Adebayor: Nëse nuk luaj, largohem

Sulmuesi i Manchester Cityt, Emmanuel Adebayor, është duke punuar maksimalisht që ta ringjallë karrierën e tij te klubi nga Eastlands, por ka pranuar se ai do ta shqyrtojë largimin nëse nuk fillon të luajë rregullisht.
“Si është të luash kundër Juventusit? Efekti është që po luaj ndaj ekipit me të cilin isha lidhur për një transferim gjatë verës. Kur thashë se nuk jam i vendosur për ta mbyllur karrierën time në Angli, unë kurrë nuk e përmenda Juventusin. Por, do të gënjeja nëse nuk them se Juve është një nga klubet më fascinante të globit”.
“Mancini? Ne kemi biseduar me sinqeritet dhe unë dua të luftoj për pozitën startuese. Megjithatë, nëse nuk luaj, do të ishte pa sens nëse nuk shikoj përreth. Unë kam lexuar shumë gjëra për mua, por ato ishin të pa vërteta. Unë kurrë nuk u kam dërguar klubeve tjera mesazhe”, tha Adebayor.

Category: Futboll