Bobby Charlton e dëshiron Messin te United

Legjenda e Manchester United, Sir Bobby Charlton, do të dëshironte ta shihte yllin e Barcelonës, Lionel Messi në fanellën e Djajve të Kuq nga Old Trafford.
Sidoqoftë, legjenda e United pranon se një transfer i tillë do të ishte i vështirë, përkundër dëshirës së tij të zjarrtë.

“Messi do të ishte i mrekullueshëm për secilin ekip...Unë vërtet dyshoj nëse dikush mund ta josh atë që të largohet nga Barcelona, por nëse dikush mund, atëherë do ta marrë lojtarin më të mirë në botë. Të gjithë e dinë se ai është lojtar i mrekullueshëm”, theksoi Charlton për Daily Express.

Lexo më shumë

Alonso rikthehet në stërvitje

Trajneri i Real Madridit, Jose Mourinho, ka marrë lajme të mira para ndeshjes ndaj Getafes që zhvillohet të shtunën, pasi mesfushori Xabi Alonso vazhdoi rregullisht stërvitjen.
Ish-ylli i Liverpoolit nuk u stërvit të martën dhe të mërkurën për shkak të një lëndimi muskulor dhe ekzistoi frika se ai nuk mund të paraqitej ndaj rivalëve lokal për shkak të këtij dëmtimi.

Sidoqoftë, Los Blancos kanë konfirmuar në faqen zyrtare se Alonso ka vazhduar me stërvitjet rregullisht dhe se mesfushori pritet të luajë në sfidën që zhvillohet në Coliseum Alfonso Perez.

Lexo më shumë

Ranieri: Lëndimi i Sneijder më frikësoi

Trajneri i Interit, Claudio Ranieri, ka pranuar se ai ishte frikësuar për një lëndim më afatgjatë të holandezit Wesley Sneijder pas dëmtimit të pësuar në supersfidën ndaj Palermos në mesjavën e kaluar.
“Të gjitha testet ishin negative. Faleminderit Zotit që ai është mirë, pasi isha vërtet i frikësuar”.

“Si trajner unë kurrë nuk dëgjoj gjëra të mira, më shumë dëgjoj gjëra negative. Por, unë kam pasur besim në Militon dhe tani ai ka filluar ta tregojë fytyrën e vërtetë”, tha Ranieri.

Lexo më shumë

Karanka: Edhe Barca po ankohet për referim

Zëvëndëstrajneri i Real Madridit, Aitor Karanka, ka thumbuar rëndë hierarkinë e Barcelonës, pas kritikave të këtyre të fundit për referimin në disa ndeshje radhazi.
Guardiola ka mbrojtur lojtarët e tij në ndeshjet e kaluara ku katalanasit dështuan të korrnin rezultatet e pritura, ndërsa gjyqtari ishte objektiv i snajperëve katalanas pas rezultateve jo të mira. Sidoqoftë, kjo nuk ka kaluar lehtë te Karanka, i cili thotë se sa herë Reali është ankuar për gjyqtarët, ka pasur fjalë nga lojtarët e Barcelonës.

“Ata e dinë se ankohen për referim. Tani janë ata që ankohen për referimin, e jo ne”, theksoi Karanka për Marca.

Lexo më shumë

Mancini: Tevez mund të kthehet në ekip

Menaxheri i Manchester Cityt, Roberto Mancini, nuk e ka përjashtuar mundësinë që sulmuesi Carlos Tevez, të kthehet në ekip pas acarrimeve që ndodhën disa muaj më parë.
“Shpresoj që ai ka stërvitur këto tri muajt e fundit për t’i ndihmuar vetes”.

“Unë kam vetëm një gjë në kokën time dhe ajo është Liga Premier. Por, nëse ai kthehet, e është i përgatitur fizikisht, sigurisht se mund të luaj”, tha Mancini.

Lexo më shumë

Reali ta shesë Higuainin te Chelsea

Real Madridi është duke dëshiruar që ta shesë sulmuesin Gonzalo Higuain te klubi anglez Chelsea, kur të përfundojë sezoni aktual.
Daily Mail shkruan se presidenti Florentino Perez dëshiron ta transferojë Sergio Agueron nga Manchester City dhe të hollat për këtë dëshiron t’i sigurojë nga largimi i Higuain drejt Chelseat.

Higuain ka shënuar 17 gola këtë sezon, por Perez dëshiron një superyll për sulmin e tij dhe është i përkushtuar që ta transferojë argjentinasin fantastik të Cityt.

Lexo më shumë

Palombo: Milani nuk më kërkoi

Mesfushori i ri i Interit, Angelo Palombo, ka hedhur poshtë spekulimet se Nerazzurët edhe njëherë ua morrën Rossonerëve një lojtar nga dora, duke thënë se ishin vetëm zikaltrit ata që shfaqën interesim për të.
“Disa klube u interesuan për mua dhe jam mjaft falënderues për këtë. A më ka kërkuar Milani? Jo”.

“Kur ju kërkojnë disa klube, ju duhet të mendoni se cili është opsioni më i mirë dhe definitivisht Interi është klubi më i mirë italian dhe kjo është arsyeja pse kam pranuar”, tha Palombo i cili debutoi ndaj Palermos të mërkurën.

