Sneijder: Fitorja e parë, më e rëndësishmja

Holanda e theu mbrojtjen e fortë daneze në sfidën e zhvilluar në mesditën e të hënës, duke e fituar ndeshjen me rezultat 2-0, kurse njëri ndër akterët kryesorë, Wesley Sneijder, u shpreh i ngazëllyer me fitoren e parë të kombëtares ‘Portokalli’.
“Fitorja e parë është gjithmonë më e rëndësishmja. Ne nuk luajtëm mirë në pjesën e parë, por ne luajtëm mirë në pjesën e dytë të ndeshjes. Ne jemi të kënaqur me rezultatin dhe tani po mendojmë për ndeshjen e dytë”.
“Është shumë herët të themi se Holanda mund ta fitojë Botërorin. Ne nuk luajtëm mirë por fituam 2-0. Nuk dua të vë bast në Holandën për ta fituar trofeun, sepse unë nuk luaj bastore, sidomos nuk vë bast mbi vetveten”, është shprehur pas ndeshjes Sneijder.

Category: Afrika e Jugut 2010