SportiSot - Sport Shqip... Lajmet E Fundit Nga Sporti...

United nuk ka bërë ofertë për Javi Garcian

2012-02-21T20:19:00.002+01:00

Mesfushori i Benficas, Javi Garcia, nuk ka marrë kurrfarë oferte nga Manchester Unitedi- ka thënë agjenti i lojtarit.

24-vjeçari kërkohet nga skuadrat e mëdha evropiane, ndërsa Unitedi dhe Milani janë më të interesuar.

Madje, Daily Mirror raportoi të hënën se agjenti i Garcias ishte në bisedime me Djajtë e Kuq që ai të kalojë në Old Trafford gjatë verës.

“Nuk mund të them asgjë, askush nuk ka folur me mua. Nuk ka oferta, vetëm spekulime”, ka thënë agjenti Manuel Garcia Quillon për TSF.

Reali barazon në Moskë

2012-02-21T19:56:00.002+01:00

Real Madridi ka barazuar me rezultat 1-1 si mysafir i CSKA Moskës, në ndeshjen e parë të 1/8 së finales të Ligës së Kampionëve.

Në një mot të ftohtë në Olimpiyskiy stadion Luzhniki, Mbretërit arritën të shënojnë një gol në pjesën e parë, mirëpo në fund të fraksionit të dytë vendasit e barazuan rezultatin.

Pas një mbrojtjeje të dobët të rusëve, Cristiano Ronaldo i kaloi mysafirët në epërsi (28’), ndërsa ky ishte goli i 36 sezonal në të gjitha garat për superyllin portugez.

Në minutat shtesë të ndeshjes, Pontus Wernbloom nuk e lejoi CSKA-në që të dalë e humbur nga stadiumi Luzhniki (90’+3).

Natyrisht se ky rezultat e favorizon Real Madridin për t’u kualifikuar në çerekfinale, kur dihet që ndeshjen e kthimit e zhvillon para tifozëve të vet.

Xavi nuk mendon për zëvendësimin e Guardiolas

2012-02-21T17:16:00.004+01:00

Mesfushori i Barcelonës, Xavi, ka thënë se asnjëherë nuk ka menduar për t’ia zënë vendin Pep Guardiolas, as tash e as në të ardhmen. Ai është i fokusuar tërësisht në karrierën si futbollist aktiv.

Kontrata e Guardiolas skadon në fund të sezonit aktual dhe derisa ai po heziton ta vazhdojë atë, vazhdimisht po përmenden emra që mund t’ia zënë vendin.

“Më lini të luaj. Madje as që mendoj për atë (të jem trajner)”.

“Ndjehem si futbollist, unë nuk kam as licencë të trajnerit. Dua të luaj për shumë vite, derisa trupi im të jetë i qëndrueshëm”, u ka thënë Xavi gazetarëve.

Për më shumë, mjeshtri i mesfushës beson se trajneri i Barcës nuk do të largohet nga Camp Nou.

Drogba e Torres në stol

2012-02-21T17:16:00.002+01:00

Trajneri i Chelseat, Andre Villas-Boas, ka zgjedhur një formacion startues pa dyshen e sulmit, Fernando Torres apo Didier Drogba, për takimin e të martës mbrëma ndaj Napolit në kuadër të Ligës së Kampionëve- shkruan La Gazzetta dello Sport.

Sipas gazetës italiane, Blutë do të luajnë me formacionin 4-3-3, ndërsa ajo që bie në sy është mungesa e dy sulmuesve të përmendur në formacionin bazë.

Gary Cahill dhe John Terry do të jenë në qendër të mbrojtjes, të mbështetur nga mbrojtësit e krahut, Branislav Ivanovic dhe Ashley Cole.

Mesfusha do të përbehet nga treshja, Michael Essien, Raul Meireles dhe Frank Lampard.

Në fazën ofensive, si anësorë do të luajnë Juan Mata dhe Ramires, ndërsa Daniel Sturridge do të jetë në qendër të sulmit.

Enrique kërkon qëndrimin e Guardiolas

2012-02-21T17:14:00.001+01:00

Trajneri i Romës, Luis Enrique, shpreson që Pep Guardiola të vazhdojë drejtimin e Barcelonës edhe në sezonin e ardhshëm.

Të dy trajnerët kanë qenë bashkëlojtarë te Blaugranët gjatë viteve 1996-2001, duke fituar dy tituj të Spanjës, një Kupë të Mbreti dhe një trofe të Kupës UEFA.

“E ardhmja e Guardiolas? Dua që ai të vazhdojë për të dhe për klubin”.

“Ai është shumë i mençur, është katalunas dhe e bart në vete shpirtin e Barcës, megjithatë duhet të vendosë për të ardhmen dhe ta tregojë atë me qartësi”, citon Sport.es fjalët e Luis Enriques.

Klitschko dëshiron ta nokautojë Chisoran

2012-02-21T17:13:00.001+01:00

Kampioni i botës në versionin WBC, Vitali Klitschko, ka thënë se mund t’i ofrojë revansh Dereck Chisoras, të cilin e mposhti të shtunën në Munih.

Ukrainasi fitoi me pikë pas 12 raundesh, mirëpo kjo nuk e kënaq atë, sepse dëshiron ta nokautojë.

“Arsyeja më thotë se nuk duhet t’i ofroj revansh Chisoras. Por, egoja nuk më lejon që ta lë atë njeri pa ndëshkimin e vërtetë”.

“Dua ta nokautoj. Ende kemi çështje të pazgjidhura”, ka thënë Klitschko për Die Welt.

Maradona: E admiroj Mourinhon, por nuk e dashuroj

2012-02-21T17:12:00.001+01:00

Trajneri i Al Wasl, Diego Maradona, e ka quajtur Jose Mourinhon si trajnerin më të mirë në botë.

“E admiroj Mourinhon. Si njeri, si trajner dhe menaxher dhe si psikolog. Për mua ai është më i miri. Mourinho mund ta kthejë një monedhë në trëndafil dhe kjo ashtë arsyeja për diferencën e madhe në joshjen time për të”.

“Nuk jam i dashuruar në të ose diçka e ngjashme, por ai është një djalosh i jashtëzakonshëm”.

“Pep është një njeri i mrekullueshëm. E njoh Guardiolën shumë mirë, por ndoshta ai nuk ka aq shumë merita sa ka lojtarë impresiv. Por, le të mos harrojmë se Pep është shumë i ri dhe ai ka një karrierë të shkëlqyeshme përpara”, ka thënë Maradona.

Schweini për pak sa nuk u kthye në basketbollist

2012-02-21T17:11:00.002+01:00

Trajneri i skuadrës së basketbollit të Bayern Munichut, Dirk Bauermann, ka zbuluar se ylli i futbollit Bastian Schweinsteiger për pak sa nuk ka luajtur për skuadrën e tij sezonin e kaluar.

Në autobiografinë e tij që do të publikohet së shpejti, ish-trajneri i kombëtares gjermane në basketboll ka shpjeguar se Shweini kishte qenë si opsion për t’u përfshirë në skuadër pasi ata fituan promovimin në ligën e parë të basketbollit. Por frika për ndonjë lëndim të mundshëm kishte penguar këtë aventurë të tij”.

“Shtatë ndeshje para fundit të sezonit, në mars të vitit 2011, ne siguruam promovimin në Bundesligën e Basketbollit, me pesë ndeshje të mbetura në kampionat”.

“Në fakt, Bastian Schweinsteiger mund të kishte luajtur për ne në atë kohë. Do të ishte shumë kënaqësi. Por mbi të gjitha, kjo tregon si funksionon Bayern: pas vetëm disa muajsh kishte një raport të ngushtë në mes të futbollistëve dhe basketbollistëve”, ka shkruar Bauermann, raporton Bild.

Capello nuk është i interesuar për Chelsean?

2012-02-21T17:10:00.003+01:00

Fabio Capello raportohet se nuk është i interesuar të drejtojë Chelsean.

Daily Mail shkruan se ish-përzgjedhësi i përfaqësueses së Anglisë në futboll është duke u menduar nga Roman Abramovich nëse ai humb durimin në Andre Villas-Boas.

Por Abramovichit i është thënë se Capello nuk do të ishte i interesuar për një pozitë afat-shkurtër.

Vettel më i shpejti në Barcelonë

2012-02-21T17:07:00.001+01:00

Sebastian Vettel ka shënuar kohën më të shpejtë në testin e sotëm, të dytin për para-sezonin 2012, të Formula 1 në Barcelonë.

Një xhiro e vonshme nga kampioni në fuqi ka nxjerrë Red Bull RB8 si veturën më të shpejtë në këtë seancë, me Force India dhe ngasësin Nico Hulkenberg, i cili ishte më i shpejti shumicën e kohës, që ra në pozitën e dytë.

Lewis Hamilton përfundoi i treti në listën e më të shpejtëve. Ai ishte më pak se çerek sekonde më i ngadalshëm se Vettel.
Ngasësi i Toro Rossos, Daniel Ricciardo, ishte i katërti, derisa Fernando Alonso me Ferrarin e tij arriti kohën e pestë më të mirë.

Michael Schumacher, që drejtoi Mercedes' W03 për të parën herë në këto testime, ishte pesë të qindtat më i ngathtë se Alonso në pozitën e gjashtë.

1. Sebastian Vettel - Red Bull 1:23.343 (38)
2. Nico Hulkenberg - Force India 1:23.440 (47)
3. Lewis Hamilton - McLaren 1:23.590 (45)
4. Daniel Ricciardo - Toro Rosso 1:23.618 (45)
5. Fernando Alonso - Ferrari 1:24.100 (37)
6. Michael Schumacher - Mercedes 1:24.150 (42)
7. Sergio Perez - Sauber 1:24.219 (29)
8. Bruno Senna - Williams 1:26.188 (56)
9. Romain Grosjean - Lotus 1:26.809 (7)
10. Heikki Kovalainen - Caterham 1:27.537 (9)
11. Charles Pic - Marussia 1:29.248 (65)

Shaqiri ngacmon Heynckes: Do të shënoj gol

2012-02-21T14:24:00.001+01:00

Mesfushori i Baselit, Xherdan Shaqiri, mezi pret ndeshjen e parë të Ligës së Kampionëve kundër skuadrës së tij të ardhshme, Bayern Munich.
Shqiptari me nënshtetësi zvicerane në fund të sezonit do të largohet nga klubi zviceran për t’iu bashkuar gjigantit nga Bundesliga, të cilin e quan si klubin më të mirë në Gjermani.

“Bayerni është favorit, ata do të vijnë në Basel për të fituar. Ata do të luajnë shumë më ndryshe nga ajo çfarë bënë së fundi kundër Freiburg. Bayern është, dhe për mua mbetet, klubi më i mirë në Gjermani”, ka thënë Shaqiri për Bild.

Anësori kosovar së fundi ka folur në telefon me trajnerin e Bayernit, Jupp Heynckes, dhe nuk e ka lëshuar mundësi për të diskutuar rreth ndeshjes së të mërkurës.

“E kam pyetur nga Z. Heynckes: ‘A do të zemëroheshe nëse shënoja kundër Bayernit’? Ai qeshë pastaj bëri një shaka për këtë. Ishte një bisedë e këndshme”, ka shtuar Shaqiri.