Lexo më shumë

Toure: City në krye edhe pa mua

Mesfushori i Manchester Cityt, Yaya Toure, i ka bërë thirrje klubit që të qëndrojë në maje të tabelës, pasi nuk do të kalojë edhe shumë kohë dhe ai do të kthehet në ekip, pas angazhimit me kombëtaren e tij në Kupën e Kombeve afrikane.
“Ne kemi ekip të mrekullueshëm dhe unë e di se nuk jam i pa zëvëndësueshëm. Unë besoj në titullin. Dikush mund të luajë në vendin tim dhe të na ndihmojoë të fitojmë”.

“Por, vjen koha kur përfundon dhe AFCON dhe unë sigurisht kur të kthehem do ta shoh ekipin në vendin e parë”, potencoi Toure.

Lexo më shumë

Agjenti: Bayerni më i mirë për Shaqirin

Bayerni i Munichut do të ishte klubi më mirë për anësorin shqiptar të Baselit, Xherdan Shaqiri, gjithnjë sipas agjentit të futbollistit.
20 vjeçari po lidhet me një largim nga Baseli, ndërsa si opsione më të mëdha shihen Bayerni i Munichut dhe Galatasaray. Sidoqoftë, tashmë Shaqiri dhe agjenti i tij kanë krijuar idenë e qartë për të ardhmen.

“Tani për tani, Bayerni është klubi më i mirë për Shaqirin, por është e qartë që ai duhet të largohet nga Baseli gjatë verës për hirë të zhvillimit të tij si lojtar. Ka pasur kërkesë jo zyrtare nga Bayerni, por ata nuk kanë kontaktuar as mua e as Xherdanin”, theksoi Erdin Shaqiri për Basler Zeitung.

Lexo më shumë

Roma - Inter shtyhet për të dielën

Superderbi italian mes Romës dhe Interit, që duhet të zhvillohet stadiumin Olimpico të kryeqytetit italian është shtyrë për të dielën, teksa moti i keq po shkakton ende probleme në programin e ndeshjeve të Serie A për këtë fundjavë.
Lega Calcio tashmë kishte vendosur që ndeshja të mos luhej në mbrëmje të shtunën, por në ora 15:00, mirëpo gjendja është e rënduar dhe tani sfida është shtyrë për të dielën.

Sidoqoftë, ndeshja tjetër mes Cesenas dhe Catanias e paraparë të luhet të shtunën në ora 15:00 është shtyrë për një afat të pa caktuar për shkak të motit të ligë.

Ndeshjet e parapara për të dielën zhvillohen të gjitha në ora 15:00 përpos Genoa – Lazio që zhvillohet në ora 12:30.

Bora e madhe dhe temperaturat e ulëta kanë bërë që të shtyhen rreth katër ndeshje të mesjavës, duke përfshirë dhe sfidën e liderëve Juventus ndaj Parmës në Ennio Tardini.

Lexo më shumë

Gerrard kthehet ndaj Tottenhamit

Kenny Dalglish ka konfirmuar se Steven Gerrard do të kthehet në skuadrën e Liverpoolit për ndeshjen ndaj Tottenhamit që zhvillohet të hënën mbrëma.
Gerrard nuk luajti në mesjavë ndaj Wolves, por do të jetë në gatishmëri për të luajtur ndaj Tottenhamit të hënën.

“Steven Gerrard do të kthehet në skuadër të hënën, kështu që tani ekipi po duket mjaft i shëndetshëm. Për momentin, kemi mjaft përzgjedhje për shumë pozita. Kjo më bën problem shtesë, por është problem pozitiv”, ka thënë Gerrard.

Lexo më shumë

Terry nuk luan ndaj United

Menaxheri i Chelsea, Andres Villas Boas, ka konfirmuar se kapiteni i klubit, John Terry, nuk do të luajë në supersfidën e të dielës ndaj Manchester United.
Mbrojtësi ikonik i Bluve mungoi edhe ndaj Sëanseas për shkak të një dëmtimi në gju dhe besohet se është pikërisht ky lëndimi që e pengon të paraqitet edhe ndaj Djajve.

“Andres Villas Boas e ka lënë Terryn jashtë ndeshjes ndaj United për shkak të lëndimit në gju. Zëvëndësuesi i tij ende nuk është vendosur”, shkruan klubi londinez në një komunikatë në Twitter.

Lexo më shumë

Zenit interesohet për Shaqirin

Manchester United dhe klubet tjera angleze, rrezikojnë ta humbasin talentin kosovar Xherdan Shaqiri.
Daily Mail shkruan se Shaqiri mbetet cak kryesor për Zenit St Petersburg dhe rusët janë të gatshëm të ofrojnë para të mëdha për të transferuar mesfushorin.

Shqiptari me nënshtetësi zvicerane është lidhur me një numër klubesh evropiane, me United që raportohet se është favoriti kryesor për të marrë shërbimet e tij. Për të raportohet se interesim kanë shprehur edhe Liverpool dhe Bayern Munich.

Lexo më shumë

Suarez pasardhësi i Del Pieros te Juve?

Suarez kërkohet nga Bianconerët si zëvendësim për kapitenin legjendar Alessandro Del Piero, i cili pritet të largohet nga klubi gjatë verës.

