City në humbje 121 milionë funte

Manchester City ka bërë të ditur se ka regjistruar humbje prej 121 milionë funtesh për 12 muaj, deri më 31 maj të këtij viti, duke shpenzuar kështu më shumë në paga të lojtarëve, se sa fitimi total i gjeneruar.
Humbja financiare, deri në 92.5 milionë funte për vitin e kaluar, përbën një prej humbjeve më të mëdha në histori të Ligës Premier.
Me rastin e konfirmimit të këtyre humbjeve të jashtëzakonshme, shefi ekzekutiv i Cityt, Garry Cook, ka bërë të ditur se ‘qytetarët’ do ta shtrëngojnë xhepin në afatet e ardhshme kalimtare për blerjen e lojtarëve të ndryshëm.
“Blerjet e lojtarëve në shkallën në të cilën kemi bërë së fundmi, nuk do të ketë nevojë që të bëhen tani e tutje. Kemi një skuadër në formë ideale”, u shpreh Cook.

Lexo më shumë

Wenger: Do ta mposhtim Chelsean

Menaxheri i Arsenalit, Arsene Wenger, ka folur për gjasat e skuadrës së tij për ta mposhtur Chelsean, duke thënë se Blutë e Londrës mund të mposhten, për shkak se Topçinjt e kanë forcën e nevojshme për këtë.
“Besoj se kemi mjaft forcë për ta fituar ndeshjen dhe kjo është ajo që duam të bëjmë. Nëse ne shfaqim paraqitje fantastike, atëherë mendoj dhe jam i bindur se do t’i mposhtim ata”.
“Futbolli varet nga performanca ditore. Me rëndësi është: a kemi potencialin për ta mposhtur Chelsean? – Unë them se PO. A është Chelsea ekip i mirë? Them se po, por ne mund të mposhtim një ekip të mirë”, deklaroi francezi.

Lexo më shumë

Mourinho: Nuk do ta drejtoj Anglinë

Një ndër strategët më prominent në botë, Jose Mourinho, ka hedhur poshtë mundësinë e drejtimit të përfaqësueses angleze, pasi që mendon se postin e trajnerit të një kombëtareje duhet ta marrë një trajner i atij vendi.
“Mendoj se kombëtaret janë: Anglia për anglezët dhe Portugalia për portugezët”.
“Unë një ditë do të luaj kundër Anglisë me Portugalinë time, por Portugalia duhet të presë edhe një kohë të gjatë”, theksoi Mou për BBC.

Lexo më shumë

Coutinho i nderuar të luajë për Interin

Supertalenti i Interit, Philippe Coutinho, ka folur për kohën e kaluar të tij në klub deri tani, duke sqaruar se ai është i lumtur dhe i nderuar që luan për një klub si Interi, ndërsa për hyrjen e tij në formacionin bazë ka falënderuar Rafa Benitezin dhe Ivan Cordoban.
“Unë mendova se do të jetë e vështirë të hyja në skuadër, për shkak se Interi fitoi gjithçka që duhej fituar vitin e kaluar me shumë lojtarë të shkëlqyer. Por, falë Zotit, mundësitë kanë ardhur. Unë kam stërvitur shumë për këtë”.
“Jam i nderuar sepse ky është klubi më i madh në Evropë, ku të gjithë lojtarët e rinj do të donin të luanin. Pos Benitezit edhe Cordoba më ka ndihmuar shumë gjatë stërvitjeve”, u shpreh Coutinho.

Lexo më shumë

Allegri: Nuk varemi nga Ibra

Trajneri i Milanit, Massimiliano Allegri, ka reaguar ndaj deklaratave të lojtarëve Rossoner dhe ekspertëve të futbollit, të cilët thonë se Milani varet nga Ibra.
“A jemi të varur nga Ibra? Mendoj se kjo temë është konstruktive, sepse nëse Ibra shënon, atëherë do të thotë se aty janë lojtarë të cilët janë të gatshëm për ta shërbyer atë. Ne kemi lojtarë të cilët mund ta gjejnë rrjetën në çdo situatë, po flas për sulmuesit tanë, mesfushorët dhe mbrojtësit. Golat e Ibrës nuk mjaftojnë, por padyshim se janë të rëndësishëm”.
“Potenciali taktik i Milanit është i jashtëzakonshëm, por kemi nevojë për të gjithë, në mënyrë që të provojmë sisteme të ndryshme. Në mënyrë që të fitojmë në bazë të rregullt, ne duhet të përdorim sisteme të ndryshme. Fatmirësisht, lojtarët e kanë kuptuar rëndësinë e të ndihmuarit të njëri tjetrit në fushë”.
“Shumë lojtarë të ekipit kanë pasur raste shënimi dhe kur e them këtë i referohem Seedorfit, Robinhos, Boatengut dhe Flaminis”, tha Allegri.

