Scholes: Nuk di kur të penzionohem

Njeriu i ndeshjes në shkatërrimin prej 3-0 ndaj Newcastle United, Paul Scholes, ka deklaruar se ai nuk e di se kur do të penzionohet dhe përderisa është në top formë, ai do të vazhdojë të luajë në nivelin më të lartë.
“Gjëja më e rëndësishme është ta fitojmë ndeshjen. Ne kemi mundur të shënojmë më shumë gola, por tani kemi një fitore prej 3-0 në start të sezonit. Newcastle u mbrojt mirë, u mbrojt thellë. Ne nuk filluam dhe aq mirë, por kur shënuam, atëherë ishim rrezik konstant. Shumë ekipe vijnë këtu dhe tentojnë të na e bëjnë të vështirë, por ne jemi të duruar dhe e mbajtëm mirë topin”.
“Penzionimi? Nuk i kam vënë vetes kufinj, unë do të vazhdoj të eci, do të vazhdoj të luaj mirë, do të vazhdoj të qëndroj në ekip për të parë se deri ku mund të arrij”, tha Scholes pas ndeshjes.

Category: Futboll