Cavani: Ta shkatërrojmë futbollin anglez

2012-02-21T14:23:00.002+01:00

Ylli i Napolit, Edinson Cavani, dëshiron “ta shkatërrojë” futbollin anglez duke eliminuar Chelsean nga Liga e Kampionëve.
Ndryshe nga vitet tjera, këtë sezon Chelsea është vetëm klubi i dytë anglez që ende është duke garuar në garën evropiane këtë sezon, pavarësisht se po kalon një fazë të vështirë në kampionatin anglez. Por Cavani mendon se suksesi i Chelseat nuk do të zgjasë shumë.

“Është një shans i madh për ne ta shkatërrojmë futbollin anglez. Ata kanë një reputacion aq të madh, por këtë vit ata kanë dështuar dhe ne synojmë t’i bëjmë gjërat më keq për klubet angleze, duke mposhtur Chelsean”.

“Nuk kemi frikë nga Chelsea, andaj jemi të bindur se mund ta eliminojmë edhe skuadrën e fundit angleze. Ne nuk themi se do të jetë e lehtë, por, me mënyrën se si luajmë, jemi shumë optimist”.

“Ne jemi në pozitën e gjashtë në Serie A, por jemi në formë të mirë dhe do ta dëshmojmë këtë në fushë”, është zotuar Cavani.

Prej klubeve angleze në Ligën e Kampionëve është duke garuar edhe Arsenali, që mori një goditje javën e kaluar duke u mposhtur 4-0 nga Milani.

Ramires vazhdon kontratën me Chelsean

2012-02-21T14:22:00.001+01:00

Ramires raportohet se ka arritur marrëveshje për të nënshkruar marrëveshje të re me Chelesan.=
Ai ka vazhduar kontratën me Blutë edhe për tre vite të tjera dhe tash do të qëndrojë në Stamford Bridge deri në vitin 2017.

Mesfushori brazilian iu bashkua Bluve nga Benfica për 18 milionë funte në gusht të vitit 2010. The Sun po ashtu raporton se 24-vjeçarit i janë dhënë edhe kushte më të mira financiare.

Rose rikthehet fuqishëm

2012-02-21T14:20:00.001+01:00

Derrick Rose ka treguar një ndikim të menjëhershëm pas rikthimit të tij në skuadrën e Chicago Bulls, pasi MVP i sezonit të kaluar shënoi pikët më të larta të ndeshjes, 23, për të ndihmuar ekipin të fitojë 90-79 ndaj Atlanta Hawks.
Rose mungoi në pesë ndeshje të njëpasnjëshme për shkak të një spazme në shpinë, por tregoi pak pasoja të saj, duke ndihmuar edhe me gjashtë asistime dhe pesë kërcime.

Fitorja ishte e 12-ta në 14-të ndeshje për Bulls dhe e mban ekipin në maje të tabelës së Konferencës Lindore, derisa Atalanta, e gjashtë në tabelë, humbi për të shtatën herë në 10 ndeshje.

Carlos Boozer shënoi 16 pikë të tjera për Bulls derisa Rooney Brewer kontribuoi me 13 pikë. Te Hawks më i sakti ishte Jannero Pargo me 19 pikë.

Vieira tall Man United: City më i mirë se ju

2012-02-21T14:19:00.002+01:00

Ambasadori i Manchester Cityt, Patrick Vieira, ka gjetur kohë për të tallur rivalin lokal, Manchester United.
“Te Arsenali ne besonim në vete dhe fituam titullin – dhe e shoh të njëjtin besim këtu në lojtarët te City”.

“Kur shikoni në skuadrën tonë dhe se si kemi luajtur që nga fillimi i sezonit dhe shikoni se si ka luajtur United, është fakt se ne jemi më të mirë se ata”.

“Alex Ferguson e di si ta fitojë ligën më mirë se çdokush tjetër, por unë besoj se ne kemi lojtarët, menaxherin dhe dëshirën për ta fituar titullin”, ka thënë francezi.

Obi Mikel: Nuk mund të lejojmë të jemi jashtë katërshes

2012-02-21T14:18:00.002+01:00

Mesfushori i Chelseat, John Obi Mikel, thotë se Chelsea nuk mund të lejojë të mos luajë në Ligën e Kampionëve sezonin e ardhshëm.
Chelsea aktualisht është duke luftuar me Arsenalin për pozitën e katërt.

“Ne duhet të përfundojmë në top katërsh – gjithçka më pak do të ishte tmerr”.

“Kjo do ta lehtësojë presionin në ne për të shikuar përpara për një sezon më të mirë, ku ne mund të mendojmë për të fituar titullin”, ka thënë 24-vjeçari.

Mourinho i kënaqur me formën e Benzamas

2012-02-21T14:15:00.004+01:00

Trajneri i Real Madridit, Jose Mourinho, është i ngazëllyer me formën që po kalon Karim Benzema këtë sezon.
“Nuk më pëlqen të flas për lojtarët në mënyrë individuale, por Benzema është duke punuar mirë për skuadrën. Loja e tij është përmirësuar, ai shënon gola dhe punon për skuadrën edhe në sulm edhe në mbrojtje. Ai është shndërruar në një prej lojtarëve më të mëdhenj evropiane”.

“Nuk dua të flas për Topin e Artë, vetëm mendoj për skuadrën. Ne kemi shans për të fituar një titull këtë sezon dhe kjo është ideja e përgjithshme. Kjo është ajo në të cilën jemi të fokusuar. Ne nuk shqetësohemi për arritjet individuale”, ka thënë Mourinho.

Enrique, pasuesi ideal i Guardiolës?

2012-02-21T14:15:00.002+01:00

Barcelona do ta angazhojë trajnerin e Romës, Luis Enrique, nëse Pep Guardiola nuk nënshkruan vazhdimin e kontratës.
El Economista shkruan se Blaugranët kanë bërë një listë të ngushtë të personave për ta zëvendësuar Pep, në të cilën përfshihet edhe Enrique, i cili shihet si zgjidhja më ideale.

Në kontratën e tij me Romën është një klauzolë e cila e lejon atë të largohet nga skuadra për t’u kthyer te klubi spanjoll.

Ndërkohë, drejtuesit e Romës synojnë ta riformulojnë kontratën e Enriquem, pas rezultateve pozitive të tij pas Vitit të Ri.

Allegri: Sfida ndaj Juves nuk e vendos titullin

2012-02-21T14:14:00.002+01:00

Trajneri i Milanit, Massimiliano Allegri, thotë se ndeshja e vikendit ndaj Juventusit nuk do të jetë vendimtare në garën për titull.
Rossonerët do të takohen me Biankonerët e Antonio Contes me një pikë dhe një pozitë mbi ta në tabelën e Serie A.

“Sfida e të shtunës është shumë e rëndësishme, por nuk është esenciale. Kundërthëniet? Besoj se këto janë pjesë e ndeshjes, është normale për skuadrat e kreut”, ka thënë Allegri.

Motta: Largimi i Eto’o, fundi i Interit

2012-02-21T14:13:00.002+01:00

Mesfushori i Paris Saint-Germain, Thiago Motta, thotë se Interi është drejt shkatërrimit.
“Është vështirë ta ndryshosh Interin. Nuk është mirë të flasësh për problemet e tyre. Nuk është lehtë ta kthesh një skuadrës si ajo gjatë natës. Ka nevojë për kohë, njerëz me aftësi për ta bërë këtë”.

“Por shpresoj se ata do ta gjejnë një zgjidhje sa më shpejt që munden. Mendoj se shitja e Samuel Eto’o vërtet e ka lënduar skuadrën, pasi ai ishte një prej atyre që mund ta bënin diferencën. Diego Milito është një armë e rrezikshme, por me Eto’o, Interi kishte edhe një më shumë”, ka thënë lojtari.

Motta u largua nga Nerazzurrët muajin e kaluar për t’u transferuar te klubi francez.

Benitez të drejtojë Chelsean?

2012-02-21T14:12:00.002+01:00

Rafa Benitez raportohet se mund të jetë pasardhësi i Andre Villas-Boas në karrigen drejtuese të Chelseat.
Daily Mail shkruan se Benitez është lart në listën e kandidatëve të Chelseat për të zëvendësuar Villas-Boas deri në fund të sezonit, nëse Roman Abramovich e humb durimin në portugezin.

Villas-Boas do ta shohë veten në një situatë të pakëndshme nëse gjërat shkojnë keq në Napoli në Ligën e Kampionëve.

Me ekipin e tij të rreshtohet i pesti në Ligën Premier dhe rrezikon të eliminohet nga Kupa FA nga Birmingham, sezoni debutues i Villas-Boas vazhdon të përkeqësohet edhe më tej.

Ish-menaxheri i Liverpoolit, Interit dhe Valencias, Benitez, besohet se është i hapur dhe i gatshëm menjëherë të marrë gjërat në duar, pasi nuk është angazhuar që kur u largua nga Interi në fund të vitit 2010.

Cavani e Lavezzi nuk janë në mendjen e Mancinit

2012-02-21T14:11:00.004+01:00

Menaxheri i Manchester Cityt, Roberto Mancini, ka mohuar spekulimet që e lidhin klubin tij me dyshen e Napolit, Edinson Cavani dhe Ezequiel Lavezzi.
Është spekuluar se trajneri italian planifikon që gjatë verës t’i transferojë dy lojtarët ofensivë, mirëpo ai ka thënë se transferimet janë gjëja e fundit që po mendon aktualisht.

“Nuk kam folur për askënd me drejtorët e Cityt. Duhet njëherë ta fitojmë Ligën Premier, pastaj do të flasim për tregun e transferimeve”, ka thënë Mancini për Il Mattino.

Sneijder e ka refuzuar Zenitin

2012-02-21T14:11:00.002+01:00

Mesfushori i Interit, Wesley Sneijder, ka njoftuar se javën që shkoi ka refuzuar një ofertë luksoze nga Zenit St Petersburgu.
Trajneri i klubit rus, Luciano Spalletti, është i interesuar për shërbimet e holandezit, ndërsa lojtari tashmë ka konfirmuar tentativën e Zenitit për ta transferuar atë.

“Ata ishin të përgatitur të shkonin vërtet larg për të më transferuar. Nuk kishte absolutisht asgjë të keqe me ofertën e tyre”.

“Megjithatë, nuk mendoj se ky është momenti i duhur që unë të largohem nga Interi”, ka thënë Sneijder për Voetbal International.

Koeman, Laudrup apo Valverde - në vend të Pep?

2012-02-21T14:10:00.002+01:00

Legjenda e Barcelonës dhe njëri nga bashkëpunëtorët më të afërt të presidentit Sandro Rossell, Carlos Rexach, ka thënë për Marca emrat e atyre që mund ta zënë vendin e Pep Guardiolas në postin e trajnerit.
Është gjithnjë e më pranë dita kur Guardiola duhet të vendosë nëse do të vazhdojë ta drejtojë Barcën apo do të kërkojë një sfidë të re, ndërsa vazhdimisht ka spekulime rreth pasuesit të tij.

“Zëvendësuesi i Guardiolas duhet të jetë dikush që e njeh klubin dhe punën në të. Kur dhe nëse Pep shkon, besoj se rastin për ta drejtuar Barcelonën do ta kenë Ronald Koeman, Michael Laudrup apo Ernesto Valverde”, ka deklaruar Rexach.

