Roma pranë vendit të katërt

Giallorossët janë rikthyer dy herë nga disavantazhi për ta mposhtur Barin me rezultat 3-2 dhe për t’iu afruar pozitës që dërgon në Ligën e Kampionëve.
Në takimin e zhvilluar në Stadio Comunale San Nicola, të parët kaluan në epërsi vendasit pas ekzekutimit të penaltisë nga Simone Bentivoglio (25’).
Pas gjysmë ore lojë, ikona romake Francesco Totti barazoi rezultatin. Mirëpo Erik Huseklepp shënoi (42’) për të kthyer epërsinë e Barit dhe për të vendosur rezultatin e pjesës së parë.
Porsa filloi pjesa e dytë (48’), Daniele De Rossi u përjashtua me karton të kuq, mirëpo mysafirët vazhduan të kërkonin golin dhe këtë e arritën në minutën e 57-të, kur Francesco Totti realizoi golin e dytë, këtë herë nga pika e bardhë. Në minutën e 78-të u përjashtua nga loja lojtari vendas Kamil Glik, ndërsa për Romën u akordua penalti, mirëpo kësaj radhe Totti dështoi të shënonte, pasi goditjen e tij e mbrojti portieri Jean-François Gillet.
Në minutat shtesë (90’+1), romakët mbetën edhe pa Simone Perrottan, i cili u përjashtua me karton të kuq, megjithatë shpirti luftarak i tyre bëri që ta fitonin ndeshjen, pasi që Aleandro Rosi realizoi golin e fitores (90’+4), pas asistimit të John Arne Riise.
Pas kësaj fitoreje, Roma është vetëm një pikë larg vendit të katërt që e mban Lazio, e që të hënën zhvillon takimin e vështirë kundër Juventusit.

Lexo më shumë

Ambrosini lëvdon Allegrin

Massimo Ambrosini e ka lavdëruar trajnerin Massimiliano Allegri që e ka bërë Milanin një skuadër fitimtare për më pak se një vit.
Fitorja prej 1-0 ndaj Bolognas, i ka bërë Rossonerët që të jenë shumë pranë titullit të Serie A, trofe të cilën herën e fundit e kishin fituar në vitin 2004.
“Trajneri Allegri ka vënë ndikimin e tij në skuadër, ai e ka bërë veten të pranueshëm nga ky grup i ngushtë, ai është i ri, ai ka shumë ide dhe ai arriti t’i implementojë ato për një periudhë të shkurtër kohore”, ka deklaruar kapiteni i Milanit.

Lexo më shumë

Reali mund të arrijë në finale

Kapiteni i Real Madridit, Iker Casillas, është i bindur se Mbretërit mund ta përmbysin epërsinë prej dy golave të Barcelonës dhe të kualifikohen në finale të Ligës së Kampionëve.
“Emrat e dy skuadrave që do të luajnë në finale ende nuk janë shënuar. Asnjëherë nuk dihet se çfarë mund të ndodhë. Ne do të luajmë në Barcelonë duke ditur se finalja do të luhet më pas dhe se cilatdo nga katër skuadrat që janë ende në garë mund të jenë në të”, ka thënë Casillas.
Të njëjtën gjë e ka pohuar edhe sulmuesi Gonzalo Huguan, sipas të cilit Reali do të luftojë “deri në vdekje”.
“Jemi mjaft të mirë saqë mund ta fitojmë ndeshjen, prandaj do të japim më të mirën... Fakti që Barca na mposhti në Madrid do të thotë se edhe ne mund t’i mposhtim në Barcelonë”, është shprehur argjentinasi.

Lexo më shumë

Moratti vendos të ardhmen e Leos

E ardhmja e Leonardos do të vendoset nga vet Massimo Moratti me të përfunduar sezoni, gjithnjë sipas anëtarit në bordin e Interit, Marco Tronchetti Provera.
“Leonardo po e konfirmon veten si trajner i madh”.
“Nëse ai do të konfirmohet si trajner edhe për sezonin e ardhshëm, kjo do të vendoset nga Moratti. Sidoqoftë, ai ka bërë punë të mirë në rikthimin e skuadrës në binarë dhe ka pasur kapacitetin për të reaguar pas një jave të tmerrshme. Dy ndeshjet e fundit kanë dëshmuar se ai është në gjendje të tejkalojë momentet e vështira dhe t’i japë ekipit motivim”.
“Ne nuk duhet vetëm që ta prekim skuadrën në disa sektorë dhe jo ta rindërtojmë. Cilësia e lojtarëve tanë është e pa diskutueshme”, ka thënë Provera.