Uruguaiani, i cili vlerësohet rreth 30 milionë funte, pritet të marrë fishkëllima nga fansat pasi të rikthehet për Liverpoolin, shkruan Daily Mail.

Klubi anglez ka frikë se lojtari mund të kërkojë të largohet, nëse nuk do të pranohet mirë në rikthimin tij, për shkak të dënimit pas shpalljes fajtor për abuzim racor ndaj mbrojtësit të Manchester United, Patrice Evra.

Lexo më shumë

Mancini konfirmon interesimin për Hazard

Menaxheri i Mancehster Cityt, Roberto Mancini, synon të transferojë yllin e Lille, Eden Hazard gjatë verës.
Italiani është i gatshëm të luftojë me Chelsean dhe top klubet tjera evropiane për të marrë shërbimet e mesfushorit belg.

“Hazard ka një nivel të lartë të talentit dhe ai është i aftë të luajë në nivelin maksimal. Por ne e dimë se ka interesim për të nga klubet e mëdha evropiane dhe arritja e një marrëveshje nuk do të jetë e lehtë”, ka thënë Mancini.

Lexo më shumë

Buffon të vazhdojë kontratën me Juventusin?

Juventusi dëshiron të mbështetet në portierin Gianluigi Buffon deri në fund të karrierës së tij dhe është i gatshëm t’i hapë negociatat për vazhdim të kontratës, shkruan Tuttosport.
Buffon ka kontratë me Bainconerët deri në fund të sezonit të ardhshëm, por klubi dëshiron ta shpaguajë besnikërinë e tij duke i ofruar një marrëveshje të re afatgjate.

Portieri iu bashkua Juventusit nga Parma në verën e vitit 2001, dhe që atëherë ka bërë mbi 300 paraqitje për Zonjën e Vjetër.

Ndryshe nga ish-bashkëlojtarët si Lilian Thuram, Zlatan Ibrahimovic dhe Patrick Vieira, Buffon vendosi të qëndrojë në Torino pasi Juventusi zbriti në Serie B pas skandalit Calciopoli në vitin 2006.

Lexo më shumë

Ancelotti nuk heq dorë nga Pato

Trajneri i Paris Saint-Germain, Carlo Ancelotti, thotë se sulmuesi i Milanit, Alexandre Pato, ende është cak për liderin e Ligue 1, por shton se ata nuk kanë biseduar ende me brazilianin.
“Nuk kam folur me Paton. Milani nuk ka dashur ta shesë dhe kjo ishte fundi. Një para-marrëveshje për qershor? Nuk ka asnjë marrëveshje”.

“Prioriteti ynë kryesor është një sulmues, por Pato nuk është kandidati i vetëm. Ai është një sulmues i kalibrit të lartë, por ne po ashtu jemi duke përcjellë Damiaon (yllin e Internacional]”, ka thënë Ancelotti për La Gazzetta dello Sport.

Lexo më shumë

Mourinho të kthehet te Chelsea?

Trajneri i Real Madridit, Jose Mourinho, dëshiron të rikthehet te Chelseat në fund të sezonit.
Portugezi raportohet se do të largohet nga gjiganti spanjoll gjatë verës për t’u rikthyer në Angli. Dhe fituesi i dyfishtë i Ligës së Kampionëve, i cili ka fituar gjashtë trofe brenda tre vitesh në Stamford Bridge, dëshiron të rikthehet te puna e vjetër.

“Jose do të pranonte të kthehej te Chelsea. Ai e di se gjërat janë përzier atje tash. Ai po ashtu e di se do të jetë vështirë të kthehet dhe të ketë të njëjtin ndikim siç e kishte më herët”, ka zbuluar një burim i afërt me Mouirinhon për The Sun.

Pengesa kryesore për rikthimin e Mourinhos mund të jetë se ai kësaj here do të kërkojë nga pronari Roman Abramovich t’i japë kontroll të plotë në çështjet e skuadrës, të liruar nga çdo ndërhyrje.

Lexo më shumë

Chicago më e mirë se New Yorku

Derrick Rose është këndellur vonë në ndeshje për t’i ndihmuar skuadrës së tij Chicago Bulls të shënojë fitore të ngushtë 105-102 ndaj New York Knicks në Madison Square Garden.
Knicks (8 fitore dhe 14 humbje këtë sezon) arritën të rikthehen nga disavantazhi prej 11 pikësh në mes të ndeshjes për të barazuar në 75-75 në çerekun e tretë, para se MVP i NBA-së të marrë situatën në duar për të shënuar 15 pikë në çerekun e katërt.

Rose shënoi gjithsej 32 pikë dhe 13 asistime në ndeshjen e mbrëmshme, derisa Carlos Boozer dhe Kyle Korver shënuan secili nga 16 pikë për Bulls, që tash kanë 19 fitore dhe gjashtë disfata.

Amar'e Stoudemire ishte më i spikaturi te skuadra vendase, New York Knicks, me 34 pikë, më të lartat në ndeshje, derisa Carmelo Anthony shënoi 26 pikë.

Lexo më shumë

Giggs në prag të ndeshjes së 900-të

Veterani i Manchester United, Ryan Giggs, thotë se ai po u kushton shumë pak vëmendje rekordeve të tij.
Rekordi i ardhshëm i Giggs do të vijë pas edhe tre paraqitjesh, që do të shënojë ndeshjen e tij të 900-të për Djajtë e Kuq.

