Trajneri i njohur zvicëran, Otamr Hitzfeld ka dhënë një deklaratë e cila për shumëkënd është e padrejtë. Hitzelfd ka folur për Topin e Artë duke thënë se këtë vit duhet ta fitoj Thomas Muller, Gotze apo Lewandowski.

“Lojtarët e Dortmundit dhe Bajernit kanë rastin për të fituar Topin e Artë këtë vit. Finalja e Ligës së Kampionëve do të jetë moment i rëndësishëm.

Tomas Myler më ka impresionuar këtë sezon. Ai është zhvilluar shumë. Nuk e përjashton edhe Gotzen e Lewandowskin” deklaroj Hitzfeld.

Së fundi mediat argjentinase kanë publikuar një video të paparë deri më tani të Lionel Messit. Videoja është e vjetër dhe e regjistruar 20 vjet më parë shfaqë aftësitë e Messit si fëmijë.Messi një djalosh i vogël, ishte i pakapshëm për gjenerarën e tij duke treguar që në atë moshë aftësitë e jashtëzkonshme që ka.

Histeri kolektive dhe barbarizëm. Kështu mund të konsiderohet veprimi i djeshëm i futbollistëve të Shkodrës ndaj gjyqtarit kryesor të sfidës Shkodra- Partizani B, Armando Kamberaj. Një lumë grushtesh dhe shkelmash nga shumë lojtarë të ekipit shkodran në adresë të arbitrit nga Patosi, i cili ka përfunduar i shtrirë në fushë dhe më pas ka mbetur me shenja në fytyrë dhe në trup,transmeton albeu.

Nëse nuk do të ndërhynin forcat e rendit, askush nuk mund të parashikonte atë çka mund të ndodhte, duke parë histerizmin dhe goditjet pa fund të lojtarëve shkodranë ndaj gjyqtarit.

Sfida mes Shkodrës dhe Partizanit B, e vlefshme për javën e 13-të të Kategorisë së Tretë, duke qenë se luhej për vendin e parë, organizatorët e kampionatit vendosën që të zhvillohej në fushën sportive “Skënder Halili”. Në këtë mënyrë, forcat e rendit ishin të shumta. Në minutën e 89-të, kur rezultati ishte 2-1 në favor të të kuqve, gjyqtari akordoi një goditje dënimi për Partizanin pas ndërhyrjes së Gurit në dëm të Sikës. Arbitri e ndëshkon futbollistin shkodran me karton të verdhë dhe ky i fundit proteston, duke e sharë dhe ofenduar gjyqtarin.

Në momentin kur Kamberaj po nxirrte kartonin e kuq, Sejdi Guri i afrohet gjyqtarit duke e goditur me grushte. Në këtë çast është afruar nga stoli futbollisti Artil Kuqaj, i zëvendësuar gjatë pjesës së dytë. Lojtari shkodran e ka goditur keqas me shkelma e grushte arbitrin, duke e rrëzuar këtë të fundit të gjakosur në tokë.

Vetëm pas disa sekondash afrohen pranë gjyqtarit kryesor thuajse të gjithë futbollistët shkodranë, duke e goditur me shkelma. Është dashur ndërhyrja e forcave të rendit, të cilat kanë ndalur sulmin e egër të lojtarëve të Shkodrës dhe kanë marrë nën mbrojtje gjyqtarin.

Më pas, tensioni ka vijuar edhe në shkallët e stadiumit te tifozët, por shumë shpejt është zotëruar situata nga forcat e rendit. Në momentin kur lojtari shkodran Kuqaj do të transportohej te furgoni i policisë, është penguar nga të gjithë futbollistët shkodranë, që nuk e kanë lejuar këtë gjë.

Tre gjyqtarët, të marrë në mbrojtjen e policisë, janë futur në dhomat e zhveshjes dhe loja është ndërprerë./fishmedia/

203 herë Frank Lampard. Mesfushori anglez nga dita e sotme është futbollisti më pjellor i historisë së Chelsea-t duke barazuar rekordin e Bobby Tambling, i ndalur në kuotën e 202 golave. Festë e madhe në Birmingham, aty ku “Blutë” e Rafa Benitez falë dy-golëshit të Lampard fituar 1-2 ndaj Aston Villas duke siguruar të paktën vendin e katërt, çka do të thotë Champions League sezonin e ardhshëm.