Ibra, krenar që është gjysmëboshnjak

2012-02-21T14:09:00.002+01:00

Sulmuesi i Milanit, Zlatan Ibrahimovic, e ka shfrytëzuar profilin e tij në Twitter për të treguar origjinën e tij, për të cilën ndjehet krenar.
“Për ata njerëz që nuk e dinë, unë jam gjysmëboshnjak dhe jam krenar për këtë”, ka shkruar në anglisht lojtari që mbron ngjyrat e Suedisë.

Më pas ai ka shkruar: “Do të tentoj të shkruaj diçka në boshnjakisht: Dua që kësaj radhe t’u falënderoj të gjithë juve fansave të mi nga Bosnja, faleminderit që jeni pranë meje (Ibra i juaj)”.

Zlatan Ibrahimovic është i lindur në Suedi. Babai i tij, Sefik Ibrahimovic, është një boshnjak i cili ka emigruar në Suedi në vitin 1977, ndërsa atje është njohur me nënën e futbollistit, kroaten Jurka Gravic, po ashtu emigrante.

Ai është rritur në lagjen e komuniteteve imigruese Rosengard në Malmo, ndërsa ka edhe tri motra dhe dy vëllezër.

Rummenigge kërkon ‘Robbenin egoist’

2012-02-21T14:07:00.001+01:00

Shefi ekzekutiv i Bayern Munichut, Karl-Heinz Rummenigge, beson se klubi i tij ka nevojë për një Arjen Robben egoist.
Holandezi ka pasur probleme me fitnesin dhe formën këtë edicion, ndërsa në javët e fundit e ka humbur vendin në formacionin bazë të bavarezëve.

“Shpresoj që së shpejti ta shohim edhe një herë egoizmin e tij, atë qe e ka bërë lojtar të klasit botëror”.

“Neve na duhet Robbeni djallëzor”, ka thënë Rummenigge për Bild.

Haye e Chisora mund të burgosen

2012-02-20T21:28:00.004+01:00

Boksieri britanik, David Haye, e ka akuzuar Dereck Chisoran se e ka filluar përleshjen në konferencën për gazetarë pasi Vitali Klitschko mbrojti titullin në versionin WBC.

“Chisora e shkaktoi incidentin që ndodhi. E ka shkatërruar reputacionin e sportit, të cilin të dy e duam aq shumë. Jam shumë i zhgënjyer me reagimin tim, por nuk kam kërkuar falje, e as që do të kërkoj”, ka thënë Haye.

Nga ana tjetër, Chisora përmes një komunikate për media ka kërkuar falje për veprimet e tij, ndërsa është distancuar nga shpjegimi i detajeve duke ia lënë në dorë Bordit të Kontrollit të Boksit në Britani të Madhe që ta hulumtojë çështjen.

Ndërkaq, zëdhënësi i policisë në Munih në një prononcim për media ka deklaruar se të dy boksierët rrezikojnë burgun, madje deri në dhjetë vite.

Borini dëshiron të qëndrojë te Roma

2012-02-20T21:28:00.002+01:00

Fabio Borini është i ngazëllyer me situatën e tij te Roma- ka bërë të ditur agjenti i lojtarit.

Sulmuesi i ri italian është në bashkëpronësi mes Parmës dhe Romës, por duket se ai dëshiron të qëndrojë te Giallorossët.

“Fabio është një pjesë në pronësi të Parmës, por nëse do të varej nga ai, ai do t’i takonte qind për qind Romës”.

“Atij i pëlqen qyteti dhe tifozët e klubit, që ishin kyç për ardhjen e tij te Roma gjatë verës”, ka deklaruar agjenti Marco De Marchi për Radio Mana Mana.

Marotta: Milani favorit për derbi

2012-02-20T21:27:00.002+01:00

Drejtori i Juventusit, Giuseppe Marotta, mendon se Milani është favorit për derbin e të shtunës që zhvillohet në San Siro mes dy skuadrave të para të Serie A.

Bardhezinjtë gjenden në vendin e dytë në tabelë me një pikë më pak se kuqezinjtë, mirëpo Juve ka një ndeshje më pak të zhvilluar.

“Milani është favorit për takimin. Ata janë kampionët në fuqi në ligë dhe një nga tetë ekipet më të mira të Evropës”, u ka thënë Marotta gazetarëve.

Pique: Guardiola duhet të qëndrojë

2012-02-20T21:26:00.001+01:00

Mbrojtësi i Barcelonës, Gerard Pique, dëshiron që Pep Guardiola të nënshkruajë kontratë të re me Blaugranët.

Kontrata aktuale e 41-vjeçarit skadon në fund të sezonit, ndërsa edhe pse ka fituar 13 tituj me Barcën nga viti 2008, duket se ai heziton ta vazhdojë atë.

“Ai duhet të vazhdojë te Barca për atë që ka përjetuar dhe për krejt për atë që do ta përjetojë”, u ka thënë Pique gazetarëve.

Loew mund të drejtojë ndonjë klub në të ardhmen

2012-02-20T21:25:00.001+01:00

Strategu i Gjermanisë, Joachim Loew, ka pranuar se mund të joshet nga ndonjë klub për t’u angazhuar në të ardhmen.

Në të kaluarën, ai ka drejtuar klube, si Stuttgart dhe Fenerbahce, por kontrata aktuale e lidh me përfaqësuesen e Gjermanisë deri në vitin 2014.

“Nuk e mohoj se të punoj si trajner i ndonjë klubi do të ishte argëtuese. Nëse më pyesni sot, do të doja të shkoja në ndonjë kampionat jashtë vendit”, ka thënë Loew për 11Freunde.

Njerëzit duan ta shohin stilin e Barcës

2012-02-20T21:24:00.001+01:00

Legjenda braziliane e futbollit, Pele, mendon se stili i lojës që e praktikon Barcelona, është rruga të cilën duhet ta ndjekin të gjitha skuadrat tjera futbollistike.

“Çelësi i suksesit është të kesh një grup futbollistësh, të cilët luajnë bashkë një kohë të gjatë. Stili i lojës i Barcelonës është ai që njerëzit duan ta shohin në fushë dhe unë sinqerisht shpresoj se do t’u shërbejë shumë ekipeve në të ardhmen”.

“Shikojeni Gjermaninë loja e të cilës më shumë është e bazuar në aftësitë teknike të lojtarëve. Ajo është diçka që duam të shohim. Është bukur ta shohësh topin duke lëvizur shpejtë nëpër fushë”, ka thënë Pele për FIFA.com.

Dikur futbollisti më i mirë në botë e ka krahasuar Barcelonën aktuale me klubet, si Benfica, Ajax, Milan dhe Real Madrid, të cilët po ashtu kanë dominuar në të kaluarën.

Mazzarri: Napoli nuk është favorit

2012-02-20T17:46:00.002+01:00

Trajneri i Napolit, Walter Mazzarri, u ka thënë lojtarëve të tij se ata nuk duhet ta konsiderojnë veten favoritë në përballjen e Ligës së Kampionëve kundër Chelseat.
Duke qenë se klubi anglez po kalon nëpër një periudhë të vështirë, shumë analistë konsiderojnë se Napoli do të fitojë të martën mbrëma.

“Është qesharake që ne konsiderohemi favoritë, por jemi krenarë për këtë”.

“Megjithatë, do të ketë telashe nëse vërtet besojmë se jemi. Ne nuk jemi favoritë”.

“Lojtarët e mi më kanë impresionuar me mënyrën si janë zhvilluar gjatë dy sezoneve të fundit”, ka thënë 50-vjeçari.

Reali duhet të përballet me kushtet në Moskë

2012-02-20T17:45:00.002+01:00

Trajneri i Real Madridit, Jose Mourinho, kërkon që skuadra e tij të jetë në formën maksimale në takimin e të martës mbrëma kundër CSKA Moskës në Ligën e Kampionëve.
Portugezi konsideron se fusha artificiale dhe temperaturat e ulëta në Luzhniki Stadium mund të kërkojnë angazhim shtesë për të zgjedhurit e tij.

“Duhet të jemi më të fortë se kushtet, të cilat janë të vështira dhe të ndryshme”.

“Sintetikja nuk është e njëjtë sa natyralja. Minus dhjetë gradë nuk është njësoj sikur dhjetë gradë”.

“Ne duhet të jemi në maksimumin tonë për t’i tejkaluar këta faktorë”, u ka thënë Mourinho gazetarëve në një konferencë për media.

‘Giovinco mund të bëhet Zola i ri’

2012-02-20T17:43:00.004+01:00

Agjenti i Sebastian Giovincos ka thënë se sulmuesi i Parmës do të shkëlqente te Chelsea.
25-vjeçari po kalon nëpër një formë shumë të mirë me klubin italian, ndërsa Andrea D'Amico e ka lënë të hapur mundësinë që ai të kalojë në Stamford Bridge.

“Po të isha Roman Abramovichi, do ta merrja Giovincon te Chelsea. Ai do të bëhej Zola i ri atje”, ka thënë agjenti për Tuttosport.

City dhe Arsenali përcjellin Cavanin

2012-02-20T17:43:00.002+01:00

Klubet e Ligës Premier do ta përcjellin me kujdes ndeshjen e Napolit ndaj Chelsat për ta parë nga afër Edinson Cavanin.
Sulmuesi uruguaian ka kaluar një formë të shkëlqyeshme te Napoli me 41 gola në 57 ndeshje. 25-vjeçari këtë sezon ka shënuar 22 gola, përfshirë edhe golin e barazimit 1-1 ndaj Manchester Cityt.

Mediat angleze raportojnë se Arsenali dhe City do të jenë vetëm dy prej klubeve të cilat do të dërgojë vëzhgues në ndeshjen e të mërkurës.

Përveç tyre, edhe Chelsea, Liverpool dhe Tottenham po ashtu janë lidhur me një transferim të Cavanit.

Ferguson me post të ri te Man United?

2012-02-20T17:42:00.003+01:00

Sir Alex Ferguson synon të qëndrojë me Manchester United edhe pasi të heqë dorë nga pozita e menaxherit.
Skocezi 70-vjeçar thotë se ai do të dëshironte një rol të ambasadorit të ngjashëm me atë që ka Sir Bobby Charlton në klub.

“Do të mbetem aktiv. Mendoj se do të ketë një rol për mua te United pasi të përfundoj”, ka thënë Ferguson për BBC Radio 5 Live.

Ranieri: Ose dy sulmues, ose Sneijder

2012-02-20T17:41:00.002+01:00

Trajneri i Interit, Claudio Ranieri, thotë se ai mund ta lërë Wesley Sneijder në ulëse për ndeshjen e të mërkurës së Ligës së Kampionëve përballë Marseille.
“Do të duhet të marr një vendim këtu. Ne nuk mund të lejojmë të luajmë me Sneijder dhe me dy sulmues, pasi atëherë do të humbim dikë në mesfushë”.

“Megjithatë, Sneijder nuk është problem për Interin, por në fakt është një zgjidhje. Ne do të mundohemi ta shfrytëzojmë atë në momentin e duhur. Ne mund ta zgjedhim atë edhe për ndeshjen kundër Marseille”, ka thënë Ranieri për La Gazzetta dello Sport.

Hamsik: Chelsea, ndeshja e sezonit

2012-02-20T17:40:00.002+01:00

Ylli i Napolit, Marek Hamsik, mezi pret ndeshjen e parë të Ligës së Kampionëve përballë Chelseat, të cilën e ka përshkruar si “ndeshja e sezonit”.
“Do të jetë një ndeshje e madhe. Është ndeshja e sezonit për ne. Ndeshja e kthimit gjysmëfinale e Kupës së Italisë kundër Sienës është po ashtu e rëndësishme, por Liga e Kampionëve është fascionuese. Kjo do të jetë një festë e vërtetë për fansat tanë fantastik, dhe për vetë skuadrën”.

