Van Basten: Nuk është koha të flas për Milanin

Marco Van Basten ka pranuar se është duke e shqyrtuar mundësinë për të marrë në drejtim skuadrën e Milanit, ndërsa thotë se për Rossonerët e ka në plan të mendojë kur të përfundojë sezoni.
“Për momentin nuk mund të them asgjë, nuk mendoj se tani është koha e duhur për të folur për këto gjëra. Milani është duke luajtur ende në Serie A. Askush nuk më ka kontaktuar edhe pse e pranoj, është shumë ndjenjë e mirë të flas për këtë çështje”.
“Për çdo rast them se unë vetëm kam ardhur në Milano dhe nuk mendoj se tani është koha e duhur të flasim për këtë. Unë do të mendoj për të ardhmen time vetëm kur Milani të sigurojë pozitën e tretë”, tha Van Basten menjëherë pas aterrimit në Malpensa të Milanos, qytet në të cilin holandezi thotë se do të qëndrojë për punë private.

Category: Futboll