SportiSot - Sport Shqip... Lajmet E Fundit Nga Sporti...

Nowitzki - më i miri i Evropës

2012-02-14T23:38:00.002+01:00

Gjermani Dirk Nowitzki është shpallur basketbollisti më i mirë në Evropë për vitin 2011, sipas përzgjedhjes së FIBA Europe.
Kjo është hera e dytë që basketbollisti i Dallasit e fiton këtë çmim, që ndahet sipas votës së ekspertëve dhe tifozëve, pasi edhe në vitin 2005 e fitoi atë.

“Dirk nuk është vetëm sportist fantastik dhe top-basketbollist. Ai para së gjithash është njeri i madh, i ndershëm, i vlefshëm dhe besnik”.

“Ai është person model për të rinjtë, basketbollistët dhe të gjithë të tjerët”, ka thënë presidenti i FIBA Europe, Olafur Rafnsson.

Barca drejt çerekfinales (VIDEO)

2012-02-14T23:33:00.004+01:00

Me rezultat prej 3-1, Barcelona ka shënuar fitore përballë Bayer Leverkusenit në BayArena, në takimin e vlefshëm për 1/8 e finales të Ligës së Kampionëve.
Ashtu siç pritej, mysafirët e dominuan ndeshjen. Mirëpo, përkundër menaxhimit total të pjesës së parë, ata shënuan vetëm një gol.Një superpasim të Leo Messit e pranoi Alexis Sanchez, i cili i kaloi Blaugranët në epërsi (41’) dhe me këtë rezultat skuadrat shkuan në pushim.Jo shumë kohë brenda pjesës së dytë (52’), Vedran Corluka arriti të nxjerrë një krosim për Michal Kadlec, i cili e barazoi rezultatin.
Mirëpo, festa e tifozëve vendas zgjati shumë shkurtë, pasi sërish u shfaq Alexis Sanchez për ta kthyer epërsinë e mysafirëve (55’). Asistimi ishte i Cesc Fabregas.Aksionet e vazhdueshme të Barcës u konkretizuan edhe me një gol të shënuar nga Lionel Messi (88’), ndërsa e gjithë merita ishte e Dani Alves.
Ky rezultat padyshim që e favorizon Barcelonën për t’u kualifikuar në çerekfinale, pasi në takimin tjetër do ta ketë edhe mbështetjen e tifozëve katalunas.
Në takimin tjetër të kësaj faze që u zhvillua të martën mbrëma, Lyoni ka shënuar fitore prej 1-0 kundër APOEL Nicosias.

Silva shqetësohet nga sulmi i Arsenalit

2012-02-14T23:32:00.002+01:00

Qendërmbrojtësi i Milanit, Thiago Silva, ka thënë se shqetësohet nga rreziku që do të sjellë faza ofensive e Arsenalit në takimin e të mërkurës mbrëma në kuadër të Ligës së Kampionëve.
“Nëse bën diçka gabim në shtëpi, eliminohesh. Arsenali është një skuadër e shkëlqyer. Duhet të kemi kujdes nga kualiteti i të gjithë lojtarëve të tyre”.

“Kjo do të jetë një ndeshje përplot kualitet dhe shpresoj që të imponojmë stilin tonë të lojës dhe të kualifikohemi”.

“Van Persie dhe Henry mund ta vendosin ndeshjen në çdo moment. Nuk e di nëse do të jem në gjendje ta ndal holandezin, do të shohim”, ka thënë braziliani për UEFA.com.

Gervinho: Të mos shitet Van Persie

2012-02-14T23:31:00.001+01:00

Anësori i Topçinjve, Gervinho, ka kërkuar nga Arsenali që të mos e shesë sulmuesin kryesor, Robin Van Persie.
Holandezi po kalon nëpër një periudhë të shkëlqyer të formës, ndërsa shumë klube kërkojnë shërbimet e tij, ndër to edhe Manchester City.

“Nuk dua që Robin van Persie të shitet. Arsenali është një skuadër që ka nevojë për lojtarë të shkëlqyer dhe liderë në fushë, ndërsa Robin është një lojtar, i cili i shtyn bashkëlojtarët të angazhohen më shumë dhe të bëjnë më shumë gjatë ndeshjes”.

“Është një ëndërr të luash me të. Ai është kapiteni, lideri i grupit, nuk ka dyshim”, ka thënë lojtari nga Bregu i Fildishtë.

Ljungberg ka refuzuar oferta nga Anglia

2012-02-14T23:30:00.001+01:00

Agjenti i Freddie Ljungberg ka thënë se klienti i tij ka refuzuar oferta nga Anglia gjatë afatit kalimtar të janarit.
Ish-lojtari i Arsenalit është duke menduar për t’u transferuar te ndonjë skuadër, pasi sapo i ka dhënë fund qëndrimit te ekipi japonez, Shimizu S-Pulse.

Walid Bouzid, përfaqësuesi i Ljungberg, ka thënë se një rikthim në Evropë është i mundur, ndërsa ka shtuar se në muajin e kaluar ai ka refuzuar oferta nga klubet e Ligës Premier.

“Nuk ishin vetëm klubet angleze. Klubet franceze dhe skandinave kanë treguar po ashtu interesim”, ka thënë agjenti.

Wilshere kthehet pas një muaji

2012-02-14T23:28:00.005+01:00

Menaxheri i Arsenalit, Arsene Wenger, shpreson që Jack Wilshere të kthehet në aksion pas një muaji.
Anglezi i është nënshtruar ndërhyrjes kirurgjike në shtator dhe është pritur të kthehet në janar, mirëpo ai u lëndua sërish dhe pritej që të mungojë gjithë sezonin. Mirëpo, Wenger ka marrë lajme të reja.

“Jack mund të kthehet pas një muaji nëse gjithçka shkon mirë”.

“Riaftësimi nga problemet e fundit po shkon mirë. Ekzaminimi i fundit ishte shumë pozitiv”, ka thënë Wenger.

Vajza e Berlusconit: Pato nuk qëndroi për mua

2012-02-14T23:28:00.002+01:00

Drejtoresha e Milanit, Barbara Berlusconi, ka deklaruar se ajo nuk kishte pasur asnjë rol në dështimin e transferimit të Alexandre Patos te Paris Saint-Germain.
Rossonerët arritën marrëveshje me klubin francez për transferimin e brazilianit në muajin janar, mirëpo Pato, i cili është në lidhje dashurie me Barbaran, në fund vendosi që të qëndronte në San Siro.

“Unë qëllimisht kam qëndruar larg negociatave me PSG-në për Paton”.

“Vendimet që u morën nga babai im dhe Adriano Galliani, janë vlerësuar nga ana teknike dhe ekonomike”, ka thënë Barbara për a La Repubblica.

Scholes mund të kthehet në përfaqësuese

2012-02-14T23:27:00.005+01:00

Veterani i Manchester Unitedit, Paul Scholes, është duke menduar seriozisht për një rikthim në përfaqësuesen e Anglisë, me të cilën do të merrte pjesë në Kampionatin e sivjetmë Evropian.
Mesfushori legjendar, në sezonin e kaluar vendosi t’i japë fund karrierës si futbollist aktiv, mirëpo këtë edicion është kthyer sërish në fushë me Djajtë e Kuq dhe po shkëlqen.

Në vitin 2010, Scholes refuzoi ofertën e Fabio Capellos për të marrë pjesë në Kampionatin Botëror në Afrikën e Jugut, ndërsa me largimin e italianit, trajneri i mundshëm potencial konsiderohet ai i Tottenhamit, Harry Redknapp, i cili mendon se do t’i shërbente përvoja e Scholes në Euro 2012.

‘Ibra vendimtar ndaj Arsenalit’

2012-02-14T23:27:00.002+01:00

Ish-portieri i Milanit, Massimo Taibi, mendon se Zlatan Ibrahimovic do të jetë kyç në sfidat ndaj Arsenalit në kuadër të Ligës së Kampionëve.
Boshnjaku me pasaportë suedeze gjithmonë është kritikuar për performancat e tij në ndeshjet e mëdha evropiane, mirëpo Taibi konsideron se pikërisht Ibra mund ta kualifikojë Milanin në çerekfinale.

“Nëse është dita e Ibras dhe ai luan ashtu si di, ai mund t’i shkaktojë krizë mbrojtjes së Arsenalit”.

“Ky departament është në fakt pika e dobët e ekipit të Wenger dhe mendoj se Arsenali duhet t’ia ketë frikën sulmit të Milanit- më shumë sesa e kundërta, përkundër formës së jashtëzakonshme të Van Persiet”.

“Ibra është një lojtar vendimtar për Rossonerët kur është në qind për qindëshin e tij”, ka deklaruar Taibi për Goal.com.

Kaka, Maicon, Lucio, Robinho e Pato - jashtë Brazilit

2012-02-14T23:26:00.002+01:00

Trajneri i Brazilit, Mano Menezes, ka bërë publike listën e lojtarëve për ndeshjen miqësore ndaj Bosnje e Hercegovinës (që zhvillohet më 28 shkurt), ndërsa në përzgjedhje janë disa befasi.
Katërshja nga Serie A- Maicon, Lucio, Robinho dhe Alexandre Pato, të gjithë janë anashkaluar, si edhe ylli i Real Madridit, Kaka dhe Rafael e Fabio të Manchester Unitedit.

Në përfaqësuese është riftuar Luisao i Benficas, ndërsa David Luiz i Chelseat mban vendin e tij.

Në listë është edhe ish-lojtari i Barcelonës, Ronaldinho, i cili aktualisht mbron ngjyrat e Flamengos.

Allegri: Arsenali nuk është vetëm Van Persie

2012-02-14T23:25:00.004+01:00

Trajneri i Milanit, Massimiliano Allegri, nuk mendon se lojtarët e tij duhet të fokusohen vetëm në neutralizimin e Robin van Persiet në takimin e 1/8 së finales të Ligës së Kampionëve kundër Arsenalit.
“Ne e dimë fuqinë e Arsenalit, me në njësi të mirë kolektive dhe individë që shtojnë karakteristikat e tyre të përgjithshme”.

“Duhet të jemi mjaft të kujdesshëm në fazën defensive, sidomos për faktin se kjo ndeshje zgjat 180 minuta”.

“Arsenali ka një ekip të shkëlqyer. Aty nuk është vetëm Van Persie dhe ne duhet të kemi kujdes nga të gjithë ata”, ka thënë trajneri.

Kaka mendon të largohet nga Reali

2012-02-14T23:25:00.002+01:00

Kaka raportohet se është duke menduar seriozisht të ardhmen e tij me Real Madridin.
Marca shkruan se Kaka është i shqetësuar për vendin e tij në përfaqësuesen e Brazilit dhe dëshiron të jetë pjesë e Kupës së Konfederatave që zhvillohet vitin e ardhshëm, në prag të Kupës së Botës 2014.

Braziliani po ndjen një mungesë besimi nga drejtuesit dhe stafi stërvitor dhe mendon se ditët e tij në Madrid janë të numëruara.

PSG është favorit për të transferuar Kaka, ku ai do të ribashkohej me ish-trajnerët e Milanit, Carlo Ancelotti dhe Leonardo.