Lexo më shumë

Totti: Kurrë nuk do bëhem trajner

Kapiteni i Romës, Francesco Totti, ka thënë se ai nuk e ka ndërmend të bëhet trajner, kur të vijë koha që ai të pensionohet.
“Nuk e di se çfarë do bëj kur ta përfundoj karrierën. Por, sigurisht se nuk do të bëhem trajner. Unë jam shumë i mirë për këtë”.
“Preferoj t’i shmangem punës si trajner, pasi që do të ndjehesha keq”, u shpreh Totti.

Lexo më shumë

Reali ishte pranë Kakas në vitin 2002

Real Madridi për pak sa nuk e transferoi Kakan në vitin 2002, para se Milani trokiti dyert dhe e mori superyllin e të ardhmes, gjithnjë nëse bazohemi në fjalët e ish-agjentit të brazilianit.
“Unë shkova te Milani pasi isha kontaktuar, por Leonardo më tha se ata kurrë nuk kanë pasur nevojë për Kakan, për shkak se e kanë pasur Rui Costan dhe Rivaldon”.
“Unë i thashë lamtumirë Milanit dhe shkova drejt e në Madrid, ku ne kishim arritur një marrëveshje prej 7 milionë dollarësh, që do ta shihte atë të huazuar te Getafe. Reali po festonte për transferimin e Kakas, por më pas stafi i Milanit më telefonoi përsëri dhe ne arritëm marrëveshjen, përndryshe Kaka do të shkonte te Reali që në vitin 2002”, deklaroi Wagner Ribeiro, ish-agjent i superyllit brazilian.

Lexo më shumë

Amauri: Interi nuk është i pamposhtshëm

Sulmuesi i Juventusit, Amauri, ka thënë se ndeshja ndaj Interit, që zhvillohet të dielën, është një sfidë e cila mund të fitohet nga Bianconerët.
“Interi? Presidenti ynë ka ftuar tifozët që të mbesin të qetë dhe kjo është në rregull, për shkak se është një ndeshje e cila ndjehet thellësisht nga një publik i gjerë. Shpresojmë të luajmë mirë në derbi d’Italia, por ne e dimë se Interi është shumë i fortë”.
“Ata kanë një trajner të madh në Rafa Benitezin dhe ata luajtën mirë edhe në Ligën e Kampionëve. Por, ata nuk janë të pamposhtshëm. Unë do të bëj gjithçka për të luajtur, është një ndeshje të cilën nuk dua ta humbas”, u shpreh Amauri për Juventus Channel.

Lexo më shumë

Collina: Kurrë nuk jam vënë nën presion

Ish-gjyqtari më i mirë në botë, Pierluigi Collina, ka thënë në seancën dëgjimore për rastin e hetimit të Calciopolit në Napoli, se ai kurrë nuk ka rënë nën ndikimin e planifikuesve të gjyqtarëve.
Collina tha se kurrë nuk ishte vënë nën presion për ndikim në rezultatet e ndeshjeve mes vitit 2004 dhe 2006, përderisa ekipi i Luciano Moggit ftoi një numër të dëshmitarëve për rastin në fjalë.
“Unë kurrë nuk kam pranuar ndonjë presion nga planifikuesit në favor të Fiorentinës”, i tha Collina gjykatës në lidhje me barazimin e Juves prej 3-3 ndaj Fiorentinës.
“Kishte ndonjë problem me golin apo jogolin e Cannavaros? Po, asistenti më tha se topi kurrë nuk e kaloi vijën fatale, ndërsa loja vazhdoi. Më kujtohet trajneri i Juventusit, Fabio Capello i cili tha se topi e kaloi vijën, por unë e shikova edhe njëherë pas ndeshjes dhe nuk e di nëse ai ishte gol. Varet se si e shikoni”, përfundoi Collina.
Në ndërkohë, edhe Federata Italiane e Futbollit (FIGC), ka filluar sot edhe zyrtarisht hetimet e saja të pavarura në lidhje me provat e ofruara nga mbrojtja e Moggit, për titujt e marrë nga Interi. Është shumë e mundur që rezultati i këtyre hetimeve të prekë skuadrën Nerazzure, nëse provat janë të vërteta.

