Arsenali 30 milionë për Goetzen

Arsenali është duke e menduar një ofertë të jashtëzakonshme prej 30 milionë funtesh për asin e Borussia Dortmundit, Mario Goetze.
Mirror shkruan se Arsene Wenger është duke e menduar një ofertë të jashtëzakonshme gjatë janarit për mesfushorin fantastik gjerman, me shumën prej 30 milionë eurosh që spekulohet të jetë opsion për strategun francez.

Arsenali mezi e pret afatin kalimtar janar, ndërsa punët dëshiron t’i përfundojë para kohe pasi në konkurrencë është edhe Bayerni i Munichut dhe disa klube tjera.

Lexo më shumë

Higuain i ofrohet Chelseat

Chelsea është ftuar që të bëjë ofertë për sulmuesin fantastik argjentinas të Real Madridit, Gonzalo Higuain.
Sport raporton se presidenti i Real Madridit, Florentino Perez është duke u përgatitur për ta shitur argjentinasin te Chelsea dhe ka ftuar pronarin rus Roman Abramovich që të bëjë një ofertë prej 40 milionë funtesh.

Florentino dëshiron ta shesë Higuainin në mënyrë që të mbledhë të holla për të transferuar superyllin e Manchester United, Sir Alex Ferguson.

Lexo më shumë

United i interesuar për Kaka

Bosi i Manchester United, Sir Alex Ferguson besohet të jetë interesuar për mesfushorin fantastik të Real Madridit, Leita Kaka.
Sport shkruan se Ferguson është interesuar në fillim të nëntorit për mundësinë që Kaka të largohet nga Reali, por ishte informuar nga presidenti i Realit, Florentino Perez se braziliani nuk është në shitje.

Por raportohet po ashtu se Florentino Perez dëshiron ta transferojë në Bernabeu sulmuesin Wayne Rooney dhe një shkëmbim nuk është i pamundur duke parë nevojat në mesfushë të teknikut skocez.

Lexo më shumë

Reali ofertë 60 mil. për Rooneyn

Presidenti i Real Madridit, Florentino Perez mezi pret që të ringjallë interesimin për sulmuesin anglez Wayne Rooney, të cilin dëshiron ta shohë sa më shpejtë në Santiago Bernabeu.
Sipas Sport presidenti i klubit mbretëror planifikon ta kërkojë Rooneyn në rast se Manchester United interesohet për Sami Khediran apo Leite Kakan.

United dëshiron të ofrojë 15 milionë euro për Khediran dhe nuk është përjashtuar as një shkëmbim me mesfushorin gjerman, apo Kakan. Po ashtu flitet se Perez planifikon t’i gjenerojë të hollat për Rooneyn nga shitja e Higuain te Chelsea.

Lexo më shumë

Berlusconi jep dritën e gjelbërt për Tevez

Presidenti i Milanit, Silvio Berlusconi, pasi ka përqëndruar fokusin e tij te gjiganti futbollistik italian si pasojë e shkarkimit nga posti i Kryeministrit të Italisë, ka vendosur që të sjellë në San Siro në janar sulmuesin argjentinas, Carlos Tevez.
Studio Sport raporton se Berlusconi dëshiron të arrijë sa më shpejtë marrëveshjen për transferimin e Tevez te Milani në janar.

Milani po vazhdon bisedimet me Catanian për Maxi Lopez, që po shihet më shumë si taktikë për ta detyruar Cityn të mos rrisë çmimin e argjentinasit.

Lexo më shumë

Ronaldo duhet t’i respektojë rivalët

Mbrojtësi i Atletico Madridit, Miranda ka sugjeruar Cristiano Ronaldon që të respektojë më shumë kundërshtarët, teksa beson se portugezi është ende shumë larg Lionel Messit.
“Mendoj se për të qenë më i kompletuar, Ronaldo duhet të jetë më i sjellshëm. Ai ka cilësi, por ai duhet të respektojë kundërshtarët e tij, ai duhet të di se kur është koha për provokime”.

“Lionel Messi për mua është më i miri, sepse para së gjithash, ai respekton kundërshtarët, pa marrë parasysh kur shënon, bën aksion apo diçka tjetër. Ai nuk ju poshtëron”, u shpreh Miranda.

Lexo më shumë

Boateng: Kemi nevojë për Tevezin

Mesfushori i Milanit, Kevin Prince-Boateng beson se skuadra e tij duhet të tentojë të transferojë sulmuesin e Manchester Cityt, Kevin-Prince Boateng.
“Maxi Lopez luan mirë, por neve na nevojitet dikush sikur Carlos Tevez. Sidoqoftë, do t’i transferoja që të dy”.

“Cassano është kampion i vërtetë, dhe ai na mungon shumë. Thjesht shikoni se çfarë bëri në muajin e parë të sezonit. Robinho dhe Pato janë po ashtu të mirë, por Antonio ka karakteristika tjera dhe për këtë arsye mund të ofrojë opsione të shumta për ekipin”, u shpreh Boateng.