“Chelsea në krizë? Kjo është diçka që shkruajnë gazetat. Megjithatë, ata kanë fituar vetëm një nga gjashtë ndeshjet e fundit. Mund të jetë një situatë e favorshme, por duhet të jemi të kujdesshëm. Chelsea është një skuadër e madhe me disa lojtarë të mëdhenj. Ne duam një rezultat të mirë dhe do të japim maksimumin për ta arritur këtë”, ka thënë Hamsik për Il Corriere dello Sport.

Emery: Barca ishte superiore

2012-02-20T17:36:00.002+01:00

Trajneri i Valencias, Unai Emery, thotë se paraqitja e tyre ndaj Barcelonës në disfatën e mbrëmshme 5-1, ishte më e keqja e mundshme.
“Ne kishim një ndeshje të keqe. Është një disfatë e dhimbshme pasi kemi qenë aq inferior. Në herët e kaluara kemi luajtur ndeshje të mira; sot ishte krejtësisht e kundërta”.

“Nuk është vetëm nëse ne u dërmuam ose jo; është se ata ishin shumë superior. Ne ishim në mëshirën e tyre. Ne pamë versionin më të mirë të Barcelonës dhe një prej versioneve më të këqija të Valencias. Qartas, ne ishim dy pole të ndryshme”, citohet të ketë thënë Emery për AS.

Zanetti: Të fokusohemi në LK

2012-02-20T17:35:00.001+01:00

Kapiteni i Interit, Javier Zanetti, ka porositur Nerazzurrët të fokusohen në ndeshjen e radhës të Ligës së Kampionëve përballë Olympique Marseille.
“Ne duhet të jetojmë nga dita në ditë, pasi besoj se kjo është e vetmja mënyrë për të arritur diçka. Kemi biseduar për këtë mes veti dhe me trajnerin. Të gjithë duam ta kthejmë situatën dhe të zhvishemi nga këto aspekte negative”.

“Sa i takon Ligës së Kampionëve, ne kemi një ndeshje të rëndësishme para nesh dhe pastaj do të kthehemi të luftojmë në ligë ku ka disa ekipe që po luftojnë për pozitën e tretë, dhe ne shpresojmë të jemi në mesin e tyre”.

“Kemi kuptuar se po kalojmë në një fazë të keqe, por duam të qëndrojmë të bashkuar dhe ta tejkalojmë këtë ashtu që të mund të përqendrohemi në ndeshjen e Ligës së Kampionëve”, ka thënë Zabnetti.

Guardiola: Ta ruajmë hapin me Realin

2012-02-20T17:34:00.001+01:00

Trajneri i Barcelonës, Pep Guardiola, thotë se sfida e Blaugranëve është ta ruajnë ritmin në La Liga me rivalin e tyre Real Madridin.
“Ne jemi dhjetë pikë prapa, por loja jonë thotë se ne nuk jemi shumë larg. Sfida jonë është ta mbajmë ligën të gjallë dhe kjo është detyra e jonë”.

“Ne duhet të vazhdojmë në këto tre muaj të mbetemi në garë siç bëmë sot. Nëse ekipi luan në nivelin e sotëm, nuk shqetësohem nëse tema rreth të ardhmes time është ajo që pushton titujt kryesor”, ka thënë Guardiola.

Juve të transferojë Xabi Alonson?

2012-02-20T17:33:00.002+01:00

Juventus është duke e përcjellë situatën e Xabi Alonsos te Real Madridi.
Spanjolli ishte afër të nënshkruajë me Juven kur ai zgjodhi të largohet nga Liverpooli dhe vazhdon të mbetet në radarin e Biankonerëve.

Menaxheri gjeneral i Juventusit, Beppe Marotta, është i paepur ta sjellë atë në Torino gjatë verës.

Dhe, me trajnerin e Real Madridit, Jose Mourinho, që është duke e menduar të ardhmen, edhe Xabi po ashtu mund ta ndjekë atë duke u larguar nga Bernabeu për një përvojë në Itali.

Lin vazhdon të shkëlqejë për Knicks

2012-02-20T17:32:00.004+01:00

New York Knicks ka shënuar një mori trepikëshash në çerekun e katër të ndeshjes për të mposhtur para publikut vendas kampionin në fuqi të NBA-së, Dallas Mavericks, me rezultat 104-97.
Steve Novak shënoi 14 nga 15 pikët e para të New York në çerekun e katërt, përfshirë katër trepikësha.

Jeremy Lin ishte më i miri te Knicks me 28 pikë dhe 14 kërcime, derisa lider i Dallas dhe i ndeshjes ishte Dirk Nowitzki, me 34 pikë.

Villas-Boas: Napoli nuk e përcakton të ardhmen time

2012-02-20T17:32:00.002+01:00

Menaxheri i Chelseat, Andre Villas-Boas, është i bindur se detyra e tij nuk varet nga rezultati i ndeshjes së Ligës së Kampionëve ndaj Napolit.
Portugezi thotë se ai nuk mendon se do të shkarkohet nga miliarderi rus, Roman Abramovich, edhe nëse Blutë dështojnë të vazhdojnë më tej.

“A do të ketë rezultati ndikim në të ardhmen time? Jo, jo aspak. Nuk më takon mua ta vendos këtë. Ju duhet ta pyesni personin e duhur”, ka thënë 34-vjeçari.

Wenger, 55 milionë për përforcime

2012-02-20T17:31:00.000+01:00

Arsenali ia ka bërë të ditur menaxherit Arsene Wenger se ka në dispozicion 55 milionë funte për t’i harxhuar gjatë verës.
Daily Mail shkruan se bordi i Topçinjve do ta konfirmojë besimin ndaj Wenger gjatë verës duke i dhënë atij një buxhet të majmë për ta përforcuar skuadrën.

Me buxhetin e ri, Wenger planifikon ta ndryshojë pamjen e skuadrës. Në mesin e dëshirave të francezit janë Mario Goetze, Lukas Podolski, Eden Hazard dhe Matias Suarez.

Por, pavarësisht se do të ketë në dispozicion një buxhet të mjaftueshëm, Wenger e di se do të jetë vështirë t’i joshë lojtarët e përmendur, veçanërisht nëse dështon të sigurojë një përfundim në top katërsh.

Messi: Nuk shqetësohem çfarë thonë të tjerët

2012-02-20T17:30:00.002+01:00

Lionel Messi thotë se ai nuk shqetësohet se çfarë të tjerët thonë për performancat e tij, pasi argjentinasi rigjeti rrjetën katër herë në ndeshjen e mbrëmshme ndaj Valencias.
“Kjo [të kritikohesh] zakonisht ndodh në kohë të caktuara të sezonit. Unë nuk mërzitem, e di se kam besimin e trajnerit, bashkëlojtarëve dhe njerëzve të Barcelonës”, ka thënë Messi.

Argjentinasi po ashtu ka shprehur dëshirën e tij dhe të bashkëlojtarëve të tij për të pasur trajnerin Pep Guardiola edhe më tej si drejtues të tyre.

“Ai e di se çfarë ne mendojmë dhe do ta marrë vendimin kur të jetë koha e duhur, ne duam ai të vazhdojë, ai do të thotë shumë për ne dhe për këtë klub”, ka thënë Messi.

Milani përcjell Pepen

2012-02-20T17:29:00.001+01:00

Kampioni i Serie A, Milan, është duke përcjellë situatën e mbrojtësit të Real Madridit, Pepe.
Burime nga Reali thonë se portugezi kontrovers ka mbështetjen e klubit dhe se madrilenët nuk dëshirojnë ta shesin atë.

Por Cadena Ser raporton se Milani është duke i monitoruar zhvillimet dhe do të dëshironte ta bashkojë Pepen me Thiago Silvan në zemër të mbrojtjes Rossonere.

Barca interesohet për sulmuesin e Atleticos, Adrian

2012-02-20T17:28:00.001+01:00

Barcelona raportohet se është duke e përcjellë sulmuesin e Atletico Madrid, Adrian Lopez.
Lojtari i përfaqësueses U21 të Spanjës shkëlqeu në fitoren e Europa League ndaj Lazios gjatë vikendit.

El Confidencial shkruan se agjenti i Adrian, tashmë ka qenë në kontakte me Barcelonën dhe ia ka ofruar lojtarin kampionit në fuqi të Spanjës.

Drejtuesit e Barcelonës tash në mënyrë aktive janë duke diskutuar nëse Adrian mund t’i japë diçka të veçantë sulmit të tyre në sezonin e ardhshëm.

Kthehet magjistari (VIDEO)

2012-02-19T23:50:00.004+01:00

Barcelona ka regjistruar fitore prej 5-1 përballë Valencias në kryendeshjen e kësaj xhiroje të Kampionatit spanjoll.

Pas një periudhe frustuese, futbollisti që mban epitetin e më të mirit në botë, Lionel Messi, shkëlqeu në këtë takim, i cili ishte i 200-ti në La Liga, duke i realizuar katër gola.Ishin lojtarët mysafirë ata që shënuan të parët me anë të Pablo Piatti (9’), por ky gol vetëm sa i nervozoi lojtarët vendas.
Lionel Messi shfrytëzoi një gabim të Adil Rami pas pasimit të Pedros dhe e barazoi rezultatin (22’).Pesë minuta më pas, argjentinasi me tentativën e dytë e mposhti portierin Diego Alves, i cili nuk e mbajti topin si duhet (27’).
Në minutën e 76-të, Leo Messi kompletoi het-trikun e tij pas një pune të mirë të Tellos.
Një pasim perfekt nga Sergio Busquets, e shfrytëzoi për mrekulli SuperMessi për t’u regjistruar për të katërtën herë këtë mbrëmje në listën e golashënuesve (85’).
Nuk kaloi shumë minuta pas hyrjes në lojë, i rikthyeri nga lëndimi, Xavi Hernandez, shënoi një gol të bukur për ta mbyllur me ‘qershi mbi tortë’ këtë paraqitje mbresëlënëse të Blaugranëve.
Barcelona mbetet në pozitën e dytë në tabelë me dhjetë pikë më pak se Real Madridi që i prin La Ligas.

Roma në luftë për LK

2012-02-19T17:34:00.001+01:00

Roma është inkuadruar në luftën për pozitën që dërgon në Ligën e Kampionëve pas fitores minimale në Olimpico ndaj Parmës.

Roma ishte dominante nga fillimi i takimit, ndërsa kjo u shfaq me golin e sulmuesit më në formë të Romës, i cili tregoi se ditë të bardha nuk ka për kundërshtarët.

Fabio Borini realizoi në minutën e 26-të për 1-0, që ishte dhe rezultati përfundimtar, përkundër rasteve të Romës deri në fund të sfidës.

Me këtë fitore Roma ngjitet në kuotën e 38 pikëve në vendin e pestë, tre pikë larg Udineses që ka një ndeshje më pak të zhvilluar.

Guardiola trajner, Wenger në bord?

2012-02-19T17:33:00.004+01:00

Arsenali është duke synuar që ta emërojë Pep Guardiolën si pasues të Arsene Wenger në stolin e Arsenalit, pas rezultateve të dobëta këtë sezon.

