Xavi: Nuk luajtëm mirë ndaj Kilit

Mesfushori spanjoll, Xavi, ka thënë se Furia e Kuqe nuk luajti mirë ndaj Kilit, përkundër faktit se shënoi fitore dhe siguroi pozitën e parë në Grupin H.
“Ne jemi të parët në grup dhe këtë e kemi arritur ndaj një klubi të fortë si Kili. Ne vuajtëm shumë. Ne është dashur të varemi nga impenjimet individuale për të arritur në pozitën e parë. Ne nuk kemi luajtur mirë. Tani luajmë ndaj Portugalisë, një rast i mirë për të shkuar më tej, për shkak të gjeneratës së mirë të lojtarëve që kemi”, theksoi Xavi.
Spanja në rrethin tjetër takohet me Portugalinë, në një nga dy superndeshjet e 1/8 së finales.

Category: Afrika e Jugut 2010