Milito u premton gola fansave të Interit

Diego Milito u ka thënë fansave të Interit të mbeten që qetë pasi ai synon të rikthejë formën e vjetër dhe të ndihmojë ekipin t’u kthehet fitoreve.
Argjentinasi, i cili ishte figurë me ndikim në ngritjen e tre titujve të Interit në sezonin 2009/10, ndjehet plot vetëbesim se ai do të harrojë problemet me lëndime dhe do të ndihmojë ekipin të rikthejë Skudeton.

“Fansat e Interit nuk duhet të shqetësohen. Premtoj se do të ketë shumë gola dhe do të fitojmë së bashku. Vitin e kaluar kam bërë gabim dhe u riktheva nga lëndimi shumë herët. Tash jam mirë, i pushuar dhe dua të jem vendimtar”, ka thënë Milito për Corriere dello Sport.

Milani shihet si favoriti kryesor për të mbrojtur titullin e Serie A, por sulmuesi mendon se Nerazzurët janë të gatshëm ta sfidojnë si rivalin lokal, po ashtu edhe Juventusin.

“E respektoj Milanin, por dua t’i mposht ata. Juventusi mund të fillojë të shikojë kah Skudeto, fatmirësisht ata nuk nënshkruan me Sergio Aguero”, ka shtuar më tej Milito.

Category: Futboll