Cavani paralajmëron Chelsean

2012-02-14T23:24:00.002+01:00

Edinson Cavani beson se shanset e Napolit kundër Chelseat në Ligën e Kampionëve janë të pamohueshme.
Skuadra nga Serie A arriti në fazën e grupeve të garës evropiane pasi përfundoi mbi Manchester Cityn dhe Villarrealin në “Grupin e Vdekjes”.

Në prag të ndeshjes së javës së ardhshme kundër Chelseat, Cavani ka paralajmëruar Blutë se Napoli do të synojë kualifikimin në çerekfinale.

“Ne tashmë i kemi dërguar mesazh botës: ne mund ta mposhtim këdo. Chelsea duhet të jetë i kujdesshëm me ne”, ka thënë Cavani.

Seedorf: Kujdes nga Arsenali

2012-02-14T23:23:00.004+01:00

Veterani i Milanit, Clarence Seedorf, ka paralajmëruar bashkëlojtarët e tij të jenë të vëmendshëm rreth kërcënimit që paraqet Arsenali, në prag të takimit të nesërm të Ligës së Kampionëve në San Siro.
Rossonerët përfunduan të dytët në Grupin H, prapa Barcelonës, dhe u caktua të përballen me skuadrën angleze, që kryesoi në grupin F, para francezëve të Marseille.

“Çdo vit Arsenali merr pjesë në Ligën e Kampionëve për ta fituar atë. Ata kanë kombinimin e qëlluar të lojtarëve të rinj dhe atyre me përvojë. Ata janë një prej skuadrave që duhet mposhtur”, ka thënë Seedorf për Sky Sports.

Goal: Xhaka, ndër talentet e rinj të LK-së

2012-02-14T23:23:00.002+01:00

Granit Xhaka është listën e shtatë talenteve të rinj të Evropës që ia vlen të përcillen gjatë rundit të radhës së Ligës së Kampionëve, shkruan ueb-faqja më e popullarizuar e futbollit, Goal.com.
Sipas kësaj faqeje, mesfushori shqiptar është një yll i ri në ngritje në futbollin zviceran dhe shihet si një talent hiç më i vogël se bashkëlojtari i tij, Xherdan Shaqiri, i cili megjithatë këtë vit e ka lënë nën hije bashkëkombësin.

Xhaka, i cili ka disa paraqitje me përfaqësuesen e Zvicrës, luajti një rol kyç në kualifikimin e Baselit në 16-shen e fundit të Ligës së Kampionëve, duke eliminuar edhe Manchester United.

Po sipas Goal, tashmë shumë klube evropiane janë duke e përcjellë të riun kosovar, përfshirë edhe Manchester United, që është i gatshëm të ndajë 12 milionë euro për të.

Sir Alex Ferguson raportohet se e sheh të riun si një zëvendësim për afatgjatë për Paul Scholes, dhe do t’i përcjellë dy ndeshjet e radhës të Baselit (kundër Bayern Munich), për të krijuar një ide më të qartë për Xhakën.

Pos Xhakës, në listën e talenteve të rinj të Ligës së Kampionëve, Goal ka përfshirë edhe David Alaba të Bayern Munich, Stephan El Shaarawy të Milanit, Ahmed Musa të CSKA Moskës, Samuel Umtiti të Lyonit, Raphael Varane të Real Madridit dhe Alex Oxlade-Chamerbain të Arsenalit.

Mourinho kërkon zëvendësin e Casillas

2012-02-14T23:21:00.004+01:00

Trajneri i Real Madridit, Jose Mourinho, planifikon t’i japë një pamje tjetër portës së klubit gjatë verës – duke përfshirë në ndryshim edhe kapitenin Iker Casillas.
Mourinho dhe agjenti i tij, Jorge Mendes, kanë organizuar një huazim te Benfica në fund të sezonit për portierin rezervë Antonio Adan.

Dhe Sport shkruan se edhe Casillas po ashtu është në planet e ndryshimeve të Mourinhos. Trajneri i Reali është duke shikuar mundësinë ta zëvendësojë Casillas me një portier ndërkombëtar të klasit të parë për sezonin e ardhshëm.

Casillas nuk është parë sy-më-sy me Mourinhon këtë sezon, veçanërisht pas ndeshjeve të pakëndshme ndaj Barcelonës.

Valentino Rossi i zhgënjyer me Interin

2012-02-14T23:21:00.002+01:00

Ylli i Moto GP, Valentino Rossi, është i zemëruar me atë çfarë po ndodh këtë sezon te skuadra e tij e zemrës, Interi.
Rossi i ka bërë të qarta emocionet e tij përmes faqes sociale Twitter, menjëherë pas disfatës befasuese nga Novara.

“Pse e shitëm Thiago Mottan?” ka shkruar Rossi, për të shtuar: “Vendimi për të zëvendësuar Eto’o me Diego Forlan, ishte si ai të largosh Roberto Carlos për Alessandro Pistone”.

Prandelli e dëshiron Cassanon në Euro 2012

2012-02-14T20:14:00.001+01:00

Trajneri i Italisë, Cesare Prandelli, thotë se ai dëshiron që sulmuesi i Milanit, Antonio Cassano, të jetë pjesë e skuadrës Azzurre në finalet e Euro 2012, edhe nëse ai është i paaftë të luajë.
“U kam thënë atyre se do të pres deri në minutën e fundit të ditës para se lista finale të zbulohet. Do të shkoj në Spanjë për të parë rikuperimin e Rossit”.

“Kam biseduar me Antonio për një kohë të gjatë dhe ne kemi shkëmbyer premtime. Nuk e përjashtoj mundësinë që ai të jetë lojtari jonë i 24-të, duke marrë parasysh se sa vendimtar ai ishte për kualifikimet tona”, ka thënë Prandelli për Sky Sport Italia.

Italia është caktuar në grupin C të kampionatit evropian, në të cilin grup bëjnë pjesë edhe Spanja, Kroacia dhe Irlanda.

Pepe, horri më i madh i futbollit

2012-02-14T20:12:00.002+01:00

Mbrojtësi i Real Madridit, Pepe, ka marrë nofkën “horri më i madh në futboll”.
Gazeta gjermane Bild ka publikuar listën prej 15 lojtarëve më problematik të cilët janë pjesë e futbollit sot, me Pepe që ka dalë i pari, para Marco Materazzit.

Top 15 problematikët e futbollit sipas gazetës më të madhe gjermane janë këta:

1. Pepe (Real Madrid)
2. Marco Materazzi (former Inter Milan)
3. Zlatan Ibrahimovic (AC Milan)
4. Luis Suarez (Liverpool)
5. Jose Mourinho (Real Madrid)
6. Mario Balotelli (Manchester City)
7. Nigel de Jong (Manchester City)
8. Jermaine Jones (Schalke)
9. Gennaro Gattuso (Milan)
10. Mark Van Bommel (Milan)
11. Kevin-Prince Boateng (Milan)
12. Maik Franz (Hertha Berlin)
13. Arnautovic (Werder Bremen)
14. Marcelo (Real Madrid)
15. Wiese (Werder Bremen)

Enrique: Luajtëm nën nivelin tonë

2012-02-14T11:20:00.002+01:00

Trajneri i Romës, Luis Enrique, është dukshëm i zhgënjyer me paraqitjen e skuadrës së tij në disfatën 1-0 ndaj Sienës.
Një gol i vetëm i shënuar nga penaltia nga Emanuele Calaiao i dha skuadrës vendase tre pikët e takimit dhe pengoi Giallorosët të tejkalojnë Interin në pozitën e pestë.

“Kjo nuk ishte nata jonë, ne bëmë shumë gabime. Shumë lojtarë tonë ishin nën nivelin e tyre të zakonshëm. Ne gjithmonë mundohemi të sulmojmë, por nëse nuk e kontrollojmë topin kjo na sjell telashe”.

“Është e qartë se ne ende jemi larg qëndrueshmërisë të cilën po e kërkojmë. Siena ishte e shkëlqyeshme në mbrojtje dhe ata e mbyllën lojën shumë mirë”, ka thënë Enrique për Sky Sport Italia.

Wenger: Rikthimi në top katërsh na e rrit vetëbesimin

2012-02-14T11:10:00.002+01:00

Menaxheri i Arsenalit, Arsene Wenger, po e endjen rikthimin e vetëbesimin pasi skuadra e tij arriti të kthehet në pozitën e katërt të tabelës këtë javë.
“Është fantastike për ne të kthehemi në një pozitë modeste në tabelë. Jo shumë ekipe do të kishin fituar [kundër Sunderlandit] një skuadër e cila po ia del shumë mirë”.

“Është një shtytje e madhe për ne, pasi disa javë më parë askush nuk besonte se ne mund t’i rikthejmë gjërat dhe ne ia dolëm. Kjo mund të ndryshojë shumë shpejt, por është më mirë të jesh në këtë pozitë, se sa të mos jesh”, ka thënë Wenger.

Le Bron mposht Bucksat

2012-02-14T11:09:00.002+01:00

LeBron James ka ndihmuar Miami Heat të mposhtë Milwaukee Bucks, duke shënuar 35 pikë në fitoren 114-96.
Bucks kishin dalë fitues ndaj Heat në të dyja takimet këtë sezon, dhe tre herë radhazi në përgjithësi, por u turpëruan në ndeshjen e mbrëmshme, pavarësisht se kishin tetë pikë epërsi në çerekun e parë.

Duke shënuar më së shumti nga distanca e afërt, James ishte i saktë në 16 nga 21 tentimet nga fusha dhe ishte kyç për Miamin në çerekun e tretë, kur ata morën ndeshjen në duar për të shënuar fitoren e gjashtë në shtatë ndeshje.

Dwyane Wade shënoi 22 pikë për Miamin, që i afrohet në gjysmë ndeshje Chicago Bulls në krye të Konferencës Lindore. Carlos Delfino e përfundoi ndeshjen si më i miri te Bucks (12 fitore, 16 disfata), me 24 pikë.

Veseli lëndohet në debutimin me United

2012-02-14T11:07:00.001+01:00

Nënshkrimi më i ri i Manchester United, Frederic Veseli, nuk ka pasur një debutim të këndshëm me ekipin rezervë të Djajve të Kuq.
Shqiptari me nënshtetësi zvicerane, u inkuadrua si zëvendësues në pjesën e parë të fitores së mbrëmshme 2-1 ndaj Bolton Wanderes.

Por, Veseli, i ardhur në Old Trafford nga Manchester City, u detyrua të largohet nga ndeshja në minutën e 78-të për shkak të një lëndimi në këmbë.

Henry shpreson për diçka të veçantë ndaj Milanit

2012-02-14T10:54:00.003+01:00

Legjenda e Arsenalit, Thierry Henry, shpreson të tregojë diçka të veçantë në ndeshjen e të mërkurës së Ligës së Kampionëve në udhëtim te Milani.
“Ju gjithmonë mund të bëni më shumë. Unë isha në dhomën e veshjeve duke menduar për shansin e humbur ndaj Aston Villas kur u futa në lojë dhe duhej ta kisha dërguar topin në rrjet”.

“Por nëse ju më pyesni, a do të preferoja ta kisha shënuar atë kundër Villas ose këtë kundër Sunderlandit, do ta zgjidhja këtë të fundit. Ju gjithmonë mund t’ia dilni më mirë, kjo është ajo çfarë gjithmonë i them vetes”.

