Capello menaxheri më i pasur në Britani

Italiani 63-vjeçar ka një pasuri prej 34 milionë funtesh dhe ka dalë të jetë menaxheri më i pasur në listën e Sunday Times për vitin 2010.

Kontrata e Capellos me Federatën Angleze të Futbollit raportohet se i sjell atij 6.4 milionë funte në vit, që e bën atë edhe menaxherin më të pasur që ka drejtuar kombëtaren angleze ndonjëherë.

Befasisht, ish-mesfushori i Manchester United, Roy Keane, është gjendur i dyti, duke e tejkaluar ish-bosin e tij Sir Alex Ferguson, derisa menaxheri i Chelseat, Carlo Ancelotti, qëndron i katërti.

Lista e Sunday Times Sport për menaxherët më të pasur të futbollit:

1. Fabio Capello, Angli, pasuria e vlerësuar 34 milionë
2. Roy Keane, Ipswich Town, 30 milionë
3. Sir Alex Ferguson, Manchester United, 24 milionë
4. Carlo Ancelotti, Chelsea, 21 milionë
5. Giovanni Trapattoni, Republika e Irlandës, 18 milionë
6. Arsene Wenger, Arsenal, 17 milionë
7. Sven-Goran Eriksson, Bregu i Fildishtë, 16 milionë
8. Roberto Mancini, Manchester City, 13 milionë
9. Rafa Benitez, Liverpool, 11 milionë
10.Steve Bruce (Sunderland), Mark Hughes (Manchester City, 2008-09), Martin O'Neill (Aston Villa), Ole Gunnar Solskjaer (rezervat e Manchester United), Gianfranco Zola (West Ham United) – të gjithë me një pasuri të vlerësuar me rreth 10 milionë.