Calciopoli i ri mund ta detyrojë Morattin ta shesë Interin

Presidenti i Interit, Massimo Moratti, mund t’ia kthejë shpinën klubit duke e shitur atë pas pohimeve të fundit të bëra na Gjykatën e Napolit në lidhje me Calciopolin.
Të hënën, Moratti sqaroi se pse babai i tij Angelo Moratti deshi ta shiste klubin në vitin 1960 pas presioneve të mëdha nga shtypi.
“Ne kishim arritur në një pikë kur ishim prekur nga kritikat e shtypit. Natyrisht, tani presioni është me miliona herë më i madh”, tha Moratti sipas Tuttosport.
Është pikërisht Tuttosport gazeta që pohon se nëse ndodh që të zbulohet një Calciopoli i ri, atëherë shumë lehtë Moratti do të zbriste nga froni presidencial i Interit për ta vënë klubin në shitje.

Category: Futboll