Milan shënon fitore minimale

Milani ka shënuar fitore të rëndësishme në San Siro kundër Fiorentinas, ndeshje e cila përfundoi me rezultat në fund 1-0.
Në pjesën e parë asnjëri prej dy ekipeve nuk shënoi në portat kundërshtare dhe skuadrat shkuan në pushim duke pritur instruksionet nga trajnerët përkatës për ndryshimin e rezultatit në pjesën e dytë.
Në minutën e 75′ Leonardo inkuadron Mancinin dhe Inzaghin. Inzaghi në bashkëveprim me Borriellon fitojnë në penalti, të cilën Ronaldinho e konverton në gol.
Pak para fundit të ndeshjes, Ambrossini ndëshkohet për herën e dytë duke u përjashtuar nga loja, kurse Fiorentina kishte disa gjuajtje të lira të cilat nuk arriti t’i shfrytëzonte me sukses.
Me këtë fitore Milan përforcon pozitën e tretë me 67 pikë, kurse Fiorentina pozicionohet e dhjeta në tabelëm e 46 pikë.

Lexo më shumë

Villa mohon kalimin te Barca

Sulmuesi i Valencias, David Villa, ka hedhur poshtë spekulimet për një transferim të tij te Barcelona.
Reprezentuesi spanjoll ishte bërë subjekt i spekulimeve ditëve të fundit kur thuhej se Real Madridi dhe Chelsea ishin të interesuar, por kishte nga ato spekulime që flisnin se ai tanimë është lojtar i Barcelonës.
“Jam i fokusuar në punën time dhe në Kamponatin Botëror. Nuk do të dëshiroja të përzihem në spekulimet rreth meje, ashtu si verën e kaluar”, përfundoi Villa.

Lexo më shumë

Queiroz: Ronaldo më i mirë se Messi, Reali ta fitojë La Ligan

Përzgjedhësi i kombëtares portugeze, Carlos Queiroz ka deklaruar se ai beson se Real Madridi do të mund të tejkalojë Barcelonën për të fituar titullin në La Liga, ndërsa ka lëvduar Ronaldon para Messit.
“Unë mendoj se Real Madridi do ta fitojë atë. Për arsye se kam qenë trajner për rreth një vit, shpresoj një gjë e tillë të ndodhë”.
“Unë e kam stërvitur Cristiano Ronaldon me vite të tëra dhe jam portugez dhe trajner i Portugalisë. Mendoj se Cristiano Ronaldo është më i miri, natyrisht, i pakushtëzuar të them kështu. Të dy (Ronaldo dhe Messi) janë lojtarë të mëdhenjë dhe mund të bëhen për disa vite legjenda të futbollit. Cristiano Ronaldo është njëri prej lojtarëve më të mirë në histori të kombëtares portugeze, përkundër moshës së re”, deklaroi Queiroz për AS.

Lexo më shumë

Guardiola i kënaqur me Ibran

Trajneri i Barcelonës, Pep Guardiola ka dalë në mbrojtje të sulmuesit të Barcelonës, Zlatan Ibrahimovic dhe kritikave ndaj tij.
Ibrahimovic ishte bërë cak i breshërive me kritika pas dështimit të kualifikimit të Barcelonës në finalen e Ligës së Kampionëve.
“Çdo herë kur ka luajtur, ai ka luajtur mirë, por lëndimet në momentet kyçe nuk i kanë ndihmuar. Është normale që këto lloj tregimesh të fliten në këtë periudhë të vitit. Por, unë nuk jam personi i duhur të flas për to”, tha Guardiola.

Lexo më shumë

Roma vazhdon betejën për Skudeton

Roma është rikuperuar nga disfata e fundit ndaj Sampdorias për të shënuar fitore 2-1 në fushë të Parmas dhe për të marrë kreun e Serie A, së paku deri nesër kur Interi udhëton te Lazio.
Mysafirët kaluan në epërsi të hershme, pas pesë minutash lojë, me anë të golit të shënuar nga kapiteni Francesco Totti, ndërsa dyfishuan epërsinë me anë të Rodrigo Taddeit 15 minuta para fundit të ndeshjes.
E gjithë çfarë arritën vendasit ishte një gol i vetëm i shënuar nga Lanzafame, 9 minuta para fundit të ndeshjes.
Roma tash mbledh 74 pikë, një më shumë se Interi që do të ketë një sfidë të vështirë nesër në fushë të Lazios, pas ‘lodhjes’ në mesjavë në gjysmëfinale të Ligës së Kampionëve, ku eliminoi Barclonën.

