Wenger: Nuk jam i interesuar për Rooneyn

Menaxheri i Arsenalit, Arsene Wenger, ka përjashtuar mundësinë për t´iu bashkuar garës për të marrë shërbimet e sulmuesit të Manchester United, Wayne Rooney.
Pas fitores ndaj Shakhtar Donetsk, Wenger është pyetur në lidhje me mendimin e tij rreth rastit Rooney.
"Është një ngjarje për të cilën jam i kënaqur që e lexoj në gazeta, por do të doja të qëndroj jashtë saj. Kjo do të thotë se ne nuk do të blejmë askënd, ne kemi mjaft sulmues".
"Sonte e kishim Bendtner, Walcott në stol, Arshavin në stol dhe Van Persie të lënduar. Çfarë bëjmë me të gjithë ata lojtarë? Nuk jemi të interesuar për të blerë. Ne nuk jemi në treg. Është 18 tetori, afati kalimtar hapet më 1 janar", ka thënë Wenger.

Category: Futboll