Eliminohet Sampdoria, Atletico në rrezik

Sampdoria i është bashkuar radhës së skuadrave italiane të cilat janë eliminuar nga Europa League, ndërkaq nga ana tjetër Atletico Madrid rrezikon seriozisht kualifikimin në fazën tjetër pas disfatës në Vicente Calderon nga Aris Saloniki.
Fillimisht Sampdoria kaloi në epërsi në fund të pjesës së parë (45’), me anë të Giampaolo Pazzinit pas asistimit nga Reto Ziegler.
Megjithatë, në pjesën e dytë hero i PSV ishte Ola Toivonen, i cili realizoi në minutën e 51-të për 1-1, kurse nga Grupi I Sampdorian e përshëndeti përsëri Toivonin, dhe atë në fund të takimit (90’).
Atletico Madridi lëshoi nga dora epërsinë e krijuar pas pjesës së parë me anë të golave nga Forlan (11’) dhe Aguero (16’), për të pësuar në fund të takimit me rezultat 3-2 nga skuadra greke Aris Saloniki.
Në Grupin I është kualifikuar në fazën tjetër si lider PSV me 13 pikë, që pasohet nga skuadra ukrainase Metalist Kharkiv me 10 pikë, kurse Sampdoria me vetëm pesë pikë eliminohet nga Europa League.
Leverkusen është kualifikuar pastër nga Grupi B me 11 pikë, kurse vendi i dytë dhe kryesori për të kaluar më tutje do të vendoset mes Aris Salonikit dhe Atletico Madridit që kanë nga shtatë pikë.

Lexo më shumë

Eliminohet Juventusi, B45 kualifikon Cityn

Lech Poznan e ka eliminuar nga Europa League gjigantin italian Juventus, ndërsa nga ana tjetër Manchester City e siguroi kualifikimin falë një Mario Balotelli në formë të jashtëzakonshme.
Juventusi pati një mori rastesh ndaj skuadrës polake, por ishin vendasit ata që nën kushte të vështira klimatike ia dolën të triumfojnë të parët. Artjoms Rudvends kaloi në epërsi Lech Poznan vetëm pas 12 minutave lojë për 1-0. Juventusin e shpëtoi nga disfata por jo nga eliminimi Vincenzo Iaquinta që barazoi rezultatin (84’).
Mario Balotelli pothuajse mposhti i vetmuar Salzburgun me anë të golave të tij të shënuar në minutat 18’ dhe 65’, ndërsa rezultatin prej 3-0 të kësaj sfide e vuri Adam Johnson.
Një xhiro pa përfunduar faza grupore e Europa League, Manchester City është lider në Grupin A me 10 pikë. Lech Poznan gjendet pozitën e dytë me 8 pikë, ndërsa Juventusi ka pesë pikë në pozitën e tretë. Lech Poznan në pozitën e dytë kalon më tej, Juventusi eliminohet para kohe.

Lexo më shumë

Kaka pranë riaftësimit

Real Madridi ka zbuluar se riaftësimi i Kakas është duke shkuar shumë mirë dhe se është fare pranë rikthimit në stërvitje, bën të ditur klubi mbretëror në faqen zyrtare.
“Gjatë një takimi mes stafit mjekësor të Real Madridit dhe Dr. Toribio Leite për të biseduar për përparimin e Kakas, është ardhur në përfundim se niveli funksional dhne biomekanik i lojtarit është i kënaqshëm”.
“Tashmë është parashikuar një regjim i punës në stërvitje, që do ta shihte lojtarin të ribashkohet me ekipin për një afatin e paraparë kohor”, shkruan në komunikatën e klubit madrilen.

Lexo më shumë

Higuain mungon tre muaj?

Stafi mjekësor i Real Madridit ka konfirmuar se nëse nuk përmirësohet gjendja e sulmuesit Gonzalo Higuain brenda katër javëve të ardhshme, atëherë ai do të detyrohet t’i nënshtrohet operimit.
“Nëse gjendja e tij nuk përmirësohet, atëherë ai duhet të operohet. Ne tani jemi në një fazë të vlerësimit nga një specialist dhe nëse të gjitha palët pajtohen, atëherë do të ketë operim”, u shpreh Dr. Diaz, shefi i stafit mjekësor të Real Madridit.
Nëse El Pipita duhet të hyjë nën thika, atëherë periudha e riaftësimit pritet të zgjatë hiç më pak se tre muaj, që do ta detyronte Real Madridin të futej në tregun e transferimeve për një sulmues të ri.

