Redknapp kërcënon FA

Menaxheri i Tottenhamit, Harry Redknapp, u është përgjigjur egërsisht sugjerimeve se ai mund të dënohet nga Federata Angleze e Futbollit (FA) për komentet e bëra pas ndeshjes ndaj Manchester United.
FA do të marrë të martën një vendim nëse Redknapp duhet të përballet me panelin disiplinor, pasi ai e përshkroi referimin e Marc Clattenburg si skandaloz.
“Nëse nuk mund të dal para televizionit dhe t’i përgjigjem një pyetje në mënyrë të vërtetë, atëherë më duhet të them se jam i kënaqur me vendimin e Clattenburg? Ne nuk duhet të prangosemi para kamerave, dy minuta, tri apo katër pas ndeshjes. Mua më thërret përgjegjësi për mediat Simon dhe më thot dil para televizioneve, por unë nuk dua më”.
“Unë më shumë do të preferoja që të qëndroj në zhveshtore me lojtarët, por kur jam pyetur, unë kam dhënë përgjigje të vërtetë. Ai bëri një rrëmujë prej gjithë kësaj, por kjo ishte përgjigja ime dhe unë nuk lëkundem nga ajo”.
“Nëse FA dëshiron të ketë punë me mua për atë që thashë, atëherë edhe me mua do të kenë probleme, pasi që mua nuk më intereson dhe aq. Mos prisni më që unë të dal para televizionit pas ndeshjeve, apo të flas për shtypin pas një ndeshje. Nëse dëshironi që unë të vij dhe të flas gjëra palidhje, të them se ishte vendim i mirë, jam mjaft i kënaqur me atë, atëherë mos u brengosni se më nuk do të dal para mediave”, deklaroi Redknapp.

Lexo më shumë

Ferguson: LK më e mirë se KB

Menaxheri i Manchester United, Sir Alex Ferguson, nuk ka marrë pjesë nëpër Kampionate Botërore, pasi që beson se Liga e Kampionëve është një garë larg më superiore.
“A i keni parë gjashtë kampionatet e fundit Botërore? Më mirë është të shkoni te dentisti besoj. Është një gjë natyrale kjo. Nëse shikoni në ekipet më të mëdha të Ligës së Kampionëve dhe mendoni pak për Ligën Premier, ju nuk do të keni numrin e njëjtë të shikuesve sikurse kur luani ndaj një skuadre të dobët, por dramën dhe tensionin e njëjtë në ndeshjet mes Arsenalit dhe Manchester Unitedit”.
“Është gjë e njëjtë edhe në Ligën e Kampionëve. Interi nëse luan ndaj ekipeve të vogla, atëherë nuk do të ketë shikues. Gjëja më e rëndësishme në gjithë këtë është se Liga e Kampionëve e ka dëshmuar veten që nga ridefinimi. Është më e mirë se Kampionati Botëror. Është e pabesueshme. Ka ndeshje fantastike”.
“Po, ju duhet të kaloni nëpër ndeshjet e bezdisshme të fazës grupore, por kur arrini në fund, atëherë bëhet vërtet një garë fantastike”, u shpreh Fergie.

Lexo më shumë

Cesar e Cambiasso mungojnë ndaj Tottenhamit

Interi ka konfirmuar se portieri Julio Cesar dhe mesfushori Esteban Cambiasso nuk do të udhëtojnë në Londër për t’u ndeshur me Tottenhamin të martën mbrëma në kuadër të Ligës së Kampionëve.

Dy lojtarët u lënduan gjatë ndeshjes së Kampionatit italian kundër Genoas të premten, ashtu që u desh të zëvendësoheshin.

Këto lëndime kanë bërë që trajneri Rafael Benitez të mos i përfshijë në skuadrën e tij prej 21 lojtarësh që do të udhëtojnë në White Hart Lane.

Luca Castellazzi pritet të mbrojë portën nerazzurre, ndërsa Sulley Muntari do ta zë vendin e argjentinasit Cambiasso.

Skuadra e plotë e Interit:

Portierë: Luca Castellazzi, Paolo Orlandoni, Alberto Gallinetta.

Mbrojtës: Ivan Cordoba, Javier Zanetti, Lucio, Maicon, Marco Materazzi, Walter Samuel, Cristian Chivu, Davide Santon.