Lexo më shumë

De Gea: Pse të largohem nga Atletico

Portieri i Atletico Madridit, David De Gea, ka mohuar spekulimet që e lidhnin atë me një kalim te Manchester United, pasi që thotë se është mjaft i lumtur në Vicente Calderon.
“Më pëlqen që klube të mëdha janë të interesuara për mua, por unë jam shumë i lumtur këtu. Nëse jeni të lumtur te një klub, atëherë pse ta ndërroni”.
“Dua të vazhdoj të ngritem këtu. Unë kam ende edhe shumë gjëra për të bërë. Më pëlqen të luaj në këto ngjyra dhe dua të kënaqem me momentet sikur këto që i kam tani, ndërsa dua t’u ndihmoj bashkëlojtarëve sa më shumë që është e mundur. Unë dua të kaloj sa më shumë vite këtu”, deklaroi De Gea.

Lexo më shumë

Xavi mungon ndaj Mallorcas

Barcelona ka konfirmuar se mjeshtri i mesfushës, Xavi, nuk është ftuar për ndeshjen derbi të javës së gjashtë në La Liga, kur Blaugranët do të përballen me ishullorët e Mallorcas në tempullin epik, Camp Nou.
Xavi poashtu është lënë jashtë sfidave kualifikuese të evropianit, ndaj Skocisë dhe Luksemburgut, për shkak të një dëmtimi në tendinën e akilit.
Xavi do të mungojë së paku deri më 17 tetor, kur Barcelona do të takohet në superderbin spanjoll me Valencian.

Lexo më shumë

Definitive - Fabregas mungon ndaj Chelseat

Menaxheri i Arsenalit, Arsene Wenger, ka konfirmuar se mesfushori, Cesc Fabregas, definitivisht nuk do të luajë në ndeshjen e të dielës ndaj Chelseat.
“Fabregas nuk është i gatshëm për lojë, ashtu si Almunia”.
“Ne gjithashtu e humbëm Gibbsin të martën mbrëma me një lëndim në kavilje, ndërsa ai është edhe jashtë kombëtares angleze. Ai do mungojë për dy apo tre javë”, konfirmoi francezi.

Lexo më shumë

Giggs: Nuk na brengos Rooney

Mesfushori i Manchester United, Ryan Giggs, nuk beson se besimi i Wayne Rooneyt është një problem për skuadrën nga Old Trafford.
“Nuk shoh ndonjë problem në besimin e tij. Kur ju jeni duke shënuar gola, ju mendoni se do të shënoni në çdo ndeshje. Gjithmonë ka qenë kështu. Por, kjo nuk është brengosëse, as për Rooneyn e as për Unitedin si ekip”.
“Mendoj se mënyra e vetme për ta tejkaluar këtë situatë është puna e madhe në stërvitje. Për momentin ai nuk po shënon, por kjo do të ndryshojë së shpejti sepse ai është lojtar i klasit botëror”, u shpreh Giggs.

Lexo më shumë

Del Neri: Nuk i frikësohemi Interit

Trajneri i Juventusit, Luigi Del Neri, pret një ndeshje të hapur ndaj Interit në derbi d’Italia, ndërsa pohon të ketë armatosur si duhet ushtrinë e tij.
“Kam pasur disa ndeshje të rëndësishme në karrierën time dhe kjo është një që i intereson gjithë Italisë. Juventusi është ekip që pëlqehet nga gjithë Italia dhe për këtë arsye ne po shkojmë atje për të bërë më të mirën. Është ndeshje shumë e rëndësishme, por unë kam luajtur shumë ndeshje tjera më të rëndësishme. Unë jam i qetë dhe ashtu është edhe ekipi”.
“Një trajner që është i frikësuar për një ndeshje duhet të ndërrojë karrierën. Natyrisht, ata janë kampionët e Evropës dhe ne e dimë fuqinë e tyre, por ne duam që të shkojmë atje dhe të luajmë lojën tonë. Ne nuk njohim kufinj dhe nëse luajmë ashtu si ndaj Manchester Cityt, atëherë ne do ta mposhtim Interin”, deklaroi Del Neri.

