Redknapp i kënaqur me formën e Gallas

Menaxheri i Tottenhamit, Harry Redknapp, është ndarë i kënaqur me paraqitjen e William Gallas në fitoren e vikendit ndaj Fulhamit.
Gallas u lëndua që në fillim të sezonit të tij të parë në White Hart Lane dhe të shtunën ishte ndeshja e tij e parë pas një muaji.
“Ai erdhi të enjten në mëngjes – hera e parë që ai ishte në gjendje të stërvitej. Isha i kënaqur me atë që bëri për ne. Bassong po ashtu luajti mirë me të në mbrojtje”, ka thënë Redknapp për ish-kapitenin e Arsenalit.
“Ai duhet të luajë – nuk ka asnjë tjetër! Nëse ai do të jetë në gjendje të luajë tre ndeshje në javë, do të jetë vështirë. Mbase do të duhet ta shfrytëzoj shansin të mërkurën [kundër Interit]”, ka shtuar trajneri anglez.

Category: Futboll