Tashmë Chelsea duhet të mendojë vetëm për finalen e Europa League kundër Benfikas, e cila luhet të mërkurën në “Amsterdam Arena”

Lionel Messi ka ditur t’i përmirësojë gjithnjë rekordet në nivelin personal. Ylli argjentinas synon që deri në fund të sezonit ta thyejë një tjetër rekord. Futbollisti më i mirë në botë këtë sezon i ka realizuar 45 gola dhe, kur kanë mbetur edhe 4 xhiro pa përfunduar sezoni në La Liga, ai synon ta thyejë rekordin e tij prej 50 golash në sezon, që e kishte regjistruar vitin e kaluar, e që është rekord absolut në histori të La Ligas.
Një lëndim i pësuar ndaj Paris Saint Germainit në Ligën e Kampionëve ia ndali paksa hovin përfaqësuesit argjentinas, por ai e ka ende mundësinë që ta arrijë 50 golëshin, sepse ka ditur shpesh të shënojë dy apo më shumë gola për ndeshje.
Synim i tij është që të shënojë në fundjavë ndaj Atletico Madridit në Vicente Calderon, duke ia siguruar titullin e kampionit Barcelonës dhe duke iu afruar objektivit të tij. /Fish Media/

Super rekord në FIFA! Superkuqezinj para Norvegjisë!

“Vendi i 43-të në renditjen e FIFA! Forca Shqipëria!” Mesazhi është i Xhani De Biazit, trajnerit të Kombëtares shqiptare, vetëm disa minuta pas publikimit të renditjes nga qeveria e futbollit botëror. 

Një tjetër rekord i vendosur nga italiani dhe kuqezinjtë, që tani e shohin veten në muajin maj, të pozicionuar në vendin e 43-të në botë, pesë vende më lart se në muajin prill, atëherë të 48-tët.

Dhe mendoni, në janar të këtij viti ndodheshim në vendin e 63-të, pra në harkun e pesë muajve kemi ngjitur 20 vende në arenën botërore. Gjithsesi, renditja e muajit maj është më tepër efekt statistikor, pasi janë luajtur vetëm 7 ndeshje. 

NGJARJE E MADHE

Kombëtarja jonë shkroi një tjetër faqe të bujshme në “librin e statistikave”, pasi vendi i 43-të është pozicioni më i mirë historik i Shqipërisë, në një listë ku përfshihen 209 ekipe përfaqësuese nga i gjithë planeti.

Kur shikon se cilët vende kemi lënë pas në renditjen e muajit maj, ia vlen të themi “O sa mirë me qenë futbollist shqiptar!”

Turqia renditet e 45-ta (vendi i tretë në Botërorin 2002); Bullgaria e 52-ta (vendi i tretë në Botërorin 1994); Sllovakia (finaliste në Botërorin 2010); Polonia e 63-ta (vendi i tretë në Botërorin 1974); Austria e 71-ta (vendi i tretë në Botërorin 1954).

Kur u ndeshëm me Iranin në maj të vitit të kaluar (2012), dhe fituam 1-0, atëherë të gjithë thamë se fituam ndaj skuadrës së 52-të në botë, pasi Shqipëria ishte në vendin e 84-t. Tabloja në maj 2013 është tërësisht e përmbysur: Shqipëria në vend të 43-të (+41 vende), ndërsa Irani në vendin e 57-të (-5 vende).

Shqipëria lë shumë vende pjesëmarrëse në kampionatet botërore, përfshirë emra të rëndësishëm të futbollit si Senegali, Egjipti, Kameruni, Australia, Zelanda e Re, Koreja e Jugut dhe e Veriut, etj..

KUNDËRSHTARËT E BOTËRORIT

Vetëm Zvicra (e 14-ta, + 1 vend) dhe Norvegjia (e 31-ta, - 1 vend) janë më mirë se Shqipëria në renditjen specifike brenda grupit E të kualifikueseve të Botërorit 2014. 

Tre kundërshtarët e tjerë janë poshtë kuqezinjve tanë: Sllovenia, në vendin e 55-të; Islanda, në vendin e 73-të dhe Qipron, në vendin e 123-të. Të tria këto kombëtare kanë qëndruar në vend-numëro, pa lëvizur asnjë pozicion në renditjet mujore të prillit dhe majit 2013. 

Ndeshja më e afërt e Shqipërisë është ajo e 7 qershorit ndaj Norvegjisë në “Qemal Stafa”. Në “Uleval” të Oslos fituam 1-0 me eurogolin e Hamdi Salihit, që na çoi në vendin e dytë në grupin tonë, me 9 pikë, po aq sa Islanda. 

Kundër norvegjezëve do të luajmë shanset për të siguruar një vend në “play-off”, pasi për momentin Zvicra ka dy pikë më shumë, kur kanë mbetur edhe pesë ndeshje. Për fat të mirë, me Zvicrën do të luajmë në Shqipëri, por jashtë kemi Slloveninë, Islandën dhe Qipron. 