Lexo më shumë

Drogba: Sa më i moshuar, aq më i mirë

Sulmuesi i Chelseat, Didier Drogba, ua ka tërhequr vërejtjen rivalëve të Ligës Premier se ai po hyn në formën jetësore.
“Mendoj se po përmirësohem sa më shumë që jam duke u moshuar. Unë fillova të luaj vonë në nivelin më të lartë, pasi që kur isha 25 vjeç, unë luajta një sezon për Marseille dhe më pas erdha këtu”.
“Kështu, nuk e di nëse është një gjë e mirë kjo apo jo, por ndihem se po përmirësohem pas çdo sezoni. Dhe, për shkak se fillova të luaj vonë, unë nuk ngopem së luajturi. Nuk e di kur do të pensionohem, për shkak se më pëlqen ta bëj këtë”, deklaroi Drogba.

Lexo më shumë

Ramos: Mund të rikthehemi nga debakli

Mbrojtësi i Real Madridit, Sergio Ramos beson se përkundër debaklit në El Classico, Los Blancos mund të riaftësohen nga plagët e marra në Camp Nou.
“Ishte ndeshje e rëndësishme kjo, ndërsa ekipi nuk luajti mirë, por tani më shumë se kurrë duhet të jemi krenarë dhe të përballemi me të vërtetën, të tregojmë kush është Real Madridi që pati situata të tilla në të kaluarën, por u kthye”.
“Ne duhet të punojmë me përgjegjësi të madhe dhe të përgëzojmë Barcelonën, që luajti në mënyrë fantastike. Tani është koha të jemi të bashkuar dhe të fitojmë tituj”, theksoi Ramos.
Ramos po ashtu iu përgjigj pyetjeve për kartonin e tij të kuq, pas ndërhyrjes brutale ndaj Lionel Messit dhe aktit josportiv ndaj Carles Puyolit.
“Unë ndihem keq, gabova që ndërhyna në atë mënyrë, por është e qartë se kurrë nuk kam hyrë në asnjë ndeshje për ta lënduar dikë. Unë kurrë nuk e kam lënduar dikë. Unë nuk jam krenar me atë që bëra, ndërsa u kam kërkuar falje bashkëlojtarëve të mi te Spanja, Xavit dhe Puyolit”, përfundoi Ramos.

Lexo më shumë

Robinho: Ky është viti i Milanit

Robinho tashmë ka filluar të mendojë për festat e fund-sezonit të ardhshëm, pasi që planifikon t’i fitojë të gjithë titujt.
“Unë dua të qëndroj lojtar i Milanit edhe për 10 vjet të tjera”.
“Scudetto apo Liga e Kampionëve? Unë dua gjithçka, madje edhe Coppa Italian. Ky do të jetë viti i Milanit. Më pëlqen këtu në Milano, ky është rast aq i mirë për mua, kështu që nuk dua ta lë të më ikë. Më pëlqen të luaj futboll në Itali, kështu më pëlqen këtu”, deklaroi Robinho.

Lexo më shumë

Guardiola drejt Interit?

Interi mund të detyrohet që së shpeji ta shkarkojë trajnerin Rafael Benitez, për të sjellë strategun e Barcelonës, Pep Guardiola.
Pas paraqitjes fantastike të Guardiolas ndaj Real Madridit, Massimo Moratti është fascinuar aq shumë, sa që me çdo kusht e dëshiron katalanasin në Giuseppe Meazza, edhe nëse duhet të hyjë në luftë me Chelsean.
Il Corriere dello Sport shkruan se italianët kanë qenë në kërkim të Guardiolas edhe më herët, por se tashmë e kanë plan ofertën luksoze për strategun e Barcelonës.

Lexo më shumë

Milani pas Fabianos dhe Santa Cruz

Milani e ka zhvendosur fokusin te sulmuesit Luis Fabiano dhe Roque Santa Cruz, pas deklarimeve të zyrtarëve të Cagliarit se Alessandro Matri nuk është në shitje.
Milani së pari ishte vënë në kërkim të Matrit, për të forcuar skuadrën pas lëndimit të Inzaghit, mirëpo tashmë Luis Fabiano dhe Santa Cruz janë shndërruar në caqe atraktive për Milanin, pasi që të dy të lartpërmendurit kanë pasaportë evropiane.
Për më shumë, Il Corriere dello Sport shton se ata janë në gjendje të luajnë në fazën e eliminimit direkt të Ligës së Kamionëve. Për Fabianon Milani duhet të përgatisë hiç më pak se 15 milionë euro.