Lexo më shumë

Malouda: Arsenali një test i vështirë për Chelsean

Anësori i Chelseat, Florent Malouda, pret një test të vështirë gjatë ndeshjes së të dielës kundër Arsenalit.
Blutë do përballen me Arsenalin pas disfatës ndaj një rivali tjetër për titull, Manchester Cityt, dhe Malouda thotë se derbi londinez nuk do jetë aspak i vështirë.
“Ne duhet të jemi në kontroll, të ruajmë ritmin e lojës dhe të fokusohemi në ndeshjen tonë. Për ta, është një ndeshje në udhëtim dhe ne kemi parë shumë herë se ekipet që vuajnë këtu përpiqen ta mbyllin lojën”.
“Arsenali gjithmonë ka luajtur në të njëjtën mënyrë, duke pasuar lojën, ata kanë kualitete teknike. Do të jetë një sfidë e madhe për ne për të fituar kundër një ekipi të katërshes së madhe”.
“Ndeshja është e rëndësishme pasi ata janë prapa nesh dhe ne duam ta shtojmë diferencën. Ne humbëm kundër Manchester Cityt dhe kemi një ndeshje në shtëpi për t’u rikthyer kah fitoret. Nuk do të jetë e lehtë”, ka thënë Malouda.

Lexo më shumë

Owen do të rikthehet te Liverpooli?

Sulmuesi i Manchester United, Michael Owen, është duke u lidhur me një transferim të befasishëm te Liverpooli.
Menaxheri i Liverpoolit, Roy Hodgson, dëshiron të shtojë opsionet në sulm dhe spekulohet se ai është duke menduar të transferojë Owen në afatin kalimtar të janarit.
Ish-sulmuesi i Të Kuqve dështon të gjejë vend në formacionin e parë të Manchester United, dhe ka mbeti nën hijen e sulmuesve të tjerë në Ligën e Kampionëve ndaj Valencias, edhe pse shënoi në ndeshjen para saj, kundër Boltonit.
Kontrata e tij përfundon në fund të sezonit dhe Hodgson mund të jetë në gjendje të marrë shërbimet e tij për një shumë prej afro 4 milionë funte.
Në tetë vite në Anfield, ai ka shënuar 158 gola në 297 ndeshje, para se të largohet në vitin 2004 drejt Real Madridit.

Lexo më shumë

Ibrahimovic kishte turp të qëndrojë te Barcelona

Zlatan Ibrahimovic ka qenë ai që ka kërkuar të largohet nga Barcelona, pasi kishte ndjerë turp të vazhdojë të qëndrojë në Camp Nou, thotë agjenti i tij.
Agjenti i sulmuesit suedez, Mino Raiola, thotë se Ibra ishte ndjerë i ofenduar kur Barcelona kishte kthyer vëmendjen kah transferimi i David Villa. Lojtari më pas kishte qenë i qartë në atë që dëshironte dhe kishte shfrytëzuar ndikimin e Raiola për t’iu bashkuar Milanit.
“Ibrahimovic më kërkoi ta nxjerr nga Barcelona, pasi ai ishte i turpëruar të qëndrojë atje”, ka thënë Raiola për revistën GQ, siç citohet nga La Gazzetta dello Sport.
“Ai më këshilloi mua edhe për Mario Balotellin, duke më thënë se ai është shumë më i fuqishëm se që ishte Ibrahimovic në moshën e tij. Problemi është se Mario mendon se ai tashmë është më i fuqishëm se Ibrahimovic”, ka shtuar Raiola.

Lexo më shumë

Chelsea vazhdon të përcjellë situatën e Mexes

Chelsea vazhdon të mbajë nën vështrim negociatat e Philippe Mexes me Romën, shkruan e përditshmja angleze Daily Mail.
Mbrojtësi i qendrës aktualisht është në vitin e fundit të kontratës së tij me klubin italian dhe ende nuk ka nënshkruar vazhdimin e kontratës që do ta mbajë atë në Olimpico edhe pas fundit të këtij sezoni.
28-vjeçari ishte vetëm një pjesë periferike e kampanjës së klubit në sezonin e kaluar, pasi ai filloi vetëm 17 ndeshje nën drejtimin e menaxherit Claudio Ranieri.
Por karriera e tij ndërkombëtare ka filluar të zgjohet, dhe pasi u la anash nga Botërorët në vitin 2006 dhe 2010, ai tash është në garë për të qenë kapiten i kombëtares dhe kjo ka tërhequr edhe më shumë vëmendjen e klubeve të mëdha evropiane, përfshirë edhe Chelsean.
Arsenali, Manchester City dhe Milani po ashtu janë lidhur me një transferim të Mexes gjatë verës së kaluar.