Mesfushorë: Wesley Sneijder, Sulley Muntari, Joel Obi, Coutinho, Amantino Mancini, Obiora Nwankwo.

Sulmues: Samuel Eto’o, Diego Milito, Goran Pandev, Jonathan Biabiany.

Lexo më shumë

Giggs të luajë në derbi?

Anësori veteran i Manchester Unitedit, Ryan Giggs, mund të jetë i gatshëm për derbin lokal kundër Manchester Cityt- ka deklaruar Sir Alex Ferguson.
Uellsiani nuk është shfaqur për Djajtë e Kuq që nga fundi i shtatorit si pasojë e lëndimit, ndërsa trajneri ka pohuar se ai mund të jetë në lojë më 10 nëntor në Eastlands.
“Ryan ka filluar stërvitjet të enjten e kaluar... Ai pritet të jetë i gatshëm pas 10 ose 14 ditësh, por është e mundur që ai të jetë i gatshëm për derbin”, ka thënë Ferguson.

Lexo më shumë

Mancini: Skuadra nuk është e revoltuar

Menaxheri i Manchester Cityt, Roberto Mancini, ka hedhur poshtë spekulimet se lojtarët e tij janë kthyer kundër tij pas humbjes prej 2-1 ndaj Wolves.
Duke folur për Sky Sports News, trajneri i ‘pasanikëve’ i mohoi këto spekulime, duke thënë se janë të pavërteta shkrimet e gazetave.
Roberto Mancini gjendet nën presion të madh nga hierarkia e Manchester Cityt, pas dy humbjeve radhazi ndaj Arsenalit dhe Wolves.

Lexo më shumë

Van der Vaart: Ndeshja ndaj Interit, e rëndësishme

Mesfushori i Tottenhamit, Rafael Van der Vaart, u ka bërë thirrje bashkëlojtarëve të tij që të dëshmojnë se kush janë ata në të vërtetë, në sfidën ndaj kampionit aktual të Evropës, Interit, që zhvillohet në White Hart Lane të martën mbrëma.
“Këto janë ndeshje ku vëmendja është te ju, ashtu si tek individët të cilët duhet të jenë në nivel në garën më të madhe. Nuk do të jetë lehtë, si mund të jetë e tillë? Ky është Interi në Ligën e Kampionëve. Por, ne kemi treguar shpirtin tonë luftarak dhe se gjithçka në futboll nuk është e pamundur nëse keni besim”.
“Ne kemi dëshmuar me 10 njerëz në Meazza ndaj një Interi të mirë se dimë të luajmë futboll. Po të kishim pasur edhe pesë minuta, rezultati do të barazohej”, ka thënë holandezi që është në dyshim për sfidën, por që ka gjasa të mëdha të paraqitet në të.

Lexo më shumë

Dzeko distancohet prej spekulimeve

Sulmuesi i Wolfsburgut, Edin Dzeko, e ka distancuar veten prej spekulimeve të shumta rreth të ardhmes së tij, madje duke ironizuar me to.
Sulmuesi boshnjak po lidhet me një kalim te Juventusi, pa përjashtuar as pohimet për transferim në Ligën Premier.
“Ndaluni me këto zëra të merkatos. Unë nuk kam nënshkruar kontratë as me Juventusin, as me Bayernin e as me ndonjë klub anglez. Unë jam lojtar i Wolfsburgut i kontraktuar deri në vitin 2013”, theksoi boshnjaku për Tuttochampions.it.

Lexo më shumë

Berlusconi premton mbajtjen e Dinhos

Presidenti i Milanit, Silvio Berlusconi, ka sqaruar pozicionin e Rossonerëve në raport me Ronaldinhon, duke thënë se ai do të rinovojë kontratën me kuqezinjtë.
Kishte spekulime të shumta mbi të ardhmen e gjeniut brazilian, spekulime të cilat i hedh poshtë patroni i klubit nga Milanello.
“A do të ketë zgjatje të kontratës? Po, mendoj se po. Ne kemi folur për këtë së fundmi”, tha Berlusconi.
Kontrata aktuale e Ronaldinhos skadon në qershor të vitit të ardhshëm.

