Moyes lavdëron sulmin e Arsenalit

Menaxheri i Evertonit, David Moyes, beson se Arsenali është një ekip shumë më i fuqishëm këtë sezon dhe pikërisht për shkak të sulmit të qëndrueshëm.
Evertoni sonte do të udhëtojë në Emirates Stadium dhe Moyes ka paralajmëruar lojtarët e tij të kenë kujdes nga reparti sulmues i Arsenalit.
“E shoh Arsenalin me një nivel të paraqitjeve ku ata duken ca më klinik. Ata kanë shtuar një ose dy lojtarë të ndryshëm dhe Chamakh në pjesën e parë të sezonit iu dha atyre një pamje tjetër”.
“Ata tash e kanë Van Persien të rikthyer nga lëndimi dhe përfshirja e Bendtner do të thotë se ata mënyra të ndryshme për të shënuar. Çdokush e di se në ditën e tyre, ata janë një ekip shumë i mirë”, ka thënë Moyes.

Lexo më shumë

Cruyff: Mos e eliminoni Realin

Legjenda e Barcelonës, Johan Cruyff, ka paralajmëruar klubin e tij të mos e eliminojë Real Madridin nga gara për titull.
Barcelona tash është shtatë pikë mbi rivalët e hidhur, që është një diferencë e konsiderueshme dhe komode për Blaugranët.
“Nuk them se liga është vendosur, pasi nuk është vendosur. Shtatë pikë dhe diferenca jonë e golave është një dallim i madh. Por ne duhet ta përcjellim Madridin, nuk mund t’i fshini ata”.
“Që nga dita e parë ka pasur diferencë, por Mourinho bën gjithçka për të ngushtuar këtë. Ata po bëjnë gjithçka, por Mourinho ka një problem – dhe kjo quhet ‘Barcelona’”, ka thënë Cruyff.

Lexo më shumë

Anderson: Talenti im – video lojërat

Ylli i Manchester United, Anderson, thotë se talenti i tij i fshehur janë video-lojërat.
Derisa bashkëlojtari i tij Nani luan në piano, ndërsa Dimitar Berbatov shijon vizatimin dhe skicimin, Anderson ka një “talent” më të veçantë.
“Është e rëndësishme të relaksohem, andaj kaloj shumë kohë në PlayStation. Luaj kryesisht lojëra futbolli, por më pëlqejnë edhe goditjet. Po ashtu luaj letra, shikoj filma dhe kaloj kohë me shokët e mi”.
“Me lejoni t’u tregoj se Nani nuk është edhe shumë i mirë në piano. Ai është i pashpresë! Nuk e kam ditur se Berba vizaton... Talenti im? Jam i mirë në video lojëra. A llogaritet kjo?”, ka thënë Anderson.

Lexo më shumë

Ancelotti lavdëron formën e Petr Cech

Menaxheri i Chelseat, Carlo Ancelotti, ka lavdëruar formën e portierit Petr Cech pas barazimit 1-1 ndaj Evertonit.
Blutë ishin në disavantazh në ndeshjen e të shtunës në kuadër të Kupës FA., por arritën të nxjerrin një barazim, ndërsa fituesi do të vendoset në ndeshjen e kthimit. Ancelotti ka lavdëruar me këtë rast paraqitjen e qëndrueshme të portierit çek.
“Mendoj se Petr Cech po luan në vazhdimësi, shumë mirë dhe me vetëbesim. Ai është një portier fantastik, e dimë këtë dhe në çdo ndeshje ai tregon kualitete fantastike”, ka thënë Ancelotti për chelseafc.com.

Lexo më shumë

Giggs votohet më i miri i të gjitha kohërave te United

Fansat e Manchester United e kanë votuar mesfushorin veteran Ryan Giggs si lojtarin më të mirë të të gjitha kohërave të klubit.

Sondazhi është realizuar me lexuesit e revistës zyrtare të klubit, Inside United dhe web faqes, ManUtd.com. Pavarësisht të gjitha arritjeve, Giggs thotë se ai ka qenë i befasuar që ka kryesuar në sondazh.

“Duket se e gjitha është në varësi të opinionit dhe çdokush ka mendime të ndryshme, por kur më thanë, sinqerisht nuk munda të besoj, veçanërisht pasi aty ka aq shumë lojtarë të shkëlqyeshëm. Nuk kam përfunduar ende – ndjehem shkëlqyeshëm dhe shpresoj të vazhdoj edhe për një kohë”, ka thënë Giggs.

Top 10-shi më i votuar i lojtarëve më të mirë të të gjitha kohërave të Manchester United:

1) Ryan Giggs
2) Eric Cantona
3) George Best
4) Sir Bobby Charlton
5) Cristiano Ronaldo
6) Paul Scholes
7) David Beckham
8) Roy Keane
9) Peter Schmeichel
10) Wayne Rooney

Lexo më shumë

Torres i kënaqur me transferimin te Chelsea

Fernando Torres thotë se ai mezi pret të dalë në fushë për të ndihmuar ish-rivalët e tij të fitojnë këtë sezon.
Spanjolli gjatë orëve të fundit të ditës së djeshme, që ishte edhe e fundit për transferime, kaloi për plot 50 milionë funte nga Liverpooli për në Chelsea, duke nënshkruar kontratë pesëvjeçare e gjysmë me klubin londinez.
“Jam shumë i kënaqur me transferimin tim te Chelsea dhe shoh përpara të ndihmoj e bashkëlojtarët e mi të rinj këtë sezon dhe për shumë sezone tjera”.
“Pasi kam luajtur kundër Chelseat shumë herë që kur kam ardhur në Angli, edhe atë në disa ndeshje shumë të mëdha të cilat kurrë nuk do t’i harroj, e di se ka shumë lojtarë të shkëlqyeshëm dhe do të punoj fuqishëm të fitoj vend në ekip”, ka thënë Torres.

Lexo më shumë

Benzema: Reali nuk dorëzohet në garën për titull

Karim Benzema thotë se askush te Real Madridi nuk beson se gara për titullin tashmë është e mbyllur.
Reali tash është shtatë pikë prapa liderit, Barcelonës, por duket se mbretërit nuk dorëzohen lehtë.
“Ne duhet të vazhdojmë të luftojmë për ligën pasi ajo nuk është e humbur. Ende ka shumë për t’u luajtur dhe ne duhet të luftojmë deri në fund. Madrid kurrë nuk dorëzohet dhe edhe nëse ajo është matematikisht e mundshme, ne e kemi atë obligim”.
“Askush në staf nuk mendon se Liga është e pamundshme, edhe pse është e vërtetë se është më vështirë tash”, ka thënë Benzema.

Lexo më shumë

Chelsea përmbyll transferimin e David Luiz

Chelsea ka arritur të kompletojë transferimin e mbrojtësit brazilian David Luiz brenda afatit kohor.
Lajmin e ka konfirmuar klubi portugez Benfica, duke thënë se ata kanë arritur marrëveshje me Chelsean për transferimin e David Luiz, për të cilin Blutë kanë paguar 21 milionë funte (25 milionë euro).
“Benfica bën të ditur se ka arritur marrëveshje me Chelsean për shitjen përfundimtare të të drejtave sportive dhe ekonomike të atletit David Luiz Moreira Marinho për 25 milionë euro”, thuhet në deklaratën e klubi portugez.
Marrëveshja po ashtu do të përfshirë mesfushorin e ri Nemanja Matic që do të lëvizë në kahe të kundërt.

Lexo më shumë