Galatasaray ndal Hamburgun me dhjetë lojtarë
Skuadra turke Galatasaray ka arritur të nxjerrë një rezultat të favorshëm në ndeshjen e parë të 1/8 të finales së Kupës UEFA si mysafir i Hamburgut.
Ndeshja e zhvilluar të enjten mbrëma në Nordbank Arena ndërmjet Hamburgut dhe Galatasarayt ka përfunduar me rezultat të barabartë 1-1. Turqit kaluan të parët në avantazh me golin e Ayhan Akman në minutën e 32-të, por në minutat e para të pjesës së dytë (49’) vendasit barazuan rezultatin, ndërsa golashënues ishte Marcell Jansen. Nga minuta e 53-të mysafirët mbetën me një lojtar më pak në fushë, pasi që Emre Aşık u përjashtua me karton të kuq. Përkundër mungesës së një lojtari, Galatasaray arriti ta menaxhojë deri në fund rezultatin, duke bërë që në ndeshjen e kthimit të jetë skuadër e favorizuar.
Category: Futboll
0 Komente