“Vërtet kurrë nuk u kam kushtuar vëmendje atyre. Më e madhja ishte kur e kalova Sir Bobby [Charlton] andaj ishte një moment krenarie. Por tash le të shkojë ku të shkojë”.

“Ne do të ulemi së shpejti dhe do të shohim se çfarë duam të bëjmë, por për momentin ndjehem mirë dhe dua të vazhdoj”, ka thënë Giggs.

Lexo më shumë

Falcao i ngazëllyer me formën e Atleticos

Radamel Falcao është i ngazëllyer me formën që po kalon së fundi me Atletico Madrid.
Sulmuesi kolumbian ka luajtur një rol kyç në tre fitoret radhazi të Atleticos duke shënuar pesë gola dhe është i kënaqur me suksesin e fundit të klubit.

“Puna që kemi bërë, sakrifica, të gjitha po paguhen. Skuadra është e vetëdijshme se çfarë dëshiron. Ne jemi përmirësuar, që na ka lejuar ta ndryshojmë situatën”.

“Ne e dimë se ku jemi: jashtë një vendi që dërgon në Evropë. nëse ne nxjerrim rezultat të mirë kundër Valencias [të dielën], gjërat do të përmirësohen. Nëse ne dëshirojmë t’i bëjmë gjërat si duhet, do të vazhdojmë të zhvillohemi”, ka thënë Falcao.

Lexo më shumë

Mertesacker: Është koha Arsenali ta tregojë veten

Mbrojtësi i Arsenalit, Per Mertesacker, thotë se Topçinjtë nuk e shfaqin potencialin e tyre të plotë në fushë.
“Mendoj se ka shumë hapësirë për përmirësime. Ne kemi një skuadër të mirë dhe potencial të mirë, por ne duhet të jemi të mirë në fushë. Për momentin ne nuk i shfrytëzojmë të gjitha mundësitë”.

“Ne gjithmonë mundohemi ta ruajmë portën e paprekur dhe të bëjmë një performancë të mirë. Në pjesën e parë (kundër Boltonit) krijuam shanse të mira shënimi, por kjo nuk mjaftoi. Mendoj se në pjesën e parë merituam avantazhin, por në fund nxorëm vetëm një pikë”, ka thënë gjermani.

Mertesacker po ashtu ka folur edhe për ndeshjen e të shtunës kundër Blackburnit duke thënë se Topçinjtë synojnë pikë të plota nga ky takim.

Lexo më shumë

Ozil shpreson ta mbyllë karrierën me Realin

Mesfushori turko-gjerman Mesut Ozil shpreson ta mbyllë karrierën si futbollit te Real Madridi.
“Dua t’i jap fund karrierës te Real Madridi. E di se ka shumë vite deri atëherë dhe do të jetë shumë vështirë”.

“Klubi do të nënshkruajë me shumë lojtarë të mëdhenj në vitet e ardhshme dhe do të ketë shumë lojtarë të rinj, por unë dua të jem pjesë e kësaj të ardhme. E di çfarë mund të bëj dhe jam i bindur se do të qëndroj te Reali edhe për shumë vite”, ka deklaruar Ozil për Kicker.

Lexo më shumë

Keita: Reali më ofroi më shumë para

Mesfushori i Barcelonës, Seydou Keita, thotë se ai do të mund të kishte luajtur për Real Madridin ose Juventusin.
“Barcelona erdhi pas tre viteve të vështira dhe shumë njerëz më këshilluan të mos nënshkruaj për ta”.

“Isha përfshirë në negociata të avancuara me Real Madridin dhe Juventusin, klube të tjera të cilat dëshironin të nënshkruajmë me mua dhe të cilët ofronin më shumë para. Por unë ua kisha dhënë fjalën drejtuesve të Barcelonës”, ka thënë Keita për L'Equipe.

Lexo më shumë

Serie A - të gjitha ndeshjet në ora 15:00

Lega Calcio ka konfirmuar se çdo ndeshje në Serie A këtë fundjavë do të fillojë nga ora 15:00, për shkak të komplikimeve të shkaktuara nga moti i keq që ka kapluar Europën Jugore.
Gjatë mesjavës janë shtyrë shumë ndeshje në Itali, ndër të cilat edhe Parma – Juventus. Dhe, me meteorologët të cilët parashikojnë acarr për ditët në vijim, Lega Calcio ka vendosur që të gjitha ndeshjet të nisin nga ora 15:00.

Ndeshjet e planifikuara për të shtunën, Cesena – Catania dhe Roma – Inter do të zhvillohen nga ora 15:00 dhe e njëjta vlen edhe për ndeshjet e të dielës kur Milani pret në San Siro, Napolin.

Lexo më shumë

Thiago: Barca nuk varet nga Messi

Mesfushori i talentuar i Barcelonës, Thiago Alcantara, ka deklaruar se katalanasit nuk varen nga supersulmuesi Lionel Messi, pas rezultateve të këqija në ndeshjet e fundit ku ‘el Messiah’ ka humbur shkëlqimin e tij.
“Messi është lindur të jetë fitues. Ndaj Valencias ai ishte mjaft i guximshëm për të marrë përgjegjësinë e penaltisë. Ai nuk shënoi, por kjo nuk është problem. Ne kemi lojtarin më të mirë në botë në ekip, por dua të them se nuk varemi nga ai”.