Lexo më shumë

Bayerni fiton titullin e Bundesligës

Thomas Muller ka shënuar hat-trick për të ndihmuar Bayern Munich të mposhtë Bochumin në Allianz Arena me rezultat 3-1 dhe të sigurojë titullin e Bundesligës, pasi Schalke dështoi përballë Werder Bremenit.
Muller shënoi dy gola të shpejtë në pjesë të parë (18’ dhe 20’), ndërsa edhe një të tretë në pjesë të dytë (69’), para se mysafirët të ngushtojnë rezultatin në 3-1 me anë të Fuchs pesë minuta para fundi të ndeshjes.
Rivali i vetëm për titull, Schalke, është mposhtur në fushë të vet nga Werder Bremeni me rezultat 2-0 me golat e Mehmet Ozil dhe Hugo Almeida.
Disfata e mban Schalken tre pikë prapa Bayernit me edhe një ndeshje të mbetur deri në fund të sezonit, dhe praktikisht të paarritshme pozitën e parë pasi bavarezët kanë edhe diferencë shumë më të mirë të golave (17).
Bayern Munichu është edhe në një garë tjetër të rëndësishme, Ligën e Kampionëve, ku në finale do të takohet me Interin.

Lexo më shumë

Emery: La Liga e mërzitshme

Trajneri i Valencias, Unai Emery e ka quajtur La Ligan të mërzitshme për shkak të diferencës së madhe mes Barcelonës e Real Madridit dhe pjesës tjetër të klubeve në Spanjë.
Valencia që është në vendin e tretë ka 25 pikë më pak se lideri Barcelona, gjë e cila nuk duket gjë e mirë tek trajneri i Los Che që detyrohet ta quaj La Ligan të mërzitshme.
“Kampionatet më interesante janë ata ku konkurenca është e madhe, por dallimi mes Real Madridit, Barcelonës dhe pjesës tjetër është i madh dhe askush nuk e do këtë. Do të ishte më e shëndetshme nëse do të ekzistonte më pak diferencë, pasi që do të kishte interesim më të madh”, ka thënë Emery.

Lexo më shumë

City dhe Tottenham vazhdojnë betejën për vendin e katërt

Manchester City ka shënuar fitore me rezultat 3-1 si nikoqir ndaj Aston Villas, duke eliminuar këtë të fundit nga gara për pozitën e katërt.
Vendasit e panë veten në disavantazh pas 15 minutash lojë kur John Carew shënoi për Aston Villan, por arritën të përmbysin rezultatin me dy gola të shpejtë në fund të pjesës së parë.
Carlos Tevez barazoi katër minuta para pauzës (41’), ndërsa dy minuta më pas Adebayor i dha epërsinë Cityt (43’). Fitorja u vulos në minutat e fundit të ndeshjes me anë të një goli të Craig Bellamy (89’).
Në takimin tjetër të Ligës Premier, Tom Huddlestone ka shënuar golin e vetëm të ndeshjes (38’), për t’i dhënë Tottenhamit fitoren minimale ndaj Bolton Wanderers, që mban Spursat në Pozitën e katërt të tabelës.

Lexo më shumë

Benitez: Kam pasur shumë oferta

Menaxheri i Liverpoolit, Rafa Benitez, ka pranuar se ai ka refuzuar një numër ofertash për të qëndruar te Liverpooli
Javëve të fundit e ardhmja e Benitez ka filliuar të lëkundet dukshëm, me Juventusin të interesuar hapur për të, një gjë që mund të ndodhë për shkak të zhgënjimit që ka Benitez me pronarët.
“Nëse jam këtu është për shkak të këtyre tifozëve. Po, unë jam këtu përkundër ofertave të shumta, por kam thënë se do të qëndroj kur nënshkrova kontratën. Unë dhash fjalën time për shkak të tifozëve”.
“Ishte një sezon vërtet zhgënjyes sepse ne nuk arritëm atë që kemi pritur dhe unë jam ende këtu dhe do bëj më të mirën deri në fund. Tifozët janë gjëja kryesore, më e mira që ka klubi”, ka thënë Benitez.