Lexo më shumë

Wilshere rinovon kontratën

Mesfushori i Arsenalit, Jack Wilshere, ka nënshkruar një kontratë të re afatgjate me gjigantin e Ligës Premier, Arsenalin.
18 vjeçari i cili është me Topçinjt që nga mosha nëntë vjeçare, e ka bërë debutimin e tij në shtator të vitit 2008, kur ishte vetëm 16 vjeç. Ai kaloi pjesën më të madhe të sezonit te Boltoni, por tani e ka gjetur veten në përbërjen e parë të Arsenalit. Ai poashtu debutoi në fanellën e Anglisë në gusht.
“Të më ofrohet kontratë e re, do të thotë gjithçka për mua. Në këtë pikë të karrierës time, kur jam vetëm 18 vjeç dhe kam ende shumë për të mësuar, ky është klub i përkryer, me bashkëlojtarë të përkryer, tifozë të përkryer, staf i përkryer dhe më me rëndësi, me një menaxher të përkryer”, theksoi Wilshere.

Lexo më shumë

Mourinho: Nuk do qëndroj gjatë te Reali

Jose Mourinho i ka dhënë një mesazh brengosës Real Madridit, duke thënë se ai nuk e di nëse do të qëndrojë për një kohë të gjatë në Bernabeu.
“Të qëndrosh me një klub të madh për një kohë aq të gjatë është e vështirë për kulturën në të cilën po jetojmë. Është më lehtë në Angli. Atje gjeni njerëz të cilët qëndrojnë me vite të tëra dhe nuk fitojnë asgjë”.
“Është vështirë sepse këtu duhet që gjithnjë të fitosh për të qenë prezent. Nëse qëndroj për katër vite, atëherë do të thotë se kam punuar mirë dhe se mund të vazhdoj tutje”, u shpreh portugezi.

Lexo më shumë

Khedira: Barcelona favorite për LK

Disa prej jush mund të çuditeni nga titulli i kësaj deklarate, por nuk ka nevojë që t’i fshini sytë, pasi që është shumë e vërtetë – një futbollist i Real Madridit mendon se Barcelona është favorite për Ligën e Kampionëve.
Sami Khedira, mesfushori i Real Madridit, i pyetur nga gazetarët në konferencën për shtyp para ndeshjes ndaj Milanit të mërkurën, tha se sheh Barcelonën, Interin dhe Bayernin favorit për titullin e më të mirit të kontinentit.
“Barcelona është ekip shumë i fortë. Unë kam pasur kënaqësinë të luaj ndaj tyre sezonin e kaluar me Stuttgartin dhe loja e tyre ishte shumëngjyrëshe dhe e shpejtë”.
“Por, aty është gjithashtu Interi dhe Bayerni të cilët kanë arritur në finale vitin e kaluar dhe të cilët kanë arritur t’i mbajnë shumicën e lojtarëve të tyre. Por, Liga e Kampionëve është maratonë dhe ne duhet të jemi të përgatitur për çdo gjë që na del përpara”, tha gjermani.

Lexo më shumë

VdV mungon ndaj Interit?

Menaxheri i Tottenhamit, Harry Redknapp, ka konfirmuar se mesfushori holandez, Rafael Van der Vaart, mund të mos jetë në gjendje që të luajë në sfidën kryesore të Grupit A të Ligës së Kampionëve mes Tottenhamit dhe Interit.
“Problemi tek unë është që ne kemi ndoshta pesë prej lojtarëve tanë më të mirë të lënduar. Portieri është i suspenduar, dy prej qendërmbrojtëve mungojnë dhe janë gjithashtu Van der Vaart e Defoe në atë listë. Ata janë lojtarët kyç të ekipit, kështu që do të jetë shumë e vështirë”, theksoi Redknapp.
Van der Vaart mungon për shkak të një dëmtimi të pësuar në kofshë në humbjen ndaj Manchester United fundjavën e kaluar. A ka vijuar me rregull stërvitjet dhe mund të ndodhë që edhe të paraqitet ndaj Interit.