KRAHASIMI ME BALLKANIKËT

Duhet pranuar se, Shqipëria ende nuk është një fuqi ballkanike në futboll, kjo në rang Kombëtaresh. Nëse do të shikonim statistikat, kemi këto pozicionime: Kroacia (e 4-ta), Greqia (13), Bosnja-Hercegovina (21), Mali i Zi (27), Rumania (34), Serbia (40), Shqipëria (43), Turqia (44), Bullgaria (52) dhe Sllovenia (55).

ZONA UEFA

Edhe në renditjen kontinentale, pra të UEFA-s, Shqipëria është ngjitur një vend, 24, pas Serbisë e 23-ta dhe para Turqisë, e 25-ta, me turqit kemi ndërruar vendet e muajit prill.  

Kombëtarja jonë lë pas vendet 25-53: Turqinë, Uellsin, Bullgarinë, Sllovakinë, Slloveninë, Izraelin, Poloninë, Bjellorusinë, Austrinë, Skocinë, Finlandnë, Maqedoninë, Armeninë, Estoninë, Gjeorgjinë, Letoninë, Lituaninë, Irlandën e Veriut, Azerbajxhanin, Qipron, Moldavinë, Kazakistanin, Lihteshtejnin, Luksemburgun, Maltën, Ishujt Faroe, San Marinon. 

TOP 10 NË BOTË

Dhjetëshja e parë e renditjes së FIFA-s për muajin maj 2013 përbëhet nga Spanja në vend të parë, e ndjekur nga Gjermania dhe Argjentina. Më tej, renditja vazhdon me Kroacinë, Portugalinë, Kolumbinë, Anglinë, Italinë, Holandën dhe Ekuadorin.

Historia e Lionel Messit do të transformohet në një film. Pas thashethemeve të bëra viteve të fundit, tash do të bëhet realitet një film i realizuar për yllin argjentinas. Sipas informacioneve që kanë nxjerr mediat spanjolle të mërkurën mbrëma, produksioni ‘Epic Pictures Group’ është duke e përgatitur një film të stilit ‘Rocky’ – një film që kishte protagonist aktorin Sylvester Stallone – për ta përshkruar jetën dhe historinë e futbollistit më të mirë në botë, i cili është pjesë e Barcelonës.
Produksioni i lartpërmendur i ka blerë të drejtat e librit: “Messi, historia e djaloshit që u shndërrua në një legjendë”, e shkruar nga Luca Caioli, ndërsa synim i produksionit është që ta nxjerr premierën e filmit në hapje të Botërorit të Brazilit, që do të mbahet vitin e ardhshëm.
Luca Caioli e shiti librin si një biografi e lojtarit, por në realitet nuk bëhet fjalë për një biografi të autorizuar.
Ndër të tjera, familja Messi gjithmonë ka insistuar se nuk mund të konsiderohet kjo si një biografi valide për Leon.
Sipas ‘Variety.com’, përgjegjës për produksionin në fjalë, tematika e filmit do të përqendrohet në jetën e një të riu të turpshëm dhe modest, i cili i kalon limitet fizike, për t’u bërë njëri prej futbollistëve më të mirë në histori të këtij sporti.
“Objektiv është që të bëhet një film i fuqishëm dhe pozitiv, i cili e inspiron publikun që t’i ndjek ëndrrat që duken të parealizueshme”, ka thënë njëri prej udhëheqësve të filmit. /Fish Media/

Nëse ndeshja amatore mes Real Goth FC dhe The Whitby e zhvilluar në Anglinë Veriore ka bërë xhiron e botës në internet, merita nuk i takon as skuadrave dhe asnjë prej lojtarëve të tyre, por një vajze.
Vajza gjysmë e zhveshur është futur në fushë dhe e ka përshkruar të gjithë me një vrap të lehtë, pro ajo që çudit më shumë është fakti se asnjë prej futbollistëve nuk e ka ndërprerë ndeshjen dhe kanë vijuar normalisht. 