Lexo më shumë

Lampard: Merituam fitoren ndaj Tottenhamit

Mesfushori i Chelseat, Frank Lampard, ka deklaruar se Blutë e merituan fitoren ndaj Tottenhamit, përkundër golave të shënuar në mënyrë kontroverse.
“Ne merituam fitoren dhe kemi mbajtur shpresat për titull gjallë”.
“Spursat nuk kanë pasur fat, por ju merrni atë që meritoni. Ne kemi krijuar mjaft raste për ta fituar takimin”, u shpreh ‘Lamps’.

Lexo më shumë

Chiellini e dëshiron Agueron te Juve

Mbrojtësi i Juventusit, Giorgio Chiellini, i ka bërë thirrje klubit që ta transferojë Sergio Agueron në Torino, përderisa ka rikonfirmuar qëndrimin e tij se nuk e ka ndërmend të largohet.
“Është normale që të ketë zëra në tregun e transferimeve sa më përket mua”.
“Unë dua të luaj në stadiumin e ri dhe shpresoj se do të jem në një ekip me një kampion si Aguero. Dhe për këtë arsye Juventusi duhet të marrë precedentë në zgjedhjet e mia”, theksoi Chiellini.

Lexo më shumë

Silva: Seedorf do ishte trajner i mirë

Mbrojtësi i Milanit, Thiago Silva, mendon se mesfushori veteran, Clarence Seedorf, do të mund të jetë një ditë strateg i madh në të ardhmen.
“Unë do të isha shumë i lumtur nëse Clarence Seedorf bëhet trajneri ynë edhe pse Allegri do të ishte më pak i kënaqur nëse e sheh këtë që po them”.
“T’i lëmë shakatë mënjanë – Seedorf një ditë mund të bëhet trajneri më i mirë në botë. Ai ka gjithçka që i duhet për ta bërë këtë. Ai ka karizëm dhe e njeh futbollin. Në realitet, ai tashmë është trajner në fushë”, u shpreh Silva.

Lexo më shumë

Lufta vazhdon…

Arsenali e ka rihapur luftën për titull në Ligën Premier me fitoren e shënuar në Emirates në derbin kryesor të kësaj jave në Evropë ndaj liderit Manchester United, me rezultat 1-0.
Pjesa e parë u përcoll nga një lojë e baraspeshuar e herë-herë monotone, megjithëse pritjet edhe ashtu nuk ishin që të shohim shumë gola.
Ajo që vlen të përmendet nga pjesa e parë është një penalti e pastër e mohuar për Arsenalin, kur Nemanja Vidic luajti me dorë në zonë në stilin e Maradonas, për ta penguar Van Persien të shënojë me kokë. Këtë intervenim të pa lejuar nuk e pa gjyqtari, ndërsa loja vazhdoi pa u ndikuar nga ky incident. Në pjesën e dytë është Arsenali që merr lojën në dorë. Pas një goditjeje të lirë të ekzekutuar nga Nani, ishin lojtarët e Arsenalit ata që filluan një kundërsulm, me Van Persien, i cili gjeti të lirë të rikthyerin nga lëndimi Aaron Ramsey, i cili me ftohtësi realizoi për golin e vetëm (56’), që doli të ishte i fitores.
Deri në fund United bëri mjaft presion, por intervenimet e portierit Sceszny dhe përqëndrimi në mbrojtjen e Topçinjve bëri që takimi të përfundonte me fitore për Revolveristët. Me këtë fitore Arsenali ngjitet në kuotën e 67 pikëve, tre më pak se Chelsea në pozitën e dytë dhe gjashtë më pak se Manchester United në pozitën e parë. Chelsea i shkon Manchester Unitedit javën e ardhshme në Old Trafford, në ndeshjen që pritet ta vendosë dhe titullin.
Nëse ndodh që Chelsea të shënojë fitore, atëherë Blutë do të ngjiteshin në pozitën e parë dhe do t’i kishin të gjitha predispozitat për ta fituar titullin, pasi edhe golaverazhi edhe përballjet direkte me United janë në të mirë të Bluve.
Nuk duhet të përjashtohet nga gara as Arsenali, që në rast të ndonjë fitoreje të Chelseat, do të shpresonte në gabime të dy rivalëve në javët në vazhdim edhe pse kjo vështirë të ndodhë.

