Bobic të bisedojë me Realin për Khediran

Drejtori i sapoemëruar sportiv i Stuttgartit, Fredi Bobic, ka thënë se ai do të intervenojë dhe së shpejti pritet ta sqarojë të ardhmen e mesfushorit Sami Khedira.
“Kontrata e Khediras do të skadojë pas një viti, që do të thotë se ai do të lejohet të largohet nga Stuttgarti si transfer i lirë. Kjo nuk do të ishte mirë për një biznes si Stuttgarti. Ne do të kishim pasur dëshirë ta zgjasnim kontratën e Khediras, por është në dorë të tij. Ne do të bisdojmë në ditët në vijim”.
“Nëse e shesim Khediran, atëherë të ardhurat do të investohen në lojtarë të rinj, por jo në zëvëndësim të Khediras me një lojtar të nivelit të Khediras. Nuk na nevojitet ajo, ne kemi tre lojtarë në skuadrën tonë që mund të luajnë në pozitën e tij. Natyrisht, do të vijnë edhe disa lojtarë”, ka thënë Bobic.

Category: Futboll