“Do të shohim pas ndeshjes së fundit kundër Milanit, si kaloi kjo për mua”, ka thënë Henry.

Kritikohen Villas-Boas dhe Peter Cech

2012-02-14T10:54:00.001+01:00

Lojtarët e Chelseat kanë kthyer gishtin kah menaxheri Andre Villas-Boas gjatë një takimi krize të zhvilluar të dielën, shkruajnë mediat angleze.
Daily Mail zbulon se strategu portugez ishte kritikuar nga lojtarët e Chelseat për taktikat e shfrytëzuara gjatë ndeshjes ndaj Evertonit, të cilën Blutë e pësuan me rezultat 2-0.

Yjet e Chelseat ishin të zemëruar në 34 vjeçarin pasi ai i kishte mbajtur ata në fushën je stërvitjeve, pas të cilët i kishte dënuar me seancë të plotë.

Gjatë takimit ku lojtarët kishin sfiduar taktikat e Villas-Boas, nuk ka mbetur pa u përfshirë edhe portieri Petr Cech, i cili po ashtu ishte kritikuar nga kolegët e tij.

Tevez: Ferguson, menaxheri më i mirë

2012-02-14T10:52:00.001+01:00

Sulmuesi i Manchester Cityt, Carlos Tevez, ka folur pozitivisht për miqtë e tij të Manchester United dhe për Sir Alex Ferguson.
Tevez, me fjalë të cilat nuk ngacmojnë raportet e tij me fansat e Cityt, e ka quajtur Fergusonin si një prej dy menaxherëve më të mirë me të cilët ka punuar, derisa ka lavdëruar për profesionalizmin e tyre tre ish-bashkëlotjarët, Paul Scholes, Wayne Rooney dhe Ryan Giggs.

“E di se Ferguson nuk kishte raportet më të mira me mua, por ai së bashku (ish-trajneri e Argjentinës, Marcelo) Bielsa, janë dy menaxherët më të mirë që kam pasur”.

“Paul Scholes është profesionisti më i mirë, ai, Rooney dhe Giggs... nuk kam fjalë, ata ishin të shkëlqyeshëm me mua”, ka thënë Tevez.

Mposhtet Roma, fiton Napoli

2012-02-13T23:53:00.002+01:00

Skuadra e Romës ka pësuar humbje minimale si mysafir i Sienas.
Golin e vetëm e shënoi Calaio nga penaltia në minutën e 51-të.

Nga ana tjetër, Napoli ka fituar përballë Chievos me rezultat prej 2-0.

Me dy gola të shënuar në pjesën e parë, nga Britos (15’) dhe Cavani nga penaltia (38’), napolitanët arkëtuan tre pikë të reja.

Pas kësaj xhiroje, Roma dhe Napoli mbajnë pozitat gjashtë dhe shtatë në tabelë me një pikë diferencë mes tyre.

Capello: Nuk kam kontaktuar me Anzhin

2012-02-13T23:52:00.003+01:00

Ish-trajneri i Anglisë, Fabio Capello, ka mohuar spekulimet se ka pasur takim me zyrtarët e Anzhi Makhachkalas.
Mediat ruse kanë raportuar të dielën se italiani ka udhëtuar në Moskë për të filluar negociatat me klubin rus.

“Unë jam në Saint-Moritz. Takimi i vetëm që kam është të hënën e ardhshme, në Bologne, për të marrë një çmim”, ka thënë Capello për L'Equipe.

Spekulimet se ish-trajneri i Juventusit dhe Real Madridit do ta marrë drejtimin e Anzhit u përhapën pasi Yuri Krasnozhan u largua pas vetëm dy muajsh në postin e trajnerit.

Dutt: Do të ishte mrekulli po ta eliminonim Barcën

2012-02-13T23:52:00.002+01:00

Trajneri i Bayer Leverkusenit, Robin Dutt, e ka bërë të qartë se Barcelona është favorit absolut në takimet e 1/8 së finales të Ligës së Kampionëve.
“Do të ishte një mrekulli po ta mposhtnim Barcelonën pas dy ndeshjeve”.

“Barca është më e mirë se përfaqësuesja e Spanjës”.

“Duhet t’i kushtojmë vëmendje të njëjtë secilit lojtar të Barcës- madje edhe zëvendësuesit janë në nivel ndërkombëtar”, ka thënë Dutt.

Lippi: Anulimet nuk do të ndikojnë te Juve

2012-02-13T23:51:00.002+01:00

Ish-trajneri i Juventusit, Marcello Lippi, mendon se takimet e shtyra ndaj Parmës dhe Bolognas, nuk do të ndikojnë në rrjedhën e suksesshme të Bainconerëve në garën për titull.
Zonja e Vjetër gjendet pas Milanit në tabelë me dy pikë më pak, mirëpo ka dy ndeshje më pak të zhvilluara.

“Nuk mendoj se do të ndikojnë në rrugën e tyre. Nëse skuadra do të kishte ndryshime të tilla në fillim të sezonit, ndoshta do t’i kishte shqetësuar”.

“Por tash skuadra është zhvilluar dhe është e vetëdijshme për fuqinë e vet”, ka thënë Lippi për La Stampa.

Tevez: Mancini më trajtoi si qen

2012-02-13T23:50:00.002+01:00

Carlos Tevez e ka akuzuar trajnerin e Manchester Cityt, Roberto Mancini, se e ka trajtuar “si qen” gjatë takimit të Ligës së Kampionëve kundër Bayern Munichut në muajin shtator.
“Isha pak pa disponim dhe kur e inkuadroi De Jongun dhe e nxori Dzekon, ndërsa ne humbnim 2-0, mendova se ishte një zëvendësim defensiv, prandaj vendosa të qëndroj në stol”, ka thënë Tevez për Fox Sports Latin America.

Ai ka shpjeguar se teksa Dzeko largohej ai fliste boshnjakisht, ndërsa Mancini e shante në italisht dhe se trajneri nuk e kishte parë Tevezin teksa ishte ulur.

“Unë shkova dhe u ula dhe ai nuk më pa, sepse po diskutonte (me Dzekon). Mirëpo, më pas u kthye dhe më pa mua dhe mund ta imagjinoni çfarë ndodhi. Ai ishte në mes të një zënke, dhe më tha mua të vazhdoj të nxehem dhe më trajtoi si një qen”.

“Pastaj më foli me atë ton të zërit dhe unë i thash: ‘Jo nuk dal’”, ka treguar Tevez, duke shtuar se Mancini më pas e kishte ofenduar shumë.

Sidoqoftë, argjentinasi ka thënë se do ta veshë sërish fanellën e Cityt dhe do të mundohet të rikthejë zemrat e tifozëve.

Guardiola i fokusuar te Leverkuseni

2012-02-13T23:49:00.002+01:00

Trajneri i Barcelonës, Pep Guardiola, ka deklaruar se nuk shqetësohet nga kritikat pas humbjes nga Osasuna, dhe se është i fokusuar në takimin e Ligës së Kampionëve kundër Bayer Leverkusenit.
Pas humbjes prej 3-2 në Reyno de Navarra, Blaugranët kanë mbetur dhjetë pikë prapa Real Madridit në garën për titullin e La Ligas, ndërsa trajneri ka marrë kritika për përzgjedhjen e lojtarëve.

Guardiola ka thënë se i ka pritur kritikat e tilla pas humbjes, porse nuk është edhe aq i shqetësuar nga fjalët, por ndjehet keq që skuadra e tij ka humbur.

Ai ka theksuar se është i fokusuar te përballja e të martës mbrëma ndaj Bayer Leverkusenit.

Pepe: Mediat më paraqesin si vrasës

2012-02-13T20:01:00.002+01:00

Mbrojtësi i Real Madridit, Pepe, është ankuar ndaj medieve, të cilat, sipas tij, e paraqesin atë si vrasës.
Portugezi shpesh bëhet shënjestër e mediave për veprimet e tij agresive dhe aktrimin që e bën gjatë ndeshjeve.

“Mediat më paraqesin si vrasës. Për mua më e rëndësishme është që t’i mbroj ngjyrat e Real Madridit. Kur ec nëpër rrugë shumë njerëz më tregojnë se ende më duan”, ka thënë Pepe për Canal+.

Ai ka folur edhe për trajnerin Jose Mourinho, për të cilin ka thënë se beson që do të qëndrojë te Los Blancos, përkundër spekulimeve për largimin e tij.

Rooney të bëhet realizuesi më i mirë te United

2012-02-13T18:15:00.002+01:00

Wayne Rooney ka lënë të kuptohet se planifikon të qëndrojë edhe shumë kohë te Manchester Unitedi dhe dëshiron të bëhet golashënuesi më i mirë në histori të Djajve të Kuq.
Futbollisti anglez ishte vendimtar në fitoren prej 2-1 ndaj Liverpoolit, pasi shënoi të dy golat e United, ndërsa në këtë mënyrë arriti Joe Spence në vendin e gjashtë, në listën e realizuesve më të mirë të klubit. Të dy kanë nga 168 gola të shënuar.

“Sapo e pash se jam golashënuesi i gjashtë në histori të Manchester Unitedit. Nuk e di nëse kjo është e vërtetë, por jam jashtëzakonisht krenar. Qëllimi im është që të fitoj shumë trofe dhe të bëhem golashënuesi më i mirë i të gjitha kohërave te klubi. Kjo do të ishte e çuditshme... Edhe 81”, ka shkruar 26-vjeçari në Twitter.

Golashënuesi më i mirë i të gjitha kohërave te Manchester Unitedi është Bobby Charlton me 249 gola.

Tevez do të luajë për Cityn?

2012-02-13T18:14:00.002+01:00

Carlos Tevez të martën pritet të kthehet në Mançester, ndërsa thuhet se dëshiron t’i lë pas vetes mosmarrëveshjet me trajnerin Roberto Mancini dhe ta veshë sërish fanellën e Manchester Cityt.
Argjentinasi nuk ka luajtur në asnjë ndeshje me ‘pasanikët’ që nga shtatori kur refuzoi të inkuadrohej ndaj Bayern Munichut në Ligën e Kampionëve.

Më pas, ai shkoi drejt Argjentinës pa lejen e klubit dhe dëshironte të transferohej në ndonjë skuadër tjetër.

Megjithatë, meqë kjo nuk ndodhi, Tevez pritet të kthehet te City dhe të fillojë të luajë sërish për klubin pronësi e të cilit është.

Pato, Boateng e Nesta të gatshëm për Arsenalin

2012-02-13T17:21:00.001+01:00

Trajneri i Milanit, Massimiliano Allegri, ka marrë disa lajme premtuese nga stafi mjekësor para takimi të Ligës së Kampionëve ndaj Arsenalit.
Alexandre Pato, Kevin-Prince Boateng dhe Alessandro Nesta janë kthyer në stërvitje.

Pato u lëndua në takimin ndaj Novaras në Kupë në muajin janar, Boateng lëndoi muskulin në derbin ndaj Interit, ndërsa Nesta u lëndua në stërvitje para takimit ndaj Napolit.