Lexo më shumë

Milani edhe më pranë titullit

Lideri i Serie A, Milan, ka regjistruar fitoren e radhës duke mposhtur Bolognan në San Siro me rezultat 1-0.
Vendasit luajtën më mirë se kundërshtari edhe pse nuk shfaqën një lojë dominuese. Sido që të jetë, ata arritën të zhbllokonin rezultatin duke rrëmbyer tre pikë të reja.
Rossonerët krijuan epërsi të hershme (8’) përmes mesfushorit Mathieu Flamini dhe e mbajtën këtë rezultat deri në fund të ndeshjes.
Me tre pikët e reja, Milani rikthen avantazhin prej tetë pikësh kundrejt përcjellësit të parë, Inter, dhe vazhdon sigurt drejt titullit të kampionit të Italisë, të cilin pritet ta sigurojë edhe matematikisht në xhiron e radhës.

Lexo më shumë

Wenger: Ky sezon, më i vështiri

Menaxheri i Arsenalit, Arsene Wenger, ka pranuar se ky sezon ka qenë më i vështiri në karrierën e tij si trajner i klubit nga Emirates.
“Natyrisht ky është viti ku kam punuar më shumë se kurrë. Çdo vit është vështirë, por ky për ekipin ishte më i vështiri. Megjithatë, pas katër vitesh, ky është futbolli më i mirë që kemi ditur ta luajmë”.
“Ne nuk kemi pse të turpërohemi nga performancat tona. Ne nuk kemi humbur ndaj ekipeve të nivelit të ulët. Në FA Cup kemi pësuar humbje nga Manchester United, vetëm tri ditë pasi na është shkaktuar ajo padrejtësia në Barcelonë. Unë komplimentoj ekipin edhe pse ndoshta nuk kemi e kryer punën si duhet”, u shpreh francezi.

Lexo më shumë

Ky është Liverpooli

Kush janë Manchester United, Chelsea dhe Arsenal? Liverpooli e dëshmoi se po e kthen fytyrën e vërtetë prej skuadre më të trofeshme në ishull me fitoren apo ecjen e lirë nëpër Anfield bërë ndaj Newcastle me rezultat 3-0.
Liverpooli e nisi takimin në mënyrën më të mirë të mundshme. Maxi Rodriguez e kapitalizoi një goditje nga gjysmëdistanca, duke shënuar për epërsinë e parë për The Reds (10’).
Në vazhdim të takimit ishte Liverpooli ekipi i vetëm që u pa në fushë. Në pjesën e dytë pas disa tentimeve të mysafirëve, ishte Luis Suarez ai që depërtoi në zonë, për t’u ndalur në mënyrë të pa lejuar, gjë që e detyroi gjyqtarin të akordojë penalti, të cilën e shndërroi në gol Dirk Kuyt (59’).
Nuk kaloi shumë dhe Dirk Kuyt ia kthen borxhin sulmuesit uruguaian. Një pasim i holandezit Kuyt e gjen mirë të pozicionuar në zonën mysafire Luis Suarezin, i cili në mënyrë mjeshtërore shënoi për 3-0 dhe rezultatin përfundimtar të këtij takimi.
Liverpooli me këtë fitore ngjitet në pozitën e pestë me 55 pikë, po aq sa ka edhe Tottenhami në pozitën e gjashtë por me një ndeshje më pak të zhvilluara. Liverpooli ka gjasa të vogla që të kualifikohet për ndonjë garë evropiane dhe duhet të shpresojë në gabimet e Tottenhamit dhe Manchester Cityt.

Lexo më shumë

Mourinho: Nuk isha në gjendje t’i motivoj lojtarët

Trajneri i Real Madridit, Jose Mourinho edhe zyrtarisht ka hyrë në krizën e tij më të madhe si trajner, pasi ka pësuar për herë të parë një humbje të dytë radhazi në shtëpi pas nëntë vitesh dhe për disfatën nga Zaragoza, ai fajëson veten.
“Trajneri nuk ishte në gjendje t’i motivojë lojtarët e tij, të cilët nuk luajtën mirë në pjesën e parë”.
“Ne kemi falur tri gola para se të përmirësoheshim në pjesën e dytë”, ka thënë Mourinho.
Jose Mourinho do të përballet me ndeshjen më të rëndësishme dhe më të vështirë në karrierën e tij të martën, pikërisht ndaj tmerrit të tij, Barcelonës. Vetëm njeriu i cili nuk ka lidhje me futboll mund të thotë se Reali është i mbaruar para ndeshjes kthyese, pasi në të kaluarën portugezi e ka dëshmuar se është trajner i madh dhe jo më kot, këtë mund ta bëjë edhe ndaj Barcelonës të martën, në atë që quhet ‘mission impossible’.

