Mancini lëvdon Balotellin pas debutimit me gol

Mario Balotellit iu deshën vetëm 16 minuta lojë për të shënuar golin e fitores për Manchester Cityn në sfidën e Europa League ndaj Timisoaras, që përbëu debutimin e supertalentit italian në fanellën e ‘qytetarëve’.
“Ai pati debutim të mrekullueshëm dhe jam i kënaqur që ai shënoi. Ai është lojtar i mirë. Natyrisht, ai duhet të përmirësohet dhe t’i njohë të gjithë. Ishte hera e parë që ai luajti me këtë ekip”.
“Ishte ndeshje e vështirë për shkak se Timisoara është ekip i mirë dhe luajti mirë në pjesën e parë. Në fund, ishte një rezultat i mirë për ne. Por, ata na e bënë të vështirë me aq shumë lojtarë në mbrojtje. Të gjithë luajtën mirë, sidomos në pjesën e dytë kur topi lëvizte më shpejtë. Futbolli është i çuditshëm. Kur mendoni se ju mund të fitoni lehtë, ju duhet të keni përqëndrim maksimal”, u shpreh Mancini pas ndeshjes.

Category: Futboll