“Ne kemi forca të mëdha në lojtarët tanë, kemi Xavin kemi shumë lojtarë që mund të bëjnë diferencën. Sigurisht që nuk varemi nga Messi”, tha Alcantara.

Lexo më shumë

Lopez: Debutim i tmerrshëm

Sulmuesi i ri i Milanit, Maxi Lopez, ka pranuar se ai kurrë nuk e ka pritur një debutim aq të keq, pasi ekipi i tij pësoi disfatë prej 2-0 nga Lazio në Olimpico mbrëmjen e kaluar.
“Debutim i hidhur? Fatkeqësisht po, por secila ndeshje do të jetë ndryshe, ne e dimë se duhet ta harrojmë këtë dhe të fokusohemi për të dielën”.

“Ekipet shpeshherë luajnë në mënyrë defensive, ne duhet të jemi të mirë në mundësitë që krijojmë. Pas tri ditësh kemi ndeshjen tjetër dhe duhet të ringjallemi shpejtë”.

“Jam i kënaqur që jam në listën e Litës së Kampionëve dhe shpresoj se do të jem në formën më të mirë për këtë garë”, u shpreh Lopez.

Lexo më shumë

Arteta: Vështirë të hymë në top katërshe

Mesfushori i Arsenalit, Mikel Arteta, beson se do të jetë e vështirë për Topçinjtë që të sigurojnë pozitën e katërt të tabelës në Ligën Premier.
“Do të jetë shumë vështirë të përfundojmë në top katërshe, por varet nga ne. Ne kemi talentin dhe cilësinë për të bërë këtë, por ne duhet ta tregojmë këtë ditë pas dite. Unë jam i bindur se për shkak se ne stërvisim çdo ditë e shoh se mund të arrijmë rezultate më të mira çdo javë jo vetëm një herë në dy-tri javë”.

“Jam i sigurtë se Chelsea do të fillojë ecuri të mirë dhe ne duhet të bëjmë të njëjtën gjë për të fituar ndeshjet ashtu sikurse një muaj më parë. Por, jam ende optimist, janë edhe shumë ndeshje për t’u luajtur dhe shpresoj se mund të arrijmë synimet tona”, tha Arteta.

Lexo më shumë

Lindegaard mungon katër javë

Manchester United është duke u përballur me krizë të vërtetë në portë, pasi Anders Lindegaard do të jetë jashtë fushave për së paku katër javë.
Daily Mail shkruan se dhëndrri i Kosovës është lënë jashtë fushave deri në katër javë për shkak të një lëndimi në nyje, duke futur thellësisht në krizë klubin nga Old Trafford sa i përket zgjedhjes për portier.

Ferguson duhet të vendosë nëse do t’ia dhurojë Ben Amosit ndeshjen më të madhe të karrierës, apo të vendosë për De Gean jo të gatshëm fizikisht dhe tepër nën presion për pa sigurinë e shfaqur në të kaluarën.

Lexo më shumë

Enrique: Duhet të përmirësohemi në çdo repart

Trajneri i Romës, Luis Enrique, është shprehur i zhgënjyer me disfatën e pësuar nga Cagliari në Sardenjë, duke thënë se ekipi i tij duhet të përmirësohet në çdo repart.
“Rasti i tyre i parë menjëherë u shndërrua në gol, por ne u rikthyem. Por në fund, ne nuk ishim të fokusuar dhe kjo na kushtoi. Duhet të përmirësohemi në çdo repart”.

“Ne ishim të dobët në mbrojtje, por ne nuk mund të vëmë fajin për disfatën vetëm tek mbrojtja. Ne kemi mundur t’i shfrytëzojmë dhe rastet. Ne nuk do të shkojmë askund nëse luajmë kështu. Duhet të mbrohemi me 11 lojtarë dhe të sulmojmë me 11 lojtarë. Unë jam shumë i zhgënjyer me këtë lojë. Ne nuk mund të luajmë 20 minuta shkëlqyeshëm dhe 20 minuta tjerë të jemi patetik”, potencoi tekniku spanjoll.

Lexo më shumë

Mendieta: Guardiola largohet në qershor

Ish-mesfushori i Barcelonës, Gaizka Mendieta, ndjen se ky mund të jetë sezoni i fundit për Pep Guardiolën në Camp Nou.
“Mendoj se një ditë në Barcelonë cikli i tij do të marrë fund dhe ai e di se kur është koha e duhur. Mendoj se si profesionist ai do të kërkojë sfida të reja”.

“Mund të ndodh që ai të largohet pas përfundimit të këtij sezonit. Në të ardhmen e afërt do ta shohim Guardiolën te një ekip tjëtër, ndoshta për shkak të përvojës së tij si lojtar në Itali edhe pse ai do të kishte sukses në çdo kampionat”, ka thënë Mendieta.

Lexo më shumë

Santos i gatshëm ta shesë Ganson

Klubi brazilian, Santos, është shprehur i gatshëm ta shesë mesfushorin kreativ, Paul Henrique Ganso, gjatë afatit kalimtar veror.
“Santos nuk dëshiron të mbajë në ekip lojtarë që janë të pa kënaqur. Nëse ai dëshiron të largohet dhe një ofertë na përshtatet, atëherë ai mund të largohet”.