Lexo më shumë

Moggi: Juves nuk do t’i kthehet Scudetto

Nëse tifozët e Juventusit kanë pasur edhe një pikë shpresë për ta kthyer Scudetton që ua mori Interi në vitin 2006 pas Calciopolit, edhe atë shpresë të vogël tani ua humbi Luciano Moggi, që mendon se Bianconerët mund të ëndërrojnë për kthimin e Scudettos.
“Unë jam i kënaqur me fjalët që tha Andrea Agnelli për mua javën e kaluar, por nuk mendoj se Juventusit do t’ia kthejnë Scudetton. Zonja e Vjetër është dashur të mbrohet katër vite më parë”, theksoi Moggi npër Globo TV.
Massimo Moratti kishte deklaruar në një intrevistë tjetër se dëshiron edhe dy tituj tjerë nga Calciopoli, por kështu nuk mendon Luciano Moggi, që ia bën me dije presidentit Nerazzur që të vë gishtin në kokë dhe të mendojë tre herë para se të flasë një herë.
“Interi dëshiron edhe dy Scudetto? Moratti duhet të mendojë për pasaportat false dhe për telefonatat me dizejnatorët e gjyqtarëve, ashtu si për Giacinto Facchetin që i bëri presion një arbitri”, përfundoi Moggi.

Lexo më shumë

Ribery: Ndihem si gjerman

Anësori i Bayernit të Munichut dhe Francës, Franck Ribery, ka zbuluar të dielën se ai tashmë ndihet si gjerman, ndërsa ka shprehur kënaqësinë e rinovimit me bavarezët deri në vitin 2015.
“Unë tashmë jam gjerman”, theksoi me shaka Ribery për Bild.
“Vazhdimi i kontratës time me Bayernin ishte vendimi i duhur. Bayerni është klub i madh në skenën ndërkombëtare dhe ai klub është si familje për mua”, përfundoi Ribery.
Real Madridi kishte bërë ofertë në vitin 2009 për Ribery prej hiç më pak se 80 milionë eurosh, ofertë që u refuzua nga hierarkia e Bayernit të Munichut.

Lexo më shumë

Xavi: Messi më i mirë se Maradona

Ky është kufiri i të gjithë kufinjve!!! Mjeshtri i mesfushës së Barcelonës, Xavi, ka marrë guximin për të vënë në peshore Lionel Messin dhe Diego Maradonan dhe madje të pohojë se kolegu i tij te Barcelona është më i mirë se futbollisti më i madh i të gjitha kohërave.
“Një lojtar si ai del në skenë një herë në 50 vite. Arsyeja e vetme se pse ne të tjerët kemi gjasa për ta fituar Topin e Artë, është për shkak se Argjentina dështoi në Botëror, pasi që përndryshe fituesi do të dihej që tani”.
“Nga pikëpamja ime, Leo Messi është madje më i mirë se që ishte Diego Maradona. Messi do të jetë në maje për shumë vite të tjera, nuk ka askush tjetër si ai”, pohoi në mënyrë sensacionale Xavi për FIFA.com .

Lexo më shumë

Ronaldinho: Dua të luaj ndaj Realit

Ronaldinho është i gatshëm që t’ia përgatisë Real Madridit një mikpritje sa më ‘miqësore’ kur Los Blancos të udhëtojnë në San Siro, për t’u takuar me skuadrën më të trofeshme në botë, Milanin.
La Gazzetta dello Sport pohoi se Ronaldinho kishte pasur acarrime me Allegrin për taktikat e tij, një gjë që hidhet poshtë nga gjeniu brazilian i cili është i fokusuar në takimin e klubeve të kategorisë së rëndë.
“Unë jam këtu që katër vite dhe unë kurrë nuk kam folur për gjëra të tilla. Kur unë luaj, nuk më pëlqen të flas dhe kur nuk luaj, unë nuk flas. Unë jam mirë, kemi vullnet të fortë për të luajtur mirë. Unë jam i përgatitur mirë për ndeshjen dhe ndjehem mirë, jam i gatshëm që t’i ndihmoj ekipit”.
“Kur luani në një garë të rëndësishme ju gjithnjë dëshironi të bëni diçka më mirë se të luani vetëm mirë. Më duhet të punoj shumë dhe t’i dëshmoj trajnerit se jam i mirë”, u shpreh Dinho për Sky Sport Italia.

