Juventusi kërkon Fabio Borinin

Sulmuesi i Romës, Fabio Borini, është duke u lidhur me një transferim te Juvensuti gjatë afatit kalimtar veror.

Kampioni i Italisë është duke e përcjellë nga afër sulmuesin, i cili tash është në bashkëpronësi të Romës dhe Parmës.

“Nuk di asgjë për interesimin e Juventusit. Nuk e di nëse klubet kanë biseduar. Unë nuk jam kontaktuar as nga Juventusi, Parma ose Roma”, ka thënë agjenti i lojtarit, Marco De Marchi.

“Por është normale që një lojtar si Fabio, dikush që ka margjina të përmirësimit, monitorohet nga top klubet pas sezonit që ka pasur”, ka shtuar agjenti.

Category: Futboll