Mail on Sunday shkruan se burimet brenda Arsenalit besojnë se pronarët janë duke menduar që Arsene Wengerit t’ia japin një post kyç në bordin drejtues, teksa për trajner do të emërohej tekniku katalanas i cili është i specializuar për të drejtuar lojtarët e rinj.

Pep Guardiola gjatë tri viteve të qëndrimit të tij te Barcelona ka fituar hiç më pak se 13 tituj dhe kontrata e tij skadon në qershor të këtij viti.

City ta mposhtë Unitedin për Gaitan

2012-02-19T17:33:00.002+01:00

Manchester City është duke planifikuar një ofertë të jashtëzakonshme për yllin e Benficas, Nicolas Gaitan.

Mirror shkruan se City është i gatshëm të ofrojë 40 milionë euro për mesfushorin fantastik, duke prishur kështu planet e Sir Alex Ferguson.

Gaitan konsiderohet si një prej lojtarëve të rinj më të shpejt dhe më atraktiv në botë, ndërsa ka lënë përshtypje të mirë në sfidat ndaj Manchester Unitedit në Ligën e Kampionëve, që për pasojë pati eliminimin e klubit më të trofeshëm anglez.

Milani shkatërrimtar, i afrohet majes

2012-02-19T17:31:00.001+01:00

Milani ka shënuar fitore shumë të rëndësishme dhe jashtëzakonisht të lehtë në udhëtim te Cesena me rezultat 3-1, duke ashpërsuar edhe më tej luftën për titull të kampionit në Serie A.

Milani që nga fillimi ishte dominues dhe e gjeti shpejt golin. Duke reflektuar paraqitjen e tij të mirë, Sulley Muntari shënoi në minutën e 29-të për 1-0 dhe epërsinë e parë të Rossonerëve. Nuk kaluan dy minuta dhe Emmanuelson e zgjeroi këtë epërsi në 2-0.

Në vazhdim të pjesës së dytë Milani përsëroi dominoi dhe ishte Robinho ai që për 3-0 (55’), vazhdoi formën e tij të mirë para ndeshjeve shumë të rëndësishme. Rezultatin prej 3-1 e vuri Pudil në minutën e 65-të, por vendasit nuk ishin në gjendje që të shënojnë gola të tjerë.

Me këtë fitore, Milani është në vendin e parë me 50 pikë, një pikë më shumë se Juventusi që ka një ndeshje më pak të zhvilluar. Javën e ardhshme Juventusi i shkon Milanit në San Siro në duelin që mund ta përcaktojë titullin.

Ronaldo barazon rekordin e Juanitos

2012-02-19T17:30:00.002+01:00

Cristiano Ronaldo është golashënuesi i 13-të më i mirë në historinë e Real Madridit, pasi shënoi golin e 121-të në fanellën e Los Blancos në sfidën ndaj Santanderit.

Goli i shënuar me kokoë nga Ronaldo, barazon rekordin e Juanitos i cili shënoi po aq gola në 400 paraqitje, kurse Ronaldo i shënoi për vetëm 123 paraqitje në gara zyrtare.

Golashënuesi më i mirë i Real Madridit është Raul me 323 gola, i ndjekur nga Di Stefano (308) dhe Santillana (290).

Conte: Jemi ekip i madh

2012-02-19T17:29:00.002+01:00

Trajneri i Juventusit, Antonio Conte, beson se ekipi i tij ka treguar se është ekip i madh pasi arriti të rikthejë rezultatin në sfidën ndaj Catanias nga disavantazhi në minutat e para të sfidës.

“Ne kemi qenë të mirë, ishim të koncentruar dhe të matur dhe shfaqëm përgjigje të shkëlqyer për tifozët, pasi treguam se jemi ekip i madh”.

“Ne jemi grup i madh dhe kjo është parë edhe të shtunën. Unë e kam ditur se ne do të përballemi me një Catania të fortë, që po ashtu tregoi forcat e veta. Ata kanë lojtarë të mirë dhe është dëshmi se drejtori Pietro Lo Monaco po bën punë shumë të mirë”, tha Conte.

Ibra: Juve favorit, luan një herë në javë

2012-02-19T17:27:00.001+01:00

Sulmuesi i Milanit, Zlatan Ibrahimovic, është i bindur se Juventusi është favorit për ta fituar sfidën kruciale për titull që zhvillohet javën e ardhshme në San Siro, ndërsa si arsye për këtë e sheh faktin se Bianconerët luajnë një herë në javë.

“Mendoj se vitin e kaluar kur kemi luajtur keq, ne fitonim pikët, por këtë vit sa herë kemi luajtur keq, kemi pësuar disfata dhe mendoj se kjo është cilësi e kampionatit”.

“Mendoj se Juventusi po bën mirë, por nuk duhet të harrojmë se ata luajnë një herë në javë, kurse ne tri ndeshje në javë. Dallimi është shumë i madh”, tha Ibra.

Heynckes i frustruar me ekipin

2012-02-19T17:26:00.001+01:00

Trajneri i Bayernit të Munichut, Jupp Heynckes është tejet i frustruar me paraqitjen e ekipit të tij ndaj Freiburgut, ku bavarezët dështuan të fitojnë.

“Ne ishim të dobët në pjesën e parë. Ne kemi menduar se do të kishim sukses me futboll të bukur. Ne është dashur t’u rezistojmë në mënyrë energjike, ne është dashur që të jemi më agresiv. Por, ne nuk e kemi bërë këtë deri në fund të pjesës së dytë”.

“Për këtë arsye luftohet 90 minuta për të fituar. Në tabelë, edhe dy pikë janë lëshuar. Ekipi në maje është shumë stabil dhe kështu natyrisht ne nuk mund të lejojmë gabime të tilla”, deklaroi Heynckes.

Mazzarri: Chelsea, test i tmerrshëm

2012-02-19T17:25:00.002+01:00

Trajneri i Napolit, Walter Mazzarri, është i vetdishëm për sfidën e vështirë për skuadrën e tij ndaj Chelseat, që vlen për kualifikim në çerekfinale të Ligës së Kampionëve.

“Unë nuk pajtohem se Napoli është favorit. Chelsea dëshiron të bëjë mirë në Ligën e Kampionëve dhe ata kanë lojtarët të cilët janë mësuar me ndeshje të tilla”.

“Do të jetë test i tmerrshëm dhe nëse duam të kualifikohemi duhet të bëjmë mrekullira”, ka thënë Mazzarri.

Pirlo i gatshëm për rikthimin në San Siro

2012-02-19T17:24:00.002+01:00

Mefushori i Juventusit, Andrea Pirlo, thotë se ai është i gatshëm që të rikthehet në San Siro për një ndeshje emocionale ndaj ish-ekipit të tij, Milanit.

“Unë në mënyrë të pa evitueshme do të ndjej emocione”.

“Do të jetë ndeshje e rëndësishme, në të cilën do të përballen dy ekipe të shkëlqyera. Nëse lojtarët më të mirë do të përfshihen, atëherë sigurisht se ndeshja do të jetë më interesante”, ka thënë Pirlo.

Mourinho: E dua Interin dhe Chelsean, por nuk rikthehem

2012-02-19T17:23:00.001+01:00

Trajneri i Real Madridit, Jose Mourinho, ka pranuar se ai ndjen dashuri për ish-klubet e tij, Chelsean dhe Interin, por nuk dëshiron që të rikthehet.

Blutë e Londrës dhe Nerazzurët janë dëgjuar duke brohoritur emrin e Mourinhos nëpër tribuna të stadiumeve dhe kjo ka bërë që të preket edhe vet Mourinho, i cili ka aluduar në qëndrim te Real Madridi.

“Unë vërtet e dua Chelsean dhe Interin. Sidoqoftë, preferoj të jem tifoz i këtyre ekipeve dhe të dëgjoj tifozët duke thirrur emrin tim”, u shpreh portugezi.

Wenger bën thirrje për ringjallje

2012-02-19T17:22:00.002+01:00

Menaxheri i Arsenalit, Arsene Wenger, është duke kërkuar ringjallje nga lojtarët e tij, për t’iu kthyer fitoreve pas disfatës së radhës në transfertë te Sunderlandi me rezultat 2-0.

“Unë ndjej se kemi pasur një paraqitje të mirë, ku kemi dhënë gjithçka. Ishte ndeshje shumë e vështirë. Ne kemi pasur tri ndeshje në udhëtim për një javë dhe të trija në terrene të vështira. Është një kalendar fatkeq”.

“Ne kemi luftuar shumë, por nuk kemi pasur fat. Ishte 100 përqind penalti të cilën Webb nuk e akordoi, ndërsa Sunderlandi shënoi në goditjen e parë në portë. Më pas, ne është dashur ta ndjekim rezultatin dhe kështu rrezikuam e u dënuam”, u shpreh francezi.

Boateng në dyshim për Juventusin

2012-02-19T17:21:00.002+01:00

Milani ka marrë lajme të këqija para duelit krucial ndaj Juventusit, pasi mesfushori Kevin Prince Boateng ka pësuar një lëndim në kofshë që mund ta lë atë jashtë sfidës së rëndësishme.

Mesfushori i shumëanshëm u rikthye pas lëndimit në ndeshjen që përfundoi me rezultat 4-0 ndaj Arsenalit, kurse ai u zëvëndësua në pjesën e dytë pas një lëndimi në kofshën e majtë.

“Milani dëshiron të bëjë të ditur se pas ndeshjes ndaj Arsenalit, Boateng është zbuluar se ka pësuar një zgjatje muskulore në kofshën e tij të majtë. Në ditët e ardhshme do të dimë periudhën se kur ai mund të kthehet në ekip”, shkruan në një komunikatë në faqen zyrtare të Rossonerëve.

Allegri: Ndaj Cesenas, shpirtin e Arsenalit

2012-02-19T17:20:00.002+01:00

Trajneri i Milanit, Massimiliano Allegri, u ka sugjeruar lojtarëve të tij që të mbajnë shpirtin që e kanë pasur edhe në ndeshjen ndaj Arsenalit, pasi fitorja ndaj Cesenas është kruciale.

“Ne duhet që t’i qasemi ndeshjes ndaj Cesenas me shpirtin dhe motivimin e njëjtë sikurse ndaj Arsenalit. Ne nuk duhet ta kuptojmë gabimisht, pasi po përballemi me një ekip shumë të organizuar dhe të fortë, që gjithmonë krijon diqka në shtëpi”, theksoi Allegri.

Milanit i duhet patjetër fitorja ndaj Catanias në sfidën që zhvillohet nga ora 15:00, pasi vetëm kështu mban hapin për titull.

Rrahje masive e Chisoras dhe Haye (VIDEO)

2012-02-19T17:13:00.003+01:00

Boksierët britanik, Derek Chisora dhe David Haye, ishin përfshirë në një konfrontim në Munich, që ka shpjerë drejt një rrahje masive nga e cila i lënduar ka dalë menaxheri i Hayes, Adam Booth.

Incidenti ndodhi në një konferencë për shtyp, pasi Chisora humbi pas një performance të denjë ndaj Vitalit në 12 raunde. Sidoqoftë, Chisora pas duelit ngacmoi Haye, i cili ishte në rolin e analistit për një televizion britanik, duke e kritikuar për mënyrën se si ka humbur nga Wladimir Klitschko.

