Wenger kërkon qartësim nga UEFA-ja

Arsene Wenger ka kritikuar rregullat e paqarta të UEFA-së, derisa menaxheri i Arsenalit rrezikon të mungojë edhe një ndeshje tjetër në Ligën e Kampionëve.
Wenger pret të mësojë nëse atij do t’i lejohet të dalë në fushë për ndeshjen e kthimit ndaj Udineses, pasi në ndeshjen e parë ishte i suspenduar por komunikoi me zëvendësin e tij përmes një personi të tretë, që u tha se ishte në kundërshtim me rregullat e UEFA-së.

“Ishte shumë vështirë pasi ju nuk e dini se cilat janë rregullat. Ata na thanë neve së pari se, përmes asistentit tim, mund të komunikojmë. Dhe pas pjesës së dytë thanë nuk mundesh kështu”.

“Kjo vërtet është shqetësim pasi deri në çfarë shkalle mund ta ndalosh dikë të bëjë punën e tij? Ne u përpoqëm t’i respektojmë rregullat dhe rregullat caktohen nga UEFA. Por, sigurisht, është shumë vështirë të shohësh se ku mund të ndalosh një person të ketë influencë. Nuk mund të shkosh në dhomën e zhveshjeve – kështu e kuptoj unë dhe unë nuk e kam bërë këtë”, ka thënë Wenger.

Category: Futboll