Del Bosque dëshiron Realin dhe Barcën në finale

Trajneri i Spanjës, Vicente del Bosque, nuk është i shqetësuar për mundësinë e një finaleje mes Real Madridit dhe Barcelonës në finalen e Ligës së Kampionëve.
Rivaliteti mes këtyre klubeve është aq i madh saqë ka shqetësime se kjo mund të ndikojë negativisht te përfaqësuesja spanjolle, mirëpo kështu nuk mendon Del Bosque

“Duhet të kënaqemi me këtë moment, sepse janë pesë klube spanjolle në gjysmëfinale të garave evropiane, ndërsa ekipi kombëtar nuk ka të bëjë me këtë. Çfarëdo që të ndodhë nuk do të ketë pasoja në ekipin kombëtar”.

“Ne e duam një finale të Ligës së Kampionëve mes Madridit dhe Barcës, sepse kjo nuk do ta dëmtonte ekipin kombëtar, sepse ne e dimë se dikush do të fitojë e dikush do të humbë. Lojtarët janë të përgatitur për diçka të tillë”, u ka thënë Del Bosque gazetarëve.

Category: Futboll