Casillas dëshiron që Gerrard të mos ishte

Portieri i Real Madridit, Iker Casillas, e ka bërë të qartë se kujt ia ka frikën në përballjen e të martës mbrëma në Anfield kundër Liverpoolit, dhe ky është kapiteni Steven Gerrard.
“Po shkojmë atje të fitojmë që nga minuta e parë. E kemi rikthyer dominimin tonë në Spanjë (dy vitet e fundit) dhe tash dëshirojmë ta rindërtojmë hegjemoninë tonë në Evropë”. “Kam dëgjuar se Anfield është një vend i veçantë. Kjo gjë më motivon dhe shpresoj që të shënojmë fitore atje”. “Cilado fitore do të na dërgonte në çerekfinale, kuptohet përveç fitores 1-0 që do të na dërgonte në vazhdime”. “Nëse do të varej nga unë, do ta largoja Steven Gerrardin nga skuadra e tyre. Mirëpo, kur mendoj sërish, edhe pse ai nuk pati ndonjë rol të madh në Bernabeu, Liverpooli prapëseprapë fitoi”, është shprehur portieri spanjoll.

Category: Futboll