Lexo më shumë

Guardiola me formacion 3-5-2 në El Classico

Trajneri i Barcelonës, Pep Guardiola, tashmë ka përcaktuar taktikat e tij për ndeshjen El Clasico në Santiago Bernabeu.
Guardiola është i gatshëm ta sulmojë Real Madridin dhe do të nxjerrë në fushë një formacion 3-5-2 javën e ardhshme, shkruan e përditshmja spanjolle Sport.

Javier Mascherano do të luajë në qendër të mbrojtjes, derisa në krahë do të shoqërohet nga Eric Abidal dhe Carles Puyol, me Guardiolën që do të përqendrojë forcën në mesfushë për të fituar betejën ndaj Realit.

“Për mua çels është gjithmonë mesfusha, mesfushorët, sa më shumë që kemi, aq më mirë”, pati thënë Guardiola më herët gjatë këtij sezoni pas nënshkrimit me Cesc Fabregas.

Në sulm Messi është i paprekshëm, edhe pse Guardiola ende nuk ka vendosur për partnerin e tij. Ai mund ta lërë David Villan në stol dhe të dalë në fushë me Cesc, i cili do të luajë menjëherë prapa Messit.

Pavarësisht ritmit të lojtarëve sulmues të Realit, Guardiola mendon se çelësi i ndeshjes do të jetë kontrollimi i mesfushës.

Lexo më shumë

Wenger: Messi do ta fitojë Topin e Artë

Menaxheri i Arsenalit, Arsene Wenger, mendon se ylli i Barcelonës, Lionel Messi, është favorit i pastër për të fituar çmimin FIFA Topi i Artë të këtij viti.
“Messi është favorit pasi ekipi i tij ka fituar shumë gjëra dhe ai ishte instrument kyç në ndeshjet e mëdha”.

“Ai madje është më dominues këtë vit se të tjerët për shkak të gjithë titujve të fituar: Ligën e Kampionëve, Ligën...”, ka deklaruar Wenger.

Lexo më shumë

Gullit: United duhet ta transferojë Sneijderin

Legjenda e Chelseat, Ruud Gullit, mendon se menaxheri i Manchester United, Sir Alex Ferguson, ka nevojë ta blejë Wesley Sneijder nga Interi për të shpëtuar sezonin.
“Benfica luajti shumë mirë, guximshëm dhe në mënyrë agresive. Ju mund të shihni se edhe Manchester United vuan dhe është shumë i varur në Wayne Rooney. Atyre u mungon një mesfushor kreativ si Sneojder dhe ai është dikush i cili mund t’i çojë ata në një nivel tjetër”.

“Për më tepër, United i mungon Edwin van der Sar. Atyre u mungojnë gjëra organizative para golit. Ferguson e pranon këtë“, ka thënë Gullit.

Lexo më shumë

Ancelotti: Villas-Boas nuk mund të bëjë mrekulli

Ish-menaxheri i Chelseat, Carlo Ancelotti, thotë se arsyeja prapa formës së dobët të Bluve është mosha e lojtarëve dhe jo pasuesi i tij, Andre Villas-Boas.
“Villas-Boas nuk mund të bëjë mrekulli. Ky është një ekip i moshuar tash. Është i njëjti ekip si ai që lash unë kur u largova, me përjashtim të Juan Mata dhe Raul Meireles”.

“Problemi nuk është Villas-Boas, është vetë ekipi që ai ka. Andre është i ri dhe pa përvojë, por ai ia ka dalë mirë dhe është i talentuar. Mendoj se Roman Abramovich duhet t’i japë kohë atij për t’i zgjidhur gjërat dhe për t’i bërë idetë e tij të funksionojnë“, ka deklaruar italiani për Daily Mirror.

Lexo më shumë

Shevchenko synon trofeun e Euro 2012

Sulmuesi ukrainas Andriy Shevchenko shpreson të kalojë një kampionat evropian të suksesshëm gjatë verës së ardhshme, që zhvillohet në Ukrainë dhe Poloni.
“Ky do të jetë turneu im i fundit ndërkombëtar dhe shpresoj se gjithçka ka shkuar në mënyrë të përkryer në përgatitjet për atë“.

“Ka një përgjegjësi të madhe në ekipin për të performuar mirë, pasi tifozët tanë dhe i gjithë vendi do të presë ne ta bëjmë këtë“, ka thënë ish-lojtari më i mirë në botë për CNN World Sport.

Lexo më shumë

Xabi: Do të ketë shumë kthesa këtë sezon

Mesfushori i Real Madridit, Xabi Alonso, pret që të ketë më shumë kthesa dhe ndryshime gjatë këtij sezoni.
“Këtë sezon ne kemi bërë një hap përpara. Ne kemi një mbrojtje fantastike, me një sulm të shkëlqyeshëm dhe ne nuk ndalemi. Në mënyrë kolektive po punojmë shumë mirë dhe të gjithë përfitojmë nga kjo”.

“Do të shohim se si do të shkojë këtë sezon. Sigurisht presim shumë kënaqësi, por po ashtu edhe zhgënjime, sigurisht. Ende ka shumë”, ka deklaruar Alonso për Marca.

Lexo më shumë