Lexo më shumë

Tevez: Nuk më intereson Reali

Sulmuesi i Manchester Cityt, Carlos Tevez, ka heshtur të gjitha spekulimet që e lidhnin atë me një kalim te Real Madridi.
“Nuk më intereson nëse njerëzit flasin për Real Madridin apo ndonjë klub tjetër të madh në Evropë. Jam mësuar me spekulimet dhe nuk do t’i lejoj që të më shpërqëndrojnë. Mendja ime është vetëm në punën time te City dhe se si t’i fitoj ndeshjet e mbetura. Natyrisht, qëllimi ynë është të jemi ndër ato katër ekipe që do të luajnë në Ligën e Kampionëve”.
“Është presion i njëjtë si të synosh të fitosh titullin me Unitedin, si të luftosh për mbijetesë me West Hamin. Unë luaj tani me të njëjtin impenjim dhe pasion ashtu sikurse në situatat e lartpërmendura”, u shpreh Tevez.

Lexo më shumë

Van Persie në listën e Barcelonës

Përkundër spekulimeve të parreshtura për një transferim të Cesc Fabregasit në Barcelona, tani duket se vëmendja e Blaugranëve është përqëndruar edhe në sulmuesin holandez Robin Van Persie.
Gjithsej janë katër lojtarë në listën e Barcelonës, David Villa dhe David Silva të Valencias, dhe Fabregas e Van Persie të Arsenalit. David Silva është më i kërkuari nga Guardiola, dhe nëse kjo ndodh David Villa do të qëndronte në Valencia. Si pasojë e kësaj, Van Persie do të jetë synimi kryesor offensiv për Barcelonën gjatë verës.
Megjithatë Arsene Wenger duket se nuk nxiton për ta shitur sulmuesin e tij më të mirë e as mesfushorin më të mire, Fabregas, andaj një transferim i këtyre dy të fundit në Camp Nou duket e pamundur të ndodhë.

Lexo më shumë

Ancelotti: Nuk largohem nga Chelsea

Menaxheri i Chelseat, Carlo Ancelotti ka thënë për Tuttosport se ai nuk ka në plan të largohet nga Chelsea pa e fituar Ligën Premier në një të ardhme të afert.
“Unë nuk largohem nga Londra pa e fituar ndonjë titull sezonin e ardhshëm”, theksoi Ancelotti.
Në ndërkohë, garës për titull në Ligën Premier po i afrohet fundit me Chelsean që do të përballet të dielën me Liverpoolin.
“Ata nuk e adhurojnë Manchester Unitedin, por jam i sigurt se ata nuk do të na i falin pikët”, përfundoi Ancelotti.

Lexo më shumë

Aguero lojtar i Chelseat?

Chelsea do të ofrojë hiç më pak se 40 milionë funte për sulmuesin argjentinas të Atletico Madridit, Sergio Aguero.
Sipas ESPN, Blutë e Londrës tashmë kanë arritur marrëveshje me drejtuesit e Atletico Madridit që peshon rreth 40 milionë funte edhe pse kërkesa e parë e tyre ishte 50 milionë funte. Sidoqoftë, vështirësitë financiare kanë detyruar Atleticon të pranojë 40 milionë funte për sulmuesin më të mirë të skuadrës.
Aguero pritet të prezantohet si lojtar i Chelseat pas përfundimit të sezonit apo thënë më mirë pak para Botërorit 2010.