Lexo më shumë

Terry: Do të fitojmë kundër Arsenalit

Kapiteni i Bluve, John Terry, shpreson se Chelsea do t’u kthehet fitoreve që në ndeshjen kundër Arsenalit.
“E vetmja gjë e mirë në renditjen e ngjeshur është se kur humbeni keni vetëm dy-tre ditë për të menduar për këtë. Me rëndësi është të dalim në fushë dhe t’u tregojmë fansave se si mund të luajmë”.
“Tash është e rëndësishme t’iu kthehemi fitoreve që në ndeshjen kundër Arsenalit, që sigurisht është një përplasje e madhe”, ka thënë Terry.

Lexo më shumë

Wenger: Gjasat e Fabregas për derbi janë 50-50

Arsene Wenger thotë se ai do t’i japë kohë kapitenit Cesc Fabregas deri të shtunën në mëngjes për të pohuar formën e tij për ndeshjen kundër Chelseat, dhe thotë se shanset e tij janë 50 me 50.
Kapiteni i Topçinjve u lëndua në ndeshjen e Ligës Premier kundër Sunderlandit dhe është jashtë fushe për gati dy javë. Ai pritej të rikthehet për derbin londinez, por kjo mund të jetë e dyshimtë.
“Nuk e di. Duket sikur 50-50, por një 50-50 që anon kah ana negative. Do ta di të shtunën në mëngjes nëse ai do të luajë”, ka thënë Wneger për Arsenal TV Online.

Lexo më shumë

Ancelotti: Me Drogban jemi më të fuqishëm

Carlo Ancelotti thotë se sulmi i Chelseat duket më ndryshe kur Didier Drogba është në fushë.
Drogba nuk ishte pjesë e ndeshjes kundër Marseille për shkak të suspendimit, por ai sigurisht se do të jetë startues në takimin e të dielës kundër Arsenalit.
“Ekipi është ca më ndryshe kur luan Drogba, pasi mund të shfrytëzojmë fuqinë dhe aftësinë e tij në gjashtëmbëdhjetëshe. Ndryshe janë lëvizjet e sulmit kur ai është në fushë. Më mirë është kur luajmë me Drogba, por mundemi edhe pa të”, ka thënë Ancelotti.
Trajneri italian së fundi është goditur nga një lajm i keq – vdekja e babait të tij. Ai ka fluturuar për në Itali, ndërsa do të rikthehet në Londër të shtunën dhe do të jetë në Stamford Bridge për derbin e Ligës Premier.

Lexo më shumë

Mancini i shqetësuar për mungesën e sulmuesve

Menaxheri i Manchester Cityt, Roberto Mancini, thotë se do të ishte mirë t’i ketë të gjithë sulmuesit në formë ashtu që të mund të pushojë lojtarët si Carlos Tevez.
City barazoi mbrëmë me Juventusin në kuadër të Europa League, duke e lënë Mancinin të mendojë se si t’i pushojë disa prej lojtarëve të tij, për shkak të orarit të ngjeshur.
“Jam i shqetësuar me situatën. Nëse do t’i kishim të gjithë sulmuesit në gjendje, mbase Carlos do të mund të mungonte ndonjë ndeshje, ndonjëherë. Por e dinim se do të kishim problem me lëndimet deri në fund të muajit”.
“Pas ndeshjeve të ardhshme ndërkombëtare, mund të kemi disa lojtarë të rikthyer dhe Jo e Emmanuel Adebayor mund të rikthehet 100%”, ka thënë Mancini.

Lexo më shumë

Stankovic nuk e sheh Milanin si rival

Mesfushori i Interit, Dejan Stankovic, ka mohuar se Milani mund të jetë një rival serioz për titullin e Serie A.
Stankovic është i pa shqetësuar për stuhinë blerëse të Milanit gjatë verës.
“Nënshkrimet e tyre? Nuk mund ta blini suksesin me një ose dy individë. Ne e kemi dëshmuar këtë me ardhjen e Samuel Eto’o, i cili madje ka luajtur edhe si mbrojtës për ekipin. Është ekipi, bashkimi ekipor, ai që sjell fitoret”, ka thënë mesfushori serb.
Interi do të përballet me Juventusit të dielën mbrëma, një ekip të cilit Stankovic për pak iu bashkuara, para se fansat në Torino të ndalojnë transferimin e me anë të protestave.