Sidoqoftë, Milani ka konfirmuar përmes faqes zyrtare se të tre lojtarët i kanë kaluar problemet e tyre dhe do të jenë në dispozicion në takimin e të mërkurës në San Siro.

Van Basten trajner i Heerenveenit

2012-02-13T17:20:00.001+01:00

Legjenda holandeze, Marco van Basten, do të marrë drejtimin e Heerenveenit në fund të sezonit aktual.
Trajneri i tanishëm, Ron Jans, ka deklaruar se do të tërhiqet nga ky post porsa t’i skadojë kontrata, ndërsa Voetbal International njofton se ish-sulmuesi i Milanit do ta marrë drejtimin e klubit holandez.

Caktimi i Van Bastenit ka ardhur si befasi, pasi është pritur që trajneri i FC Zwolle, Art Langeler, të angazhohet si trajner i Heerenveenit, ndërsa është përmendur edhe emri i ish-trajnerit të Holandës dhe Bayern Munihut, Louis van Gaal.

Mourinho i ngazëllyer me Ronaldon

2012-02-13T15:40:00.001+01:00

Trajneri i Real Madridit, Jose Mourinho, është ndarë më se i kënaqur me lojën e Cristiano Ronaldos.
Ronaldo shënoi hat-trick në fitoren e mbrëmshme kundër Levantes, përfshirë edhe një gol të bukur nga largësia në pjesën e dytë, që ka impresionuar Mourinhon.

“Goli i Cristiano Ronaldos ishte i mrekullueshëm, fantastik, dhe besoj se do të qarkullojë nëpër botë gjatë disa javëve të ardhshme. E gjithë skuadra ndjehet kështu dhe ishte një gol i veçantë për Ronaldon. Ishte goli i katër mijtë në Bernabeu dhe e meritoi”, ka thënë Mourinho.

Puyol: Më besoni, nuk dorëzohemi

2012-02-13T15:38:00.001+01:00

Carles Puyol thotë se Barcelona nuk do ta humbë fokusin nga kampionati spanjoll, pavarësisht se ka ngecur dhjetë pikë krahasuar me Real Madridin në maje të tabelës.
“Sigurisht, nuk jemi të kënaqur me ndeshjen kundër Osasunas, por liga nuk është humbur ende. Ne duhet të jemi realistë dhe të pranojmë se është e komplikuar, por nuk do të dorëzohemi, dhe do të luftojmë deri në fund”.

Kapiteni i Barcës po ashtu është i qartë në një gjë: skuadra nuk do të dorëzohet në ligë, por nuk do ta injorojë as fokusin në dy garat tjera të mëdha.

“Ne do të luftojmë në të gjitha tre garat dhe kush mendon ndryshe, gabohet”, ka thënë Puyol.

Ibra: Mos më krahasoni me Van Basten

2012-02-13T15:37:00.001+01:00

Sulmuesi i Milanit, Zlatan Ibrahimovic, ka hedhur poshtë krahasimet me Marco van Basten.
“Ju nuk mund t’i krahasoni lojtarët. Ai ishte sulmues, si unë. Por Zlatan është Zlatan”.

“Mbaj mend kur për të parën herë e pashë atë, isha në dhomën e veshjeve të Ajaxit, ai bënte një praktikë për t’u bërë trajner. Isha krejtësisht i heshtur, nuk dija çfarë të thosha”.

“Në atë kohë, e njoha atë më mirë. Mendoja se ai ishte një person i mirë, një sulmues i vërtetë, i cili gjithmonë dëshiron të dëgjojë”, ka thënë Ibra.

Enrique i kënaqur me formën e Lamelas

2012-02-13T15:36:00.001+01:00

Trajneri i Romës, Luis Enrique, është i ngazëllyer me formën që po kalon Erik Lamela.
“Jam shumë i kënaqur me lojtarët e mi. Media duket se e sheh Borinin si Zot në këtë moment, derisa Lamela nuk po ia del mirë, por besoj te e kundërta”.

“Çdo lojtar kalon nëpër faza në një sezon. Nuk e shoh Borinin si Zot tash, por ai nuk ishte i keq as më herët. E njëjta vlen edhe për Lamerlan”, ka thënë Enrique.

Valdes: Titulli po na ik

2012-02-13T15:35:00.001+01:00

Portieri i Barcelonës, Victor Valdes, thotë se titulli po ju ik prej duarve.
Real Madridi shënoi fitore ndaj Levantes mbrëmë për t’i ikur dhjetë pikë Barcelonës, për të cilën Valdes mendon se është një diferencë e theksuar.

“Të jemi realistë, do të jetë shumë vështirë. Ne nuk luajtëm mirë dhe Liga është bërë ca e komplikuar. Nuk është përfundimtare, por është më e vështirë”, ka thënë Valdes.

Ranieri ndjehet i sigurt

2012-02-13T15:34:00.001+01:00

Trajneri i Interit, Claudio Raniero, ndjehet i sigurt në bankinën Nerazzure edhe pas disfatës nga Novara.
U raportua se drejtuesit e klubit kishin vizituar dhomën e veshjeve dhe kishin zhvilluar një takim krize me trajnerin dhe skuadrën.

“Klubi dhe presidenti Massimo Moratti janë 100 për qind prapa meje. Ne kemi një komunikim të shkëlqyeshëm dhe e ndjej mbështetjen e tyre të plotë”.

“Ne u përpoqëm të shënojmë në një mijë mënyra të ndryshme gjatë ndeshje. Ne madje ndryshuam taktikat tona gjatë kohës dhe të bësh presion me tre lojtarë në mesfushë është ndryshe se sa me katër”, ka thënë Ranieri.

Thierry: Nëse keni nevojë, do të kthehem

2012-02-13T15:21:00.002+01:00

Thierry Henry u ka thënë tifozëve të Arsenalit se ai mund të rikthehet sërish në klub sezonin e ardhshëm.
Henry do të kthehet në New York Red Bulls pas ndeshjes së të mërkurës në Ligën e Kampionëve në udhëtim te Milani, por është shprehur i gatshëm për rikthim sezonin e ardhshëm.

“Kurrë nuk mund të thuash kurrë, apo? Duhet ta pyesni menaxherin. Nuk e di. Gjithmonë e kam thënë këtë, është disi e vështirë për mua të them jo. Nëse ata kanë nevojë për mua një ditë, do të jem këtu”, ka thënë Henry.

Ronaldo: Golat, falë gjithë skuadrës

2012-02-13T15:19:00.002+01:00

Ylli i Real Madridit, Cristinao Ronaldo, është i ngazëllyer me hat-trickun e tij në fitoren ndaj Levantes.
“Ne e dinim se ndeshja do të ishte e vështirë dhe nuk bëmë një fillim të mirë. Ne ndryshuam pas golit të parë. Ne jemi në rregull dhe duhet të vazhdojmë kështu deri në fund të sezonit, por ka ende shumë ndeshje të mbetura”.

“Golat erdhën falë përpjekjes së gjithë skuadrës. Ne po luajmë mirë dhe unë po kaloj një fazë të mirë të cilën dua ta ruaj”.

“Isha jashtëzakonisht i kënaqur pasi shënova gol dhe doja ta festoja me menaxherin dhe stafin e tij, pasi ne të gjithë po bëjmë një punë të shkëlqyeshme”, ka thënë portugezi

NBA: Kobe shpëton Lakersat

2012-02-13T15:17:00.002+01:00

Kobe Bryant ka shpëtuar Los Angeles Lakers duke shënuar pikët vendimtare me katër sekonda të mbetura për t’i dhënë skuadrës fitoren 94-92 ndaj Toronto Raptors gjatë ndeshjes së mbrëmshme të NBA-së.
Bryant, i cili u fut në ndeshje si shënuesi më i mirë këtë sezon, shënoi vetëm shtatë pikë në pjesën e parë, por mbushi bateritë në pjesën e dytë, duke përfunduar ndeshjen me 27 pikë.

Pau Gasol ndihmoi në fitore duke shënuar double-double për të gjashtën herë radhazi për Lakers. Spanjolli kësaj here regjistroi 16 pikë dhe 17 kërcime.

Për Raptors më i sakti ishte Jose Calderon, i cili shënoi pikët më të larta të karrierës, 30.

Carlos: Mourinho, më i miri në botë

2012-02-13T11:11:00.002+01:00

Legjenda e Real Madridit, Roberto Carlos, thotë se Jose Mourinho është trajneri më i mirë në botë dhe se është përpjekur ta bindë atë të drejtojë klubin rus Anzhi.
Carlos dje u rikthye në Bernabeu për të vizituar “ish-shtëpinë” e tij dhe u takua me Mourinhon dhe lojtarët para fitores së tyre ndaj Levante.

“Ai (Jose) më ka thënë se kontrata e tij është e vlefshme dhe ai qëndron. I kam thënë atij se nëse ndryshon mendjen, është një ekip që e pret me dyer të hapura (Anzhi). Ai është trajneri më i mirë në botë”, ka thënë braziliani.

Villas-Boas: Disfata nga Evertoni, faj i imi

2012-02-13T11:09:00.002+01:00

Menaxheri i Chelseat, Andre Villas-Boas, thotë se ai është fajtor për disfatën e vikendit nga Evertoni.

“Do t’i analizoj mirë përgatitjet e mia dhe do të marr përgjegjësinë e plotë për disfatën. Mendoj se lojtarët bënë gjithçka që mundën për të ndikuar në rezultat”.

“Ndoshta do të duhet të rishikoj atë çfarë kam bërë dhe të mendoj për përgatitjet. Do të diskutoj përbëtë me stafin tim teknik dhe për vendim-marrjet e mia”, ka thënë Villas-Boas.

United pranon faljet e Liverpoolit

2012-02-13T11:08:00.002+01:00

Manchester United formalisht ka pranuar faljen e kërkuara nga Liveprooli pas kundërthënieve në Old Trafford.
United i ka pranuar kërkim-faljet e sulmuesit të Liverpoolit, Luis Suarez, dhe menaxherit Kenny Dalglish, rreth veprimeve në ndeshjen derbi të vikendit. Djajtë e Kuq kanë lëshuar një deklaratë me titullin “Të Kuqtë pranojnë faljet e rivalëve”.

“Manchester United falënderon Liverpoolin për kërkim-faljet pas ndeshjes së të shtunës. Çdokush në Old Trafford dëshiron të ecë më tej nga kjo. Historia e dy klubeve tona të mëdha është ajo e suksesit dhe rivalitetit të pakrahasueshëm në futbollin britanik. Kjo duhet të jetë fokusi në të ardhmen i të gjitha atyre që i duan klubet”, thuhet në deklaratën e Man United.

Higuain: Titulli në duart tona

2012-02-13T10:55:00.001+01:00

Sulmuesi i Real Madridit, Gonzalo Higuain, thotë se titulli tash është në duart e tyre.
Reali mbrëmë fitoi ndaj Levantes dhe tash është dhjetë pikë mbi Barcelonën në tabelën e La Ligës.

“Dhjetë pikë janë një diferencë e konsiderueshme. Ne po ia dalim mirë dhe duhet të mbetemi të qetë. Ne jemi Real Madrid dhe do të përpiqemi që kjo ligë të mos nga rrëshqasë nga gishtat”.

