Acarrohen raportet e Interit me Sneijder

Asi i Interit, Wesley Sneijder dhe kërkesat e tij për rritje të pagës në kontratën e re, nuk kanë hasur në mirëkuptimin e zyrtarëve Nerazzur, duke çuar kështu në acarrimin e marrëdhënieve.
Il Giorno njofton se Sneijder ka qenë në bisedime me Nerazzurët së fundmi për një kontratë të re, me ç’rast dhe ka kërkuar një rritje të pagës së tij nga 4 milionë në 6.5 milionë euro për sezon.
Sidoqoftë, Interi nuk është i gatshëm që të pranojë një kërkesë të tillë të një prej mesfushorëve më të mirë në botë. Thuhet se kërkesat për rritje të pagës nga Sneijder vijnë për shkak të interesimit të Real Madridit dhe Barcelonës.
Kësaj i shtohen dhe spekulimet që flasin se Interi po e kërkon asin e Palermos, Javier Pastore, përkundër faktit se Maurizio Zamparini ka thënë se Interi nuk është në gjendje të paguajë 60 milionë euro për argjentinasin.

Category: Futboll