“David, si e ke gishtin e këmbës”, theksoi Chisora vazhdimisht në konferencë, duke aluduar në arsyetimin e Haye pas duelit me Wladimirin zhvilluar korrikun e kaluar, duke shtuar “Haye, ti dhe unë mund të takohemi në Londër. Mos ki merak”.

Pas këtyre fjalëve, Haye u ngrit dhe filloi të rrahej me Chisoran, teksa ky i fundit pohon të ketë marrë një shishe për ta goditur Hayen, pasi të njëjtën gjë e bëri edhe ky i fundit.

Sipas AP, kur Haye dhe Chisora ishin ndarë, Haye u përfshi në një rrahje tjetër me një antar të stafit të Chisoras me të cilin kanë shkëmbyer disa goditje. Gjatë këtij incidenti tjetër të madh Haye mori një tripod televiziv ndërsa në rrëmujë menaxheri i Haye ka dalë me prerje në fytyrë. Gazetarët janë larguar nga këto skena, teksa sigurimi ka tentuar t’i ndajë palët. Para rrahjes së Hayes me Chisoran në Munich, Bernd Boente, menaxheri i Klitshkocs tha: Pas përvojave të këqija me boksierët britanik, ne do të kërkojmë boksierë nga vende tjera. Për dallim nga David Haye, Dereck Chisora vërtet luftoi dhe tentoi të fitonte”.
Ndaj kësaj, Haye u përgjigj: “Ju nuk dëshironi të luftoni me mua, apo jo?”, ndërsa Boente tha: “Ti ke pasur ofertë, nuk pranove, tani je jashtë. Ti je jashtë. Jashtë, jashtë, jashtë. Ti nuk mund ta fusësh veten prap në konkurrencë, pasi nuk ke breza. Chisora shfaqi zemër, për dallim prej teje. Ti shfaqe gishtin tënd të këmbës”.
Wladimir Klitschko, i cili ishte dëshmitar i dramës në sallën e konferencës për shtyp në Munich, tha për BBC: “Jam totalisht i zhgënjyer, shkoi shumë larg, sporti i boksit nuk duhet të jetë i tillë. Fytyra të përgjakura në konferencë për shtyp...duhet të ketë luftë në ring, jo jashtë ringut. Jam vërtet i befasuar”.
Dereck Chisora shkaktoi polemika të mëdha pasi para duelit me Vitali Klitschkon e goditi këtë të fundit me shuplakë gjatë matjes zyrtare, por ukrainasi e mori me sportivitet dhe ia tregoi vendin gjatë duelit.

Guardiola aludon në largim

2012-02-19T10:59:00.001+01:00

Trajneri i Barcelonës, Pep Guardiola, tërthorazi ka aluduar në largim, pasi u shpreh i kënaqur me thirrjet për rinovim të kontratës, teksa shtoi se njerëzit do të kishin hedhur gurë mbi të nëse do të kishte dështuar në të kaluarën.

“Unë jam falënderues që njerëzit duan që unë të rinovoj, por nëse nuk do të kishim fituar aq shumë, atëherë ata do të kishin hedhur gurë mbi mua”.

“Unë jam falënderues që klubi nuk ka vendosur limit kohor mbi mua. Nëse ata kanë nevojë të dinë atëherë unë do t’ua kumtoj vendimin së shpejti. Unë tashmë ju kam thënë me mijëra herë. Unë do të rinovoja për pesë apo gjashtë vite, por ju e dini se çfarë mendimi kam. Ëshe zgjedhje personale. Nëse do të kisha dështuar nuk do të kërkonit të rinovoja”, tha Guardiola.

Nerlinger: Titulli nuk është në duart tona

2012-02-19T10:58:00.002+01:00

Drejtori i Bayernit të Munidhut, Christian Nerlinger, ka pranuar se titulli nuk është më në duart e bavarezëve, pas barazimit në udhëtim te Freiburgu.

“Natyrisht, titulli nuk është humbur, por nuk është më në duart tona”.

“Kjo ndeshje ishte mister për mua – sidomos pjesa e parë, vërtet më bëri të shtangem. Më është dukur se shumë lojtarë nuk e kuptonin se çfarë ishte në pyetje. Mungoi agresiviteti, vullneti dhe dëshira për të fituar”, tha Nerlinger.

Fitore me pikë e Vitali Klitschkos

2012-02-19T10:55:00.002+01:00

Me vendim kontravers të gjyqtarëve, ukrainasi Vitali Klitschko ka mbrojtur brezin e tij në kategorinë e rëndë në WBC, pasi tejkaloi pengesën britanike, Derek Chisora.

Sfida e cila u prit me entuziazëm nga fansat e boksit anë e mbanë botës, mori kahje tjetër të premtën gjatë matjes zyrtare, kur Derek Chisora goditi me shuplakë rivalin e tij Vitalin, i cili me shikimin e tij të mprehtë ia bëri të ditur se nuk e pret fitorja në mbrëmjen e të shtunës, e në fakt ashtu dhe ndodhi.

Si kampion i vërtetë, që nga fillimi i duelit, Klitschko dominoi dhe për të mos hedhur poshtë vendimin e ngushtë të gjyqtarëve, ishte dhe boksieri shqiptar Luan Krasniqi ai që për televizionin gjerman RTL dha vlerësimin e tij – 108:103 për Vitalin.
Disa goditje në raundet fillëstare ishin kruciale për këtë duel që gjyqtarët të vendosin në fund për fitore të Vitalit, në një duel që nuk u përshkrua me energji të madhe, por më shumë nga brohoritjet e fansave në palestër.
Vlen të përmendet, se në fund të duelit Chisora ofendoi rëndë Vitali Klitchkon, gjë që detyroi vëllain Wladimirin të ndërhynte duke i thënë Chisoras që të kthehet nga ka ardhur.
Vitali dhe Wladimir, vëllezërit Klitschko, aktualisht mbajnë të gjithë brezat e kategorisë së rëndë në boks, duke konfirmuar edhe njëherë dominimin në top sportin luftarak.

Juve sërish në krye

2012-02-18T23:02:00.000+01:00

Juventusi ka regjistruar fitore prej 3-1 përballë Catanias për të rimarrë kreun e Serie A.

Bianconerët u gjetën në disavantazh në minutën e katërt, kur Pablo Barrientos shënoi nga distanca.

Andrea Pirlo riktheu vendasit në lojë duke e barazuar rezultatin (22’) dhe me shifra identike skuadrat shkuan në pushim.

Në gjysmën e dytë, pas një krosimi të Pirlos, Giorgio Chiellini e kaloi Juventusin në epërsi (74’).

Rezultatin përfundimtar e vendosi Fabio Quagliarella (81’), ndërsa asistimi ishte sërish i mjeshtrit të mesfushës- Andrea Pirlo.

Me këtë fitore, Juventusi ngjitet në krye të tabelës me dy pikë më shumë se Milani që të dielën luan si mysafir i Cesenas.

Reali i pandalshëm! (VIDEO)

2012-02-18T21:52:00.001+01:00

Mbretërit kanë vazhduar me formën e jashtëzakonshme edhe në përballjen e të shtunës mbrëma kundër Racing Santanderit. Takimi i zhvilluar në Santiago Bernabeu përfundoi me rezultat 4-0 në favor të ekipit vendas.

Ishte kjo një fitore relativisht e lehtë e Los Blancos, të cilët po marshojnë sigurt drejt titullit të Spanjës.Cristiano Ronaldo e zhbllokoi rezultatin pas asistimit të Ricardo Kaka (6’), ndërsa në minutat shtesë të pjesës së parë (40’+1), Karim Benzema e dyfishoi epërsinë e vendasve, të cilët shkuan në pushim me rezultat bindës.
Në gjysmën e dytë, Angel Di Maria shënoi një gol brilant (73’) dhe tashmë dihej se kush është fituesi.
Megjithatë, Karim Benzema shënoi edhe një herë (89’) për kënaqësinë e tifozëve madrilenë pas asistimit të Sami Khediras.
Kjo fitore e distancon Real Madridin në 13 pikë kundrejt Barcelonës që të dielën zhvillon ndeshjen e vështirë ndaj Valencias.

Edhe më keq për Arsenalin

2012-02-18T20:33:00.000+01:00

Pas turpërimit nga Milani në Ligën e Kampionëve, Arsenali ka shënuar edhe një dështim tjetër, pasi është eliminuar nga Kupa FA.

Sunderlandi ka fituar me rezultat prej 2-0 përballë Topçinjve në Stadium of Light për t’u kualifikuar në çerekfinale të FA Cup.

Pesë minuta pa përfunduar koha e rregullt e pjesës së parë, Kieran Richardson i kaloi vendasit në epërsi dhe me këtë gol të shënuar skuadrat shkuan në pushim.

Alex Oxlade-Chamberlain ishte i pafat në gjysmën e dytë, pasi realizoi autogol për ta vulosur fitoren e kundërshtarëve (78’).

Siç po qëndrojnë gjërat, ky do të jetë një tjetër sezon i dështuar i Arsenalit, duke qenë se tashmë është largua nga Kupa FA, nuk është në garë për titullin e Ligës Premier, ndërsa e ka thuajse të pamundur që të vazhdojë në Ligën e Kampionëve.

Chelsea kërkon Lucas Mouran

2012-02-18T20:21:00.001+01:00

Sensacioni i Sao Paulos, Lucas Moura, është shndërruar në top synim për bosin e Chelseat, Andres Villas Boas.

Telegraph shkruan se Villas Boas do të lejohet nga Abramovich që të fillojë spastrimin e klubit nga veteranët si Lampard dhe John Terry dhe të fillojë revolucionin me lojtarët e rinj.

19-vjeçari brazilian, i cili po kërkohet nga disa klube të mëdha evropiane, sipas tabloidit anglez është ndër top synimet e Villas Boas për renovimin e skuadrës për sezonin e ardhshëm, pas dështimit këtë sezon.

Ibra: Van Persie, largohu nga Arsenali!

2012-02-18T20:19:00.000+01:00

Superylli i Milanit, Zlatan Ibrahimovic, i ka bërë thirrje sulmuesit të Arsenalit, Robin Van Persie që të mendojë seriozisht për pozitën e tij te klubi nga Emirates, pas disfatës prej 4-0 në San Siro.

“Futbolli është për të fituar. Nëse nuk fiton, atëherë dëshiron të largohesh. Unë nuk e njoh Van Persien personalisht, por më kujtohet nga Holanda se ishte talent i madh, tani është i kompletuar. Nuk e di se çfarë mendon ai, por unë e di se çfarë do të bëja”.

“Jam transferuar shpesh në jtën time, e marr si sfidë, si aventurë. Unë kam fituar tetë tituj, në tetë vitet e fundit me klube të ndryshme të vendeve të ndryshme. Por, nëse qëndroni në një klub tërë jetën, e ke lehtë të luash futboll. Je në shtëpi, je në një zonë të rehatshme. Por, nëse kalon nëpër vende të ndryshme, është test i vërtetë. Nëse ke sukses dhe bëhesh kampion, atëherë kështu rikthen respektin e humbur”, tha Ibra për The Sun.

Chisora do të gjobitet pasi goditi Klischko para takimit (VIDEO)

2012-02-18T16:40:00.003+01:00

Bokseri anglez Chisora thuhet se do të përballet me një gjobë të rëndë nga Këshilli i Boksit Botëror pasi i dha një shuplakë në fytyrën e Vitali Klitschko. Gjoba e mundëshme mund të jetë $ 50,000 (£ 31,500).

