Kaka: Dua të qëndroj te Milan dhe kjo gjë ka marrë fund

Superylli i Milanit, Ricardo Kaka, e ka përsëritur dashurinë e tij për Rossonerët duke i siguruar tifozët që nuk dëshiron të largohet nga San Siro.
Megjithatë, zëvendëspresidenti Adriano Galliani më herët është shprehur kundër dëshirës së lojtarit, duke deklaruar se kuqezinjtë do ta kenë vështirë ta mbajnë brazilianin nëse bëhet ndonjë mega-ofertë. “Do ta them për herë të fundit: Nuk dua të largohem nga Milan”. “Nuk dëshiroj të them asgjë sepse mund të ndodh të keqinterpretohem ose të manipulohem”. “Vetëm dua t’u them miliona tifozëve Rossonerë se unë e kam marrë vendimin tim: Dëshiroj të qëndroj!”. “Unë dëshiroj të vazhdoj të fitoj me Milanin, do të qëndroj te Milan dhe kjo gjë ka marrë fund”, është cituar Kaka nga “La Gazzetta dello Sport”.

Category: Futboll