“Lojtari dëshiron të shkelqejë dhe kjo është në interesin tonë dhe të vet lojtarit. Nëse ai luan mirë, atëherë sigurisht se do të vijnë oferta shumë të mira gjatë verës”, bëri të ditur presidenti i Santosit, Luis Alvaro Ribeiro, i cili duket se ka hequr dorë nga mesfushori fantastik.

Lexo më shumë

Soldado: Rosell ndikoi te gjyqtari

Sulmuesi i Valencias, Roberto Soldado, beson se komentet e presidentit të Barcelonës, Sandro Rosell, për gjyqtarët para gjysmëfinales së parë në Copa del Rey kanë ndikuar në performancën e gjyqtarit në sfidën e zhvilluar në Mestalla.
“Këtu te ne kur presidenti flet për gjyqtarin, kjo nuk merret fare parasysh. Por, nuk do të më befasonte nëse fjalët e Rosell ndikuan gjyqtarët e takimit, që të mos referonin lojën me dorë të Pintos jashtë kufizimit të 16 metërshit”.

“Është prekje e qartë me dorë që ka mundur të ndikojë në epilogun e takimit. Ishte para gjyqtarit dhe ai nuk kishte guximin për ta referuar”, u shpreh Soldado.

Lexo më shumë

Tevez: Afat kalimtar i çuditshëm

Sulmuesi i Manchester Cityt, Carlos Tevez, është hapur dhe ka folur për afatin kalimtar dimëror ku ai ishte tema qëndrore, por që në fund nuk arriti të siguronte një largim nga Manchester City.
“Situata për mua është shumë e çuditshme. Unë kam dashur të largohem dhe kam pasupr oferta nga kampionate të tjera, nga Spanja dhe Italia. Por, kjo nuk funksionoi në fund sepse Manchester City nuk pranoi ndonjë ofertë”.

“Kishte oferta nga Milani, Interi dhe PSG. Por, gjithmonë diçka në fund nuk ishte në rregull”, ka thënë Tevez për Kicker.

Lexo më shumë

Caceres: Dua të fitoj LK dhe Serie A

Mbrojtësi i Juventusit, Martin Caceres, synon që në një të ardhme të fitojë Ligën e Kampionëve dhe Scudetton me Zonjën e Vjetër.
Caceres u transferua te Juventusi nga Sevilla gjatë afatit kalimtar të janarit dhe është mbrojtësi uruguaian ai që ka synime të mëdha me klubin e tij të ri.

“Transferiim përbën një sfidë për të treguar vlerat e mia. Unë dua ta fitoj Serie A dhe më pas edhe Ligën e Kampionëve”, theksoi Caceres.

Lexo më shumë

Gignac: Dua të luaj për Unitedin

Sulmuesi i Marseille, Andre-Pierre Gignac, ka zbuluar se ai ka refuzuar një ofertë nga Evertoni gjatë janarit, për shkak se dëshiron të kalojë në ndonjë klub të nivelit të Manchester United.
“Evertoni është top klub anglez, por për mua Marseille është më i madh dhe më atraktiv”.

“Unë dua të luaj një ditë jashtë Francës, por te një klub më i madh, sikurse që është Manchester United”, ka thënë Gignac.

Lexo më shumë

Baia: Mourinho do ishte i suksesshëm me Barcën

Ish-portieri i Barcelonës, Vitor Baia, ka lëvduar trajnerin e Real Madridit, Jose Mourinho, teksa ndjen se tekniku portugez do të ishte opsion shumë i mirë për klubin Blaugran.
“Ai është trajneri më i mirë në botë për mendimin tim dhe është njeri i veçantë. Mourinho do të ishte shumë i suksesshëm me Barcelonën. Ai ka aftësinë për t’u adaptuar me secilën kulturë”.

“Mourinhon që e kemi parë te Chelsea ishte një trajner tjetër nga ai që ishte te Porto. Dhe ai që ishte te Interi ishte një tip tjetër trajneri. Mourinho që po e shohim tani te Reali është edhe një tip tjetër më ndryshe”, tha 42 vjeçari Baia.

Lexo më shumë

Terry nuk do ta largojë shiritin e kapitenit

Kapiteni i Anglishë, John Terry, nuk do ta heqë shiritin e kapitenit të Anglisë, përkundër faktit se e pret proces gjyqësor për abuzim racist ndaj mbrojtësit të QPR-së, Anton Ferdinand.
BBC raporton se Terry refuzon të largojë shiritin e kapitenit dhe se ai do të luajë pa problem në Kampionatin Evropian, Euro 2012, pasi procesi gjyqësor është shtyrë për 9 korrik.

“Ai nuk do të dorëhiqet nga roli i kapitenit. Ai është i sigurtë për pa fajësinë e tij dhe kështu ndjen se do të ishte gabim të bënte kështu”, theksoi Terry.

Lexo më shumë

Sneijder deklarohet i gatshëm për Romën

Mesfushori i Interit, Wesley Sneijder, ka thënë se ai është i gatshëm për sfidën ndaj Romës dhe se dëmtimi i pësuar ndaj Palermos nuk është serioz.
Holandezi pësoi një lëndim të lehtë gjatë pjesës së dytë të ndeshjes ndaj Paleroms në San Siro me ç’rast ishte dashur të zëvëndësohej, por si duket nuk keim të bëjmë e asgjë serioze dhe Sneijder do të jetë i gatshë mpër Romën.

