Sensi ndalon të gjitha intervistat

Presidentja e Romës, Rosella Sensi, ka ndaluar të gjitha intervistat për të gjithë pjesëtarët e stafit të klubit.
Roma është vetëm një pikë larg fundit të tabelës pas gjashtë javësh dhe është pushtuar nga kundërthëniet sa u takon iritimeve të Francesco Tottit dhe Marco Borriellos pas zëvendësimeve.
“Mendoj se në momente të vështira, veçanërisht në sport, puna është mjekimi më i mirë. Ne duhet të japim përgjigje me vepra dhe jo me fjalë. Kjo arrihen me djersitje gjatë stërvitjeve, ushqim të shëndetshëm dhe sjellje të mirë”.
“Në sport ekipi është ai që duhet të funksionojë dhe ne kështu edhe do të dalim nga kjo situatë. Ka heshtje në media, por çdokush mund ta shprehë veten gjatë të shtunës, 16 tetor, kundër Genoas”, ka thënë Sensi në deklaratë.

Category: Futboll