United humb pozitën e parë
Manchester Unitedi ka pësuar humbje minimale prej 1-0 nga Norwich City, në ndeshjen që u zhvillua të shtunën në Carrow Road.
Djajtë e Kuq zhvilluan një gjysmë të parë të dobët, ndërkohë që vendasit ishin për t’u lëvduar kur kihet parasysh kundërshtari i tyre.
Sido që të jetë, pas 45 minutash nuk pati gola dhe skuadrat shkuan në pushim me rezultatin e fillimit të ndeshjes.
Angazhimi i Norwichit krahas mbështetjes së madhe të tifozëve u shpagua në gjysmën e dytë.
Pas një ore lojë, një krosim të Javier Garridos e priti Anthony Pilkington për të shënuar golin e merituar.
Në vazhdim të ndeshjes, mysafirët nuk kishin fuqi që ta ndryshonin rezultatin, ashtu që u desh të pajtoheshin me dështimin.
Kjo humbje e lë Manchester Unitedin në pozitën e dytë në tabelë, ndërkohë që vendi i parë tashmë i takon kampionit në fuqi, Manchester City.
Category: Futboll