Lexo më shumë

Guardiola: Vështirë ndaj Realit

Trajneri i Barcelonës, Pep Guardiola, e di mjaft mirë se skuadra e tij nuk e ka siguruar finalen në ndeshjen e parë përkundër avantazhit prej 2-0 si mysafir, pasi mendon se madrilenët janë në gjendje të bëjnë mrekullira.
“Është gjysmëfinalja e Ligës së Kampionëve. Është gjithmonë mirë të dalësh fitues, por duhet ta anliazojmë humbjen nga Sociedadi. Ne duhet të përgatitemi për të martën”.
“Ne kemi avantazh të mirë në këtë gjysmëfinale, por duhet të sigurohemi që lojtarët të riaftësohen. Do të jetë ndeshje e vështirë në çdo mënyrë dhe nëse e tejkalojmë edhe këtë pengesë, atëherë do të kemi më shumë opsione në finale”, potencoi Guardiola.

Lexo më shumë

Allegri: Harrojeni Interin

Trajneri i Milanit, Massimiliano Allegri, ka konfirmuar se ai do ta kërkojë fitoren ndaj Bolonjës të dielën dhe se nuk i intereson fare Interi.
“Unë e di se Interi ka fituar dhe ne nuk mund të festojmë nëse fitojmë. Unë nuk dua të fshihem, por ne duam fitoren”.
“Ne po përballemi me një ekip që po lufton për objektiva të rëndësishëm. Ne duhet të mendojmë vetëm për Bolonjën sepse Bolonja është ekip që ka arritur rezultate të mira si mysafir këtë sezon”, potencoi Allegri.

Lexo më shumë

Leonardo: Asgjë nuk ka mbarur

Leonardo tani mund të duket njeriu më i çmendur në Apenine, por strategu i Interit beson në një mrekulli dhe në rikthim të Interit në luftën për titull në Serie A, pas fitores sensacionale në minutat shtesë ndaj Cesenas.
“Seriozisht, ishte ndeshje e vështirë. Cesena ishte e mbyllur në mbrojtje dhe lëvizshmëria jonë ishte e ulët. Ne pranuam një gol para se ta inkuadronim Pazzinin dhe keni parë se çfarë ndodhi”.
“Ne kemi vuajtur në disa momente, por ishte e pa besueshme. Ne nuk po mendojmë për Milanin, por për vete. Ne duhet të vazhdojmë ta mbajmë vendin e dytë. Ekipi e ka dëshmuar se mund ta bëjë këtë, edhe pse nuk luajti mirë”, potencoi Leo.

Lexo më shumë

Ancelotti pranon: Chelsea kishte fat

Carlo Ancelotti ka pranaur se Chelsea kishte fat të madh në shënimin e dy golave ndaj Tottenhamit, për të mbajtur gjallë shpresat për titull në Ligën Premier.
“Mendoj se ne kemi përfituar nga dy situata me fat. Ju mund ta shihni atë, po, ne kemi pasur fat, por ky është futbolli dhe gjyqtari nuk përfiton nga xhirimet e ngadalsuara”, tha Ancelotti.
Chelsea është në një ecuri të jashtëzakonshme prej tetë fitoreve në nëntë ndeshjet e fundit dhe me një fitore të Arsenalit të dielën, Blutë do të udhëtonin në Old Trafford javën e ardhshme me rastin ideal për t’u kthyer seriozisht në luftë për titull.

Lexo më shumë

Guardiola: Morëm mësim me rëndësi

Trajneri i Barcelonës, Pep Guardiola, ka pranuar se skuadra e tij ka marrë mësimin e merituar nga Real Sociedadi pas disfatës së pësuar prej 2-1 te skuadra nga Baskia.
“Është mësim i rëndësishëm ky që kemi marrë sot (e shtunë). Ne duhet të luajmë me kokë. Na duhen katër pikë dhe ne duhet t’i marrim ato ku mundemi”.
“Ne jemi në gjendje që të fitojmë dhe humbasim. Ne kemi ardhur nga një situatë me shumë lojtarë jashtë mundësisë për të luajtur. Ne kemi luajtur mirë në pjesën e dytë, por na mungoi posedimi. Nuk e kontrolluam topin”, u shpreh Guardiola

Lexo më shumë

Casillas: Zaragoza shfrytëzoi gabimet

Portieri i Real Madridit, Iker Casillas, ka këmbëngulur se ekipi i tij bëri të pamundurën për t’u rikthyer nga disavantazhi, por në fund Los Blancos pësuan humbje me rezultat 3-2.
“Ne kurrë nuk u dorëzuam. Ne gjithnjë besuam në fitore”.
“Diçka fatkeqësisht ndodhi dhe kur kishim rastin për të barazuar, nuk akorduan penalti dhe Benzema goditi shtyllën. Ata na vranë më golin e tretë, por ne nuk u dorëzuam. Kur s’ta don, s’ta don”, theksoi ‘San Iker’.

Lexo më shumë