Nasri preferon Unitedin

Mesfushori i Arsenalit, Samir Nasri, raportohet se ka preferuar t’i bashkohet Manchester United para Manchester Cityt.
Nasri pritet këtë javë të largohet nga Emirates Stadium me Cityn që flitet se do të jetë destinacioni i tij i ardhshëm.

Megjithatë Le Parisien shkruan se Nasri ka pasur një darkë me shokun e tij të QPR, Adel Taarabt, dhe i ka thënë atij se opsionet e tij të preferuara ishin Barcelona, Real Madrid dhe United.

Megjithatë, ndryshe nga raportet, United kurrë nuk ka negociuar me Arsenalin për transferimi e Nasri, e le më të bëjë ofertë.

Thuhet se United nuk kanë qenë në garë dhe as dy klubet spanjolle nuk kanë qenë të interesuara për Nasri.

Category: Futboll