Lexo më shumë

Hodgson: Do të pranoja drejtimin e Anglisë

Pas arriti të dërgojë Fulhamin në mënyrë sensacionale në finalen e Europa League, Roy Hodgson është duke u përmendur tash si pasues i Fabio Capellos në kombëtaren angleze, post të cilin ai do ta pranonte pa hezitim.
“Është maja në karrierën e një trajneri anglez kur i ofrohet mundësia për të drejtuar kombëtaren e tij. Kështu që, natyrisht se nëse ndonjëherë vjen dita dhe njerëzit e FA (federatës angleze) mendojnë se unë jam njeriu i duhur për atë post, unë do të isha shumë, shumë i nderuar ta pranoja”.
“Por, më duhet të them se Fabio Capello momentalisht ka një kontratë dhe po bën punë të mrekullueshme, kurse unë nuk do të dëshiroja të përzihesha në punët e tij. Por, ndoshta një ditë në të ardhmen, nëse më ofrohet mundësia, nuk do të hezitoja ta pranoja”, deklaroi Hodgson për Sky Sports.

Lexo më shumë

Edhe Mata në radarin e Barcelonës

Ditë më parë u tha se David Villa ishte shumë pranë marrëveshjes me Barcelonën kurse tani bëhet e ditur se po aq pranë është dhe mesfushori i Valencias, Juan Manuel Mata.
Pep Guardiola ka nevojë për një anësor të majtë dhe e ka përcaktuar Matan si zgjidhjen e tij ideale. Edhe në të kaluarën Barcelona ishte në kërkim të produktit të Realit, por pengesë ishte presidenti Manuel Llorente që më në fund ka vendosur të kapitulojë pas borxheve të mëdha të akumuluara.
Barcelona dëshiron të përfundojë dhe zyrtarisht këtë transferim para Botërorit, pasi pritet që vlera e Matas të rritet dukshëm pas përfundimit të kompeticionit që fillon më 11 qershor.

Lexo më shumë

Arsenali kërkon portierin e Shakhtarit, Andriy Pyatov

Portieri i klubit ukrainas Shakhtar Donetsk, Andriy Pyatov, raportohet se është cak i ri i Arsenalit.
Menaxheri i topçinjve, Arsene Wenger, është lidhur me transferim të disa portierëve ndërkombëtarë, pasi zbuloi javën e kaluar se Manuel Almunia mund të humbasë pozitën e portierit të parë sezonin e ardhshëm.
Daily Express shkruan se portieri ukrainas është në radarin e Wenger, me strategun francez që dëshiron ta transferojë atë para Kupës Botërore.

Lexo më shumë

Terry rikthehet kundër Liverpoolit

Menaxheri i Chelseat, Carlo Ancelotti, thotë se John Terry do të rikthehet në formacionin e parë për ndeshjen vendimtare për titull, atë kundër Liverpoolit.
Blutë udhëtojnë të dielën në Anfield ku do të rikthehet edhe kapiteni, i cili mungoi në fitoren e fundit prej 7-0 ndaj Stoke Cityt, pas kartonit të kuq të marrë kundër Tottenhamit.
“Terry do të luajë pasi ne kemi nevojë për karakterin e tij, kemi nevojë për personalitetin e tij në këtë ndeshje. Ai stërvitet shumë mirë, ai është në gjendje të mirë dhe të gjithë lojtarët janë të gatshëm dhe janë në gjendje të luajnë”.
“Është vështirë ta ndryshosh ekipin që luajti aq mirë kundër Stoke, por Terry duhet të luajë”, ka thënë Ancelotti.

Lexo më shumë

City kërkon sulmuesin gjerman Kuranyi

Sulmuesi i Schalke, Kevin Kuranyi, ka tërhequr vëmendjen e ekipit të Ligës Premier, Manchester City.
Gjermani do të jetë pa kontratë në fund të sezonit dhe Bild shkruan se City është duke luftuar me Besiktas, Fenerbahce dhe Dynamo Moskën për të nënshkruar me të si transferim i lirë.
28-vjeçari ka shënuar 18 gola deri tash këtë sezon për Schalke, të cilët janë duke luftuar për titullin e Bundesliga.
“Kevin dhe unë jemi pajtuar të bisedojmë për këtë rast vetëm pas fundit të sezonit”, ka thënë më herët trajneri i Schalkes, Felix Magath.

