Totti mungon ndaj Lazios

Tashmë edhe zyrtarisht është konfirmuar se Francesco Totti do të mungojë në derbin e kryeqytetit ndaj Lazios, pasi që gjykatësi sportiv, Giampaolo Tosel, e ka dënuar atë me një ndeshje moslojë.
Ishte pritur një suspendim prej dy ndeshjesh për kapitenin e Romës, pasi çoi dorë në Ruben Oliveiran dhe ftoi atë për një konfrontim në tunel.
Tosel shikoi dëshmitë e grumbulluara dhe vendosi që ta dënonte asin romak me një ndeshje moslojë dhe gjobë me para.
Sipas zërave nga Apeninet, Totti do të bëjë një apelim emergjent, me shpresë për të luajtur në derbi.

Category: Futboll