmuesit më në formë të United.
“Ne jemi të lumtur të njoftojmë se Rooney nuk ka pësuar frakturë. Skanimi zbuloi vetëm dëmtime të vogla të ligamenteve”, tha një zëdhënës i United.
Detajet pritet t’i zbulojë Sir Alex Ferguson në konferencën e nesërme për shtyp para takimit kundër Chelseat.

Lexo më shumë

Zyrtare: Përfundon sezoni për Fabregas!

Mesfushori i Arsenalit, Cesc Fabregas, ka pësuar një lëndim në ndeshjen ndaj Barcelonës, lëndim i cili mund ta mbajë atë jashtë aksionit për pjesën e mbetur të sezonit.
Fabregas u lëndua vetvetiu pas goditjes së penaltisë që i dha barazimin e artë Arsenalit në takim kundër Barcelonës.
“Nuk jam mirë. Të presim deri nesër, por unë shpresoj se do të mund të vesh përsëri fanellën e Arsenalit këtë sezon. I frikësohem më të keqes, ndonjë thyerje. Nuk mendoj se do të jenë lajme të mira, por shpresoj të jenë”.
“Kur e ekzekutova penaltinë, isha mjaft i fortë, por kur shkova për ta marrë topin, unë nuk munda të ecë më. Mendoj se është fibula. Mendoj se e godita atë kur hyri në të dyja këmbët e Puyol. Deri te penaltia ndjehesha mirë”.
“Ndeshja ishte përvojë e jashtëzakonshme që do ta kujtoj gjatë gjithë jetës”, u shpreh Fabregas.

Lexo më shumë

Carragher kërkon trofeun e Europa League

Mbrojtësi i Liverpoolit, Jamie Carragher, shpreson të fitojë trofe këtë sezon, duke synuar të vetmin në të cilin është në garë ekipi anglez, Ligën e Evropës.
Liverpooli do të përballet me Benfican në Lisbonë sonet në ndeshjen e parë çerekfinale të garës evropiane, ku Carragher pritet të bëjë paraqitjen e 621-të për klubin, duke u renditur mbi Alan Hansen, në pozitën e tetë të listës së lojtarëve me më së shumti paraqitje për klubin.
“Ne jemi ende në Europa League dhe jemi të etur ta ngremë një trofe në duar, nuk e kemi bërë këtë për tashmë disa vite. Është shumë e rëndësishme dhe sukses nëse fitojmë këtë garë dhe kjo mund të ndryshojë sezonin tonë. Në dy javët e fundit mund gjithçka të kthehet përmbys”, ka thënë Carragher.

Lexo më shumë

Wenger i kënaqur me izolimin e Messi

Menaxheri i Arsenalit, Arsene Wenger, beson se lojtarët e tij e kanë mbajtur të izoluar sulmuesin Lionel Messi në takimin e mbrëmshëm.
Barcelona kaloi në avantazh të dyfishtë me dy gola të Ibrahimovic, para se topçinjtë të barazojnë rezultatin. Por Wenger thotë se ai është i kënaqur se si lojtarët e tij janë kujdesur për sulmuesin argjentinas.
“Kjo ishte një shenjë pozitive sot, ai nuk shënoi dhe nuk krijoi shumë raste”, ka thënë strategu francez pas takimit të mbrëmshëm.

Lexo më shumë

Valdes i zhgënjyer pas barazimit

Portieri i Barcelonës, Victor Valdes, është i zhgënjyer pas barazimit të mbrëmshëm me rezultat 2-2 në fushë të Arsenalit.
“Rezultati është i mirë, por ne merituam më shumë, andaj kthehemi me një shije të hidhur nga një stadium ku është vështirë të fitohet”, ka thënë portieri spanjoll.
“Në pjesën e parë ne e kontrolluam ndeshjen, por Almunia ishte shumë i suksesshëm. Në pjesën e dytë shënuam golat që i merituam në pjesën e parë, por pastaj ata filluan me kundërsulme”.
“Cesc e goditi Carles (Puyol), Carles nuk e goditi Cesc. Kjo nuk ishte ajo çfarë arbitri tha dhe ai vendosi të tregojë me shenjë nga penaltia, dhe kjo edhe ndodhi”, ka shtuar Valdes.

Lexo më shumë

NBA: Raptors shton gjasat për play-off

Toronto Raptors ka shtuar avantazhin në dy ndeshje ndaj Chicago Bulls në pozitën e tetë dhe të fundit që dërgon në play-off në Konferencën Lindore duke mposhtur Los Angeles Clipper me rezultat 114-92.
Chris Bosh shënoi 34 pikë dhe 11 kërcime derisa Andrea Bargnani shënoi 21 pikë dhe tetë kërcime për Raptors që barazuan numrin e fitoreve dhe humbjeve këtë sezon (nga 37 secilën).
Chris Kaman shënoi 22 pikë dhe 13 kërcime për Los Angeles, derisa Drew Gooden shënoi 17 pikë dhe 10 kërcime. Kjo ishte humbja e tretë radhazi për Clippers dhe e 48-ta e sezonit (27 fitore).

