Falcao caku kryesor i Chelseat

Chelsea e ka shndërruar sulmuesin e Atletico Madrid, Radamel Falcao, në cakun kryesor të verës.

London Evening Standard shkruan se objektivi i Chelseat për sezonin e ardhshëm është të forcojë vijën sulmuese me 26-vjeçarin, i cili iu bashkua Atletico Madridit nga Porto verën e kaluar për 35 milionë funte.

Falcao ka shkëlqyer në sezonin e tij të parë në Spanjë duke shënuar 20 gola për klubin e ri dhe duke e mbajtur në garë skuadrën në Europa League pas dy kampanjave të suksesshme të tij në Portugali.

Category: Futboll