Lexo më shumë

NBA: Gasol udhëheq Lakersat drejt gjysmëfinales

Një shënim i Pau Gasol në sekondat e fundit i ka ndihmuar Los Angeles Lakers të eliminojë Oklahoma City Thunder dhe të sigurojë një vend në gjysmëfinalen e play-offit të Konferencës Perëndimore.
Gasol u përkujdes që gjuajtja e pasaktë e Kobe Bryant të përfundojë në kosh, kur kishin mbetur më pak se një sekondë deri në fund të ndeshjes, duke i dhënë fitoren 95-94 Lakersave në ndeshjen e gjashtë përballë Thunder, të cilën e eliminon me rezultat 4-2 me ndeshje.
Lakers në rundin e ardhshëm do të takohet me Utah Jazz, ekip që mposhti Denver Nuggets me rezultat 112-104, në ndeshjen e gjashtë mes tyre për t’u kualifikuar në gjysmëfinale me rezultat të përgjithshëm 4-2 me ndeshje.

Lexo më shumë

Keane: Nuk ndjej asgjë për United

Legjenda e Manchester United, Roy Keane, thotë se ai nuk shqetësohet nëse ish-klubi i tij mposhtet nga Chelsea në garën për titull.
Menaxheri i Ipswich Town është legjendë në Old Trafford dhe ende admirohet nga fansat e klubit, ku luajti 479 ndeshje gjatë 12 viteve, fitoi shtatë tituj të ligës dhe mbajti shiritin e kapitenit.
“Jam shumë i sigurt se ata më kanë fshirë mua nga historia dhe unë i kam fshirë ata nga historia ime, andaj nuk kam interes. Gjithmonë keni interes të paktë për ish-klubet tuaja, mos më keqkuptoni, por unë kam qenë me Rockmount, Cobh, Sunderland, Forest, Celtic, por nëse mendoni se po pres dhe se shpresoj ata do të fitojnë trofe, jo”, ka thënë Keane.
“Kam parë në aspektin e biznesit se çfarë mund t’u bëjnë këta klube njerëzve. Nuk kam lidhje emocionale me këta klube. Jam i qetë dhe të gjitha prioritetet e mia tash janë me Ipswich”, ka shtuar anglezi.

Lexo më shumë

Reina: Liverpooli i dobët për të sfiduar titullin

Portieri i Liverpoolit, Pepe Reina, thotë se Redsat janë të dobët kështu si janë për të sfiduar titullin e Ligës Premier.
Liverpooli këtë sezon madje është edhe larg pozitës së katër që dërgon në Ligën e Kampionëve dhe Reina ‘mezi’ pret që sezoni të përfundojë dhe ekipi të rindërtohet.
“Ne ende nuk mund të synojmë të fitojmë Ligën Premier ose një titull të madh. Andaj duhet të përpiqemi të ndërtojmë një ekip më të mirë dhe të përpiqemi të jemi ca më afër kreut të tabelës dhe të jemi më garues”.
“Nuk e di zgjidhjen. Nuk jam menaxher ose një i cili merret me transferime ose që harxhon para. Por ne duhet të fitojmë sa më shumë ndeshje. Nuk mund të jemi të kënaqur. Sezoni tashmë është gati i përfunduar”, ka thënë Reina.

Lexo më shumë

Bale dhe O’Neill fitojnë çmimet e muajit

Gareth Bale është emëruar lojtari më i mirë i muajit prill në Ligën Premier, ndërsa mirënjohja për trajnerin më të mirë ka shkuar në duart e menaxherit të Aston Villas, Martin O'Neill.
Bale shënoi dy ndeshje të rëndësishme të Tottenhamit këtë muaj, si kundër Arsenalit ashtu edhe kundër Chelseat dhe u tregua vendimtar në fitoren ndaj këtyre dy ekipeve të kreut të tabelës (të dyja ndeshjet përfunduan 2-1 në favor të Spurs).
Ndërkohë Aston Villa, e drejtuar nga Martin O’Neill, ka ringjallur shpresat për një vend në garën më të famshme evropiane, Ligën e Kampionëve, duke shënuar katër fitore dhe një barazim në pesë ndeshjet e muajit Prill.

Lexo më shumë