Lexo më shumë

Sneijder: Mund ta fitojmë Scudetton

Mesfushori i Interit, Wesley Sneijder, beson se skuadra e tij mund ta rikthejë formën e një sezoni më parë dhe ta tejkalojë Milanin në luftën për Scudetto.
“Shikojeni, ne po vijmë prej dy fitoreve radhazi. Tani të mposhtim Lazion është o jetë o vdekje. Tre fitore do të ishin super. Është e qartë se tani nuk mendojmë për Scudetton, por ne mund ta fitojmë nëse duam ta fitojmë. Nëse mposhtim Lazion, atëherë do ta zvogëlonim distancën me Milanin dhe do të shkonim të qetë në Botërorin e klubeve”.
“Tri titujt, pesë golat në Botëror dhe finalja…shpresoj se kjo do të merret parasysh sa i përket Topit të Artë. Unë dua ta fitoj atë siç e bënë Cruyff dhe Van Basten. Unë dua të votohem si më i miri i botës”, deklaroi Sneijder që në fund foli edhe për Topin e Artë.

Lexo më shumë

Ronaldo mungon ndaj Valencias?

Real Madridi është duke e monitoruar për së afërmi situatën e superyllit Cristiano Ronaldo, i cili mund të mungojë në derbin ndaj Valencias për shkak të një lëndimi në nyje.
Ronaldo e pësoi dëmtimin në fjalë gjatë ndeshjes ndaj Barcelonës, ku CR7 pos tjerash ishte i përfshirë në disa konflikte me lojtarë të Barcelonës.
Real Madridi ndaj Valencias do të paraqitet pa sulmuesin Gonzalo Higuain, që do të operohet, ashtu si Sergio Ramos i cili është ndëshkuar me karton të kuq ndaj Blaugranëve.

Lexo më shumë

Diego nuk pendohet për largimin nga Juvja

Asi i Wolfsburgut, Diego, thotë se ai nuk është penduar aspak pse u largua nga Juventusi dhe shton se do ta bënte këtë pa kurrfarë problemi edhe në të ardhmen nëse do të kërkohej nga ai.
“Nëse do të kthehesha te Juventusi, atëherë do ta bëja zgjedhjen për të kaluar te Wolfsburgu edhe 10 mijë herë të tjera”.
“Ne kemi ekip të mirë me personalitet të mirë. Nuk duhet të jemi në vendin e 13-të në tabelën e Bundesligas. Për çdo rast ne kemi nevojë për baraspeshë dhe fokus”, u shpreh Diego.

Lexo më shumë

Ozil: Humbja në El Classico dhemb

Mesfushori i Real Madridit, Mesut Ozil, ka reflektuar pas disfatës prej 5-0 nga Barcelona në El Classico, duke thënë se ai çmontim dhemb ende.
“Unë ende nuk e kam humbur një ndeshje aq të rëndësishme aq rëndë. Kjo disfatë dhemb. Ata shënuan dy gola shumë herët, por ne kurrë nuk u dorëzuam”.
“Unë ndihem mirë edhe pse u zëvëndësova. Jose Mourinho tentoi të ndryshonte diçka, kurse unë kam besim të plotë te trajneri”, theksoi Ozil për Bild.

Lexo më shumë

Giuseppe Rossi tifoz i Milanit

Sulmuesi i Villarrealit, Giuseppe Rossi ka pranuar se është tifoz i Milanit, duke ndezur spekulime për të ardhmen e tij.
“Unë jam rritur duke shikuar Serien A dhe gjithmonë kam qenë tifoz i Milanit, sikurse babai im”.
“Sidoqoftë, po e kaloj vitin tim të katërt në Spanjë dhe së shpejti bëhem golashënuesi më i mirë në histori të Villarrealit. Unë ndihem si Zot këtu edhe pse unë tërë kohën mendoj për Italinë”, ka thënë Rossi për GQ.