“Na takon neve të mos e ulim ritmin dhe ta mbajmë këtë intensitet. Ajo çfarë është e rëndësishme është se ne jemi liderë dhe se liga është në duart tona”, ka thënë Higuain.

Suarez kërkon falje

2012-02-13T10:52:00.001+01:00

Sulmuesi i Liverpoolit, Luis Suarez, ka kërkuar falje për sjelljen e tij në Old Trafford.
Suarez pranon se ai duhej t’ia kishte shtrënguar dorën Patrice Evra para fillimit të ndeshjes në Old Trafford të fillonte.

“Kam biseduar me menaxherin (Kenny Dalglish) që nga ndeshja në Old Trafford dhe kam kuptuar se i kam bërë gjërat keq”.

“Thjesht e kam lënë atë në baltë, por po ashtu klubin dhe gjithë prapa meje dhe më vjen keq. Kam bërë gabim dhe pendohem për atë që kam bërë”.

“Duhej t’ia kisha dhënë dorën Patrice Evras para ndeshjes dhe doja t’i kërkoj falje për veprimet e mia. Do të doja që gjithë kjo ngjarje të mbetet prapa dhe të përqendrohem të luaj futboll”, ka thënë Suarez.

Zambia kampion i Afrikës

2012-02-12T23:45:00.002+01:00

Përfaqësuesja e Zambisë ka arritur që të triumfojë në Kupën e Kombeve të Afrikës pasi në finale të kësaj gare ka fituar vetëm pas ekzekutimit të penaltive përballë Bregut të Fildishtë.
Gjysma e parë e ndeshjes në Stade d'Angondje në Libreville ishte shumë e varfër sa i përket rasteve dhe dy skuadrat u kënaqën me rrjetat e paprekura.Në fraksionin e dytë përmendim një dështim të Didier Drogbas nga pika e bardhë (71’). Gervinho u ndal me ndërhyrje brenda gjashtëmbëdhjetëmetërshit dhe arbitri akordoi penalti, mirëpo sulmuesi i Chelseat e dërgoi topin mbi portë.
Koha e rregullt u mbyll pa gola, ashtu që u desh të zhvilloheshin vazhdimet për të përcaktuar fituesin.
Edhe pas vazhdimeve nuk pati gola dhe kjo bëri që penaltitë të vendosnin për kampionin.
Ndërkaq, pas ekzekutimit të penaltive të shumta, në fund Gervinho (Bregu i Fildishtë) dështoi, kurse Stopilla Sunzu (Zambia) realizoi dhe në këtë mënyrë befasia e kësaj gare- përfaqësuesja e Zambias shpallet kampion i Kupës së Kombeve të Afrikës.

+10 (VIDEO)

2012-02-12T23:23:00.002+01:00

Real Madridi ka shënuar fitore prej 4-2 përballë Levantes në Santiago Bernabeu për t’u konsideruar tashmë një favorit i madh për ta fituar titullin e kampionit të Spanjës.
Ishin mysafirët ata që shënuan të parët me anë të Gustavo Daniel Cabral (5’), por pa përfunduar pjesa e parë, Cristiano Ronaldo barazoi nga penaltia (45’), ndërsa Levante mbeti me një lojtar më pak në fushë, pasi Iborra mori kartonin e dytë të verdhë.

Pesë minuta brenda pjesës së dytë (50’), pas një krosimi të bukur të Gonzalo Higuain, Ronaldo i kaloi Mbretërit në epërsi.

SuperRonaldo kompletoi het-trikun e tij në minutën e 57-të, megjithatë mysafirët nuk dorëzoheshin.

Ata arritën që të shënojnë sërish, ndërsa realizues ishte Arouna Kone (63’).

Mirëpo, çdo shpresë eventuale për barazim ua shoi Karim Benzema, i cili pranoi një top nga Ronaldo për ta shënuar golin e katërt të vendasve (66’).

Kjo fitore e largon Real Madridin me dhjetë pikë nga Barcelona që këtë xhiro u mposht nga Osasuna.

‘Sneijder është i lumtur te Interi’

2012-02-12T21:14:00.000+01:00

Trajneri i Interit, Claudio Ranieri, ka deklaruar se mesfushori ofensiv, Wesley Sneijder, është i lumtur te zikaltrit.
Vazhdimisht po spekulohet se holandezi do të largohet nga Meazza, ndërsa së fundmi thashethemet e lidhin atë me Zenit St Petersburg dhe Anzhi Makhachkala.

“A mund të shkojë ai te Anzhi? Sa më përket mua, dhe shpresoj edhe lojtarit, jo”.

“E kam pyetur: A ndjehesh i rëndësishëm për këtë skuadër? Sepse je i rëndësishëm për ne’, dhe ai u përgjigj: ‘Po jam i lumtur këtu’”, ka treguar Ranieri.

Wenger: Henry mund të kthehet përsëri

2012-02-12T20:07:00.001+01:00

Pasi shënoi golin e fitores ndaj Sunderlandit, Menaxheri i Arsenalit, Arsene Wenger, duket se është i vendosur ta mbajë në klub legjendën Thierry Henry, që po tregohet kryesor në sezonin e Topçinjve.
I pyetur nëse Henry do të luajë ndaj Milanit dhe më pas të qëndrojë në mënyrë permanente, francezi Wenger tha se ka gjasa që ai të luajë sezonin e ardhshëm për klubin nga Emirates.

“Do të shohim vitin e ardhshëm. Ndoshta ai nuk dëshiron të luajë më futboll”, theksoi Wenger.

Pedro i pikëlluar me disfatën

2012-02-12T20:05:00.000+01:00

Sulmuesi i Barcelonës, Pedro, është shprehur tejet i zhgënjyer me disfatën befasuese nga Osasuna në Pamplona, duke refuzuar të flasë për gjasat për titull.
Barcelona pësoi disfatë të rëndë prej 3-2 nga Osasuna, që shënon ndeshjen e parë ku Barcelona pranoi tri gola që prej dy vitesh. Hera e fundit kur Barcelona pranoi tri gola ishte ndaj Interit në gjysmëfinalen e parë të Ligës së Kampionëve në sezonin 2009/2010.

“Ne jemi të pikëlluar se si shkoi ndeshja. Jemi tejet të pakënaqur. Ne kemi vuajtur për të hyrë në lojë dhe Osasuna doli më e fortë. Ne është dashur t’i mposhtim, por nuk kemi arritur dot”, theksoi Pedro.

Mancini: Tevez mund të kthehet

2012-02-12T20:04:00.000+01:00

Menaxheri i Manchester Cityt, Roberto Mancini, ka deklaruar se ai mund të harrojë problemet me Carlos Tevez dhe ky i fundit mund të kthehet në fushë për ‘qytetarët’.
“Carlos e di situatën. Nëse ai kthehet ne do të flasim, sepse unë nuk kam problem me të. Të gjithë e dinë se Tevez është top lojtar dhe do të ishte më mirë për ne nëse ai vjen këtu”.

“Tevez ka aftësinë që të ndryshojë ndeshjet. Unë nuk e di nëse ai do të kthehet këtë javë, por nëse ai kthehet ai mund të luajë rol në tri muajt e ardhshëm. Varet nga gjendje e tij fizike sepse ai nuk ka luajtur për katër muaj. Ndoshta ai mund të rikthehet shpejt”, ka thënë Mancini.

Guidolin: Merituam më shumë ndaj Milanit

2012-02-12T19:13:00.000+01:00

Trajneri i Udineses, Francesco Guidolin, ndjen se ekipi i tij meritoi më shumë nga sfida e zhvilluar ndaj Milanit të shtunën, ku friulianët kanë pasur epërsinë deri në fazat finale të takimit.
“Ne pranuam dy gola në kundërsulm. Nëse do të kishim qenë më të kujdesshëm në disa rrethana, Milani do të kishte vuajtur”.

“Ne është dashur të shfaqim pjekuri, do të kishim qenë të kënaqur edhe me një pikë, edhe pse merituam shumë më shumë. Ne shkuam përpara për t’i mbaruar gjërat, por ata na dënuan dhe Milani mund t’iu dënojë në çdo kohë. Duhet të rikuperohemi shpejt”, ka thënë Guidolin.

Milani mposhti me rezultat 2-1 Udinesen në Friuli, pas një rikthimi sensacional me dy gola të shënuar në 13 minutat e fundit të takimit pas disavantazhit nga pjesa e parë.

Pique: Nuk dorëzohemi për titull

2012-02-12T19:09:00.000+01:00

Mbrojtësi i Barcelonës, Gerard Pique, ka refuzuar që të dorëzohet në luftën për titull të kampionit të Spanjës, me Real Madridin që nëse mposht Levanten të dielën mbrëma praktikisht do të siguronte titullin me 10 pikë epërsi nga Barça.
“Ne nuk do të dorëzohemi për La Ligën”.

“Diferenca në pikë po rritet, por unë kërkoj nga tifozët që të qëndrojnë me ekipin sepse ne kemi nevojë për ta më shumë se kurrë”, tha Pique.

Barcelona pësoi humbje shokuese në Pamplona te Osasuna me rezultat 3-2, duke ia mundësuar Real Madridit të Jose Mourinhos që të largohet edhe më shumë në tabelë.

Triumfon City

2012-02-12T19:05:00.001+01:00

Manchester City ka arkëtuar tre pikë të reja me fitore minimale përballë Aston Villas. Takimi i zhvilluar të dielën në Villa Park përfundoi me rezultat 1-0 në favor të mysafirëve.
Heroi i takimit ishte Joleon Lescott, i cili pranoi një asistim të Gareth Barryt për ta shënuar golin e fitores (63’).

Pas kësaj fitoreje, Manchester City kthehet në maje të tabelës me dy pikë më shumë se përcjellësi i parë, Manchester United.

Novara fut në krizë Interin

2012-02-12T17:30:00.001+01:00

Interi ka pësuar humbjen e radhës nga Novara, me rezultat minimal 1-0, në sfidën e zhvilluar në Giuseppe Meazza.
Është kjo befasia e ditës në futbollin evropian, pasi Interi gjatë gjithë takimit dominoi, por ishte një gol i mysafirëve ai që vendosi sfidën.

Andrea Carraciolo i dha epërsinë Novarës në minutën e 56-të që ishte dhe goli i vetëm i këtij takimi.

Interi në vazhdim sulmoi, por nuk arriti të gjejë portën. Radovanovic la Novarën me një lojtar më pak dhjetë minua para përfundimit të takimit, por as kjo nuk u ndihmoi Nerazzurëve të cilët me anë të Sneijder goditën traversën në momentet finale të sfidës.

Interi me këtë humbje mbetet në vendin e pestë me 36 pikë, pesë më pak se Udinese në vendin e katërt.

Iniesta: Ta harrojmë këtë disfatë

2012-02-12T17:29:00.001+01:00

Mesfushori i Barcelonës, Andres Iniesta u ka bërë thirrje bashklojtarëve që të mobilizohen dhe të harrojnë disfatën e befasishme të pësuar nga Osasuna.
“Është një humbje e dhimbshme. Ne reaguam në pjesën e dytë, por nuk mjaftoi”.

“Ne duhet të luftojmë deri në fund, por tani duhet të përgatitemi për Ligën e Kampionëve”, tha Iniesta.

