‘Barca zgjodhi Guardiolan para Mourinhos’
Ish- drejtori sportiv i Barcelonës, Txiki Begiristain, ka treguar se trajneri i Real Madridit, Jose Mourinho, ishte njëri nga kandidatët për ta zënën vendin e Frank Rijkaardit në vitin 2008.
Pas një sezoni zhgënjyes, katalunasit ishin në kërkim të një trajneri, ndërsa asokohe portugezi ishte pa punë dhe ishte kontaktuar nga drejtuesit e Barcës, të cilët megjithatë në fund vendosën ta angazhonin Guardiolan.
“Pep ishte një lojtar i shkëlqyer, nga radhët tona të të rinjve. Prandaj, ishte e lehtë për të që ta kuptonte sistemin dhe filozofinë që kemi”.
“Mourinho mund të kishte ardhur, ne kontaktuam me të, por Guardiola e di me saktësi se kush është Barcelona. Ai kishte përparësi ndaj Mourinhos”, ka thënë Begiristain për Sky Sport.
Category: Futboll
0 Komente