“Fatmirësisht nuk është asgjë serioze. Tani shpresoj të jem në gjendje të luaj në Romë. Ju faleminderit për gjithë përkrahjen. Ju dëshiroj ditë të mirë”, ka shkruar Sneijder në Twitter.

Lexo më shumë

Kasami nuk është penduar që ka refuzuar Juven

Mesfushori i Fulhamit, Pajtim Kasami, nuk është bërë pishman që ka vazhduar karrierën në Craven Cottage.
Shqiptari me nënshtetësi zvicerane ishte kërkuar nga Juventusi, por ai kishte refuzuar të gjitha ofertat për të qëndruar me Fulhamin.

“Jam shumë i lumtur këtu dhe nuk do të shkoj askund. Do të luftoj për vend”, ka thënë Kasami.

Lexo më shumë

Wenger: Do të përfundojmë në top katërsh

Menaxheri i Arsenalit, Arsene Wenger, mbetet i bindur se ata do të arrijnë ta mbyllin sezonin në top katërs, pavarësisht barazimit të fundit pa gola ndaj Bolton Wanderers.
“Ka ende shumë deri në fund dhe jam i bindur se ne mund të rikthehemi. Është rrugë e gjatë. Ne kemi kaluar nëpër një periudhë të vështirë, kemi humbur tre ndeshje në ligë (para kësaj ndeshje), por ne mund t’i kishim fituar të tria”.

“Ne kemi vetëbesim, por duhet ta tregojmë këtë ndeshje pas ndeshje – për ne çdo ndeshje në kampionat është si një finale e kupës tash”, ka thënë Wenger.

Lexo më shumë

Ferguson vendimtar në transferimin e Veselit

Agjenti i Frederic Veseli thotë se Sir Alex Ferguson ishte kyç në vendimin e lojtarit për t’iu bashkuar Manchester United.
“Freddie ka biseduar me disa klube, këtu dhe jashtë vendit. Por ai dëshiron të bëhet një top lojtar në Angli dhe kur Sir Alex foli me të, kjo i bëri shumë përshtypje atij”.

“Ai është një person të cilit është vështirë t’i thuash jo dhe rekordi i tij ishte i mjaftueshëm që Freddie të mendojë se vendimi për t’iu bashkuar United është i duhuri”, ka thënë agjenti i lojtarit, Adam Bouskouchi, për mediat angleze.

Lexo më shumë

Mascherano: Sfida është në duart tona

Mesfushori i Barcelonës, Javier Mascherano, mendon se barazimi 1-1 ndaj Valenmcias në ndeshjen e parë gjysmëfinale të Kupës së Mbretit është një rezultat i mirë.
“Është një rezultat i mirë, por mund të kishte shkuar edhe më mirë duke marrë parasysh lojën që ne bëmë. Ne luajtëm kundër një rivali të shkëlqyeshëm dhe ne kishim shanse të mira. Ndonjëherë topi thjesht nuk shkonte në rrjet”.

“Gjëja më e rëndësishme është se ne luajtëm një ndeshje të mirë dhe krijuam shanse shënimi. Sfida tash është në duart tona dhe kjo është më e rëndësishme. Kjo varet ekskluzivisht nga ne”, ka thënë Mascherano.

Lexo më shumë

Hughes i kënaqur me Cissen

Mark Hughes thotë se Djibril Cisse do të jetë vital për mbijetesën e QPR në Ligën Premier këtë sezon.
Francezi arriti në ditën e fundit të afatit kalimtar dimëror dhe një ditë më pas shënoi golin e parë të tij për klubin, pas vetëm 12 minutash lojë në barazimin 2-2 kundër Aston Villas.

“Mendoj se ai ishte i shkëlqyeshëm, mendoj se çdokush e kupton se pse doja ta sjell atë në klub. Mendoj se ai ishte i mprehtë, ai ishte inteligjent gjatë lëvizjeve të tij dhe tregoi fuqinë dhe ritmin të cilin të gjithë e dimë se ai e ka dhe një përfundim të mirë po ashtu”.

“Ai do të jetë vital për ne pasi kjo është diçka të cilën nuk e kemi pasur në klub më herët sa i takon kualitetit dhe fuqisë së tij dhe aftësive të tij teknike, andaj ne do të përfitojmë nga tash deri në fund të sezonit”, ka thënë Hughes.

Lexo më shumë

Pique: Ishim dominues ndaj Valencias

Mbrojtësi i Barcelonës, Gerard Pique, thotë se ata ishin dominues në ndeshjen e mbrëmshme ndaj Valencias, pavarësisht se nxorën vetëm një barazim 1-1.
Mysafirët kontrolluan ndeshjen e parë gjysmëfinale të Kupës së Mbretit në Mestalla dhe madje kishin edhe një penalti të humbur.

“Ne dominuam ndeshjen, ata ishin të fuqishëm në mbrojtje por gjithmonë është vështirë të fitosh këtu. Ne kishim shanset tona, por është një rezultat i mirë për ndeshjen e kthimit [në Camp Nou]”, ka thënë Pique.