Rooney: Evertoni dhe unë fituam, ditë e përkryer

2012-02-12T14:34:00.002+01:00

Asi i Manchester Unitd, Wayne Rooney, ka pranuar se ai është tepër i kënaqur me të shtunën e kësaj fundjave, pasi pos që ekipi i tij mposhti Liverpoolin, është edhe Evertoni që ka dalë fitues në një sfidë të komplikuar ndaj Chelseat.
Rooney shënoi dy gola në fitoren prej 2-1 ndaj Liveproolit dhe nga ana tjetër në Godisson Park, Evertoni, klubi i fëmijërisë së Rooneyt, mposhti rivalin Chelsean.

“Duke u kënaqur me fitoren. Çfarë ndjenjë të shënosh dy gola ndaj Liverpoolit. Fitore e madhe edhe për Evertonin. Çfarë dite”, ka shkruar Rooney në Twitter.

Conte: Nuk kam nevojë për Capellon

2012-02-12T14:32:00.001+01:00

Trajneri i Juventusit, Antonio Conte, ka aluduar se strategu italian Fabio Capello nuk do të ishte i mirëpritur te klubi Bianconer.
Conte është pyetur për Capellon, i cili dha dorëheqje nga posti i menaxherit të Anglisë, ndërsa është spekuluar se ai mund të jetë drejtor i Juventusit.

“Unë kam punuar me shumë strategë të mëdhenj, por kurrë nuk kam pasur fatin të punoj me Capellon, një njeri që respektoj shumë. Jam i kënaqur me klubin dhe ne po bëjmë vërtet punë shumë të mirë”, theksoi Conte.

Guardiola: Të shikojmë drejt LK

2012-02-12T14:29:00.002+01:00

Bosi i Barcelonës, Pep Guardiola, ka pranuar se epërsia e Real Madridit është shumë e madhe në luftën për titull të kampionit, duke zhvendosur fokusin te Liga e Kampionëve.
“Realiteti është se ne jemi në një distancë substanciale nga Reali dhe unë kam ndjenjën se kjo epërsi e madrilenëve do të ngritet të dielën. Por, ne mund të vazhdojmë deri në fund. Ne nuk kemi prespektiva tjera: të shikojmë ndeshjen e radhës dhe të shohim”.

“Tani duhet të mbrojmë titullin e kampionit të Evropës. Ne duhet ta mbrojmë pozitën tonë që dërgon në Ligën e Kampionëve dhe më pas duhet të mposhtim edhe Valencian në La Liga”, ka thënë Guardiola.

Maxi i ngazëllyer me golin e ‘ëndrrave’

2012-02-12T14:28:00.002+01:00

Sulmuesi i Milanit, Maxi Lopez, është shprehur se ëndrra e tij është realizuar kur shënoi në fitoren prej 2-1 të Milanit ndaj Udineses, në një rikthim sensacional që mund të jetë në fund krucial për titullin.
“Unë nuk jam thjesht i kënaqur, unë jam jashtëzakonisht i lumtur që shënova për këtë ekip, kjo gjithmonë ka qenë ëndrra ime”.

“Kjo fitore është me rëndësi sepse na jep besim që të shkojmë përpara. Ne duhet të vazhdojmë ta gjejmë momentumin dhe të marrim tri pikët në çdo ndeshje të mbetur”, tha Lopez.

Dalglish fajëson mediat

2012-02-12T14:22:00.001+01:00

Menaxheri i Liverpoolit, Kenny Dalglish, ka fajësuar mediat për tensionin e krijuar gjatë ndeshjes kundër Manchester United, teksa mohon të ketë parë refuzimin e Luis Suarez për të shtrënguar dorën e Patrice Evras.
“Mendoj se tifozët e të dyja palëve para ndeshjes janë sjellë mirë. Ata kanë pasur pak tensione mes tyre, por s’ka problem. Më lejoni të them një gjë – gjatë ndeshjes për FA Cup nuk ka pasur problem, pasi nuk ka pasur emision 24 orësh për këtë takim sikurse kësaj radhe”.

“Unë kurrë nuk e kam ditur se ai nuk ia shtrëngoi dorën. Unë po informohem nga fjalët e gazetarëve. Unë nuk kam qenë aty. Nuk kam parë asgjë. Kjo është e kundërta e asaj që më është thënë”, deklaroi Dalglish.

Suarez: Nuk është ashtu si duket

2012-02-12T11:52:00.003+01:00

Sulmuesi i Liverpoolit, Luis Suarez, është ndjerë i zhgënjyer me atë që ndodhi në Old Trafford, sidomos me rezultatin e takimit, por edhe për veprimin e tij kontravers.
Sulmuesi i The Reds refuzoi t’ia shtrëngonte dorën Patrice Evras, një veprim ky që nxitur tensione në Old Trafford dhe pas ndeshjes shkaktoi polemika nëpër mediumet britanike.

“Ne kemi humbur dhe jemi të pikëllyer sepse ne kemi bërë një gabim të madh...jemi të zhgënjyer sepse gjithçka nuk është ashtu si duket”, theksoi Suarez në Twitter.

Ferdinand: E kam humbur respektin për Suarez

2012-02-12T11:48:00.002+01:00

Mbrojtësi i Manchester United, Rio Ferdinand, ka deklaruar pas fitores ndaj Liverpoolit se gjesti i Luis Suarez kur refuzoi t’ia shtrëngonte dorën Patrice Evras ka bërë që ai ta humbasë respektin për uruguaianin.
“Mendova se ishte vendim-marrje e keqe nga lojtari i tyre. Ishte një temë prekëse në minutat e para dhe këto tensione nuk do të kishin ndodhur po që se ai do t’ia shtrëngonte dorën”.

“Pasi kam parë atë unë vendosa të mos ia shtrij dorën. Ai nuk ka respektin e nevojshëm për t’ia shtrirë dorën dhe ai duhet të kërkojë falje. Unë kam humbur respektin për të. Sot ka mundur të zgjidhet gjithçka, por në fakt gjithçka u komplikua, sidomos jashtë fushe”, tha Ferdinand.

Klopp: Merituam fitoren ndaj Leverkusenit

2012-02-12T11:46:00.002+01:00

Trajneri i Dortmundit, Jurgen Klopp, është ndarë i kënaqur me performancën e lojtarëve të tij ndaj Bayer Leverkusenit në sfidën e zhvilluar në Signal Iduna Park.
“Ishte e qartë nga fillimi se ne nuk do të shënojmë shumë gola ndaj tyre”.

“Ne thjeshtë kërkuam fitoren. Ne e kemi bërë këtë dhe ky triumf është i merituar”, tha Klopp.

Heynckes: Treguam lojë të mirë

2012-02-12T11:41:00.002+01:00

Trajneri i Bayernit të Munichut, Jupp Heynckes, ka lëvduar paraqitjen e lojtarëve të tij ndaj Kaiserslauternit, duke thënë se ata shfaqën futboll të mirë në këtë fitore.
“Është dëshmi e trenit të ngritjes tonë. Ishte një fitore plotësisht e merituar. Ne kemi luajtur shumë futboll të mirë”.

“Nuk ishte e lehtë në pjesën e parë, sepse Kaiserslautern u mbrojt shumë mirë, por ne krijuam shumë raste të mira. Ne kemi mundur të fitojmë me rezultat më të thellë. Jam i kënaqur me mënyrën se si jemi mbrojtur. Ne kemi mbajtur portën të pastër edhe një herë dhe mbajtëm larg kundërshtarin. Jam i kënaqur për këtë”, tha Heynckes.

Ferguson: Suarez nuk duhet të luajë kurrë

2012-02-12T11:31:00.002+01:00

Menaxheri i Manchester United, Sir Alex Ferguson, e quajti të turpshëm refuzimin e Luis Suarez për t’ia shtrënguar dorën Patrice Evras dhe shtoi se sulmuesi i Liverpoolit nuk duhet të luajë kurrë më.
“Nuk kam mundur ta besoj. Unë thjesht nuk kam mundur të besoj. Unë kam pasur një bisedë me Evran këtë mëngjes dhe ai më tha se do t’ia shtrëngojë dorën pasi nuk ka pse të turpërohet dhe se dëshiron ta mbajë dinjitetin. Dhe më pas Suarez refuzon – ai është turpi i Liverpoolit”.

“Lojtari në fjalë nuk duhet të lejohet që të luajë më për Liverpoolin. Me tërë atë histori të atij klubi dhe ai bën këtë në këtë qytet – ai ka mundur të shkaktojë incidente. Ishte zhgënjyese ajo që kam parë nga ai djalosh. Ishte e tmerrshme ajo që ai bëri. Krijoi tension, a e keni parë gjyqtarin, ai nuk ka ditur çfarë të bëjë. E zuri të pa përgatitur dhe ishte mënyrë e tmerrshme për të filluar ndeshjen. U krijua atmosferë e tmerrshme”, deklaroi Ferguson pas fitores ndaj Liverpoolit.

AVB: Humbja më e keqe e sezonit

2012-02-12T11:29:00.001+01:00

Menaxheri i Chelseat, Andres Villas Boas, ka thënë se humbja me rezultat 2-0 nga Evertoni është humbja më e keqe e sezonit për Blutë e Londrës dhe nuk ishte i sigurtë nëse ka parë diçka të mirë në këtë takim.
“Mendoj se ishte një prej ndeshjeve më të këqija të sezonit. Mendoj se ishte më e keqja në çdo sens të fjalës. Evertoni ishte fantastik dhe mendoj se po ngriten në formë”.

“Në performancën tonë nuk jam i sigurtë nëse kishte diçka të mirë. Është ditë e vështirë për ne dhe këtë duhet ta përmirësojmë në FA Cup dhe Ligën e Kampionëve”, potencoi portugezi.

Allegri lëvdon guximin e lojtarëve

2012-02-11T23:51:00.002+01:00

Trajneri i Milanit, Massimiliano Allegri, ka thënë se shpirti ekipor bëri që skuadra e tij të fitonte në ndeshjen e vështirë ndaj Udineses.
Rossonerët ishin në disavantazh prej një goli deri në minutën e 77-të, por në fund ata dolën fitimtarë.

“Mendoj se luajtëm një ndeshje të mirë. Filluam mirë, por u dënuam në pjesën e parë”.

“Në gjysmën e dytë u përmirësuam dhe treguam më shumë kurajë dhe rrezikuam më shumë”.

“Shpirti ynë bëri dallimin. Ishim të bashkuar, sidomos në gjysmën e dytë”, ka thënë Allegri.

Barca jashtë garës për titull (VIDEO)

2012-02-11T23:49:00.002+01:00

Barcelona e ka pësuar edhe humbjen e dytë të sezonit në La Liga, duke u mposhtur si mysafir i Osasunas me rezultat 3-2.
Vendasit krijuan avantazh të dyfishtë në pjesën e parë, ndërsa të dy golat mbanin firmën e të njëjtit lojtar, Dejan Lekic (5’ dhe 22’).

Pak minuta brenda gjysmës së dytë (51’), Blaugranët e ngushtuan diferencën me anë të Alexis Sanchez, mirëpo shumë shpejtë atë e riktheu, Raul Garcia, me golin e tretë të vendasve.

