Bayerni triumfon në derbi

Me rezultat prej 2-0, Bayern Munichu e ka mposhtur Schalken në kryendeshjen e kësaj jave në Bundesliga.

Heroi i ndeshjes ishte anësori Franck Ribery, i cili realizoi të dy golat e bavarezëve.

Ribery pranoi një top të gjatë nga Luiz Gustavo për epërsinë e parë (36’) dhe me rezultat 1-0 skuadrat shkuan në pushime.

Dhjetë minuta brenda pjesës së dytë, francezi realizoi edhe golin e dytë, ndërsa asistues ishte Thomas Mueller.

Aktualisht, Bayern Munichu gjendet një pikë prapa liderit Borussia Dortmund që e zhvillon ndeshjen e kësaj xhiroje kundër Hannoverit.

Category: Futboll