Lexo më shumë

Arbeloa kërkon durim nga fansat

Mbrojtësi i Real Madridit, Alvaro Arbeloa, thotë se Real Madridi punon në vazhdimësi nën drejtimin e trajnerit Jose Mourinho dhe ka porositur fansat të jenë të durueshëm.
“Ekipi kurrë nuk ndalon së ndërtuari, gjithmonë ka diçka që mund të përmirësohet dhe gjithmonë ka gjëra për të cilat duhet të punohet. Ky është një projekt afatgjatë dhe ne jemi në fillim të rrugës. Ka ende të bëhet”.
“Fansat kërkojnë gola. Ne jemi të vetëdijshëm për rezultatet jo të mira në ballë të golit. Gjëja më e rëndësishme është që ana ofensive e lojës tonë të përmirësohet dhe ne jemi duke përvetësuar ide të reja nga trajneri. Deri në fund të sezonit do të shënojmë shumë gola”, ka thënë Arbeloa.

Lexo më shumë

Messi: Gjuri im është për mrekulli

Njëshi i Barcelonës, Lionel Messi, thotë se gjuri i tij nuk e shqetëson atë më, pasi argjentinasi u paraqit për një kohë të shkurtër në barazimin 1-1 ndaj Rubin Kazan.
Kishte frikë se Barca rrezikonte edhe më shumë lëndimin duke e lejuar Messi të luajë në Ligën e Kampionëve, por Messi thotë se ai ndjehet mirë.
“Jam tepër i kënaqur me gjurin tim. Nuk është diçka që më shqetëson dhe nuk kam vërejtur dhimbje. E dinim se Rubin do të ishte vështirë për ne. Ata luajtën mirë në mbrojtje dhe ata po ashtu shënuan një penalti kundër nesh. Mbase na mungoi rrjedhshmëria në sulm me qëllim që të gjejmë vrimat e ngushta të tyre në mbrojtje”, ka thënë Messi.

Lexo më shumë

Del Neri: E shkelëm me lojë Manchester Cityn

Trajneri i Juventusit, Gigi del Neri, është krenar me lojtarët e tij pas barazimit 1-1 ndaj Manchester Cityt në Europa League.
Biankonerët kaluan të parët në avantazh me anë të Vincenzo Iaquinta, por vendasit anglezë arritën të barazojnë me anë të Adam Johnson.
“Ne e detyruam Manchester Cityn të luajë keq dhe e merituam plotësisht pikën këtë mbrëmje. Ishte një paraqitje e fuqishme e Juve, pasi ne kurrë nuk e humbëm dëshirën për të fituar deri në fund dhe kishim disa raste të mira për të fituar”.
“Jam i kënaqur me rezultatin, veçanërisht për ata të cilët thoshin se ne do të humbasim sonte dhe do të pranonim shumë gola”, ka thënë Del Neri.

Lexo më shumë

Iaquinta: Të gatshëm për Interin

Vincenzo Iaquinta shënoi golin e epërsisë në barazimin prej 1-1 ndaj Manchester Cityt, por sulmuesi italian tani nuk mendon për golin, por për Interin.
“Ishte kjo një ndeshje e madhe, ne duhet të mësojmë që ta mbajmë më mirë topin”.
“Tani jemi të gatshëm që të merremi me Interin”, theksoi Iaquinta.

Lexo më shumë

Hodgson: Ishte pikë e mirë

Edhe barazimi pa gola ndaj Utrechtit na tregoi se Liverpooli nuk është në formën më të mirë, por menaxheri Roy Hodgson nuk ishte dhe aq i zhgënjyer pas pikës së fituar.
“Ishte një pikë e mirë. Ne e kemi ditur se do të jetë ndeshje e vështirë. Rastet e tyre i krijuam ne vetë me gabimet tona”.
“Ato kanë ardhur si rezultat i gabimeve fatkeqe individuale. Nëse mendoj për formën e ekipit tim dhe për mënyrën se si i kemi hyrë ndeshjes, unë nuk kam asgjë tjetër për të thënë, pos për ta lëvduar ekipin tim”, u shpreh Hodgson.

Lexo më shumë