Lexo më shumë

Abete: Greva e Serie A mund të shmanget

Presidenti i Federatës Italiane të Futbollit (FIGC), Giancarlo Abete, ka deklaruar se mund të shmanget protesta e Shoqatës Italiane të Futbollistëve (AIC), e paralajmëruar për 11 dhe 12 dhjetor.
“Ne e dimë se koha është e shkurtër, por kemi besim për një zgjidhje pozitive. Ne duhet të punojmë për të shmangur grevën dhe kanë mbetur edhe disa ditë, ndërsa takimi i sotëm me Komitetin Olimpik Italian (CONI) është fundamental”, theksoi Abete.
Nëse ndodh që greva të mbahet, atëherë java e 16-të në Serie A do të mbetet e pazhvilluar deri në një datë të pacaktuar.

Lexo më shumë

Galliani kërkon nga City ta shesë B45

Milani dëshiron që me çdo kusht ta shohë Mario Balotellin duke luajtur pranë Zlatan Ibrahimovicit dhe për këtë është duke bërë presion enorm te Manchester City.
“Nëse Manchester City do ta shesë Balotellin, atëherë ne do ta blejmë, por nuk mendoj se ata do ta bëjnë këtë pasi që Balotelli ka kontratë pesëvjeçare”.
“Sidoqoftë, nëse Ibrahimovic dhe Balotelli duan të luajnë së bashku, atëherë ne do ta bëjmë këtë realitet”, precizoi Galliani.

Lexo më shumë

Maradona, person Non Grata te Reali

Diego Armando Maradona thuhet të jetë deklaruar si person i padëshirueshëm përreth Real Madridit, pasi zyrtarët Merengez reaguan ashpër ndaj komenteve të legjendës argjentinase për klubin e Los Blancos.
Telam njofton se presidenti Florentino Perez dhe dora e tij e djathtë, Jorge Valdano, janë nervozuar me komentet e Maradonas që tha se Reali ishte klub i lirë për të gjithë para ardhjes së Jose Mourinhos. Mjaft mirë dihet se Valdano dhe Maradona nuk kanë marrëdhënie të mira.
Për këtë arsye, zërat nga Bernabeu thonë se Maradona ka për qëllim që ta destabilizojë klubin madrilen, sidomos pas debaklit në El Classico.

Lexo më shumë

Figo: Kupa e Botës, prioritet për Interin

Kampioni i Italisë, Inter do të udhëtojë në Abu Dhabi në fund të dhjetorit për të marrë pjesë në Botërorin e Klubeve, ku Nerazzurët sipas Figos synojnë triumfin.
“Interi ka rastin për ta fituar këtë titull prestigjioz për herë të parë në histori, që do të thotë se fitimi i tij është synim kryesor i klubit”.
“Pasi fituam Ligën e Kampionëve, Kupa e Botës për Klube është prioriteti ynë dhe kjo do ta mbyllte një vit fantastik. Ne jemi të qetë në tentim për ta marrë këtë trofe, i cili do t’i bashkohej kabinetit tashmë të plotë me trofe. Është sfidë shumë e rëndësishme për ne”, u shpreh Figo.

Lexo më shumë

Gomez dëshiron klub jashtë Gjermanisë

Sulmuesi i Bayernit të Munichut, Mario Gomez, ka thënë se nëse ai largohet nga klubi bavarez, atëherë do të shkojë te ndonjë klub jo-gjerman.
“Kalimin te Schalke kurrë nuk e mora parasysh. Unë kurrë nuk do të shkoja te ndonjë klub tjetër i Bundesligas. Pas Bayernit, ky do të ishte vetëm një hap prapa”, theksoi Gomez për Bild.
Gomez filloi të shfaqte formë të lartë vetëm pasi ishin lënduar Ivica Olic dhe Miroslav Klose, ndërsa tani është shdnërruar në lojtarin kyç të gjigantit gjerman.

Lexo më shumë

Chiellini: Në Poloni për të fituar

Mbrojtësi i Juventusit, Giorgio Chiellini, thotë se Bianconerët nuk kanë udhëtuar në Poloni për turizëm, por për të mposhtur Lech Poznan.
“Mund të duket se ne këtu jemi për pushime, por kjo është larg prej së vërtetës. Për një skuadër si ne, të kalojmë në fazën tjetër të garës është me rëndësi sepse na ndihmon për të rihyrë vitin e ardhshëm në Ligën e Kampionëve”.
“Një eliminim i hershëm do të ishte zhgënjyes, sidomos për Juventusin që dëshiron të fitojë çdo garë”, ka thënë Chiellini.
Juventusi aktualisht ka katër pikë nga katër ndeshje në Grupin A të Europa League, tri pikë më larg se Lech Poznan dhe Manchester City.