Në një skenë të jashtëzakonshme në Mynih të premten, Chisora i ka kapur të gjithë në befasi si ai goditi para takimit kampion botëror nga Ukraina, pasi të dy erdhën së bashku për një takim tradicional të nguljës së syve ballë për ballë.

Veprimet e tij tërhoqen kritika jo vetëm nga Klitschko - i cili pohoi se ky veprim ka demonstruar “nervozizmin” e anglezit – por edhe nga vetë trajneri i tij Don Charles i cili e ka quajtur sjelljen tij si ”të papranueshme”.

Këta dy do të takohen të shtunën në Munih të Gjermanisë.

Ibra: Mund të punoj me Guardiolën përsëri

2012-02-18T16:38:00.001+01:00

Sulmuesi i Milanit, Zlatan Ibrahimovic, i cili ka kritikuar dhe fyer në të kaluarën trajnerin e Barcelonës, Pep Guardiola, ka thënë se ai mund të punojë përsëri me teknikun katalanas, por jo për momentin, në të ardhmen.

“Tani për tani, jo, unë nuk do të punoja me Guardiolën, sepse unë nuk ka përgjigje për atë që ka ndodhur. Por, çfarë mendoj për të nuk është asgjë personale dhe nuk do të thotë se ai është i keq si trajner, sepse kur votova, unë e kam votuar për trajnerin më të mirë”.

“Personi dhe trajneri, janë dy gjëra të ndryshme dhe si trajner ai është fantastik, ose përndryshe ai nuk do të fitonte gjithë ato trofe. Por, gjëja ime me të ishte në aspektin personal, kështu që kurrë mos thuani jo, sepse njerëzit thonë jo sot dhe ndoshta po në të ardhmen. Pyetja ime është: a do të punonte ai me mua?”, tha Ibra për Goal.

FA, ndeshje kthyese për Chelsean

2012-02-18T16:36:00.001+01:00

Birminghami ka arritur të sigurojë një ndeshje kthyese në kuadër të 1/8-ës së finales së FA Cup, pasi ka nxjerrë barazim me rezultat 1-1 ndaj Chelseat në Stamford Bridge.

Chelsea dominoi sfidën nga fillimi, por nuk arriti ta gjejë rrugën e golit.

Të parët shënuan mysafirët, me anë të David Murphyt, duke u lënë Bluve punë të vështirë për pjesën e dytë.

Në pjesën e dytë u inkuadrua edhe Drogba dhe krejt çka njerëzit e Villas Boas arritën ishte një gol i barazimit nga Daniel Sturridge (62’), i cili ishte dhe rezultati përfundimtar. Vlen të përmendet po ashtu se Juan Mata huqi një penalti, ndërsa e veçanta është po ashtu se tifozët e Chelseat brohoritnin emrin e Jose Mourinhos, me ç'rast shtuan presionin mbi Villas Boas.

Kështu, Chelsea duhet të zhvillojë edhe ndeshjen kthyese për t’u kualifikuar në çerekfinale të FA Cup, teksa kriza e rezultateve te klubi londinez ende vazhdon.

Dalglish lëvdon progresin e Liverpoolit

2012-02-18T14:19:00.002+01:00

Liverpooli ka bërë progres impresiv këtë sezon, me sukseset në garat për kupë dhe në Ligën Premier, gjithnjë sipas menaxherit Kenny Dalglish.

The Reds janë në finale të Carling Cup, teksa mposhtën Unitedin në FA Cup për të vazhduar tutje progresin drejt finales. Edhe pse mungon vendi në Ligën e Kampionëve, Dalgish është i kënaqur me ekipin.

“Lotjarët meritojnë komplimentet. Ata kanë pasur sezon relativisht të suksesshëm, ata e kanë vënë veten në një pozitë të mirë. Ne jemi të kënaqur me atë që kemi bërë dhe jam i sigurtë që trofet nuk do të mungojnë këtë sezon”, u shpreh Dalglish.

Redknapp: Do të qëndroj te Tottenhami

2012-02-18T14:18:00.001+01:00

Menaxheri i Tottenhamit, Harry Redknapp, ka siguruar tifozët, se ai do të qëndrojë me Spursat dhe nëse largohet, atëherë kjo do të ndodhë në fund të sezonit.

Redknapp është duke u lakuar si emër kryesor për postin e menaxherit të Anglisë pas lagimit të Fabio Capellos, por Harry ka bërë të ditur edhe njëherë qëndrimin e tij.

“Kush do që të angazhohet, gjasat janë që ai të ketë një punë të vetme. Është e vështirë që njerëzit të drejtojnë paralelisht klubin dhe një kombëtare, e aq më pak për mua të largohem në këtë fazë të sezonit nga klubi. Nëse FA pret gjithçka bëhet mirë”, theksoi Redknapp.

Goetze nuk kërkohet nga Juve dhe United

2012-02-18T14:17:00.001+01:00

Agjenti i Mario Goetzes, Voker Struth, që përfaqëson agjencinë Sports Total, ka thënë raportimet e Daily Mail se drejtori i agjencisë, Dirk Hebel, ka thënë se Goetze kërkohet nga United dhe Juventusit, janë plotësisht të pa vërteta.

“Raportet nga Anglia nuk janë të vërteta”.

“Gazeta nuk ka biseduar me kolegun tim, Dirk Hebel. Ç’është me rëndësi është që Mario Goetze të rikthejë gjendjen e tij fizike. Nëse gjithçka do të shkojë si duhet, atëherë ai do të luajë te Dortmundi edhe sezonin e ardhshëm”, theksoi Struth.

Chelsea dhe United në kontakt për Piquen

2012-02-18T14:16:00.001+01:00

Spekulimet për të ardhmen e mbrojtësit të Barcelonës, Gerard Pique, janë duke u rritur, pasi mediat angleze dhe spanjolle besojnë se i fejuari i Shakirës mund të largohet nga Camp Nou.

Pique ishte lënë jashtë sfidës ndaj Leverkusenit pas paraqitjes së dobët ndaj Osasunës, ndërsa jo ka brengosur qarqet katalanase.

El Economista shkruan se Manchester United mbetet top klubi i interesuar për shërbimet e Piques dhe pos Unitedit, sinjalin zyrtar për shitjen e Piques janë duke e pritur edhe klube si Chelsea, Manchester City, Milan dhe Juventus.

Ranieri: Nuk jap dorëheqje

2012-02-18T14:15:00.001+01:00

Trajneri i Interit, Claudio Ranieri, ka garantuar se ai nuk do të japë dorëheqje nga posti i trajnerit të Interit, pas disfatës së rëndë të klubit prej 3-0 nga Bolonja të premtën.

Marco Di Vaio dy herë dhe Aquafresqa me një gol, befasuan Nerazzurët në Meazza, duke bërë që të rriten zërat për shkarkimin apo dorëheqjen e Ranierit. Sidoqoftë ky i fundit thotë se nuk ka ndonjë plan për të ardhmen e tij në stolin zikaltër.

“Ne po tentojmë të japim më të mirën. Ne po kalojmë nëpër një moment të vështirë. Ne duhet të marrim përgjegjësinë dhe t’u kërkojmë falje tifozëve dhe presidentit. Ne kemi pritur ndeshje të vështirë, por jo këtë rezultat”.

“Ne kemi gjetur balancin dhe unitetin taktik. Por, e kemi humbur këtë tani dhe pranojmë gola në rastet e vetme të kundërshtarëve tanë”, ka thënë Ranieri, që u spekulua se do të zëvëndësohej nga Luis Figo.

Ibra: Ndaj Arsenalit, ndeshja më e mirë në karrierë

2012-02-18T14:13:00.001+01:00

Sulmuesi i Milanit, Zlatan Ibrahimovic, ka lëvudar paraqitjen e Rossonerëve në sfidën ndaj Arsenalit, duke thënë se fitorja prej 4-0 përbën momentin më të mirë në karrierën e tij.

“Të gjithë thonë se ishte e lehtë sepse ishte fitore prej 4-0. Më pas njerzit thanë se nuk kanë pritur të jetë aq e lehtë, por vete ndeshja dhe rezultati bëri të dukej e lehtë”.

“Natyrisht me një fitore prej 1-0 apo 2-0 mund të jeni të relaksuar, por ne kemi dashur të vazhdojmë. Ne kemi ndezur motorët dhe për 90 minuta nuk jemi ndalur. Jam këtu që dy vjet dhe kjo është ndeshja më e mirë që kam parë nga ne si ekip”, ka thënë Ibra.

Butragueno: Mourinho i lumtur te Reali

2012-02-18T12:04:00.002+01:00

Drejtori i Real Madridit, Emilio Butragueno, nuk ka dyshime se trajneri Jose Mourinho do të qëndrojë në Bernabeu edhe sezonin e ardhshëm.

“Ai ka edhe dy vjet në kontratën e tij dhe ai është i lumtur me klubin. Unë nuk kam biseduar me të, por unë e di se ai është i lumtur”.

“Debati për largimin e tij mund të vazhdojë nga shtypi anglez, por kjo në klubin tonë.

Abbiati: Mendoj për Cesenën, jo Juventusin

2012-02-18T12:03:00.002+01:00

Portieri i Milanit, Christian Abbiati, ka këmbëngulur se lojtarët e klubit Rossoner mendojnë më shumë për duelin ndaj Cesenas, se sa për derbin krucial ndaj Juventusit.

“Ne nuk po mendojmë për ndeshjen ndaj Juventusit”.

“Ne të gjithë jemi të përqëndruar për ndeshjen e të dielës ndaj Cesenas. Më pas, të hënën kemi kohë të mendojmë për Juventusin”, tha Abbiati.

Nani: Dua triumfin në EL

2012-02-18T11:59:00.002+01:00

Anësori i Manchester United, Nani, ka këmbëngulur se ai dëshiron të fitojë Europa League, pasi sipas tij edhe kjo është garë prestigjioze evropiane.

“Kjo është garë me rëndësi dhe ne duhet të kënaqemi me të. Sigurisht, Liga e Kampionëve është gara më e rëndësishme për të gjitha ekipet. Është trofeu më i madh në Evropë”.

“Por, tani jemi këtu, ne vetëm mendojmë për këtë garë. Klubi kurrë nuk e ka fituar këtë trofe. Ne do të tentojmë ta sjellim atë për herë të parë në Old Trafford”, tha Nani.

Bartomeu: Guardiola do të rinovojë

2012-02-18T11:55:00.001+01:00

Zëvëndëspresidenti i Barcelonës, Josep Maria Bartomeu, është i bindur se tekniku katalanas nuk do të largohet në fund të sezonit, përkundër spekulimeve të shumta të mediave spanjolle.

“Ne duam që ai të rinovojë për shumë vjet. Ai është trajneri më i mirë në botë dhe ai nuk është ndalur së krijuari histori që nga koha kur erdhi”.

“Personalisht, mendoj se tregimi i Guardiolës me Barcelonën ende nuk ka mbaruar”, tha Bartomeu për njeriun që fitoi 13 tituj për tre vjet.

Interi, zyrtarisht në krizë

2012-02-17T23:14:00.002+01:00

Interi edhe zyrtarisht është në krizën më të thellë në 15 vitet e fundit, pasi pësoi disfatë të rëndë para tifozëve të vet në Giuseppe Meazza me rezultat 3-0 nga Bologna.