Lexo më shumë

Khedira: Mbrojtja, kyçe për tituj

Mesfushori i Real Madridit, Sami Khedira, ndjen se një mbrojtje e fortë është tejet e rëndësishme për të fituar tituj, ndërsa shtoi se pas ardhjes së Jose Mourinhos, vija defensive madrilene ka fituar një dimension të ri në të.
“Nëse ne mund të mbajmë rrjetën të pastër, atëherë do ta mposhtim Milanin. Ky është qëllimi ynë. Nëse shikoni në ekipet e mëdha të cilat kanë arritur larg në Ligën e Kampionëve, atëherë ato kanë qenë ekipet që kanë pranuar më së paku gola”.
“Ky është çelësi i suksesit. Një mbrojtje e mirë fiton titujt dhe deri në këtë moment kjo është ajo që kemi bërë. Ne u kemi lënë ekipeve shumë pak hapësirë për të krijuar raste, përderisa kemi një sulm shumë të mirë, ndërsa stili ynë është i shpejtë dhe atraktiv”, theksoi Khedira.

Lexo më shumë

United dhe Liverpool në ndjekje të Dzekos

Manchester United dhe Liverpooli tashmë janë lidhur me disa prej lojtarëve më të mëdhenjë të kontinentit, kurse emri i radhës që po lidhet me gjigantët anglezë është Edin Dzeko.
Sipas Caughtoffside, Manchester United po e shqyrton mundësinë e një oferte prej 40 milionë eurosh për Edin Dzekon, ndërsa situatën me vëmendje po e monitoron Liverpooli.
Për Dzekon të interesuar janë edhe Milani, Juventusi, Interi, Manchester City dhe Bayerni i Munichut.

Lexo më shumë

Nani: Jam ndër më të mirët në botë

Nani beson se për momentin ai është një prej futbollistëve më të mirë në botë.
Anësori portugez po tregon një formë të shkëlqyeshme për Manchester United, dhe nuk e ka fshehur entuziazmin e tij.
“Si futbollist mendoj se jam afër asaj të jem sa më i kompletuar që mundem. Tash mund të them se jam një prej më të mirëve në botë”.
“Luaj në klubin më të mirë në botë dhe jam futbollist vendimtar, shënoj gola, asistoj, kam ndikim në fitoret e ekipit. Duhet të besoni në vete, të besoni në mundësitë tuaja në fushë. Ndeshjet e mëdha janë për lojtarët e mëdhenj”, ka thënë Nani.

Lexo më shumë

Totti: Nuk e meritova kartonin e kuq

Francesco Totti thotë se ai nuk e meritoi kartonin e kuq në ndeshjen kundër Lecce, kur u përfshi në një zënkë me Ruben Oliveira, i cili po ashtu u përjashtua nga ndeshja.
“Ai e vendosi dorën në fytyrën e kundërshtarit. Nuk mund të bëja asgjë tjetër përveç ta nxjerr kartonin e kuq”, ka treguar arbitri Andrea Gervasoni.
Por që të dy lojtarët kanë deklaruar se nuk janë prekur me njëri-tjetrin, ndërsa veçanërisht i hidhëruar është treguar Totti, i cili pas këtij kartoni të kuq do të mungojë në derbin e kryeqytetit italian, përballë Lazios.
“Nuk bëra asgjë. Nuk e kam goditur askënd. Nuk meritova të nxirresha jashtë”, ka thënë Totti.
Sipas Corriere dello Sport, Roma do të ankohet nëse Totti suspendohet më shumë se një ndeshje.

Lexo më shumë

Cech: Chelsea kurrë nuk mposhtet

Petr Cech thotë se lojtarët e Chelseat kurrë nuk ndjehen të mposhtur.
Blutë erdhën nga disavatantazhi 1-0 për të fituar në fund me rezultat 2-1 në ndeshjen e të shtunës ndaj Blackburn Rovers dhe Cech ka lavdëruar vendosmërinë e bashkëlojtarëve të tij.
“Ne kemi një atmosferë të shkëlqyeshme ekipore në dhomën e zhveshjeve. Ne e dimë se do të humbasim ndeshje, por ne kurrë nuk ndjehemi se jemi mposhtur. Ne luftojmë deri në sekondën e fundit për t’u përpjekur të nxjerrim diçka nga ndeshja”.
“Si grup, ne kurrë nuk dorëzohemi. Ka ditë kur çfarëdo që bëni, nuk mund ta fitoni, por ne përpiqemi të japim më të mirën çdo herë, të qëndrojmë së bashku dhe të luftojmë për njëri-tjetrin. Kjo është ajo që na bën neve një ekip aq të mirë”, ka thënë portieri çek.