Lexo më shumë

Benitez: Jam i lumtur në Itali

Menaxheri i Interit, Rafa Benitez, thotë se ai është i lumtur në Itali dhe është duke shikuar përpara për të marrë pjesë në Kupën Botërore të Klubeve.
Benitez humbi një herë në këtë garë me Liverpooli, por shpreson t’ia dalë kësaj here me Interin.
“Vërtet po ia dal mirë në Itali, një vend me të cilin tashmë isha i familjarizuar nga pushimet e kaluara në Sardinia, por një vend të cilin po mësoj ta respektoj dita-ditës këtu në Milan”, ka thënë trajneri spanjoll.

Lexo më shumë

Totti: Barcelona, ekipi më i madh që ka ekzistuar

Kapiteni i Romës, Francesco Totti, e vlerëson ekipin e tashëm të Barcelonës si më të mirin në histori të futbollit.
Totti ka marrë frikë derisa ka parë Barcelonën të mposhtë me rezultat 5-0 Realin e Madridit.
“Kjo Barcelonë është e pamposhtshme. Nëse tre ekipe dje do të kishin luajtur ndaj Barcelonës, ata të gjitha do të kishin humbur, jo vetëm Real Madridi”.
“Lojtarët e Barcelonës ishin shkatërrues, vrapuan më pak se Madridi dhe e kontrolluan topin. Mendoj se ata janë ekipi më i mirë që ka ekzistuar ndonjëherë”, ka thënë Totti.

Lexo më shumë

Ramos: Barca më e mirë se sa tregoi rezultati

Ish-trajneri i Real Madridit, Juande Ramos, thotë se ish-klubi i tij është më shumë se pesë gola më inferior ndaj Barcelonës.
Ramos, ish-trajneri i Tottenhamit, thotë se Reali ishte goditur rëndë gjatë të hënës mbrëma.
“E vërteta dhemb, por është e vërtetë. Barcelona është më e mirë se Madridi. Ka pasur më shumë dallim në fushë se sa në tabelën e rezultatit. 5-0 nuk tregon atë çfarë ndodhi në fushë, Barcelona ishte pafundësisht më superiore se sa rezultati 5-0”, ka thënë Ramos.

Lexo më shumë

Mancini: Në dhjetor, o jetë o vdekje!

Menaxheri i Manchester Cityt, Roberto Mancini, beson se muaji dhjetor mund të jetë tregues për skuadrën e tij sa u përket gjasave për titullin në Ligën Premier.
“Ky muaj do të jetë shumë i rëndësishëm për ne, pasi kemi disa ndeshje të rëndësishme ndaj ekipeve të forta. Gjatë kësaj periudhe, ne e dimë se çfarë duhet të bëjmë. Do të jetë shumë e vështirë, sepse ne luajmë çdo të tretën ditë”.
“Por, së pari duhet ta mposhtim Salzburgun për të kaluar në fazën tjetër të Europa League. Më pas ne luajmë vetëm dy ndeshje në shkurt. Kjo do të na jep kohë për t’u përqendruar në Ligën Premier dhe ky muaj po ashtu mund të jetë shumë i rëndësishëm. Megjithatë, dhjetori është o jetë, o vdekje”, u shpreh Mancini.

Lexo më shumë

De Rossi përplaset me Borriellon në stërvitje

Tensioni është rritur në kampin Gialloros gjatë stërvitjeve të djeshme.
Tuttosport shkruan se trajneri i Romës, Claudio Ranieri, duhej të intervenonte në një zënkë në mes të Daniele de Rossi dhe Marco Borriellos, që kërcënonte të eksplodojë në shkallën më të lartë.
De Rossi ishte i shqetësuar me Borriellon, i huazuar nga Milani, rreth qëndrimit të tij në stërvitjet e djeshme dhe e sfidoi atë. Ranieri kishte dalë për t’i dhënë fund zënkës, para se ajo të dalë jashtë kontrolli.

