Moratti: Interi duhet të fokusohet te Scudetto

Presidenti i Interit, Massimo Moratti, u ka bërë thirrje lojtarëve të tij që të mos neglizhojnë Serien A për t’u koncentruar vetëm te ndeshja kundër Barcelonës në kuadër të Ligës së Kampionëve.
“Ne duhet të jemi shumë të kujdesshëm në kampionat sepse mund të jetë e tmerrshme nëse e humbasim, pasi ekipet tjera janë afruar dhe duhet të jemi të kujdesshëm”.
“Barcelona dhe Messi? Messi është lojtar i jashtëzakonshëm. Më pëlqen që e shoh duke u përmirësuar, por shpresoj se nuk do të luajë edhe ndaj nesh në atë mënyrë”.
“Natyrisht, do të jetë ndeshje tejet e vështirë por ne do të përballemi me të me gjithë përgjegjësinë e nevojshme dhe ndeshja kthyese do të jetë shumë interesante pas asaj që ndodhi herën e kaluar”, deklaroi Moratti.

Category: Futboll