Buffon: Largimi i Cavanit nuk e ka dobësuar Napolin

Portieri i Juventusit, Gianluigi Buffon, beson se largimi i Edinson Cavanit drejt Paris Saint-Germain gjatë afatit kalimtar veror nuk e ka dobësuar Napolin.

Dy gjigantët italianë do të përballen gjatë vikendit në San Paolo dhe Buffon mendon se ata do të kenë përballë të njërën skuadër kualitativ si ajo e vitit të kaluar.

“Në përgjithësi, skuadra e Rafa Benitez është më e fuqishme dhe më me përvojë se vitin e kaluar”.

“Largimi i Cavanit mund të kishte pasur ndikim nëse ata do të kishin sjellë dikë me kualitet më të vogël”.

“Megjithatë, dallimi nuk ndjehet kur ju sillni dikë si Higuain. Ai ka aftësi të ndryshme, por është i njëjtë në kualitet”, ka thënë Buffon për Corriere dello Sport. /Telegrafi/