Lexo më shumë

Mourinho: Kam edhe 15 vite karrierë

Menaxheri i Real Madridit, Jose Mourinho, thotë se ka edhe shumë gjëra që ai dëshiron t’i arrijë me futboll dhe se nuk e ka në plan të heqë dorë në një të ardhme të shpejtë.
“Ende kam edhe 10 ose 15 vite të mbetura në menaxhimin e futbollit. Në mënyrë të natyrshme dita do të vijë kur rrethanat e mia do të ndryshojnë dhe unë do të dua të jetoj një jetë më të qetë”.
“Por kjo nuk është diçka të cilën unë do ta marr në konsideratë edhe për shumë kohë”, ka thënë Mourinho.

Lexo më shumë

NBA: Lakers vazhdojnë me fitore

Yjet e Los Angeles Lakers, Kobe Bryant dhe Pau Gasol, kanë ndihmuar kampionin e dyfishtë të NBA-së të shënojë edhe fitoren e tretë të sezonit duke mposhtur bindshëm ekipin e Golden State Warriors me rezultat 107-83.
Qendra spanjolle Gasol udhëhoqi ekipin me 26 pikë dhe 12 kërcime, derisa Bryant shënoi 20 pikë dhe shtatë kërcime në vetëm 27 minuta lojë. Lamar Odom shënoi 16 pikë dhe 14 kërcime.
Te Warriors, të cilët filluan sezonin me dy fitore para të humbasin ndaj Lakers, më i mirë ishte Monta Ellis me 20 pikë të shënuara.

Lexo më shumë

Melo lavdëron Juven pas fitores ndaj Milanit

Felipe Melo ka lavdëruar bashkëlojtarët e tij të Juventusit pas fitores së të shtunës në Milan.
Braziliani ishte një prej lojtarëve më të mirë në fushë në fitoren 2-1 në San Siro gjatë vikendit.
“Secilën herë fansat kërkojnë që të jemi 11 luanë në fushë, por ne bëmë më shumë se kaq. Askush nuk ka besuar te Juve, por ne kemi dëshmuar se jemi një ekip i shkëlqyeshëm. Kjo është fitorja e cila mund të na mbushë me energji.
“Mendoj se Juve i ri sapo ka lindur. Ne kemi shumë punë për të bërë, por jemi në rrugë të duhur dhe mund të shkojmë deri në fund. Interi dhe Milani kanë diçka më shumë, por ne jemi në rrugë të duhur”, ka thënë Melo.

Lexo më shumë

Ferguson: Rasti Rooney e ka bashkuar klubin

Menaxheri i Manchester United, Sir Alex Ferguson, thotë se saga rreth të ardhmes së Wayne Rooney ka galvanizuar klubin.
United ka fituar tre ndeshje radhazi që kur Rooney kërcënoi të largohet dhe Ferguson ka thënë se e gjithë saga në të vërtetë e kishte bashkuar klubin.
“Kjo mund të kishte pasur saktësisht efektin galvanizues për të cilin kishim nevojë, i cili na ka bashkuar të gjithëve”, ka thënë Ferguson.
Ferguson më tej vetëm se i ka dhënë më shumë turbullirë paqartësive se kur mund të rikthehet në fushë Rooney. “Po ai është i gatshëm të rikthehet. Mirë, do të kalojnë tre javë para se ai të rikthehet”, ka shtuar skocezi.

Lexo më shumë

Gullit ëndërron të drejtojë Milanin

Ruud Gullit dëshiron të rikthehet në detyrën e trajnerit dhe ëndërr e tij e skajshme është të drejtojë Milanin.
Legjenda e Milanit ishte në Kinë javën e kaluar për turneun e golfit për fytyra të famshme, ku ka shprehur edhe dëshirën e tij për të qenë trajner i Rossonerëve.
“Dua të jem trajner, pres momentin e duhur. Milani është gjithmonë në zemrën time, gjithmonë do ta përcjell këtë ekip me dashuri dhe një ditë shpresoj të rikthehem atje”, ka thënë Gullit.

Lexo më shumë

Messi porosit Barcën ta injorojë Mourinhon

Lionel Messi ka porositur Barcelonën të injorojë çfarëdo provokimi nga Real Madridi këtë sezon.
Mbretërit udhëheqin në tabelën e kampionatit spanjoll dhe Jose Mourinho shpesh shfrytëzon rastin t’i ngacmojë rivalët e përjetshëm të Realit.
“Ne e dimë se duhet të jemi të fuqishëm dhe t’i injorojmë atë çfarë njerëzit thonë për ne. Ne nuk duhet të mendojmë për këtë atë, ai [Mourinho] gjithmonë dëshiron të përfshihet në lojën tonë, por ne duhet të mbetemi indiferent”, ka thënë Messi.

