Pele: Isha fans i Liverpoolit, tash jam i United
Ish-sulmuesi i kombëtares braziliani, me të cilin Manchester United u përpoq të nënshkruajë në vitet e gjashtëdhjeta, beson se Liga Premier është spektakli më i mirë në botë. “Gjithmonë më kanë pëlqyer ekipet angleze. Në vitet e 1970-ta dhe 80-ta kam qenë fans i Liverpoolit. Nuk e di pse, ndoshta sepse ata ishin top-ekip aso kohe”, ka thënë 68-vjeçari. “Në 10 ose 15 vitet e fundit jam kënaqur duke përcjellë Manchester United. Ata luajnë në mënyrën e duhur dhe, në Brazil, Manchester United është ekipi më i popullarizuar. Premier League është liga më emocionuese në botë për t’u shikuar, nuk ka dyshime”, ka shtuar Pele.
Category: Futboll
0 Komente