Traore: Juventus një klub i madh

Mbrojtësi i Arsenalit, Armand Traore, është i kënaqur me huazimin e tij te Juventusi.
21-vjeçari erdhi në Olimpico të Torinos për të konkurruar për një vend në fushë me Paolo De Ceglie.
I brohoritur nga fansat e Juventusit: “Traore, je i madh”, lojtari është përgjigjur: “Jo, është Juve që është klub i madh, ky është vërtetë një klub i madh”.
Së fundi mediat shkruan se Juventusi ka opsion për të nënshkruar me lojtarin edhe në mënyrë të përhershme, edhe pse u raportua se lëvizja e tij ishte një huazim i pastër.
Por Juve raportohet se ka paguar edhe 500 mijë euro shtesë, për të pasur privilegjin e nënshkrimit të tij për një shumë rreth 4.5 milionë euro në fund të sezonit.

Category: Futboll