Cristian Tello shënoi një gol të bukur për ta dramatizuar pjesën e mbetur të takimit (73’), mirëpo mysafirët nuk arritën ta barazojnë rezultatin. Ndërsa vlen të përmendet një gol i anuluar për pozitë jashtë loje, vendim që do të hapë mjaft polemika kundrejt arbitrit të ndeshjes.

Kjo humbje e lë Barcelonën shtatë pikë prapa liderit Real Madrid, që e ka mundësinë ta shtojë edhe më shumë këtë diferencë me fitore eventuale kundër Levantes.

Milani tregon dhëmbët

2012-02-11T20:35:00.001+01:00

Kampioni i Italisë në fuqi, Milan, ka regjistruar fitore prej 2-1 si mysafir i Udineses, edhe pse deri në minutën e 77-të ishte në disavantazh.
Antonio di Natale kaloi vendasit në epërsi (19’) dhe me këtë rezultat u mbyll gjysma e parë.

Vetëm në minutën e 77-të, Rossonerët e barazuan rezultatin përmes transferit të ri, Maxi Lopez.

Tre pikë të plota nga ky takim i siguroi Stephan El Shaarawy, i cili e shënoi golin e fitores pesë minuta pa përfunduar koha e rregullt e takimit.

Pas kësaj fitoreje, Milani ngjitet në pozitën e parë në tabelë me dy pikë më shumë se Juventusi që ka dy ndeshje më pak të zhvilluara.

Del Piero zgjon nga koma një 12-vjeçare

2012-02-11T20:33:00.001+01:00

Një mesazhi i incizuar me zë i Alessandro Del Pieros e ka zgjuar nga koma 15-ditore një vajzë 12-vjeçare nga Cerenzia e Italisë.
Il Crotonese njofton se vajza kishte rënë në komë menjëherë pas një ndeshjeje të Juventusit, të cilën e kishte parë në televizor. Ndërkaq, babai i saj, duke ditur se sa e admiron Zonjën e Vjetër e sidomos Alessandro Del Pieron, ka kërkuar nga ikona bianconere që të incizojë një mesazh të shkurtë.

“Shpresoj që të zgjohesh sa më shpejtë që të shikosh golat e mi”, ishte fjalia e incizuar që babai i 12-vjeçares ia kishte lëshuar asaj porsa e kishte marrë nga Del Piero.

Ndërsa pas vetëm 24 orësh pasi e ka dëgjuar zërin e kapitenit të Juves, vajza me emrin Giada është zgjuar nga koma.

“Ishim dëshmitarë të një mrekullie të vërtetë”, ka deklaruara babai i vajzës duke e falënderuar publikisht Del Pieron.

Wenger sulmon mediat për Van Persien

2012-02-11T20:29:00.001+01:00

Bosi i Arsenalit, Arsene Wenger, është tepër i frustruar me raportet e mediumeve spanjolle të cilat thonë se Real Madridi është i interesuar për sulmuesin Robin Van Persie.
“Real Madridi dhe Barcelona nuk na kanë kontaktuar. Çfarë mendoni, cila do të ishte përgjigja? Barcelona e di se me neve e ka të vështirë t’i realizojë planet”.

“Mediat nga ana tjetër janë shumë kreative. Ata kanë krijuar një tregim tjetër. Ata nuk merakosen fare. Ata thjeshtë krijojnë tregime të ndryshme të pa vërteta”, ka thënë francezi.

Juventusi mbron Chiellinin

2012-02-11T20:26:00.001+01:00

Menaxhmenti i Juventusit i është kundërpërgjigjur Milanit për hidhërimin e tyre ndaj Giorgio Chiellinit, pas pohimeve të këtij të fundit se Zlatan Ibrahimovic duhet të dënohet për shuplakën dhënë Storarit.
Xhirimet televizive tregojnë qartë se Ibra goditi Storarin, por Galliani dhe Ambrosini, së bashku me Amelian kanë refuzuar të pranojnë këtë duke kritikuar ashpër Chiellinin.

“Chiellini nuk tregoi batuta. Ai është lojtar i madh dhe një burrë me karakter. Gjithë ajo që bëri ishte se iu përgjigj pytjes së gazetarit pas ndeshjes. As ai dhe as Juventusi nuk tentojnë të gjykojnë atë që tregojnë pamjet televizive. Ne nuk do të bëjmë asnjë lloj ankese”.

“Ne e dimë se Milani është i fortë, me apo pa Ibrën, dhe se Coppa Italia është ende shumë e hapur”, theksoi drejtori i Juves, Giuseppe Marotta, për Sky Italia.

Henry vendimtar - Arsenali në vend të katërt

2012-02-11T18:41:00.001+01:00

Arsenali ka arritur të triumfojë me rezultat prej 2-1 si mysafir i Sunderlandit në Stadium of Light, ndërsa të tre golat u shënuan në njëzet minutat e fundit të ndeshjes.
Topçinjtë u gjetën në disavantazh në minutën e 70-të, kur James McClean shënoi për vendasit.

Mirëpo nuk kaloi shumë kohë (75’) dhe Aaron Ramsey e barazoi rezultatin.

Heroi i mysafirëve rezultoi Thierry Henry, i cili e shënoi golin me vlerën tre pikë (90’+1).

Kjo fitore e pozicionon Arsenalin në vend të katërt në tabelë me pikë të barabarta me Chelsean që u mposht nga Evertoni.

Çka po ndodh me Chelsean

2012-02-11T18:38:00.001+01:00

Skuadra e Chelseat ka përjetuar dështimin e radhës këtë edicion, duke e çuar në gjashtë numrin e humbjeve në Ligën Premier, ndërsa ka regjistruar edhe shtatë barazime.
Kësaj radhe, Blutë ishin viktimë e Evertonit që fitoi me rezultat 2-0 në Goodison Park.

Steven Pienaar shënoi në minutën e pestë, ndërsa Denis Stracqualursi e vulosi fitoren në pjesën e dytë (71’).

Kjo humbje mund t’i kushtojë Chelseat edhe me pozitën e katërt në tabelë, pasi Arsenali e ka arritur me pikë, ndërsa në garë është edhe Newcastle United.

Fitojnë Dortmundi dhe Bayerni

2012-02-11T18:35:00.001+01:00

Dy klubet që i prijnë Kampionatit gjerman, Borussia Dortmund dhe Bayern Munich, kanë regjistruar fitore përballë Bayer Leverkusen, respektivisht Kaiserslautern.
Lideri i Bundesligas dhe kampioni në fuqi, Dortmund, me një gol të vetëm të shënuar nga Kagawa (45’) ka grumbulluar tre pikë që ia sigurojnë vendin e parë në tabelë.

Ndërkohë, Mario Gomez (6’) dhe Thomas Mueller (30’) ishin lojtarët që i mundësuan Bayernit që të mbetet vetëm dy pikë prapa liderit.

Mourinho kritikon mediat

2012-02-11T18:29:00.001+01:00

Trajneri i Real Madridit, Jose Mourinho, përsëri ka kritikuar mediat për qëndrimin që po mbajnë ndaj tij, duke thënë se duhet të pyesin burimet e tyre imagjinare për të ardhmen e tij.
Është spekuluar që një kohë të gjatë për të ardhmen e portugezit, i cili si duket nuk di asgjë për spekulimet e mediave angleze.

“Unë mendoj se për të ardhmen time e dini përgjigjen. Unë nuk jam ai që po i ushqej këto spekulime. Nuk kam më asgjë për të thënë. Ju duhet të pyesni burimet tuaja, të cilat për juve janë anonime, por për mua më shumë se anonime janë imagjinare”, ka thënë Mourinho.

Suarez refuzon ti zgjasë dorën Evras (VIDEO)

2012-02-11T17:43:00.004+01:00

Në derbin e së shtunës ndërmjet Manchester United dhe Liverpool, të cilën e fituan Djajtë e Kuq me rezultat 2-1 nuk mungoi 'armiqësia' ndërmjet lojtarëve të të dyja skuadrave.

Luis Suarez refuzoi që ti zgjasë dorën Patrice Evras për shkak të incidentit që kishte ndodhur në ndeshjen e kaluar në Premier League ndërmjet këtyre dy ekipeve.

Rio Ferdinand ia ktheu në të njëjtën monedhë Luis Suarezit duke dalë në mbrojtje të bashkëlojtarit të tij.

Për më tepër shikoni videon:

Djajtë të fortë për The Reds (VIDEO)

2012-02-11T15:38:00.003+01:00

Me rezultat 2-1 për vendasit ka përfunduar derbi më i madh i kësaj jave në futbollin evropian zhvilluar në Old Trafford mes rivalëve të vjetër, Manchester Unitedit dhe Liverpoolit.
Ishte kjo një sfidë mjaft e tensionuar, e cila u përcjell nga një lojë e dominuar kryesisht nga Djajtë, të cilët me anë të Rooneyt arritën të fitojnë takimin.

E gjithë vëmendja në fillim ishte te Luis Suarez, i cili gjatë përshëndetjeve tradicionale me lojtarët refuzoi t’ia shtrëngojë dorën mbrojtësit Patrice Evra, të cilin e kishte fyer në mënyrë raciste muaj më parë në Anfield. Kjo u përcjell nga reagime jo të natyrshme të lojtarëve të United. Sidoqoftë, ndeshja vazhdoi me një baraspeshë të caktuar në dominim në fillimet e saj, derias United mori kontrollin mbi lojën.
Rastin më të mirë në këtë periudhë e pati Paul Scholes, i cili me kokë pas një harkimi të Giggs nuk arriti të shënojë nga afërsia.
Pjesa e parë përfundoi pa gola, por gjithçka ndryshoi në fraksionin e dytë. Vlen të përmendet se gjatë hyrjes në tunel ka ndodhur një incident mes lojtarëve ku është dashur të intervenojë policia dhe sigurimi i stadiumit.
Pjesa e dytë vazhdoi në mënyrë normale...apo jo dhe aq normalisht. Kjo pasi Wayne Rooney me një volej të bukur kaloi në epërsi Manchester Unitedin (47’) pas vetëm dy minutave brenda pjesës së dytë.Gëzimi i Djajve zgjati dhe u rrit në vazhdim përsëri nga njeriu i ndeshjes, Wayne Rooney (50’), i cili pa problem shënoi për 2-0 dhe epërsinë solide të Djajve në këtë takim.
Në vazhdim, Dalglish bën ndryshime. Largon dy mesfushë për të inkuadruar Craig Bellamyn dhe Andy Carrol, që tregohen lëvizje deri diku të qëlluara. Kurse nga ana tjetër, tifozët e Manchester United këndonin kore ngacmuese “Hey Suarez, sa është rezultati?”.
Dhe ishte pikërisht Luis Suarez ai që u kundërpërgjigj, pasi realizoi pas një pakujdesie në mbrojtje të Manchester United (80’).
Megjithatë, përkundër këtij goli Liverpooli nuk arriti të ndryshojë asgjë deri në fund të takimit dhe sfida përfundoi me rezultat 2-1 dhe fitoren e Manchester United që po shkon drejt titullit të 20-të.
Manchester United përkohësisht është lider me 58 pikë dhe pret rivalin Manchester Cityn që të zhvillojë takimin ndaj Aston Villas të dielën. Liverooli mbetet në pozitën e shtatë.