Lexo më shumë

Lojtarët e Serie A në grevë

Shoqata Italiane e Lojtarëve (AIC), ka konfirmuar se do të mbahet një grevë e përgjithshme më 11 dhe 12 dhjetor.
Ky lajm u konfirmua nga zëvëndëspresidenti i AIC, Leonardo Grosso, i cili bëri të ditur se nuk është arritur marrëveshja për kërkesat e shoqatës së lojtarëve.
“Ne e kemi ripërsëritur qëndrimin tonë dhe dëshirën për të biseduar për gjashtë nga tetë pikat. Nga ana jonë ne kemi pasur mundësi, ne kemi ofruar një marrëveshje, por ajo nuk u arrit. Tashmë është deklaruar greva për 11 dhe 12 dhjetor”, theksoi Grosso.
Kjo grevë e futbollistëve italianë vjen pas kërkesave të tyre për rregulla të reja për lojtarët të cilët janë jashtë formacioneve startuese dhe keqtrajtohen nga klubi, siç ishte rasti i Goran Pandev vitin e kaluar te Lazio dhe tani i Antonio Cassanos te Sampdoria.
Ndeshjet të cilat nuk do të mund të luhen në afatin e paraparë për shkak të kësaj greve janë Juventus – Lazio, Roma – Bari dhe Bologna – Milan, ashtu si gjashtë ndeshje tjera të rëndësishme.

Lexo më shumë

Benitez: Liverpooli është ende në zemrën time

Rafa Benitez thotë se ai ende ka në zemër Liverpoolin dhe se përcjell çdo lajm që lidhet me ish-klubin e tij.
Benitez u largua nga Liverpooli në fund të sezonit të kaluar pas një marrëveshje të dyanshme me drejtuesit e klubit, dhe shpejt u caktua si pasues i Jose Mourinhos te Interi. Por spanjolli ka thënë se ai ende ka emocione për Redsat.
“Duhet të them se Liverpooli është ende në zemrën time dhe edhe nga distanca i përcjell lajmet e fundit në klub. Kam një raport fantastik me fansat e Kuq dhe jam i lumtur që disa prej tyre së fundi erdhën të më vizitojnë mua në San Siro për ndeshjen Inter-Tottenham, një ditë para ndeshjes Napoli-Liverpool”, ka thënë Benitez.

Lexo më shumë

Ferguson pozitiv pavarësisht humbjes

Bosi i Manchester United, Sir Alex Ferguson thotë se disfata prej 4-0 nga West Ham United në ndeshjen e Carling Cup ka ardhur si befasi për të.
Megjithatë, menaxheri ka folur pozitivisht pavarësisht rezultatit zhgënjyes.
“Nuk e kam pritur këtë, kjo është e sigurt. Por nëse analizoni se pse humbëm, golat që i dhuruam ishin të butë. Nuk mund të jepni gola të tillë në këtë shkallë”, ka thënë Ferguson.
Mbrojtja e United përbëhej nga një 20-vjeçar (Fabio), një 21-vjeçar (Chris Smalling), dhe një 22-vjeçar (Jonny Evans), dhe Sir Alex beson se ata kanë marrë një mësim që kurrë nuk do ta harrojnë.
“Ata janë gjithë lojtarë të rinj. Ne kemi investuar në të rinjtë, ne ia kemi dalë mirë gjatë viteve, dhe ata do të përfitojnë nga kjo. Ata do ta mbajnë mend natën e sotme. Është për të ardhur keq që ishte çerekfinale dhe ne kishim një mundësi të mirë ta fitojmë atë sërish këtë vit”, ka thënë strategu skocez.

Lexo më shumë

Santa Cruz incizon këngë

Sulmuesi i Manchester Cityt, Roque Santa Cruz, ka lansuar një singël muzikor.
Santa Cruz shpreson se mjaft njerëz do ta shkarkojnë këngën dhe do të ndihmojnë krijimin e fondeve për të ndihmuar fëmijët e paprivilegjuar në kryeqytetin paraguaian Asuncion.
“Kur jam rritur në Paraguai, kam përjetuar shumë varfëri rreth meje. Tash statusi im profesional i lojtarit të futbollit më lejon t’u ndihmoj të tjerëve”, ka thënë 29-vjeçari.

Lexo më shumë

Higuain mund të operohet

Kjo javë për Real Madridin po shndërrohet në javë tmerri, pasi pas shkatërrimit nga Barcelona, thuhet se tani sulmuesi Gonzalo Higuain mund t’u nënshtrohet thikave për t’u riaftësuar.
Higuain nuk ka luajtur që nga 20 nëntori për shkak të një lëndimi, madje as që është paraqitur ndaj Barcelonës në El Classico.
Sipas sportives katalanase El Mundo Deportivo, mjekët e Los Blancos frikësohen se është një lëndim më serioz ai në shpinë, përderisa Marca pohon se operimi është i pashmangshëm për El Pipitan. Mendohet se 22-vjeçari vuan nga hernia në shpinë.

Lexo më shumë