Në Spanjë është koha për t’i shëruar plagët. Pas humbjes së Real Madridit, ka ardhur koha e Barcelonës.
Derisa skuadra e Jose Mourinhos ka provuar, duke i mbajtur shpresat gjallë deri në fund, për Barcelonën ishte një disfatë totale.
Mediat spanjolle nuk kanë përtuar t’i ‘mëshojnë’ me tekste gjigantit katalunas. Portali katalunas, Sport, flet për një shkatërrim të Barçës.
“Mënyra më e turpshme dhe e dhimbshme për të dalë nga kjo garë”, ka shkruar kjo uebfaqe, duke shtuar se “Pa Messin, nuk kishte mrekulli”.
E përditshmja tjetër katalunase, El Mundo Deportivo e ka kritikuar lojën e Cesc Fabregasit, i cili nuk ishte askund mbrëmë. “Bayerni e eliminoi Barçën”, ishte fillimi i shkrimit.
“Camp Nou është lodhur nga Cesc. Pas rezultatit 1:0, shumica e vërshëllimave ishin për të”, vazhdon shkrimi.
“Nga sulmi Eto’o, Messi e Henry, në vitin e sukseseve, kaluan në sulmin Pedro, Villa e Fabregas, një kompani torturuese me të padukshmin Sanchez”, analizon kjo e përditshme, e cila e duartroket vetëm të riun Bartra.
Sa u përket të përditshmeve madrilene, sulmi ishte dyfish. “Barça u dërrmua nga një ciklon”, shkruan Marca. “Çka ka mbetur nga ekipi i Pep? Skuadra që kishte fituar 14 tituj nga 19 të mundshëm, tash ka nevojë për një revolucion të vogël. Është hera e parë që Barça ka nevojë për të investuar. Emrat janë Guaita, Hummels, Marquinhos, Neymar. Është momenti për të blerë”, vazhdon shkrimi. “0-7, e vështirë të harrohet”, shkruan Marca.
Kurse, e përditshmja tjetër As shkruan se Barcelonës i mungoi karakteri. “Mungoi motivi, kishte vrapime pesimizmi”, shton kjo e përditshme.

Portieri kroat, Ivan Turina ka ndërruar jetë mbrëmë papritur. Portieri i skuadrës suedeze AIK, është gjetur pa shenja jete në banesën e tij. Në autopsitë e para të bëra për vdekjen e tij, është konfirmuar se vdekja e 31 vjeçarit ishte natyrore.
Turina ishte zgjedhur në vitin 2009 si portieri më i mirë në ligën kroate, si portier i Dinamo Zagrebit. Turina po ashtu mbronte edhe ngjyrat e përfaqësueses kroate për 4 vjet me radhë.
Portieri shtatgjatë kroat ishte i kërkuar para pak vitesh edhe nga skuadra të njohura të Series A por që zgjodhi qëndrimin në Suedi pasi që e kishte familjen atje.

As optimistët më të mëdhenj, ata gjermanë, nuk do ta besonin se në finale të Ligës së Kampionëve sivjet do të përballeshin pikërisht dy skuadra gjermane, Bayern Munichu dhe Borussia Dortmundi.
Kurrë më parë në histori të këtij kompeticioni nuk kishte ndodhur që dy skuadra nga Bundesliga të përballen në finale.
Madje, Dortmundi, i cili e eliminoi Real Madridin në gjysmëfinale, pas rezultatit të përgjithshëm 4:3, ka qenë vetëm një herë në finale të Championsit, në vitin 1997, kur e kishte mposhtur Juventusin. Pra, verdh e zinjtë e kanë fituar vetëm një herë këtë kompeticion.
Fytyrë krejt tjetër ka Bayerni, i cili i ka fituar katër trofe të Championsit dhe është në kërkim të të pestit.
Pas dështimit në vitin 1999 në finale me Manchester Unitedin, pastaj më 2010 ndaj Interit dhe vjet me Chelsean, Bavarezët shpresojnë që ta fitojnë këtë eveniment, ku janë kualifikuar tri herë në finale vetëm në katër vjetët e fundit.
Sidoqoftë, Bundes (Champions) League do të mbyllet më 25 maj, kur edhe do të zhvillohet finalja e Wembleyt.

Real Madridi dhe Barcelona do ta shikojnë finalen e Ligës së Kampionëve nga televizori, njëjtë sikur vitin e kaluar. Të dyja skuadrat u eliminuan nga ‘stuhitë gjermane’ të quajtura Bayern Munich dhe Borussia Dortmund.
Për gjigantët spanjollë, edhe këtë vit gjysmëfinalja ishte maksimumi që arritën ta bënin në kompeticionin më të rëndësishëm të futbollit evropian.
Pa dyshim, të gjithë e prisnin një finale spanjolle, një ‘El Clasico’, por kjo nuk do të ndodh as sivjet, pasi që në finalen e Wembleyt do t’i shohim Bayernin e Dortmundin, të shtunën më 25 maj. Në rrjetet sociale janë bërë gati foto montazha ku shihen të bashkuar lojtarët e Barçës dhe ata të Realit, pranë një televizori duke e shikuar ndeshjen finalen gjermane.