Lexo më shumë

Ranieri: Ndeshja ndaj Palermos, reklamë për futbollin

Trajneri i Interit, Claudio Ranieri, thotë se barazimi 4-4 ndaj Palermos ishte rezultat i një futbolli argëtues.
Diego Milito shënoi katër gola dhe Fabrizio Miccoli u përgjigj me hat-trick, derisa dy rivalët e mbrëmshëm u ndanë me barazim.

“Ishte një ndeshje spektakolare dhe dua t’i falënderoj të gjitha ata që me punën e tyre të fuqishme lejuan që kjo ndeshje të zhvillohet. Mendoj se ndeshja i shpagoi ata për mundin”.

“Jam i zhgënjyer me barazimin, por rezultati ishte i drejtë, duke marrë parasysh shanset që krijuan të dyja ekipet. Kjo ishte një reklamë për futbollin”, ka thënë Ranieri.

Lexo më shumë

Guardiola: Barazimi më i mirë se fitorja

Trajneri i Barcelonës, Pep Guardiola, ka thënë se barazimi 1-1 ndaj Valencias është një rezultat më i mirë se sa fitorja, pasi kjo do të bëjë që skuadra të kërkojë fitore në ndeshjen e kthimit.
Blaugranët patën rastin të shënojnë fitore në ndeshjen e parë gjysmëfinale të Kupës së Mbretit të zhvilluar në Mestalla, por Lionel Messi nuk ishte i saktë nga pika e bardhë.

“Është mirë të shkojmë në Camp Nou me këtë rezultat, pasi kjo na detyron neve ta fitojmë ndeshjen. Kur ju keni avantazh 2-1, siç kishim kundër Real Madridit, ju duket sikur e keni fituar sfidën”.

“Ne do të llogarisim në mbështetjen e tifozëve për të arritur në finale. Ajo çfarë gjithmonë përpiqemi është të gjejmë fitoren”, ka thënë Guardiola pas takimit të mbrëmshëm.

Lexo më shumë

Reja i kënaqur me fitoren ndaj Milanit

Trajneri i Lazios, Edy Reja, ka qenë plot lëvdata për lojtarët e tij pas fitores 2-0 ndaj Milanit në San Siro.
“Ne luajtëm një ndeshje të mirë dhe dhamë shumë pak në mbrojtje. Jam shumë i kënaqur me djelmoshat të cilët treguan një vendosmëri të madhe në një situatë emergjence”.

“[Senad] Lulic dhe [Alvaro] Gonzalez që të dy na kanë dhënë shumë sonte, edhe në sulm edhe në mbrojtje. Ata luajtën një ndeshje të përkryer, po ashtu duke u rreshtuar mirë në mesfushë”.

“Ne deshëm ta fitojmë këtë ndeshje dhe u kthyem në fushë për pjesën e dytë të vendosur për të nxjerrë rezultat. Ky grup ka karakter dhe një mentalitet të shkëlqyeshëm”, ka thënë Reja.

Lexo më shumë

Blatter: Kjo është një ditë e zezë për futbollin

Presidenti i FIFA-s, Sepp Blatter, nuk e ka fshehur tronditjen që ka përjetuar pasi ka parë përleshjet në ndeshjen e Premierligës Egjiptiane në mes të Al-Masry dhe Al-Ahly.
Së paku 73 njerëz kanë humbur jetën pasi mijëra tifozë vërshuan fushën për të sulmuar tifozët dhe lojtarët e skuadrës kundërshtare.

“Unë jam shumë i tronditur dhe i zemëruar që sonte kuptoj se një numër i madh i tifozëve të futbollit kanë vdekur ose janë lënduar pas një ndeshje në Port Said, Egjipt”, ka thënë Blatter në një deklaratë për faqen e FIFA-s.

“Ju shpreh ngushëllime familjeve të atyre që humbën jetën këtë mbrëmje. Kjo është një ditë e zezë për futbollin. Një situatë e tillë katastrofike është e paimagjinueshme dhe nuk duhet të ndodhë”, ka thënë më tej zvicerani.

Lexo më shumë

Allegri: Disfata mund të na bëjë mirë

Trajneri i Milanit, Massimiliano Allegri, beson se disfata 2-0 nga Lazio në San Siro mund të jetë një mësim i mirë për Rossonerët.
Djelmoshat e Allegrit humbën mundësinë për të kaluar në maje të tabelës së Serie A pas dy golave të pranuar, një i shënuar nga Hernanes dhe një tjetër nga Tommaso Rocchi.

“Ne thjesht luajtëm një ndeshje të keqe kundër një ekipi që na ka dhënë shumë pak neve. Megjithatë, kampionati është ende i gjatë me shumë ndeshje të mbetura”.

“Kjo disfatë sigurisht se do të na bëjë mirë. Së fundi, edhe në fitore, ne nuk e kemi pasur nivelin e duhur të koprracisë së nevojshme për ta fituar kampionatin”.

“Ne kemi humbur dy ndeshje kundër Interit dhe Lazios në të njëjtën mënyrë, me gabimet tona. Neve na mungon diçka e veçantë për t’i fituar këto lloj ndeshjes”, ka thënë Allegri për Sky Sport Italia.

Lexo më shumë