Ronaldo kërkon më shumë mbrojtje nga referët

Ylli i Real Madridit dhe kombëtares së Portugalisë, Cristiano Ronaldo është i pakënaqur me trajtimin që ka marrë nga lojtarët e Bregut të Fildishtë në takimin e djeshëm në kuadër të ndeshjes së grupit H të Botërorit.
Ronaldo ka qenë i pakënaqur edhe me mënyrën se si referët kanë lejuar që lojtarët kundërshtarë ta faulojnë atë pa ndonjë ndëshkim, dhe ka kërkuar nga ata t’i mbrojnë lojtarët më të mirë në fushë.
“Referët duhet t’i mbrojnë lojtarët më të aftë kur ata faulohen nga kundërshtarët. Një prej lojtarëve të tyre më fauloi mua në pjesën e parë dhe unë mora karton të verdhë për këtë. Nuk e kuptoj. Kur janë tre kundër një, siç ishin kundër meje, nuk është e drejtë të më ndëshkosh mua. Është vështirë për mua të marr faul, pasi referët mendojnë se mashtroj”, ka thënë Ronaldo për The Sun.

Category: Afrika e Jugut 2010