Lexo më shumë

Nolan i ngazëllyer ne tregolëshin

Kevin Nolan, i cili shënoi hat-trick në fitoren 5-1 të Newcastle ndaj rivalit lokal Sunderland, shprehet i ngazëllyer me formën e tij.
“Sigurisht është diçka fantastike. Ne e dinim se do të jetë vështirë – dhe mendoj se ishte, mendoj se kishim fat me disa gola. Jemi të ngazëllyer, kemi punuar fuqishëm këtë javë dhe kjo na u pagua”, ka thënë Nolan për Sky Sports.
“Hat-tricku i parë? Është e pabesueshme. Kam bërë debutimin kundër tyre (Sunderlandit) dhe të shënoj hat-trick tash, do ta mbaj mend gjithmonë”, ka shtuar më tej kapiteni i Newcastle.

Lexo më shumë

Reja lavdëron Lazion

Trajneri i Lazios, Edy Reja, ka lëshuar një mori lëvdatash për karakterin e lojtarëve të tij, pas fitores 1-0 ndaj Palermos.
Lazio shënoi edhe një fitore tjetër të rëndësishme në udhëtim te Palermo të dielën, dhe Reja s’ka si të mos jetë i kënaqur.
“Ne po nxjerrim disa rezultate të mrekullueshme. Ky ekip ka një karakter të shkëlqyeshëm dhe e treguam këtë nga mënyra se si jemi në gjendje të vuajmë dhe të nxjerrim rezultat deri në fund të ndeshjes”.
“Tash na kanë mbetur vetëm edhe 18 pikë për të arritur te synimi i famshëm prej 40 pikësh dhe pastaj mund të fillojmë të mendojmë për objektiva”, ka thënë Reja.

Lexo më shumë

Man Utd në negociatat me De Gea

Sipas gazetës britanike News of the World, Manchester United ka hapur negociatat me Atletico Madrid rreth transferimit të portierit David de Gea.
19-vjeçari, i cili thuhet se vlen 18 milionë euro, raportohet se është duke u monitoruar nga United për tashmë disa muaj, dhe Sir Alex Ferguson madje kishte munguar në ndeshjen e Kupës ndaj Scunthorpe një muaj më parë, me qëllim të përcjellë të riun në aksion.
Portieri ka bërë debutimin me ekipin e parë në shtator të vitit 2009 në fitoren e Europa League kundër Porto, që u pasua nga debutimi i tij në ligë disa ditë më pas, para se ai të fitojë vendin e rregullt në ekipin e parë të Atleticos, pas arritjes së trajnerit Quique Sanchez Flores.

Lexo më shumë

Cassano: Dua të qëndroj te Sampdoria

Sulmuesi i Sampdorias, Antonio Cassano, u ka thënë gazetarëve se ai i ka kërkuar falje presidentit të klubit gjenovian. Riccardo Garrone dhe se ai dëshiron që të qëndrojë te Doria.
“Më vjen keq për atë që ndodhi dhe tashmë i kam kërkuar falje presidentit Garrone para bashkëlojtarëve të mi”.
“Unë kam lexuar shumë për çështjen e ndonjë transferimi, por e përsëris se përderisa ekziston mundësia më e vogël, unë dëshiroj të mbes te Sampdoria”, deklaroi sulmuesi italian.

Lexo më shumë

Mancini përkrah Balotellin

Menaxheri i Manchester Cityt, Roberto Mancini, vazhdon të besojë se Mario Balotelli do të shkëlqejë në Eastlands, përkundër paraqitjes tejet të dobët të supertalentit në ndeshjen rikthyese ndaj Wolves, të cilën City e humbi me rezultat 2-1.
“Balotelli duhet ta njohë më mirë Ligën Premier, sepse dallon shumë nga Serie A. Ai bëri gjëra të mira ndaj Wolves, ai ka nevojë për kohë, pasi që është lojtar shumë i mirë”, theksoi Mancini.
19 vjeçari Mario Balotelli kaloi nga Interi te Manchester City për hiç më pak se 35 milionë euro.

Lexo më shumë