Suarez: E kam ndërgjegjen e pastër

2012-02-11T15:37:00.001+01:00

Sulmuesi i Liverpoolit, Luis Suarez, thotë se ndërgjegja e tij është e pastër, pas polemikave raciste me mbrojtësin e Manchester United, Patrice Evra.
“Kurrë nuk kam përjtetuar diçka sikurse kjo në javët e kaluara”.

“Ka qenë shumë e vështirë, por kam tentuar që të qëndroj sa më profesionist. Çfarë ka ndodhur do të më ndjekë gjithmonë sikurse një fantazmë, por unë shkoj në Old Trafford me ndërgjegje të pastër”, tha uruguaini para duelit që po zhvillohet momentalisht në Old Trafford e ku refuzoi t'ia jep dorën Patrice Evras.

Ancelotti: Tevez kërkon pagë të majme

2012-02-11T15:35:00.001+01:00

Trajneri i PSG, Carlo Ancelotti, thotë se Carlos Tevez kërkon pagë të madhe që është e pa përballueshme për klubin francez.
“Ne kemi biseduar me agjentin e tij dhe kërkuam transferimin e tij, por ne nuk kemi mundur të arrijmë një marrëveshje”.

“Nuk mendoj se ai do të ndryshojë idetë e tij për përfitimet kontraktuale”, tha Carlito.

Guardiola: E kuptoj Realin pse nuk lejon finalen

2012-02-11T15:33:00.001+01:00

Trajneri i Barcelonës, Pep Guardiola, ka thënë se ai e kupton shumë mirë Real Madridin që nuk dëshiron të lejojë zhvillimin e finales së Copa del Rey në Santiago Bernabeu, pasi në rast të fitores së Barcelonës ndaj Athletic Bibalos, katalanasit do të festonin në mes të Madridit.
“Është një stadium fantastik që ka kapacitet të madh, por unë kuptoj hezitimin e Real Madridit për të pritur një ndeshje mes nesh dhe Athletic Bilbaos. Unë kuptoj se në një finale të Kupës, nuk mund të shkosh aty ku të është caktuar, duhet të bëhet zgjedhje natyrale”.

“Kështu, unë nuk dua që finalja të zhvillohet në San Mames pasi do të ishte përparësi për rivalët tanë. Por, në fund vendimin do ta marrë federata spanjolle e futbollit (RFEF)”, tha Guardiola.

Interi vështron situatën e Villas Boas

2012-02-11T15:31:00.001+01:00

Interi është duke e përcjellur me vëmendje situatën e menaxherit portugez të Chelseat, Andres Villas Boas.
Humbja e thellë e Interit nga Roma ka bërë që Claudio Ranieri të jetë shumë pranë shkarkimit të tij, ndërsa si opsion për Nerazzurët është ish-ndihmësi i legjendarit të zikaltërve, Andres Villas Boas.

A Bola raporpton se Interi po e monitoron me kujdes sitautën e Villas Boas me pronarin Roman Abramovich, pasi besohet se edhe AVB është pranë shkarkimit.

Guidolin: Pres Milan të vërtetë

2012-02-11T15:30:00.002+01:00

Trajneri i Udineses, Fracesco Guidolin, ka pranuar se ai pret që të shohë një Milan të vërtetë në kryendeshjen e javës së 23-të në Serie A që zhvillohet në Friulli të Udines sot në ora 18:00.
“Milani me plot meritë fitoi titullin sezonin e kaluar dhe kudo që ata luajnë, e kontrollojnë lojën. Mendoj se ata janë ekip që mund t’u bëjë ballë ekipeve tjera më të mëdha evropiane, përderisa futbolli jonë është në përmirësim e sipër”.

“Unë pres Milanin e vërtetë ndaj nesh. Unë brengosem për këtë takim pasi nëse nuk jemi të fokusuar, atëherë do të jetë tepër e vështirë sepse unë nuk besoj se Milani është në krizë”, ka thënë Guidolin.

Zubizarreta: Pres rinovim të Guardiolës

2012-02-11T15:29:00.002+01:00

Drejtori i Barcelonës, Andoni Zubizarreta, është i bindur se trajneri Pep Guardiola do të nënshkruajë kontratë të re me klubin katalanas.
“Ai e di se e ka mundësinë për të rinovuar, un ënuk po e kërkoj atë në telefon çdo 10 minuta”.

“Pep e di vet, ai e njeh zhveshtoren dhe klubin dhe ai e si se çfarë është mirë për Barcelonën. Çdo shenjë thotë se ai do të rinovojë, unë nuk e kam një listë të zëvëndësimeve për të”, tha Zubizarreta.

Reali jep Higuainin për Van Persien

2012-02-11T15:27:00.001+01:00

Real Madridi është duke planifikuar që të hapë bisedimet me Arsenalin për transferimin e sulmuesit Robin Van Persie dhe duket se Los Blancos janë tepër serioz për holandezin.
Daily Mail shkruan se Real Madridi do të bëjë një ofertë për Van Persien gjatë afatit kalimtar veror, teksa në garë për holandezin janë edhe shumë klube tjera duke përfshirë dhe Barcelonën.

Mendohet se Merengezët do të ofrojnë sulmuesin e tyre Gonzalo Higuain plus të holla të shtesë për të siguruar firmën e sulmuesit më të mirë në Ligën Premier.

Ferguson: Pse nuk bëtë ankesë për dënimin e Suarez?

2012-02-11T11:48:00.002+01:00

Menaxheri i Manchester United, Sir Alex Ferguson, ka kritikuar Liverpoolin para takimit derbi që zhvillohet në Old Trafford, duke thënë se The Reds është dashur ta apelojnë dënimin e Suarez nëse ai është i pa fajshëm.
“Ata kanë folur shumë, apo jo? Pse nuk e apeluan vendimin?”.

“Ne kemi qenë të dinjitetshëm. Kjo është gjëja e duhur për t’u bërë në këto situata. Ne kemi qëndruar larg kësaj, jemi fokusuar në futboll. Ne nuk mund të bëjmë asgjë për këto gjëra, dikush tjetër i merr vendimet”, tha Ferguson.

Caceres: Ky Juve më i mirë se ai i para dy viteve

2012-02-11T11:47:00.002+01:00

Transferi i ri i Juventusit, Martin Caceres, mendon se ekipi aktual i Juventusit është më i mirë se sa ai i para dy viteve.
“Unë jam shumë i kënaqur me veten dhe me ekipin. Në krahasim me dy vite më parë, shpirti i klubit është krejt ndryshe”.

“Unë nuk po kam vështirësi në adaptim, pasi ne po luajmë shumë mirë dhe ndihem mirë me idetë e Contes. Ne po i marrim gjërat ndeshje pas ndeshje dhe duam gjithmonë të fitojmë”, deklaroi Caceres.

Amelia: Lojtarët e Juves sikur fëmijë

2012-02-11T11:44:00.001+01:00

Portieri i Milanit, Marco Amelia, ka kritikuar lojtarët e Juventusit duke thënë se ata janë sikur fëmijë, pasi Bianconerët kërkojnë që Zlatan Ibrahimovic të dënohet për gjoja shuplakën dhënë Marco Storarit.
“Nëse shikoni xhirimet, duket se nuk është shuplakë, por Ibra ishte duke i treguar Storarit se nuk ishte e drejtë ajo që bëri”.

“Për këtë arsye, ai drejtoi gishtin kah ai që t’i thotë Storarit se ajo që bëri ishte gabim, por ky kaos rodhi nga asgjë, nga lojtarët e Juventusit të cilët reaguan sikurse fëmijë”, tha Amelia.

Chicharito: Synojmë titullin e 20-të

2012-02-11T11:26:00.001+01:00

Sulmuesi i Manchester United, Javier Hernandez, ka zbuluar synimet e Djajve të Kuq e që një prej më të mëdhenjve është titulli i 20-të të cilin klubi nga Old Trafford dëshiron ta fitojë këtë sezon.
“Që të mposhtësh Liverpoolin, nuk ka lidhje se në cilën pozitë jeni – ju duhet ta fitoni atë lloj ndeshje”.

“Është motivim i madh kur e dini se mund të ndryshoni nga numri 19 në 20. Ne duam të luajmë shumë mirë, të fitojmë ato tri pikë dhe të vazhdojmë të luftojmë për titull”, theksoi Chicharito.

Van Persie: Nuk kam folur për Marca

2012-02-11T11:25:00.001+01:00

Sulmuesi i Arsenalit, Robin Van Persie, ka hedhur poshtë spekulimet që e lidhnin atë me një kalim te Real Madridi, duke thënë se ai kurrë nuk është intervistura sportivja spanjolle Marca.
“Përgënjështroj të gjitha raportet e fundit nga Spanja. Unë nuk kam folur asnjëherë për Marca dhe nuk jam intervistuar asnjëherë nga ta”, theksoi Van Persie në Twitter.

“Asnjë të vërtetë, asnjë pyetje, asnjë intervistë”, u përgjigj nga ana tjetër edhe agjenti i Van Persiet, për spekulimet e fundit të cilat duken të rreme nga mediumi prestigjioz sportiv madrilen.

Robben në stol ndaj Kaiserslautern

2012-02-11T11:23:00.001+01:00

Anësori i Bayernit të Munichut, Arjen Robben, do të nxehë përsëri pankinën, kësaj radhe në sfidën ndaj Kaiserslauternit.
Holandezi, i cili vuajti nga forma e keqe për shkak të formës fizike, së fundmi u la në pankinë në sfidën ndaj Stuttgartit dhe fat i njëjtë e pret përsëri edhe ndaj Kaiserslauternit.

“Arjen stërviti sikurse zakonisht, ishte tejet i motivuar. Dhe ai është në formë të mirë, lojtar klasi boëtëror, por nuk do të luajë ndaj Kaiserslauternit për shkak se nuk dua të rrezikoj”, tha Heynckes.

Federer mposhtet nga Isner

2012-02-11T11:22:00.001+01:00

Një prej tenistëve më të mirë në histori, Roger Federer, është mposhtur nga amerikani John Isner në Davis Cup, me rezultat 3-1 në sete.
Federer shfaqi formë të dobët në këtë takim, pasi me të fituar setin e parë, setet tjera i humbi në mënyrë mjaft të çuditshme.

Rezultati i sfidës që eliminoi nga Davis Cup tenistin zvicëran ishte 6-4, 3-6, 6-7 dhe 2-6.

Van Persiet i pëlqen Real Madridi

2012-02-11T11:17:00.001+01:00

Sulmuesi i Arsenalit, Robin Van Persie, ka pranuar se ai është i interesuar në një kalim të mundshëm te gjiganti spanjoll, Real Madrid.
Van Persie është duke u monituruar nga Real Madridi për një transferim gjatë verës dhe përkundër mohimeve të agjentit të holandezit, duket se vet lojtarit i pëlqen kjo ide.

“Unë jam i kënaqur të dëgjoj për një interesim aq të rëndësishëm sikurse i Real Madridit. Natyrisht se do të më pëlqente te luaj në Bernabeu. Por, nuk besoj se Arsenali është i gatshëm të negociojë”, theksoi Van Persie në një bisedë telefonike me të përditshmen spanjolle Marca.