Lexo më shumë

Zamparini: Ranieri më i mirë se Mourinho

Presidenti i Palermos, Maurizio Zamparini, ka lëshuar një goditje në drejtim të trajnerit të Interit, Jose Mourinho.
Zamparini beson se Interi do ta kishte nxjerrë Romën jashtë garës për titull nëse Claudio Ranieri do të kishte qenë në stolin drejtues të nerazurëve.
“Interi është ekipi më i fuqishëm në Serie A, por trajneri është ai i cili e bën dallimin. Do t’i ndërroja trajnerët. Nëse Interi do ta kishte Ranierin, do të ishte 15 pikë para Romës”, ka thënë Zamparini.

Lexo më shumë

Henry: Rikthimi në Emirates ishte i jashtëzakonshëm

Sulmuesi i Barcelonës, Thierry Henry, e sheh rikthimin e tij në Arsenal në ndeshjen e mbrëmshëm si ‘të jashtëzakonshëm’.
Henry, megjithatë, ka shqetësime pasi Barcelona nuk arriti më shumë se një barazim 2-2 në Emirates edhe pse kishte avantazh të dyfishtë.
“Është shumë e pazakonshme, ne mund të kishim fituar bindshëm, por në fund barazuam. Por në Evropë barazimi kurrë nuk është i keq. Do të jetë mirë të përfundojmë sfidën në shtëpi”, ka thënë Henry për AS.
“Kam përjetuar një moment të jashtëzakonshëm me brohoritjet e turmës. Ishte një moment i veçantë dhe për mua ishte vështirë të largohem nga fusha. Kam luajtur tetë vite atje”, ka thënë francezi.

Lexo më shumë

Laporta i bindur se Barcelona do ta eliminojë Arsenalin

Presidenti i Barcelonës, Joan Laporta, është i bindur se ekipi i tij do ta eliminojë Arsenalin në ndeshjen e dytë çerekfinale të Ligës së Kampionëve.
Barcelona kaloi në avantazh të dyfishtë, para se të pësojë dy gola dhe të kthehet nga Emirates Stadium me barazim 2-2 ndaj Arsenalit.
“E shoh gotën si gjysmë të mbushur se sa si gjysmë të zbrazur. Ne duhet të mendojmë ndeshjen e kthimit në Camp Nou. Ne kemi avantazh në kualifikime. Ne luajtëm një ndeshje të shkëlqyeshme”.
“Rezultati është pozitiv, duhet të luftojmë dhe trajnerët do t’i nxehin lojtarët nëse është e nevojshme. Unë nuk do të luaj, por ekipi i Barcelonës është shumë garues dhe do t’ia dalë mirë”, ka thënë Laporta.

Lexo më shumë

Ferdinand: United mund të shënojë pa Rooneyn

Mbrojtësi i Manchester United, Rio Ferdinand, thotë se Manchester United mund të fitojë edhe pa sulmuesin kryesor Wayne Rooney.
Rooney pritet të mungojë nga dy deri në katër javë për shkak të një lëndimi në gju të pësuar në ndeshjen kundër Bayern Munich.
“Në ndeshjet e fundit Wayne ka munguar, ne kemi shënuar disa gola. Dimitar Berbatov është futur në lojë dhe ka bërë punën shumë mirë”.
“Rooney është një lojtar i shkëlqyeshëm dhe ka qenë shumë me ndikim në sezonin tonë deri tash, por ne e dimë se kemi lojtarë të cilët mund të futen dhe të ndihmojnë”, ka thënë Ferdinand.

Lexo më shumë

Wenger: Walcott është fantastik

Menaxheri i Arsenalit, Arsene Wenger, është i ngazëllyer me paraqitjen e Theo Walcott në barazimin e mbrëmshëm 2-2 ndaj Barcelonës.
Arsenali ishte në disavantazh prej dy golash në Emirates, por me inkuadrimin e Walcott ngushtoi disavantazhin në 2-1 para se Fabregas të barazojë nga penaltia.
“Nuk mohoj se sonte ai kishte një ndikim të madh kur u fut në lojë dhe jam shumë i lumtur për këtë. Ishte absolutisht fantastik. Ai ka kualitete të cilat mund të shfrytëzohen në fusha të mëdha si Nou Camp, por së pari le të fokusohemi në Wolves të shtunën”, ka thënë Wenger.

Lexo më shumë