Sfida nga fillimi u dominua nga Interi, ndërsa përkundër rasteve, golat i takuan skuadrës rivale.

Në minutën e 37-të, me ndihmën e Perez, Marco Di Vaio kaloi në epërsi Bolonjën për 1-0. Nuk kaloi as një minut (38’) dhe Di Vaio shfrytëzoi një gabim amatoresk të Andrea Ranocchias për të shënuar për 2-0 dhe rezultatin e pjesës së parë.

Në pjesën e dytë Interi hodhi forcat në sulm, por përkundër rasteve, nuk arriti të gjente dot golin. Dhe nëse nuk e gjejnë lojtarët e Interit, e gjejnë lojtarët e akademisë së Interit. Roberto Aquafresca, produkt i akademisë Nerazzure, realizoi për Bolonjën në minutën e 85-të për nokautin përfundimtar pas një depërtimi fantastik dhe një gabimi të Ranocchias.

Me rezultat 3-0 përfundoi kjo sfidë, ndërsa me këtë humbje Interi kthehet aty ku ka qenë, në vendin e gjashtë me 36 pikë dhe është gjashtë pikë larg vendit të tretë që dërgon në Ligën e Kampionëve.

Ky rezultat nuk është aspak pozitiv për Interin para sfidës kruciale në udhëtim te Marseille në kuadër të Ligës së Kampionëve mesjavën e ardhshme, teksa po flitet minutave të fundit se Ranieri ka dhënë dorëheqjen dhe në krye të stolit zikaltër do të vijë Luis Figo.

Destro i kënaqur me interesimin e Juventusit

2012-02-17T23:13:00.002+01:00

Produkti i akademisë së Interit, sulmuesi aktual i Sienës, Mattia Destro, ka shprehur kënaqësinë e tij për interesimin e Juventusit për të dhe e ka bërë të qartë se ai ka qenë që moti tifoz i Juventusit.

“Më kënaq kur dëgjoj se Juventusi është i interesuar për mua. Unë kam qenë tifoz Bianconer që kur isha fëmijë”.

“Sidoqoftë, unë vetëm dua të fokusohem te Siena. Ibrahimovic është idhulli im, përderisa Boriello më pëlqen shumë”, tha Destro.

Villa: Do të kthehem për El Clasico

2012-02-17T23:12:00.001+01:00

Sulmuesi i Barcelonës, David Villa, u ka premtuar tifozëve se ai do të bëjë gjithçka, për t’u kthyer në kohë për El Clasicon vendimtar ndaj Real Madridit.

“Shpresoj të kthehem shpejt në aksion dhe besoj se do të jem i gatshëm për ndeshjen ndaj Real Madridit në prill”, theksoi David Villa për Marca.

Sulmuesi katalanas është duke vazhduar rikuperimin nga lëndimi i rëndë i pësuar në Kupën e Botës për klube, teksa tani po kalon nëpër fazë rehabilitimi duke notuar dhe bërë elektroterapi për të përshpejtuar riaftësimin.

Chelsea largohet nga gara për Hazard

2012-02-17T23:11:00.001+01:00

Chelsea është larguar nga gara për transferimin e Eden Hazard, përderisa Tottenhami është shumë pranë marrëveshjes për mesfushorin sensacional të Lilles, pas dështimit në janar.

Chelsea ishte konsideruar favorit për transferimin e sensacionit belg, i cili ka shkëlqyer për klubin francez Lille, por tani burimet e Goal.com besojnë se Tottenhami është pranë transferimit të një prej talentëve më të mëdhenj të futbollit evropian.

“Chelsea nuk do ta transferojë hazardin. Ata kanë thënë se e njohin atë dhe u pëlqen shumë, por ata nuk do ta transferojnë”, theksoi një burim i Goal.

Ancelotti: Duam fitore ndaj Montpellier

2012-02-17T23:10:00.004+01:00

Trajneri i Paris-Saint Germain, Carlo Ancelotti, ka kërkuar nga ekipi i tij që të jetë në top formë për ndeshjen kruciale ndaj Montpellierit të dielën.

“Nëse luajmë ndaj Montpellierit sikurse ndaj Dijonit, atëherë do të jetë shumë e komplikuar dhe do t’ia vështirësojmë vetes punët”.

“Montepllier është ekip shumë i mirë, që është pretendent për titull në Ligue 1”, ka thënë ‘Carlito’.

Valdes: Pique, mbrojtësi më i mirë në botë

2012-02-17T23:10:00.002+01:00

Portieri i Barcelonës, Victor Valdes, mendon se bashkëlojtari i tij, Victor Valdes është mbrojtësi më i mirë në botë, pas spekulimeve se spanjolli nuk është më pjesë e kërkesave të teknikut Guardiola.

“Nuk ka nevojë që të flasim ende për mos përfshirjen e tij ndaj Leverkusenit. Ai është qendërmbrojtësi më i mirë në botë dhe ai gjithmonë e ka treguar këtë”.

“Ishte thjesht një vendim i trajnerit. Unë nuk kam parë ndonjë ndryshim në të një ditë më vonë. Ai po punon më shumë se kurrë dhe është entuziast për gjërat që po ndodhin përreth tij”, tha Valdes.

Henry: Mund të rikthehem përsëri

2012-02-17T23:07:00.001+01:00

Legjenda e Arsenalit, Thierry Henry, ka thënë se ai është i gatshëm që të rikthehet në Emirates, nëse klubi e kërkon atë.

I pyetur nëse do të rikthehej pas kësaj periudhë të shkurtër kohore të kaluar me Topçinjtë, Henry tha: “Oh, unë nuk e di. Jam 34 vjeç”.

“Por, nuk e di, e dua klubin aq shumë sa që nëse kanë nevojë për mua nuk do të mund të thosha ‘jo’”, theksoi ai.

Berlusconi: Milani superior për Juventusin

2012-02-17T19:18:00.002+01:00

Presidenti i Milanit, Silvio Berlusconi, ka deklaruar se ekipi i tij është superior për Juventusin.
“Ne kurrë nuk kemi pasur dyshime se do ta rifitojmë titullin”.

“Ne jemi të bindur se jemi superiorë për Juventusin, edhe nëse kemi respekt për skuadrën që ata kanë”, ka thënë Berlusconi.

Ranieri: Villas Boas, njeri i vdekur që ecën

2012-02-17T19:16:00.001+01:00

Trajneri i Interit, Claudio Ranieri, e ka përshkruar situatën e Andres Villas Boas si të një njeriu të vdekur që po ecën te Chelesa.
Villas Boas, i cili përballet me një sfidë kruciale me Birminghamin nesër, pohon se ka mbështetjen e Abramovich, megjithëse kështu nuk mendon ish-strategu i Chelseat.

“Nëse ndodh sikur më ndodhi mua kur më shkarkuan pas rezultateve të këqija dhe nëse ato rregulla vlejnë edhe për Villas Boas, atëherë ditët i ka të numëruara. Është një njeri i vdekur që ecën, asgjë më shumë”, theksoi Ranieri.

Arsenali vlen 1.1 miliard funte

2012-02-17T19:14:00.001+01:00

Arsenali mund të jetë në prag të eliminimit në Ligën e Kampionëve pas poshtërrimit nga Milani në San Siro, por vlera e klubit nga Emirates duket më e madhe se kurrë.
Dy pjesë të aksioneve të shitura, të cilat janë blerë për shumë të mëdha parash nga një investitor misterioz, kanë bërë që Arsenali të vlerësohet 1.1 miliard dollarë sipas Daily Mail.

Nuk besohet se Stan Kroenke, aksionari më i madh me 66% dhe aksionari tjetër i madh Alisher Usmanov që ka 30% mund të jenë të përfshirë në këtë blerje të shtrenjtë të aksioenve të fundit, gjë që do të thotë se Arsenalin e pret një e ardhme e ndritur dhe mjaft e çuditshme në krye të klubit.

Arsenali momentalisht është në vendin e katërt në Ligën Premier, por edhe mos kualifikimi në Ligën e Kampionëve sezonin e ardhshëm e bën klubin nga Emirates të jetë një prej klubeve më të shëndosha financiarisht krahas Bayernit të Munichut dhe Real Madridit.

Lëndohet Seedorf, nuk dihet kur kthehet

2012-02-17T19:13:00.002+01:00

Milani ka bërë të ditur se Clarence Seedorf ka pësuar një lëndim në kofshë të mërkurën në ndeshjen ndaj Arsenalit.
35 vjeçari ka luajtur vetëm 15 minuta të sfidës që përfundoi me rezultat 4-0 për Rossonerët, teksa nga shikimi i parë u vërejt se ishte një shtrëngim muskulor.

Sidoqoftë, sipas faqes zyrtare të Milanit, mund të kalojë edhe një javë derisa të dihet periudha e rikuperimit të holandezit dhe koha kur ai do të kthehet në fushë.

Mourinho: Dua titullin, pa marrë parasysh rrethanat

2012-02-17T19:11:00.001+01:00

Trajneri i Real Madridit, Jose Mourinho, ka këmbëngulur se nuk ka lidhje se sa pikë do të jetë diferenca me Barcelonën në fund, pasi atij nuk i prish punë nëse e fiton titullin edhe për një pikë.
“Është e qartë se avantazhi që kemi ndaj ekipit në vendin e dytë në tabelë është shumë i mirë, por kjo e vë Barcelonën në situatë të komplikuar”.

“Ne duhet të punojmë në të njëjtën mënyrë, sepse rivalët tanë janë ekip i mrekullueshëm që di të hyjë në formë të mirë. Ne duam të fitojmë çdo ndeshje dhe ta vendosim titullin sa më shpejt që është e mundur. Sidoqoftë, do të ishte sukses edhe nëse e fitojmë titullin për një pikë të vetme diferencë”, ka thënë portugezi.

Pazzini: Të gjithë në Serie A mbrohen

2012-02-17T19:09:00.002+01:00

Sulmuesi i Interit, Giampaolo Pazzini, po ankohet për qasjen defensive të klubeve italiane, duke thënë se përpos klubeve të mëdha, të gjitha skuadrat tjera mbrohen me 10 apo 11 lojtarë.
“Të gjitha ekipet që luajnë ndaj nesh mbrohen thellë dhe tentojnë që ta marrin topin për kundërsulm, ne e dimë këtë dhe jemi të përgatitur për këtë”.

“Ekipet e vetme të cilat nuk e bëjnë këtë janë ekipet e mëdha, të gjitha të tjerat mbrohen me 10 lojtarë, 11 njerëz prapa topit dhe sulmojnë në kundërsulm. Novara e bëri këtë dhe shënoi nga rasti i vetëm, e më pas gjithçka u vështirësua. Ne definitivisht duhet të jemi më të kujdesshëm që të mos u japim hapësirë ekipeve për kundërsulme”, ka thënë Pazzini.

Hulk: Asgjë nuk ka mbaruar ende

2012-02-17T16:35:00.002+01:00

Sulmuesi i Portos, Hulk, zotohet se sfida e Europa League ndaj Manchester Cityt nuk ka mbaruar ende.
“Ishte vështirë, ne humbëm ndaj një skuadre të madhe. Ne luftuam deri në fund, por fatkeqësisht ata e përmbysën rezultatin”.

“Asgjë nuk ka mbaruar ende, ka edhe një ndeshje të mbetur. Ne do të shkojmë në Manchester dhe do të japim gjithçka nga vetja për të shkuar më tej”, ka thënë Hulk.